WM Café & Bar (雅濤居購物商場)

营业中

休息中

喺馬鞍山我就最鍾意試新嘅餐廳， 呢個西餐環境好唔錯幾闊落， 最啱幾個朋友坐低傾下偈食下嘢。 我今次叫咗墨魚汁意粉炸軟殼蟹， 我冇諗過西餐會員啫軟殼蟹上碟， 真係好surprise😊 因為一般都係得半隻冇諗過有一隻。 同行朋友就叫咗個愛爾蘭牛肉批， 老實講我就有啲大鄉裡未食過呢隻牛肉批， 本來諗住會好似雞批咁啲肉係好硬嗰種， 但係點知又唔會喎， 食落都幾嫩口喎。 晚餐都算係幾抵食有湯有包， 我就加錢要咗特飲， 青蘋果水蜜桃梳打， 都係比較甜嗰隻。我仲加咗個new York Cheesecake， 蛋糕就不過不失啦， 整體上都幾好。😊👌

之前同女朋友黎開呢到食其實環境都真係唔錯喺馬鞍山呢個飲食沙漠來講真係環境優美咁我哋首先要左個扒餐其實牛扒嘅質地都唔錯幾林仲要佢哋自己整嘅蛋糕佢哋都拍得住出面啲街鋪

喺馬鞍山通常會諗起大商場，但其實街舖都會有一啲隱世小店， 朋友生日，當然要帶佢去一啲非連鎖式嘅小店，食一啲特別嘅嘢啦！門口放好多唔同嘅餐牌，每一樣都好吸引呀！ 不得不提係……佢會有優惠，只要喺非繁忙時間嘅指定時段 就會有八折！！！！入到去，檯面已經set好曬，有曬餐牌，見到啲set都好吸引, 我同朋友都各自嗌咗個set！餐包上到枱仲係暖暖的，湯，唔係非常「行」嘅紅湯或者白湯，而係龍蝦湯！！！ 個湯非常之濃味加上小小忌廉，增加香滑口感。吉列漢堡牛肝醬扁意粉～ 漢堡扒size比想像中大，而裏面所用嘅牛肉，竟然係非常濃牛肉味， 完全可以用高質嚟形容！！ 扁意粉嘅口感亦都非常之好，唔會過淋有咬口！！wm威靈頓牛柳～ 一落單嘅時候，侍應已經話要等15至20分鐘， 但係我覺得非常值得，賣相已經覺得好靚，一切開更加「嘩！嘩！」聲！！牛柳部份十分滑！！一丁點缺點都沒有，我畀100分！！荔枝香桃梳打（左）～ 見到有唔少鮮果喺飲品裏面， 一層一層咁擺放，真係非常悅目！！而且口味都係香甜類，啱曬女仔。cinderella（右）～ 既然佢唔止係餐廳，仲係Bar，當然要點下mocktail嚟飲啦！！ 賣相同口味

平日行過唔為意呢度有間西餐廳，同事試過覺得唔錯介紹我黎食，因為成日唔記得餐廳叫乜名，都會講「黑蚊蚊餐廳」，成條街得一間黑色店面餐廳，大家一講就知🤪餐廳環境寬敞，燈光昏暗，頗有氣氛，亦有不少卡位，梳化坐得好舒服🙂午餐menu選擇很多，而且款式唔頹，同朋友選左美國西冷牛扒配燒汁同太陽蛋吉烈安格斯漢堡配飯，套餐包湯同麵包，仲有飲品，價錢都是五十多元，非常抵食😍龍蝦湯味道濃郁，質感細滑，用料足，麵包點湯食好快食哂～反而之前試過蕃茄湯好酸難入口唔太喜歡西冷好大塊，好軟身冇筋有牛味，配燒汁好食～吉烈安格斯冇想像中咁脆，但切開入面牛味濃郁，太陽蛋蛋液加上牛既味道同個汁一齊食好下飯～看似份量唔多，但食到一半都覺飽啦～最後加杯香濃咖啡☕️質素好不錯👍非常滿足，同朋友都可以舒服傾計鬆一鬆，呢個價錢同質素實在滿意😊

今次入到來馬鞍山，去左差不多近海傍既屋苑，叫雅濤居。佢樓下個商場有間餐廳幾靚，裝潢成間bar咁。原來佢叫WM Café and Bar，於是我地兩個人就入去試下，感受一下個浪漫裝潢。我地入到去，叫左兩客午餐，一個主菜係野菌意粉，一個主菜係安格斯漢堡包，佢仲包埋個餐湯同餐飲，每個餐都係唔過80蚊，感覺都幾抵食。先講餐湯，味道幾好，因為我叫左的是龍蝦湯，上面仲有D忌廉，感覺唔錯。然後到意粉啦，食落去幾有口感，D野菌又夠新鮮，一流。個安格斯漢堡呢，一口咬落去肉汁滲哂出來，夠滿足。最後配埋杯伯爵茶，完美。

入到馬鞍山已經是午飯時間，一心諗住去Coure 食午餐，原來已經改了WM Cafe。基本上門口的裝修及內裡裝修與Coure沒有大變動，算是舒適。午餐餐牌也類似，提供頗多選擇，它的餐湯是龍蝦湯。最後我挑選了G餐（$52-），即煙三文魚香草醬意粉，餐茶選了熱檸檬茶。餐湯望落唔錯，忌廉若能打一少圈，賣相更佳。味道方面亦ok，有龍蝦味，質感適中，不會過稠或稀。👍🏻👍🏻反而伴湯的多士卻完全不合格，又凍又硬，是一早做定，有客叫就上枱。我寧願它只俾一片法包，不用焗。👎🏻👎🏻👎🏻意粉望落ok，咬落都有少少彈牙，兼不油膩。除三文魚外，有青椒丶紅椒、本菇丶魚子及香草，食落口感豐富亦健康。味道方面，不過不失。我只是奇怪餐牌寫是煙三文魚而上枱卻是普通三文魚 。而它的醬汁亦非Pesto香草醬，只是用蒜蓉香草炒。🤔🤔Anyway，以這個價錢，唔收加一，它絕對是一個好選擇。

很多人說馬鞍山是美食沙漠，但其實有不少好的餐廳沒有人發掘。好像雅濤居這家西餐，性價比極高。六十多元就可享受一個full set 的西餐，在其他地區，這個價錢實在難找西餐吃。和友人分別點了一份牛肉漢堡和西冷黑豚配烤雞。點餐後，侍應很快就送上餐湯，龍蝦湯有龍蝦味，沒有騙人。主菜如圖所示，份量十分充足，不怕吃不飽。牛肉漢堡的漢堡扒較小，但肉質鬆軟而且保留肉汁，以六十多元來說，水準是頗高。另黑豚配烤雞，雞扒不過不失但油較多，如果上碟前把油份去除掉會較好。而黑豚有驚喜，肉是厚切，口感很好，每一口都吃得很滿足。最後以兩杯咖啡完結這次用餐 好大杯!!

距離馬鞍山站行大約10分鐘左右，近海旁邊有呢一間西餐廳，雖然位置未必最方便，但係性價比就比較高。新港城入面餐廳嘅價錢越嚟越貴，而呢間價錢一般都係60至120左右，西餐來講唔貴。而且唔使同人迫唔使等位😌😌店內環境夠闊夠舒適，加上一些聖誕裝飾，感覺唔錯欣賞個餐包上到枱面嘅時候仲係溫暖的！好難得，個湯係龍蝦湯，少少咸軟殼蟹意粉隻軟殼蟹唔算大舊，墨汁的味唔會太淡或太咸，剛剛好最欣賞都係呢個威靈頓牛柳上到枱面嘅時候熱辣辣，外皮趣卜卜！切開入面個牛柳好嫩滑，而且個酥皮個厚度剛剛好！配上薯蓉，食完好夠飽最後食一個士多啤梨芝士餅，上面係士多啤梨果醬，味道唔會太甜，最好用來總結一餐

馬鞍山的1day由中午到夜晚，中午呢餐就由雅濤居的WM cafe & bar開始，加入满满的正能量來迎接新的，晴朗的一天。早餐吃咗少少麥片，於是呢一餐就嗌咗個all day Breakfast，貪佢多嘢吃，呢個全天候早餐配烤多士，數下有成7樣嘢，分別係2隻太陽蛋，蕃茄，2條豬肉腸，雜菇，煙肉，茄汁焗豆，栗米，真係又健康又美味，見到周圍枱啲人都有嗌呢個。另一個餐就係『鹿兒島黑豚西冷配北海道檸檬海鹽烤雞配薯菜』，烤雞皮脆肉嫩，幾好。跟餐的忌廉龍蝦湯味道濃郁，而且都可以吃到細細粒的蝦肉，正

去馬鞍山探人again，係樓下食野先。星期日食lunch set最有放假feel。約餐廳見，我行過左入口係商場內入，其實街個面就有入口。好多人既星期日，出餐要等一等。聽下歌啦！Christmas feel滿滿，燈光暗暗地。忌廉龍蝦湯Lobster bisque濃湯味道，食到小件龍蝦肉、龍蝦絲咁嘻嘻！北海道3.6牛乳溫泉蛋卡邦尼意粉 $62Spaghetti carbonara with Hokkaido 3.6milk and hot spring egg意粉量多多，芝士粉係妙處之一。意粉新鮮爽彈，唔會因出菜既過程熱度令就意粉熟過左，意粉出奇覺得煮得適中。溫泉蛋係靈魂呀，少少地切開佢，啲蛋黃就瘋狂流出嚟。個忽意粉最好食呀。北海道3.6牛乳煮既，比外面食既卡邦尼意粉多一份奶香同更多creamy，個汁再結d就再濃。不過再結汁，就可能無咁好痴係意粉到。鹿兒島黑豚西冷配北海道檸檬海鹽烤雞意粉 $68Pan fried Kagoshima pork sirloin and lemon salt roasted chicken with spaghetti因為食扒，所以意粉量比較少？！鹿兒島黑豚西

因為放假～來到馬鞍山逛逛海濱～🌊越夜越大風🥶，回程搵食補充熱量～～商場內門口比路邊的門口吸引，一片綠牆，影完相就食埋晚餐先走～😆晚餐由$68-$128，有餐湯及包～加一收費。完成晚餐後覺得呢個價錢絕對係抵食！點完餐～🦞龍蝦湯送上～濃厚蝦味，嗅覺味覺全滿足！仲有蟹肉！🦀因為天氣寒冷，叫番杯熱朱暖暖先～一個字-好豬！飲落就知，質地濃厚，似係用奶去沖調，飲完好鬼暖Happy Hour 大放送～我唔知算唔算抵，老公叫咗杯1664 $38主菜來了～聽講呢個菜式考功夫花心機～難得$128試到～好厚嘅牛柳，外層係焗得香酥嘅酥皮，內裡切開係好靚嘅顏色，入面Keep到肉嫩唔乾，無overcook！入口除咗牛味，仲有陣黑松露味！另外碟邊有鹽，配肉亦不錯！薯蓉唔係粉開個啲！蓉入面有薯粒，兩種口感。味道很不錯，連唔鍾意薯仔嘅老公都話好食！煎得好靚嘅魚！但唔會乾，肉質嫩～🐟一樣有薯蓉～試完杯有質素嘅朱古力，老公飲完啤酒忍唔住叫杯Cappuccino～佢comment係「😋好飲！」加$12有自家制甜品～揀咗Tiramisu，但入口唔係Tiramisu😂。清香檸檬味，㗳真啲，有啲海鹽～面層係薄薄朱古力醬，好食又唔膩

今日happy Friday 當然要出街食飯輕鬆下，住馬鞍山咁多年，見到有一間西餐廳新開，決定今日去試一試，約咗女朋友一齊去食飯，簡單嘅裝修，令人感到好舒服，睇到餐牌有set , 選擇都其實都多，叫咗兩個set 有餐湯 系龍蝦湯 濃濃的龍蝦味道不錯，我就叫左vm 希爾頓牛柳 ，這個主菜好特別，外面是酥皮裡面是牛柳真是第一次食，味道也不錯，外面很鬆脆，好喜歡這樣口感而女朋友點焗石斑魚柳配芥末照燒汁，沒有雪藏，味道都配合醬汁。仲有一個蛋糕甜品，味道好好食。

馬鞍山剛剛開了一家西餐廳，其中一道招牌菜是威靈頓牛柳，我當然不會錯過，今晚就獨自一人來吃晚餐，享受一下片刻的寧靜。跟店員表示要WM威靈頓牛柳晚餐，店員溫馨提示，菜式即點即焗，大約需要等十多二十分鐘，不要緊，飲住湯、食住包等。先來忌廉龍蝦湯及餐包，餐湯濃稠但龍蝦味不算重，麵包烘熱配冷凍牛油，喜歡餐廳夠細心。等了一會，店員端上威靈頓牛柳，酥皮焗得金黃酥脆，切開牛柳呈現誘人的粉紅色，肉質粉嫩，用了黑松露醬作內層，味道不錯，而且廚師在碟邊加了喜瑪拉雅山岩鹽，牛柳沾一點岩鹽更提升肉味。天氣凍凍的，來一杯熱朱古力 + $9 挺滿足的。聽店員介紹，原來餐廳另一特色是自家製的芝士餅，晚餐 + $12 便可享用一件，今晚有藍莓、朱古力及比較特別的Sour Cream 酸忌廉，坊間比較少供應，立即點一件試試，酸味平衡，跟芝士味道配合，減輕了膩滯感，芝士餅變得輕身美味。鄰檯小情侶的芝士火鍋相當吸引，蓉蓉細語，一人一件，甜蜜溫馨。再望望menu，我已經有目標了，下次到來要點意式咖喱燴羊柳焗農夫包，隔離枱女仕特別讚賞農夫包焗得香脆，質感綿密，聽到流口水了。

同朋友食飯，佢話喺屋企附近有一間新店開咗，即管同我一齊去睇下有冇伏。一入去已經見到我鍾意嘅聖誕佈置，已經即時加分， 對於有heart去佈置嘅小店， 相信食物都唔會差得去邊。叫咗兩個dinner set ，跟嘅唔係普通嘅紅湯或白湯，而係龍蝦湯，夠曬濃味香滑。另外，加錢要咗兩杯特飲 ，飲品都係真材實料， 而賣相都非常之不俗！威靈頓牛～ 叫嘅時候侍應已經好貼心咁提示要等待15至20分鐘， 為咗美食等耐啲當然都冇問題啦！ 嚟到果然冇令我失望，牛唔會過熟，酥皮夠曬香脆。 鹽烤帆立貝海膽醬意大利粉～ 帆立貝超級大粒，配上蟹子，鮮味即刻一擁而上， 海膽醬一啲都唔腥， 啱啱好沾上每條意大利粉，好味！最後仲食埋自家製嘅朱古力味芝士餅， 口感一啲都唔輸蝕畀大餅舖， 絕對可以為呢一餐畫上完美嘅句號。

見多好評，所以同朋友黎試下伏加難食薯條細份加林，唔脆，唔夠芝士味同埋個Source 好稀意粉上面得一隻軟殼蟹唯一都叫做還可以既就係雞翼加左9蚊要杯朱古力，但點知又係好細杯雖然環境舒適，但唔會再回頭2個人食左total:$231