WM Café & Bar (雅濤居購物商場)

营业中

休息中

曾幾何時，馬鞍山號稱為美食沙漠，幾年之間，現在已經食肆林立，終於可以洗脫美食沙漠的污名。🤭WM Café and Bar，位於馬鞍山鞍駿街15號雅濤居購物商場地下G01B號舖，位處大街，很容易找到。一般西餐廳格局，很有情調，舒適整潔，衛生情況良好。午餐選擇有十幾款之多，每款都是六十幾元，配忌廉龍蝦湯，湯內有龍蝦肉碎，比較杰身，味道濃郁。北海道3.6牛乳溫泉蛋卡邦尼意粉$62，意粉幾creamy，溫泉蛋剛好半熟狀態，口感非常嫩滑。鹿西冷兒島黑豚配北海道檸檬海鹽烤雞飯$68，份量頗大，肉質嫩滑，相當抵食。飲品方面，凍奶茶跟餐加$4，凍朱古力咖啡跟餐加$12。

餐廳環境乾淨衛生而且空間感好足，同朋友兩個人各點左一個晚市套餐，我點左wm beef wellington，賣相擺碟都很不錯欸，酥皮完美地包裹着牛柳，個人最驚食到好韌既牛肉，呢碟就完全無問題啦，牛柳肉質嫩稔，好易咬同切，連埋酥皮一啖咬好食，醃左既牛柳鹹鹹地調味剛好，配碟既薯蓉同蕃茄汁都好好食，有薯粒可以食。至於帆立貝海膽醬都幾特別，醬汁夠creamy，帆立貝大大粒，仲有啲菌類青椒黃椒做配搭，拌勻都幾好味。仲有前菜個麵包同龍蝦湯好好飲！！甜品就推介咖啡朱古力蛋糕，甜度恰好唔會太膩，淡淡的咖啡味為晚餐畫上完美句號！

放假懶得出太遠就同男朋友索性係屋企附近搵下有咩食.經過見到Menu有威靈頓牛柳就決定食呢間😝我地叫左兩個 dinner set 再加配沙律🥗.🔸忌廉龍蝦湯🦞🍲好 creamy好重龍蝦味 一d都唔馬虎🔹chef salad🥗.🔸WM 威靈頓牛柳🌮工序繁複，仲要唔係每間西餐廳都有得供應所以見到餐牌有嘅時候諗都唔使諗即刻決定要order🤩🤩即叫即焗，大概等左20mins就有得食酥皮焗到完全金黃色 可口鬆脆 切開都之後唔會好鬆散 酥皮配合牛柳好夾，外脆內軟而牛柳唔會 overcooked 入面仲有d粉嫩幾有嚼勁😋好好食 .🔹鹿兒島黑豚西冷配檸檬帶子青蘋果絲🍏🍛帶子新鮮有咬口 而黑豚就有豐富肉汁但比較薄身 所以唔會un 亦唔會鞋身 配上青蘋果絲味道酸酸甜甜好開胃😋.🔸凍檸水🔹凍檸茶.💬以呢個咁價錢食到威靈頓牛柳真係好抵👍🏼👍🏼👍🏼另外餐廳做足防疫措施食客食都食得安心d

We were around the area and decided to dine here. The restaurant was spacious and clean, with comfortable seats. We ordered two set dinners, one was the deep fried soft shell crab and squid ink spaghetti and the other was the kagoshima pork sirloin with lemon scallop and green apple shred.All their dinner sets come with soup and drinks.For the soup, we ordered one of each, the lobster soup and the tomato soup .We upgraded our drinks to 2 mocktails. The orange squash (left), it’s orange juice and

已經home office 數個星期，一日在家三餐真的有點單調，所以上星期五就到屋企附近的WM Café and Bar吃晚餐。餐廳面積廣闊，充滿空間感，坐得頗舒服，而且環境亦算衛生潔淨。晚餐價錢由$68至$128，以同區來說甚為抵食。晚餐奉送餐湯、餐包及飲品。忌廉龍蝦湯色澤紅潤油亮，湯頭較稠身，喝起來濃濃滑滑的。餐包稍嫌烘得不夠熱，不過質地鬆軟。烤石斑魚柳配芥末籽燒汁 $88魚柳烤後面層微脆，肉身雪白豐厚，每口都是啖啖肉。魚肉細嫩多汁不乾身，調味不重，最能表達食材的原始鮮味。WM威靈頓牛柳 $128想不到只需平民化價錢就可食到威靈頓牛名菜，外層酥皮焗得金黃鬆化，賣相誘人，帶有牛油香。脆薄的酥皮包著牛柳，中間有蘑菇醬夾層，做法正宗，不過牛柳就overcook 了，質地稍韌。跟餐加$9 就有熱朱古力，入口奶滑，甜度不高。加$18就有黑牛梳打，以冰涼雪糕配搭衝擊味蕾的汽水，喚起美好的童年回憶。

見疫情無咁嚴重，老婆就話出去食，就落街搵下有咩好食，行到一個馬鞍山小商場，見有間西餐廳就入去試下。Menu選擇多價錢合理蕃茄湯好有蕃茄嘅鮮味值得一讚餐包好鬆脆，配上牛油非常好味忌廉龍蝦湯真係有龍蝦嘅鮮味蝦膏嘅味道好濃W M威靈頓牛柳必食，牛肉唔會太生又唔會太熟，外層有個酥皮真係未食過，配上薯菜，牛肉肉質鮮甜一食就知係貴價靚牛炸軟殼蟹墨汁意粉，個軟殼蟹大過我個手掌，炸得非常香口，配上蟹子同蟹肉仲有菇，非常足料，意粉墨汁非常香口，意粉軟硬適中。西餐配上呢個凍朱古力簡直係一樓上面加咗忌廉有驚喜都好大杯夠晒解渴。檸檬柑桔蜜值得推介，柑桔同檸檬好香甜好飲檸檬撻有好香嘅檸檬味最鍾意去嘅餅底厚得來好脆口同上面嘅檸檬cream好夾

由於疫情影響，近來都多左煮飯，少出街食。但自己唔識整好精緻西餐，特別係威靈頓牛，知道附近新開餐廳有呢道菜，於是就叫埋老公一齊試下。由於餐廳位置唔係大商場入面，對唔熟馬鞍山嘅朋友可能有d難搵。今晚㨂左2個Dinner Set share食，分別係威靈頓牛柳同帆立貝意粉。餐前湯係龍蝦忌廉湯，入口啖啖濃濃龍蝦味，真材實料終於等到今晚主角 - 威靈頓牛柳切開酥皮都可以見到牛肉約7成熟，食落都好juicy唔錯。再黎係帆立貝意粉，好味。2份餐份量都適中，飲埋個凍0茶極滿足餐廳內一枱外國客，大讚佢地甜品好食，但因為食得太飽無叫到，搵多一次黎試下先。

🔹WM Cafe & Bar🔹今日去咗馬鞍山做嘢，收工經過呢間cafe，員工好熱情好有禮貌邀請我哋入去食吓嘢，我同朋友就入去試吓。餐廳好大，位置好闊落，坐得好舒服。我同朋友兩個人，坐嘅卡位幾乎可以坐六個人呢！而且仲係類似梳化嘅櫈背，正。我同朋友一人叫咗一個晚餐，會跟一個餐包、一個餐湯。🍞　餐包餐包食落感覺似蛋糕仔，入面仲有啲紅色嘅類似紅莓嘅嘢。🦞 忌廉龍蝦湯餐湯可以揀龍蝦湯或者番茄湯，龍蝦湯超好飲，入黎呢間餐廳一定要飲呢個，十分濃郁、又creamy，超推薦！🍏G. 鹿兒島黑豚西冷配檸檬帶子青蘋果絲 （$98）望落細細份嘅牛扒，估唔到食落都幾飽吓！而且味道層似豐富，有青蘋果同檸檬帶子吊出清新嘅口味。🥐 H. WM威靈頓牛柳 （$128）呢次係我第一次食wellington beef，超驚喜！上菜時見到一個類似酥皮包嘅物體，一切開，就見到入面嘅牛肉。酥皮非常鬆脆，牛肉嘅味道都好突出，係個好好嘅體驗。

今日在馬鞍山吃午飯，過了午市時間，不用排隊。雖然白天，餐廳環境依然比較暗，檯與檯有一段距離，乾淨企理，現在吃飯安心了很多。餐牌設有午餐和下午茶餐，奉送湯和餐包，價錢實惠。是日餐湯是蕃茄湯和龍蝦湯。餐包薄薄一塊，入口很脆。⭐️蕃茄湯蕃茄湯有番茄切粒，入口酸味突出，很開胃。⭐️龍蝦湯淡淡的龍蝦味，還有龍蝦肉粒。⭐️荷蘭明太子貝柱蟹籽$62份量適中，除了貝柱、蟹籽和野菌，中間還有一小撮明太子，入口鹹香可口。⭐️香煎魚柳配西西里茄蓉汁$60魚柳的尺寸很大，偏薄，炸得香脆，魚肉柔嫩，吃起來令人滿足。美中不足是意粉彈性不足，淋上醬料，跟碟頭飯無異。⭐️fruit juice$8橙汁香甜可口，解渴一流。

被困屋企太久了，復活節好天氣，就到馬鞍山海濱公園散步。途中，發現一間好低調的西餐廳，門口都有不少人排隊，所以立即過去看看。餐廳主打西式菜，午市套餐，好多選擇，套餐包一客龍蝦湯、主菜及飲品，加一後價錢約七十元，真的超級超值！所以就決定去食個午餐。未入去，店員立即同我哋探熱同叫我們用酒精搓手液洗手，而餐廳亦都配合政府的1.5米距離去隔開每張枱，令到大家呢個非常時期好安心食飯。我同朋友各叫左一客午市套餐，先有餐湯-龍蝦湯熱騰騰，味道濃郁。加上隨餐湯附上一塊麵包伴湯。🍽《美國西冷牛扒配燒汁 配飯》$62除了配白飯，還可以選擇配意粉或薯菜。我因為太肚餓，揀左意粉。西冷雖然係薄身，但好大塊，煎到7成熟左右，比較係偏熟，但配上燒汁，因為勁多汁，所以每啖肉塊都好juicy ,好好味!意粉分量絕對足夠，勁飽肚。朋友點了一客《鹿兒島黑豚西冷配北海道檸檬海鹽烤雞配薯菜》$68呢個$68的價錢就有黑豚的扒同烤雞，真係勁岩三心兩意的朋友。原本以為塊扒好細塊，但好有驚喜幾大塊，加上烤雞好嫩滑，因為用海鹽烤，所以好清新，唔會太濃味。薯條係粗切，而且好明顯係新鮮出爐👍🏻總括來講，超平民化超抵食嘅西餐。可能佢喺馬鞍山後

馬鞍山一向俾人感覺係一個美食沙漠，今日入去嘅原因都係因為就返住馬鞍山嘅朋友，最近疫情問題大家都唔想去啲旺區，咁所以就㨂左依間餐廳試一試我地個段時間餐廳唔算太多人，整體覺得餐廳都好乾淨，同埋座位夠闊落，坐得舒服，感覺非常良好小食拼盤 $138小食拼盤十分之豐富，逐樣介紹下，茄汁肉丸咬落幾香，調味有得幾好、雞翼唔會乾身、炸洋蔥圈咬落唔油膩，入邊嘅洋蔥勁甜，芝士車打薯皮精華就係啲芝士到😂，豬肉腸就正正常常，最後BBQ烤豬仔骨肉質可以保持嫩口，唔韌 芝士四重奏薄餅 $78用咗四種唔同嘅芝士烤出嚟嘅pizza真係好香😍，佢用左我鍾意食嘅薄批整成，每一啖都有濃濃嘅芝士香，卡路里有幾勁已經擺埋一邊了😂安格斯牛肉芝士漢堡配薯條 $95漢堡分量都好大，要切開慢慢食，牛肉好juicy，每食一啖啲肉汁都會咇出嚟，配埋脆香嘅薯條，依個組合perfect match~

今日復活節！🐣🐣我同朋友去馬鞍山！去左海邊行下！風景好好！🤩我們去了雅濤居的wm cafe & Bar門口有兩個大大的WM字！門口不算大，入去內面的裝修深綠色植物和深色木的大自然風格！坐座舒服！我們點了小食拼盤有芝士炸薯皮，蕃茄肉丸，炸洋蔥，南方雞翼，早餐腸，BBQ 豬仔骨全部味道都不錯！但炸洋蔥皮太厚又硬！咬不開！龍蝦湯內面有蝦肉帶子肉！味道不錯如果配多片多士就更好食！鵝肝多士鵝肝醬和多士是分開的要自己擦！味道不錯！#小事報告這間店的瘦高矮經理態度十分差，不太尊重客人。其他店員ok 服務不錯！

復活節假期，就算喺疫情當中，都忍唔住出去食餐飯， 見到呢間餐廳門面光鮮 ，座位闊落 ，門口亦都擺放了防疫物品， 就安心入去啦！見到侍應都好謹慎地處理餐枱，就知我無揀錯餐廳喇～main menu 所有主食都可以加33蚊升級至套餐，當中有餐湯（仲要係龍蝦湯！！！）、沙律、餐包、餐飲，都好值得升級呀！沙律嘅size都唔細㗎！！炸軟殼蟹黃金蟹肉意粉（$ 128）～ 軟殼蟹炸到金黃色，非常脆口， 蟹肉嘅份量更加令我驚喜， 意粉既份量亦都非常足夠， 由於所有配搭都係海鮮， 整個意粉充斥住鮮味！！手撕豬菠蘿薄餅（$95）～ 手造薄餅批底， 厚度適中， 材料用上手撕豬，的確係較為罕見， 同時亦都估唔到口感可以咁特別， 真心值得推介！！！

是日復活節假開始同honey去馬鞍山買野，行下去到哩間cafeHoney都話想食西餐 就決定去哩間WH cafe and Bar食晚餐現在疫情當前，見到餐廳真係做足曬衛生，大家都食得放心見到餐牌都有意粉同pizza同honey點左個芝士四重奏pizza香煎帶子龍蝦汁意粉另外加埋錢做套餐上到來系龍蝦湯同埋麵包龍蝦湯好熱好好味，麵包加埋牛油都唔錯沙律有埋煙三文魚，蔬菜爽口香煎帶子龍蝦汁意粉帶子煎得香口，意粉掛汁唔錯，份量都唔少芝士四重奏pizza不同款式的芝士，食落好滿滿芝士味，一流最後餐飲點左熱檸蜜同埋熱檸桔蜜 兩杯都唔錯

因疫情關係，好多餐廳為吸引顧客幫襯，會係衞生方面做足工夫呢間餐廳環境好乾淨同舒適，坐位濶落，入餐廳前要量體溫，樓面員工全都佩戴口罩，所有防護措施都做得好好叫咗個雙層安格斯牛肉芝士漢堡配薯條$98，轉餐只加$33，有餐湯，沙律，飲品餐湯係蕃茄湯，超多蕃茄，湯帶有香濃蕃茄味又帶點酸酸，跟一片香草軟包，非常美味廚師沙律有兩片薄薄西班牙火腿，沙律菜新鮮，加上特製沙律汁，非常醒胃雙層安格斯牛肉芝士漢堡個漢堡好大份，有兩件安格斯牛肉，芝士，蕃茄，生菜，酸瓜個包烘邊得好香脆，包中間就軟熟，牛肉鬆軟，好有牛肉味，齊整嚟講，好美味，真心值得推介最後，加上一杯冰凍咖啡👍👍