White Button Cafe & Dessert (已結業)

昨晚12號與同學在White Button 慶祝生日食飯，這間樓上鋪cafe, 我已多次光顧，它的食物味道唔錯，多款飯類如南瓜芝士意大利飯，黑松露意大利飯，味道可口清新和飯身夠軟不會太硬；意粉類如白酒蒜香海鮮天使麵-意粉爽口彈牙，估不到酒和蒜味很夾沒有苦澀味，粉量和調味配搭得恰當好處。至於甜品，今次我們沒有選擇鎮店之寶甜品《最佳損友》，反而點了普通甜品如綠茶雪糕 waffles, 班戟， 千層酥，但味道唔錯不太甜跟和酥皮夠鬆軟。飲料方面， 《鐵塔系列》消滯解喝不太甜，味道仲有多款選擇，其次，花茶只是略微太甜但夠熱和很香花香味。總括來說，我個人很喜歡這類樓上cafe, 不像地鋪限時用餐和環境又嘈吵，這類樓上店是一個聚會談心好地方，而且這裡店員哥哥招呼很週到和很用心聽我們意見(因我們有些要求令他為難，但他最後都順著我們要求達成妥協)。

White Button Cafe & Dessert ♥ 呃 Like 必去 Cafe。甜品賣相吸引上網搵 Cafe 想同朋仔假日聚下呢間 Cafe 其實我留意左佢既 Instagram 好耐覺得食物賣相好吸引, 就約朋友仔去試下~我地去個日係星期日, 我遲過友人到達一到達朋友仔就話中左伏, 話服務好差眼見星期日竟然無人確實令人擔心不過環境卻是幾舒適既, 朋友仔話佢食左個麵唔好味, 飲品又唔好味咁個人口味人人不同既, 我都選擇左叫甜品試下甜品未到之前就周圍映下相因為無人, 我地幾乎包場咁制食甜品除左味道之外, 賣相真係好重要我地二話不說就點了「玫瑰龍捲風」好似一舊雲咁好靚呀~及點了「Lemon Tart with Sakura Peach Sorbet」「玫瑰龍捲風」賣相相當吸引外層圍著粉紅色的棉花糖女生們當然是不停相機食先啦~哈哈~~不過佢溶得好快, 食既時候非常狼狽朋友仔著左短褲, 佢成隻腳同手都痴笠笠,平時外面買的棉花糖沒有溶得那麼快呢~終於食晒棉花糖才看到杯內的是綠茶慕絲慕絲幼滑, 綠茶味不濃「Lemon Tart with Sakura Peach Sorbet」Menu

近期推出了各式各樣的afternoon tea，花多眼亂呢，見到以一個巴黎鐵塔為主題的「鯨吞艾菲爾Eat Eiffel in your stomach 」，賣相實在太吸引了，價格也合理，於是大家揀了這個。 店內面積頗大，有空間感，但可能因為太空曠，回音多環境變得嘈雜，灰藍色牆身，不修飾的石屎地，木枱及鐵藝椅，有型格設計之感，柔和的燈光，感覺relax，牆上的圖片及咕臣蠻有特色。 為了afternoon tea而來，+$98有埋摩天輪鹹點，想了一會還是點了。 「鯨吞艾菲爾Eat Eiffel in your stomach 」，$288 for 2。 +$28轉了兩杯特飲-巴黎鐵塔&首爾塔。 +$98 「摩天輪」The london eyes。 巴黎鐵塔(荔枝玫瑰)，友人的，試了少許，有清香的荔枝味，淡淡的玫瑰香氣，都不俗呀。 首爾塔(柚子藍柑)，藍色的賣相感覺透心涼，有好香的柚子及柑，味道fresh。 「鯨吞艾菲爾Eat Eiffel in your stomach 」，$288 for 2。 有7款甜點: 75%chocolate mousse with choc

回港未訪，一拖再拖，儘管已經沒有昔日的粉嫩櫻色，但是依然相約於此。錯過了至兩點半的午餐時段，看到「穿著制服者，午餐供應至1700」這句還是要感慨。時日太快，中學畢業後不知就裏的走到快大學畢業的這一步。　　以樓上店而言，是個寬敞舒適的空間，尤其是日間有自然光時，特別歎。若果有五六個人，甚至更多，齊集於此來個派對聚會。免於小店面的限制，應該可以玩得更為自在，更能享受吧？　　大熱天時，我吃的卻是熱辣辣的鐵鍋煙燻鴨胸　$88。油香豐溢，大大件紥實的鴨胸微泛油光，油亮外皮不韌口。肥脂部分沒腥臊，瘦肉部位更不乏水分，鹹中帶一絲甜，並有陣煙燻香氣。突出的香草香氣清而不嗆，薯仔沾上溶出的鴨油更見惹味。　　士多啤梨醬芝士撻　$62小巧可人，層層相疊，少女系色調和諧。本人對忌廉全無興趣，先撇走；而外圍黏上的馬卡龍沒有出水，顯酥脆。下層厚身實在的芝士部分看似粗糙鬆散，入口時不見粉粒，只有微沙感。甜甜的芝士味道濃郁，正如New York Cheesecake的厚重，又怎會缺芝士味？自家製的士多啤梨醬偏甜，加上餅底，讓我想起小時候常吃的Strawberry Shortbread來了。　　鹹甜點份量是恰好夠一人自

好早之前已經想黎呢度食野但次次都有d意外咁岩同朋友係尖沙咀行街就黎左喇！個人認為A出口行過去快好多！兜去I出口真係好漫漫長路😂講番野食喇～野飲黎左先既草莓森林乳酸草莓味唔係好重我以為會酸既點知好甜冇咩特別東方明珠係熱情果味既我試左幾啖幾好飲喎一開始有d酸酸地 飲完之後個口會有甜味果然熱情果既飲品係唔會伏卡邦尼意粉呢個係比較乾身既食落唔會漏而且料超足！啖啖都有煙肉同磨菇英式早餐薯角好食 外脆內軟個蛋好滑 但我覺得放太多牛奶喇 冇乜多味腸仔同蕃茄仔都唔錯但個磨菇有燶味我唔知係咪特登整到呢陣味因為我睇食評都記得有人話過呢一點但唔係個個都鍾意呢種味我唯一食淨既就係呢個菇喇見出面寫住限時90分鐘因為燈光好適合女人傾心事傾傾下都兩個幾鐘但佢地都冇趕我地走唔錯唔錯

最佳損友 ($78)呢個甜品包括三球雪糕 有抹茶芒果同野苺味 一大舊cream 香蕉 同可可脆片 真係好肥仔😆😝但我明明見其他食評寫係有garrtt爆谷架 點解我個個無既😭😭少少失望😢而且性價比唔高 78得三球雪糕

WHITE BUTTON CAFE最近推出左新tea set～ 鯨吞艾菲爾tea set $288/2 酒店級既甜品享受 而且仲有咁既視覺享受 真係謀殺左唔少菲林～ 分別有75％朱古力慕斯配榛子朱古力脆底 芒果熱情果Mousse cake 同黑松露芝士撻 完全食得出係心機之作 真係出面街食唔到既味道！ 甜度得宜唔會食到好膩 真係勁好味！ 飲品方面係玫瑰latte 濃郁芬芳 ～ 快d黎感受一個寫意既法式下午啦! 地址:尖沙咀亞士厘道23號雅士利中心12樓

1/10晏就同幾個朋友上去食野，本身bk左2點半，一入門口比個mk妹侍應話，你地做乜遲左10分鐘丫，但係間野無full，仲要有一半以上係吉既～我地想坐上卡位舒服d，條女5想比我地坐，叫我地座其他台，明明就有卡位吉左未執台，之後叫左佢執啦，見佢抹左台我地就轉位，佢回我地，都未執好你地坐反低啦，執好叫你啦，d態度差到不得了，我地都照坐左係卡位，過都10幾分鐘水都5比一杯，但佢會比其他客加水架喎，我地一黎就要受佢氣，都5知發生咩事，如果呢間鋪既老闆睇到，唔該教下你d職員乜叫禮貌！個mk妹係直長髮，單眼皮!

今晚吃慶生飯，第一次黎呢間野。地方寛敝，裝修也令人舒服。點左黑松露薯角，芝麻雞亦，小食拼盆，美式漢堡，黑松露湯，一個明太子意粉，五杯特飲。黑松露薯角一般，因為只係炸薯角點黑松露醬。咁只係薯角配黑松露醬。芝麻雞亦一般，純粹夠熱，無乜芝麻味。其他食物亦只屬正常，無乜特別。特飲相信係好多人睇openrice其他食評而期待既野，我點左杯首爾塔（柚子藍柑）。味道無乜特別，最特別係有支野倒插住杯野度，所以只係打咭野（為打咭而叫）。友人都有點其他既特色飲品，全部都係打咭野，味道沒有特別。特別想講下服務，態度好麻麻，問佢可唔可以幫我地將個漢堡切開幾份，佢竟然囉我地枱面個餐具籃裡面把刀出黎遞比我地（示意呢度有刀，要切自己切），無講過一句說話，用表情同行為表達，好過份。明明成間野成晚都只係有1/3 坐滿，又有排先打烊，無啦啦走埋黎問我地有無last order。我稔我可以理解為想趕我地走囉。最重要係，我地一早知有限時，book枱時已經問左佢無客人等位可唔可以坐耐啲，佢地話可以我地先考慮吃呢度。總括而言，食物夠熱，味道正常。但服務態度差囉。雖然坐落尖沙咀核心地帶，但成晚都只係得幾枱客，總有其原因。

補祝朋友仔生日，左夾右夾終於夾到個下午大家得閒，可以食番個lunch!白色 舒服 簡約。就係white button既主調。地方寬敞 坐得好舒服。*朱古力曲奇沙冰* 沙冰打碎得適中，夠smooth唔會一舊舊。朱古力味濃 讚*焦糖咖啡* 好味 完。*英式早餐*最愛all day breakfast. 岩哂女仔想食light d試多d既原則。整體上都唔錯，最讚係個toast, 係厚toast, 同埋剪到有少少牛角包feel. 要彈係個菇菇炸得有d燶，係燶到有dd苦味><*香蕉waffle*好好味 好好味 好好味。香蕉面既custard香滑，將窩夫混埋白色既忌廉同埋果杯超級勁度好味既焦糖醬黎食，好 味 到 暈生日lunch雖然短時間 但傾得開心 影得靚靚 食得飽飽。最緊要係 原來我有心

呢間餐廳其實已經光顧左好幾次，再次回頭並唔係因為佢好食，抵食⋯而係因為佢唔洗等位你唸下，星期五晚，個個辛苦工作左一星期都想約下朋友出黎食飯傾下計，有時約得趕真係訂唔切，如果冇特別餐廳想試，又唔想排餐死，我就會黎呢到喇咁真心，佢嘅食物又唔差嘅，不過唔會話好捕捉到你的胃囉。黎過幾次，我多數會點呢個明太子意粉，覺得都幾得意，個味道我都幾鐘意，今晚帶個新朋友仔黎食，佢話個味似蝦子面，不過轉左做意粉，同埋啲粒粒唔喺面條內。我聽完真係覺得一言驚醒夢中人真係形容得好好！唔怪得我幾鐘意食呢個意粉，因為我係幾鐘意食蝦子面的另外，其實仲有特色飲品同甜品嘅，不過黎得尖沙咀，我會轉場再食囉

係尖沙咀番工,今次由同事帶左去亞士厘道既White Button食午餐.餐廳佔晒全層,地方好寛敞,播放住輕音樂,再加上可能因為臨近中秋節關係唔多人,環境真係幾舒服.我地一行四人被安排坐沙發位,如果有埋落地玻璃就perfect!有午餐set,價錢由五十幾至九十幾,包沙律同一杯普通冷熱飲品,以呢度環境黎講我覺得好抵!加18蚊就有更多飲品選擇,我認我係因為杯飲品賣相而揀左宜家既青蘋果茶,等我潮下啦~~~冇記錯正價要68蚊一杯ga!我揀左蕃茄蝴蝶粉,即叫即製,好熱份量亦好滿足,我鐘意佢夠酸夠晒味!至於杯飲品,賣相一流,飲落其實都係普通一杯青蘋果茶~環境氣氛一流,服務態度亦不錯,除左食午餐,絕對可以同朋友係度吹水hea一個下晝.White Button肯定會成為我飯堂之一!

三個朋友諗住搵個靚靚地嘅地方聚下。得返呢間有位所以book左。一去到就講明每人最低消費同限時1.5鐘。嗌左個黑松露意大利飯，味道唔錯，黑松露味亦好重。亦叫左個明太子意粉。唔知係咪加左啲櫻花蝦，味道好腥，唔係好食到明太子味道。小食拼盤算好味嘅。但又話無呢樣果樣轉做腸仔同薯條。加埋三杯野飲。未食夠一個鐘已經問你仲會唔會叫甜品。到一個鐘時又話last order..問你仲有無野嗌。完全係趕客。星期五晚上仲有七成吉枱，有必要趕住叫人埋單嗎？一個鐘頭15分鐘就自動攞張單叫你埋。職員態度仲要唔好。雖然食物不錯，但態度唔好，下次未必會再來。而且尚有大量吉枱，不需要吹顧客埋單走人。如果出面有好多人等緊，我好願意食完比返張枱你。

通常cafe 野食比人感覺一般，但呢家係我暫時覺得好食之餘，環境比人感覺舒服！而每次同朋友去食既野都可保水準！卡邦尼意粉香蒜海鮮天使麵芝麻雞翼唯一唔好地方就是洗手間太細😝

見到其他人既食評都係話服務態度差諗住間餐廳見到呢d食評應該會改善下掛但原來真係名不虛傳waitress真係冇乜禮貌講返d野食~我地兩個女仔叫左一碟白汁三文魚意粉，味道唔錯仲有個小食拼盤~都好大碟算抵食既仲有個甜品~好大個棉花糖 個柸裡面仲有綠茶味慕絲掛住影相~搞到都溶溶地總括黎講d野食ok既係服務態度差左d