Wingman (已結業)

旺角真係有好多美食嘅選擇，對於超級鍾意食雞翼嘅我，今日中午就去左Wingman 食雞翼👻呢度嘅裝修都幾modern，有啲霓虹燈打卡位，整體比較暗，似bar。大食嘅你可以選擇食雞翼buffet，唔同口味嘅雞翼都可以任點😋而諗任三五知己食下傾下計嘅，可以簡唔同嘅拼盤。我地兩個人都係點左一個拼盤，加一杯檸茶就好夠飽喇！不得不提杯檸茶比想像中大杯，好夠飲😃每人會有即棄手套可以用黎食雞翼😝我地點左Netflix & Chill 嘅拼盤，可以選3個味道，各6隻嘅雞翼，再選一個配菜。黑芝麻海鮮蜂蜜，一上枱以為叫左黑椒😝日本蜂蜜芥辣，唔算好攻鼻，可放心食：巴馬臣芝士蒜蓉，蒜蓉味好出：

身為雞翼控嘅我一早已經聽過wingman，今次終於約埋朋友放工一齊去試啦。位於旺角新城都算方便，一出獵就已經有個打卡位，等位嘅時候都可以影吓相。喺門口已經比佢個招牌漢堡吸引咗，所以一直諗緊到底食雞翼放題好定係叫burger食好。舖頭入面仲有唔少打卡位，霓虹燈嘅設計好特別好懷舊。餐廳嘅座位分隔得比較開，一啲都唔迫，無論係音樂氣氛同燈光，都好適合一大班人放工之後Happy hour。淨係望住個餐牌已經令我哋糾結咗一輪，食雞翼放題好呀定係散叫好，淨係雞翼放題都可以有三個價錢揀，不過到最後我哋都係想試吓佢個burger所以決定散叫再加小食。散叫雞翼每款會有六隻，我哋分別叫咗一款乾身同一款濕身嘅雞翼，分別係巴馬臣芝士蒜蓉味同埋黑芝麻海鮮蜂蜜。巴馬臣芝士蒜香味雞翼一送到上嚟就已經聞到好重嘅芝士香，雞皮做到乾身脆口，但雞肉依然保持有肉汁，非常可口。黑芝麻海鮮蜂蜜雞翼食落有淡淡的芝麻香，不過因為海鮮蜜糖都係比較甜嘅調味，所以呢一款雞翼味都偏甜，少少鹹，所以食落會比較口渴，但都非常惹味。burger做得非常出色，令人有喜出望外嘅感覺，餐廳只有兩款burger，一款那一款唔辣，所以落單嘅時候直接同侍應講

平時出街食飯好多時叫小食都係揀雞翼，屋企食飯又會整雞翼，今次嚟度呢間有超多款口味嘅雞翼專門店，正～～呢度有任食放題，亦有套餐揀幾款雞翼嘅選擇～～今次我揀咗「咯咯拼盤」～有18隻雞翼，可以選擇3款口味同一個配菜～～先嚟一個Buffalo 水牛城醬雞翼，少少辣，辣得嚟幾過癮嘅～～再揀一個特別啲，黑芝麻海鮮蜂蜜，好香，甜絲絲清甜幾好味～除咗兩款濕身雞翼，揀返一款乾身嘅芝士蒜蓉味，大量巴馬臣芝士鋪上面，蒜香好重口味～～小食叫咗烤蒜大啡菇，juicy,香濃～再叫多咗個松露醬薯條，yummy~~

放題新玩法，我都係第一次食雞翼嘅放題，食之前仲諗住食雞翼唔會食得飽，但估唔到原來真係可以食咁飽，美中不足嘅係價錢唔算平，如果要食多幾款味道價錢就會貴差不多一倍。呢度最平嘅雞翼放題係$138, 有三款味道嘅雞翼可以簡，分別係紐奧良香粉、泰式甜辣醬同埋黑芝麻海鮮蜂蜜。紐奧良香粉呢款係屬於乾身嘅雞翼，面頭洒上各種嘅香料同辣粉去調味，另外仲有跟埋細細個青檸，可以落埋青檸汁去自行調節味道。黑芝麻海鮮蜂蜜有D似李錦記果種海鮮醬，不過加左蜂蜜所以就再甜DD，岩晒我呢D鐘意食甜野嘅人。而泰式甜辣醬就唔同某連鎖快餐店嘅甜辣味，呢種係甜多過辣嘅，頸款呢邊我就最鐘意呢款，因為味道比較有新意。最後我哋竟然食咗52隻雞翼🤣

一向都好鍾意食雞翼，同朋友講起，先知道咗旺角開咗wingman，今日即刻過嚟食！因為我哋兩個女仔食唔到好多，所以冇選擇放題。呢度嘅雞翼款式非常之多，最後我哋決定點兩款，分別係蒙古燒烤味同埋黑芝麻海鮮蜂蜜味雞翼。蒙古燒烤味問上嚟已經好香，除咗子賢份之外，仲識到其他不同種類嘅香料，味道濃郁，雞翼好嫩滑，而黑芝麻海鮮蜂蜜味層次好豐富，黑芝麻好香口，配上甜甜嘅蜂蜜醬汁，出奇地夾！南瓜燴意大利飯賣相好吸引，南瓜肉超甜，意大利飯入面有薏米，口感好特別，好有創意！最後再點烤蒜龍蒿大啡菇，大啡菇好juicy，配上炸蒜，完全冇違和感，食到停唔到口！

一起叫雞~是次和朋友沒有食放題，因為想先淺嚐少許不同味道雞翼，又可試其他類型食物，裝修挺有特色，侍應都幾主動。我和朋友一人選了一款雞翼不同口味，乾身的蒜蓉巴馬臣芝士味，和濕身的日本芥辣蜂蜜味(比較推介濕身，因為雞翼身比較掛汁，口感更豐富和濃厚)。另外叫了烤蒜龍蒿大啡菇(非常推介，超好食，因為大啡菇上有少許炒過的蒜蓉菇粒再去烤焗，好惹味)，炸蓮藕片(跟薯條一樣，但比薯條低卡，健康之選)。叫了凍檸檬茶和凍可樂，對於不能飲酒的朋友是不錯的選擇，送雞翼一流。

之前成日聽朋友介紹wingman , 最出名既係雞翼放題。今次lunch time 黎旺角分店幫親下。午餐時段有雞翼放題，但由於胃口較少，淨係散叫雞翼。雞翼有唔同口味，乾身及濕身，仲有特別醬汁。水牛城醬雞翼$69@6pics水牛城醬味道濃郁，比較多醬汁，鐘意口感濕潤會好鐘意呢款口味，水牛城醬十分開胃。蒙古燒烤味雞翼$69@6pics燒烤味雞翼有大量香料係面，一咬陣彈滋味。燒烤味好入味，雞翼大隻得黎真係非常惹味。甜薯薯條$55 薯條大大份，呢個價錢十分抵食，甜薯炸得香脆，即叫即炸。Ice lemon tea $30 each係自家沖既檸茶，岩晒食完雞翼解渴，味道都唔錯。下次會再同朋友黎食雞翼放題，咁就可以試晒唔同口味既雞翼。

之前試過wingman嘅雞翼覺得唔錯，依次就試下雞翼放題，我哋想試多啲口味同食吓小食，所以叫19款雞翼嗰個放題～如果無特別要求，19款雞翼會各款畀2隻，分兩輪出，之後可以encore再叫鍾意嘅口味。雞翼大致分為乾身同濕身，乾身即係有調味粉，濕身即係有醬汁，個人覺得普遍嚟講濕身比乾身更有特色，味道更突出👍比較深印象嘅口味有依啲：死神醬食嗰下唔算好辣，佢嘅辣度在於後勁，慢慢滲出嚟，而且食到標晒汗，可以挑戰下🌶日本吉列咖哩幾得意，係唯一用吉列方式整嘅雞翼，出面亦都少見🍗雞煲煮得軟腍🍗雖然雞翼係主角，但係小食都唔錯！椰菜花沙律酸酸地幾開胃，食完又有戰鬥力繼續食雞翼🥗甜薯薯條🍟香炒毛豆

今日終於黎試下WINGMAN D雞翼本身係想食放題，點知黎到見到BUGER個POSTER非常吸引，所以決定單點試下先，岩食下次再黎食放題。雞翼叫左兩隻味水牛城雞翼同埋海鮮味，雖然雞翼有醬係濕身款，但係都無阻佢有幾咁香脆。雞翼雞到外脆又JUICY，加上外面既醬十分惹味。個人比較喜歡海鮮味多Ｄ，帶少少甜味，好似加左海鮮甜醬咁樣，水牛城雞翼就有Ｄ辣，食得辣先好嗌松露醬薯條薯條份量好多下，即叫即炸好香脆，點埋松露醬食每啖都好滿足。辣味炸雞BUGER呢個仲辣過水牛城雞翼，不過Ｄ辣汁加埋Ｄ沙律醬個包係幾好食，但係舊雞就唔多夠入味，只是辣比較多。

之前聽過雞翼放題，我自己本身鍾意食雞翼，今次同朋友真係去嘆雞翼😂😂主菜係雞翼🤤🤤我哋2個人冇食放題，叫咗個雞翼餐（18隻）可選3款口味同埋一個配菜😍我哋揀咗巴馬臣芝士蒜蓉味、田園風味、日本蜂蜜芥辣味🤤🤤🤤另外餐跟一款配菜，我哋就揀咗大啡菇😍🤤😋首先碟雞翼一上檯已經好香，傳菜姐姐都逐一介紹邊款味道，巴馬臣芝士蒜蓉味，咬落一啖蒜蓉香，加埋芝士味，又幾夾喎👍🏻另外田園風味，好香口，味道有點檸檬味，幾特別🤤最尾日本蜂蜜芥辣味，一啲都唔攻鼻，甜蜜味亦好適中，唔會勁甜，好食👍🏻👍🏻👍🏻大啡菇，好juice🤤🤤🤤，勁香！厚度同埋味道都非常好，推介👍🏻最尾個薯條都好有驚喜，香脆唔油😍😍😍最正係個黑松露醬，好好味😋😋😋必食！

雞全部都係雞🐓1. 雞翼放題 （10味）$198第一次食雞翼放題十分滿足 有好多味可以揀：黑椒檸檬 - 冇哂變左芥末蜂蜜 有個wasabi 俾你 唔落嘅話就係蜜糖雞翼味蒙古燒烤味 - 係孜然味 最鍾意呢種燒烤香料粉泰式甜辣醬 - 重口味之選 甜辣味出紐奧良香粉 - 好特別嘅香料味 個人覺得係孜然粉嘅變奏版黑芝麻海鮮蜂蜜 - 甜得黎有啲海鮮個種鮮甜味 幾搞笑水牛城 - 偏酸嘅辣醬味死神醬 - 冇試到 怕太辣BBQ咖啡香味 - 另一個鍾意嘅口味 好似將啲咖啡粉粒燒烤完 好香 好過癮巴馬臣芝士蒜蓉味 - 蒜蓉粒同芝士粉超多 鹹鹹香香田園風味 - 有啲似light d嘅芝士味2. 番薯條 $55好抵食 勁大份 條條都勁脆 番薯味超香超足 邪惡之選Overall推介指數：4-4.5/5隻隻雞翼都勁大隻 又熱辣辣 如果你係一個大胃王嘅話 絕對抵食 小鳥胃嘅小編其實就食7-8隻都好飽 所以之後每隻味都冇叫咁多雞翼 唔好嘥

店鋪有提供雞翼放題不過今次只係想淺嚐所以嗌左個咯咯拼盤包左18隻雞翼 3款口味 同一個配菜 咁多款味 心大心細真係好難揀———————————————Netflix & chill ($268)《水牛城雞翼》同平時食到既有啲唔同偏酸但唔太辣 有少少食唔慣《日本蜂蜜芥末》係蜜糖再加左一舊仔wasabi比你自己溝《巴馬臣芝士蒜蓉》芝士碎似係刨出黎既樣子唔係現成芝士粉 有誠意蒜蓉味濃 芝士味反而唔出配菜就嗌左烤麵豉茄子哩樣反而最有驚喜茄子面頭沾左炸粉外脆內軟好惹味———————————————本身仲怕唔夠飽其實兩個人食一個拼盤都已經岩岩好雞翼放題真係留番比雞翼狂迷算今次都係嗌左啲大路既口味幾欣賞鋪頭既醬料唔係用現成野而係材料加材料咁整出黎下次有機會都會試下挑戰下其他冷門啲既味道

我呢個雞翼控，今日去了旺角wingman ，地點方便，在信和中心旁邊，知佢地有雞翼放題，門面裝修好特別，好似個地鐵站咁, 座位夠多，寬敞，見餐牌都有多款選擇，今日選了三款口味的放題，雞翼即叫即炸及調味，非常新鮮，熱㷫㷫，（星期一至四 $128/五至日 $138）店員有禮款待，枱上配備了膠手套，三款口味包括泰式甜辣醬，Cajun紐奧良香粉和黑芝麻海鮮蜂蜜，我較喜愛黑芝麻海鮮蜂蜜，甜醬味道，仲有蔥花同黑芝麻，好香口。次選喜愛係泰式甜辣醬，即係平時食開的雞醬，酸酸甜甜，醬汁包住成隻雞翼，好入味，最香係炸蒜粒，卜卜脆。紐奧良香粉，呢款較辣，賣點係香脆，調味料有香蒜粉、黑胡椒、紅椒粉、配了青檸，唧左落雞翼度，好夾，令到冇咁乾身，又中和辣味。

雞翼控必食！Wing Man🐥 特色雞翼放題！超過20款口味任點任食，仲有小食、配菜、啤酒及飲品等，都幾多選擇😍食放題太飽？點咯咯拼盆一樣可以食到海量雞翼。由18隻雞翼起跳，最多有48隻，包埋配菜，都可以好飽下。雞翼分乾烤同濕烤，乾烤適合各調味粉，乾烤雞翼烤得金黃香脆，食落好嫩滑Juicy。濕烤以醬料為主，而且多數偏辣嘅口味。田園風味同咗酸忌廉調製，加埋啲蔥花味道好清新。紐澳良香粉味由多種調味粉混合，食到有洋蔥、香蒜、黑胡椒等味道，辣辣地好惹味。巴馬臣芝士蒜蓉味，食落有粒粒蒜蓉，味道濃郁芝味十足。配菜選了烤蒜龍蒿大啡菇，表面有大量邪惡嘅碎蒜，入口有啲碎菇，口感豐富！咬開隻菇爆晒啲汁出黎，口感超正😆最後緊喺要飲返罐可樂ur 下！爽呀！

🍗Wingman🍗上網見到旺角有間任飲任食既雞翼放題，就即刻約朋友試試佢先。入到去個度環境都幾有特色，用左霓虹燈光管，出面又整左個懷舊鐵閘，都幾有香港本土特色。上到黎當然無異叫個任飲任食既雞翼放題啦。佢餐牌上有3個吾同既套餐揀，最有我地揀左中間個果套餐（$178）。揀呢個超值雞翼放題，限時90分鐘，同埋如果叫，你同行朋友都要選擇一樣既套餐，同埋都無得用其他優惠呢。呢個套餐平日食會平啲：星期一至四$178 （未連加一服務費）星期五至日$198 （未連加一服務費）包任飲：汽水🥤、凍檸茶如果想飲酒🍻既就只需加60任飲：烈酒，生啤，白酒及紅酒套餐有以下10隻雞翼口味選擇：黑椒檸檬蒙古燒烤味泰式甜辣醬紐奧良香粉黑芝麻海鮮蜂蜜水牛城醬死神醬BBQ咖啡香味 巴馬臣芝士蒜蓉味田園風味**當日黑椒檸檬🍋轉左日本蜂蜜芥辣。店員會主動幫你order 頭一round, 個陣食完吾知要同佢講可以上埋第二round , 好彩佢哋都好細心，見你食完，會主動問你洗唔洗上埋第二round 咁，都幾careful..另外，因為所有雞翼都係新鮮製，所以大家食到咁上下，就可以向店員再order 定你想要既款式了。雞翼款式都有