WM Café & Bar (雅濤居購物商場)

营业中

休息中

入馬鞍山探老友，他推介新開張的馬鞍山鞍駿街15號，雅濤居購物商場地下G01B號舖，WM Café & Bar 。餐廳環境空間頗大，裝修優雅，卡位寬敞，坐得很舒適。我們點左威靈頓牛柳$128套餐，外層脆脆的酥皮包住牛柳焗，牛柳成寸厚是嫩紅的很腍滑，超正極好食。龍蝦湯，味道香濃，好creamy ，配餐包一起食，極不錯，鹿兒島黑豚西冷配檸檬帶子青蘋果絲 $98，帶子表面燒得金黃色，鮮甜肉嫩，黑豚西冷煎得香噴噴，有肉香味超正呀！加$8廚師沙律，很新鮮又清甜。加$12檸檬🍋蛋糕🍰， 很香滑。餐飲是咖啡☕️和檸水。

喺馬鞍山區大部分都係連鎖店，所以有時試下小店反而會有驚喜，見佢新開所以一於決定幫襯下。Dinner set menu 比較簡單，係忌廉龍蝦湯 + 主菜 + 飲品，覺得唔夠嘅話，仲可以加錢追加薯菜/沙律/甜品等。我同朋友分別揀左 WM威靈頓牛柳($128)、鹿兒島黑豚西冷配檸檬帶子青蘋果絲($98)、凍檸茶(凍飲加$4)餐包 ：夠鬆軟，切開塗牛油黎食忌廉龍蝦湯 ：呢個非常之有驚喜，平時平民西餐廳都係紅湯白湯，飲落普普通通。估唔到呢到餐湯係忌廉龍蝦湯之餘，仲要係超符想像咁好味，香味非常香濃，入口CREAMY，仲有DD龍蝦仔肉添，飲得出落足心機鹿兒島黑豚西冷配檸檬帶子青蘋果絲：無論黑豚西冷同帶子都煎得唔錯，再加上檸檬汁同青蘋果絲少少酸甜感，食落個味道幾FRESHWM威靈頓牛柳：威靈頓牛柳都算係喜愛嘅經典菜色之一，烹調方法比較繁複，以呢個價錢食到都幾超值牛柳肉質嫩滑唔鞋口，加上外層脆皮同D調味醬料一齊食，口感同味道都幾豐富佢呢2款主菜都有岩鹽放喺隔離，有需要可以點少許黎食，更添美味同埋佢仲有薯蓉同沙律菜伴碟，食埋就啱啱夠飽2人加一後埋單$257.4，以呢個價錢食到有質素嘅西餐，絕對超出期望，值

新開張試業，見價錢幾平於是試下。叫左 意式炸雞味既雞翼、威靈頓牛柳跟餐送龍蝦湯，加$8有薯菜等左15分鐘都未有餐湯，同侍應講，侍應check完單，都隔左一陣先比湯雞翼熱辣辣，但一d咸味都無,更何況意式炸雞味加左$8既薯菜,好似比人食左幾條咁,菜就得一舊西蘭花威靈頓牛柳，剛剛出爐，夠熱、味道正常配菜就有薯蓉、一粒車厘茄同一舊無味既白烚西蘭花成餐飯就威靈頓牛柳同龍蝦湯叫做ok 但雞翼同其他配菜就極度一般 無下次

因為朋友住喺馬鞍山，探完佢之後就去咗附近新開嘅呢間西餐廳，見到餐牌價錢都合理，望入去環境又好似幾好，適合朋友傾計，所以就二話不說入去試吓。我哋叫咗兩個晚餐，每個都只係$88 ，已包括餐湯餐包及煮食。晚餐來講都算幾抵，煮食方面，都有特別嘅嘢食，我哋叫咗脆炸軟殼蟹墨汁意粉和鵝肝鴨肉意大利飯。脆炸軟殼蟹墨汁意粉上菜時到令人有驚喜，因為竟然真係有一隻完整嘅蟹，炸到脆卜卜，但係細細隻嘅擺喺意粉面上面，真係好趣緻。軟殼蟹好味，個意粉都炒得很好，麥汁㗎好香嘅蒜蓉炒意粉，意粉質地彈牙，整體感覺良好。令一個鵝肝鴨肉意大利飯嘅份量都幾大，意大利飯嘅汁都夠濃郁，鵝肝有兩篇細細篇，鴨肉就同啲飯一齊煮，整體比較龍未，如果喜歡清淡嘅朋友，應該比較喜歡墨汁意大利粉。餐飲方面我哋加咗錢飲兩個梳打，一個係熱情果菠蘿梳打另一個就係茉莉青蘋果梳打，兩個嘅感覺都好Fresh，而且非常特別，個樣亦都好靚，令呢一餐飯添上完美嘅句號。

次次系馬鞍山食嘢都系新港城裡面今次就行系遠少少食😋😆次次經呢度門口都見店內人都唔少入到去望望meau👇🏻小有餐廳包埋龍蝦餐湯😻我今次就叫咗個B餐 西冷扒餐龍蝦湯雖然無話入口好多湯料嗰啲但系都好夠滑 而且同上面啲忌廉都好襯我就加咗$9飲熱朱古力🍫呢個真系好推介丫！勁香勁滑 仲有拉花tim丫！佢又唔太甜但又唔會帶少少苦澀如果一向都好鍾意飲朱古力既話一定要試！最後主菜上枱na！雖然系lunch 但西冷扒夠大塊🤣 唔會縮晒水而且意粉分量適中 不多不少好夠醬汁 而且汁嗰味唔會話太濃太鹹 姐晒肉味😋走既時候發現佢有個室內既outdoor位都幾靚🥰都見好多人叫杯嘢飲就坐低傾計～

放假去咗馬鞍山探下朋友仔，之後一齊落咗樓下附近行吓同順便食埋午餐，見到呢間餐廳都有幾多人幫襯，而且午餐選擇都有十八款咁鬼多，所以就入咗去幫襯。美國西冷牛扒配燒汁 ($62) : 餐湯係忌廉龍蝦湯味道都唔錯，不過如果有埋少少龍蝦肉食到就更好喇 😆 西冷牛扒都算幾大塊不過賣相就有啲似求求其其嘅快餐咁 😅 味道話佢好好食又未至於，話佢難食又唔係，中規中矩啦無咩特別吸引之處，不過以西餐廳價錢黎講係較出面抵食少少既。

豬柳芝士漢堡包Average ge。 味道清甜 薯條吾新鮮 凍左有點乾乾地。 茄汁偏甜 我個人鍾意的口味。 主角豬柳芝士漢堡： 味道ok. 菠蘿應該係罐頭的，偏林，fresh 就更正了還可以輕微煎香。 有些少生菜脆口。， 可以再多一dd，個人覺得大塊d 增加脆口度，再好味。 豬柳配有mw 獨家汁。味道吾錯。 不過很未有突出的獨有特色口味。 2.5-3 星。包面有butter 食到牛油香。Waiter 都好快手。 佢地的凍檸水 無糖的，但上餐時無配syrup.

今天起身遲左，見呢間鋪新開，諗住入去試下早餐。非常失望。我同太太叫左雞扒番茄螺絲粉同雞扒丁面，兩個餐配左牛角包炒蛋，兩杯野飲凍奶茶熱檸茶。等左半個幾鐘，隔離枱食完，都未來。我地問番原來漏左單，唯有請佢地再落過。再落完又等左20分鐘，跟住先來一個餐，食物全凍。我太太個個再過多10分鐘先到（全凍）。未有野飲。最後再催多次下，來左杯凍奶茶，熱檸茶唔見影。臨走埋單時同收銀位肥肥的男仔溝通，我話上菜有的慢，鋪面唔夠人手應該諗辦法解決。佢話「已經盡力滿足要求」。姑勿論食物質素低下、雞扒炸焦的問題，如果重覆漏單、拖延上菜都叫左「盡力滿足要求」，未免太過視顧客如無物。作為馬鞍山居民，對呢間餐廳服務質素同態度極度失望。馬鞍山本身好野食唔多，但呢種服務同質素，仍然讓人大開眼界。希望馬友們唔好縱容呢的無視顧客的新餐廳。

之前有朋友同我講過 馬鞍山有間 抵食又唔錯嘅餐廳!， 今日同比卡 喺馬鞍山 玩完 就順便去埋呢間餐廳，一家三口行到 餐廳門口， 望到 地方都大幾闊落，又可以擺到BB車，職員都好詳細講解晚餐餐牌，最後我地叫咗WM龍蝦汁海鮮法國軟包同埋鹿兒島黑豚西冷配檸檬帶子青蘋絲；先嚟龍蝦湯同羅宋湯加兩片麵包，龍蝦湯比起某間大型連鎖快餐係優勝嘅，味道較為濃郁，羅宋湯就係我喜愛較酸嘅味道，醒胃!連比卡豬都自己揸住塊麵包點湯嚟食!WM龍蝦汁海鮮法國軟包，包身好軟熟，配上凍嘅沙律醬、龍蝦肉、蝦肉，雞蛋造成嘅餡料，好特別；黑豚西冷係超級滿分，估唔到會咁好食，煎得剛剛好，香軟而肉汁豐富，帶子都俾佢搶哂風頭，再估唔到嘅係配上嘅薯蓉，連我老公呢個唔食薯蓉兼好似有仇一樣嘅都讚好食，呢度嘅薯蓉唔係全蓉，有小小薯粒在內，真係非常好食，喜愛薯蓉嘅我當然讚不絕口啦!薄荷青檸梳打好清新，飲完個人覺得好fresh!呢間餐廳一定會再幫襯，價錢真係算平，好滿意!

今次已經係第二次嚟呢間西餐廳，因為上次食過覺得幾好食，同埋環境好舒服很好坐，所以都成為左我們喺呢區嘅飯堂選擇之一。呢度嘅晚餐最平只需要$68 ，已經包左有餐湯餐包同埋煮食。最平嘅係慢煮留心蛋卡邦尼意粉，我哋今次都食咗呢個，意粉汁好香，而且好滑，溫泉蛋配合埋卡邦尼意粉真係絕配。餐湯方面有兩個選擇，有龍蝦湯同蕃茄湯，龍蝦湯有香濃嘅龍蝦味，個人口味覺得稍為鹹咗少少，淡番一啲會比較好。。令一個煮食我哋叫咗威靈頓牛柳，呢個真係好特別嘅牛扒，唔係普通嘅扒咁簡單，而係後樓係用一層好似酥皮嘅包住焗，所以外側有個好送飯嘅酥皮，而牛肉就可以保存到肉汁，而且可以比較嫩，呢個真係令人眼前一亮及好深刻嘅煮食。

諗住帶比卡豬去馬鞍山FreeZone俾佢爬吓跳吓放吓電，點知去到先知關門大吉，唯有去隔離冒險啦!玩完比卡叫肚餓要食飯，行落樓下見到呢間餐廳，一家三口行入去開餐，地方都大幾闊落，又可以擺到BB車，職員好詳細講解晚餐餐牌，最後我地叫咗WM龍蝦汁海鮮法國軟包同埋鹿兒島黑豚西冷配檸檬帶子青蘋絲；先嚟龍蝦湯同羅宋湯加兩片麵包，龍蝦湯比起某間大型連鎖快餐係優勝嘅，味道較為濃郁，羅宋湯就係我喜愛較酸嘅味道，醒胃!連比卡豬都自己揸住塊麵包點湯嚟食!WM龍蝦汁海鮮法國軟包，包身好軟熟，配上凍嘅沙律醬、龍蝦肉、蝦肉，雞蛋造成嘅餡料，好特別；黑豚西冷係超級滿分，估唔到會咁好食，煎得剛剛好，香軟而肉汁豐富，帶子都俾佢搶哂風頭，再估唔到嘅係配上嘅薯蓉，連我呢個唔食薯蓉兼好似有仇一樣嘅都讚好食，呢度嘅薯蓉唔係全蓉，有小小薯粒在內，真係非常好食，喜愛薯蓉嘅太座當然讚不絕口啦!薄荷青檸梳打好清新，飲完個人覺得好fresh!呢間餐廳一定會再幫襯，價錢真係算平，好滿意!

秋高氣爽，好適合去行山，所以假期約了朋友去行山，路線是馬鞍山到西貢，就在馬鞍山食lunch~WM cafe & Bar 環境看上不錯，而且價錢經濟，值得一試。餐飲是凍檸水、凍檸茶，甜度來得剛好。餐湯是忌廉龍蝦湯，湯味濃郁，而且將幾幼滑。芝士焗肉醬意粉 $60芝士好香濃惹味，配肉醬是絕配，意粉質地是彈牙剛好。WM 烤汁手撕豬肉芝士漢堡 $68賣相相當吸引，有番茄手撕豬肉、甜美菠蘿肉、芝士等，咬下去口感好豐富，又容易爆汁，不錯。

今天11:30入內吃午餐吃左B牛扒餐，K黑豚+雞午餐11:40才来2杯咖啡，1杯8成滿，1杯6.5成滿，奇。11:52才送上2碗龍蝦湯，冇龍蝦味，但湯ok12:07才送上B餐，以為$62午餐平，原來牛扒超细件，牛扒林但冇乜味，得11cm左右大，迷你牛扒，比一般牛扒少一半size. 薯條硬又唔熱追左2次大有k餐$68 送上， 話要耐啲12:18分才有得吃，雞扒细件，唔熱又硬，黑豚豬排熱D，味道薯條 唔熱又硬，失望😏唔明普通午餐，煎扒都要咁耐，客人又唔多。。。

馬鞍山中餐及其他菜式一向都係琳琅滿目！💕西餐就小之又小！🤷🏼‍♀️通常如果食西餐的話馬鞍山居民多數都會出沙田或者市區用餐！🍽🍽不過近排就發現左一間應該開業冇耐的西餐廳！🤩🍝餐廳名叫WM Cafe‘e and Bar！🍝🍻我仲上網睇過佢大埔同沙田都有分店！👍🏼趁住假日下午就入黎搵馬鞍山嘅朋友！💕順便介紹下俾朋友馬鞍山終於都多左間西餐廳了！💕入邊環境唔錯！👍🏼😄坐得比較舒適！💕燈光較為暗！💡大概係呢度可以飲埋啤🍻可以舒舒服服嘆杯Beer傾吓計！🍻見到門口仲有酒店d Tea Set食！👍🏼🥰又可以影相呃like！📷📸👍🏼呢度全部都係Set餐咁叫，仲有餐湯同飲品！🍲🥤餐湯方面自己飲龍蝦湯！🦞朋友飲番茄湯！🍅蕃茄夠足料！🍅👍🏼龍蝦湯夠濃味！🦞👍🏼仲食到龍蝦殼！🦞果然真係放足料煲！🦞👍🏼檸檬炭燒原隻燒鴨胸！🍋🦆鴨胸超大舊！🦆同平時食既扒冇乜分別！🦆如果喜歡吃鴨胸的你見到咁大塊一定會喜愛！🦆👍🏼切出黎同平時食鴨胸都係一樣！🦆點埋汁食完全配合到！🍋🦆👍🏼😋鹿兒島黑豚西冷🐷🐽配北海道檸檬海鹽烤雞！🍋🧂🐔檸檬海鹽烤雞略為乾身！🍋🧂🐔令鹿兒島黑豚西冷比較突顯出較好

今天約了家住馬鞍山的朋友吃飯，他說有一間不錯的西餐廳，是新開的，於是他就帶我去。餐廳環境空間感大，裝修簡約，座位寬闊，坐得很舒服。看到餐牌上有set dinner，是我們懶人的至愛，有餐湯，主菜及餐飲。餐湯是忌廉龍蝦湯，龍蝦湯味道很濃，入口有淡淡的忌廉味，很香，鹹鹹的，味道很好。朋友點的主菜是WM威靈頓牛柳，這款主菜很特別，是第一次吃。牛柳被酥皮包著，牛柳有一寸厚，肉還是嫩紅的，入口一點也不韌，跟外層酥皮一起吃，脆脆的，好好食。旁邊有一點點薯蓉，薯蓉有很重的忌廉味，入口很香，整體是非常不錯。我點的是主菜是鵝肝鴨肉意大利飯，看到鵝肝已覺得非常吸睛。這裏的鵝肝比較乾身，有一層薄薄的粉包著，入口鬆化，好好味。飯裡面有菇及鴨肉，意大利飯的醬汁，味道很好，每一口充滿醬汁，一點也不乾，幾好。飲品方面，我點了忌廉朱古力。我將忌廉攪溶用在朱古力裡面，口感很滑，朱古力味濃。朋友就點了熱情果菠蘿梳打特飲，杯底有一些菠蘿，朋友說這杯特飲夠大杯，幾好飲。