Vision 8

营业中

休息中

今日去左荃灣搵朋友食飯，見到openrice推介呢間隠世高質西餐，Vision 8主打意大利菜，有自家製Pizza，意粉，牛扒和生蠔，餐廳環境都幾舒服，坐低靜靜地同朋友傾計既好地方✨炸粗薯條配黑松露醬 ($68)餐前小食揀左黑松露薯條，新鮮炸起既薯條熱辣辣，上面加左少少黑松露醬，一上枱已經聞到好香，再配埋黑松露沙律醬，真係食到停唔到口☺️☺️☺️✨烤安格斯牛柳 (9oz)配香煎鵝肝 ($398)主菜當然要試下佢地既牛柳啦，我就揀左四成熟，一切開見到粉嫩既牛肉，肉質嫩且juicy，加埋佢地秘製紅酒汁，配菜都好高水準，用既係薯片同薯蓉，燴左再焗，所以特別好食，推介😍😍😍✨小元貝西蘭花忌廉汁燴意大利飯配加拿大海膽好欣賞佢地既意大利飯，軟硬適中唔會好漏，加入大量小元貝增加口感，上面加埋鮮甜既加拿大海膽，鮮味十足😉✨蘋果金寶配雲尼拿雪糕 ($78)一餐美好既晚餐以甜品作結就最圓滿，我地揀左蘋果金寶配雲尼拿雪糕，Apple crumble散發出淡淡既肉桂味好好食，配埋個雲尼拿雪糕就最perfect啦💯

呢間餐廳門口吾太起眼，但都開左一段時間，難得夜晚系附近搵野食，就去呢間睇下味道如何。叫完野食之後會有餐包送上，餐包有事先烤熱過，仲配埋黑松露牛油，未正式開餐已經感覺到滿滿誠意。酥炸生蠔 3件 $58生蠔炸得幾脆又吾太油膩，中等size ，仲可以配沙律醬食。香煎比目魚配菠菜忌廉汁天使麵 $168好耐無食過天使麵，所以叫左呢款試下，天使麵同忌廉汁撈埋一齊，好入味。比目魚外面層皮煎得好香脆，但塊魚薄左少少，吾夠喉。蘋果木燒西班牙黑毛豬鞍扒 $268豬鞍扒大大塊又夠厚，用蘋果木燒出黎好香木燒既味道，而且火喉控制得幾好，仍然保留到豬鞍扒既肉汁，肉質吾會”鞋”，另外配菜都吾馬虎，有芝士焗薯，薯仔切成一片片，夠香同夠淋。心太軟配雪糕 $78朱古力味夠濃，而且吾會好甜，配雲尼拿味雪糕永遠都系最佳配搭！早入去可以揀下位坐，食到一半發現已經坐滿晒，有啲surprise，不過食完成餐都明白點解坐滿。第一，待應好nice，好識同客人有講有笑。第二，食物真系有質素，同價錢成正比。下次節日慶祝可以再過嚟！

🌟叫左比目魚菠菜天使麵、一個田園沙律、蘋果木西班牙黑毛豬鞍～比目魚煎得幾香，脆面香口。天使麵有好多醬汁，鍾意濃味嘅人就啱晒。•🌟田園沙律本身諗住都係間間餐廳差唔多，不過呢個真係最近食過最滿意最鍾意嘅一個沙律，唔係剩係得菜🤩🤣🤣好足料，有無花果、牛油果、車厘茄～賣相又靚又好食👍🏻👍🏻•🌟蘋果木西班牙黑毛豬鞍，我係見到幅相同埋比個名吸引咗😌肉質鮮甜，煮得啱啱好，唔會太韌。食嘅時候一直聞到股香味但係唔似平時烤出嚟嘅香🤔最後忍唔住問吓職員佢哋話呢啲就係蘋果木嘅香味！

又出動黎荃灣食飯,搵到vision 8呢間西餐,開咗好多年,做到咁耐的餐廳食物一定唔錯,果然無令人失望餐包已經好有驚喜,有三款,麵包好鬆軟,好好味餐湯又係好好飲,忌廉南笟椰菜湯,最初聽到有椰菜有啲保留,但係佢打爛晒啲菜,成個湯好creamy,少少thick小食叫咗個酥炸小食盤,入面有薯條,炸魷魚圈,炸魚柳, 佢的魚柳係真魚柳,可以食到一絲絲的魚肉,而魷魚都好彈牙,而且有甜味烤美國肩胛牛配紅酒汁(5成熟): 牛肉煮得剛剛好,肉質嫰,有牛味,又唔會太油膩香煎比目魚配菠菜忌廉汁天使麵: 香煎比目魚煎到魚皮乾脆,入面魚肉鮮嫰

來荃灣真的有吃之不盡的美食在千色店附近有一家屹立多年的西餐廳，見到OP 評價都唔錯，鋪面不太起眼，店員笑說他們都是靠回頭客經營下去，餐廳燈光微暗頗有氣氛，整體食物都屬用心製作，出品精緻，店內播放80’s英文歌，感覺彷彿時光倒流，回到以往遙不可及的美好龍蝦忌廉湯兩款餐湯都是餐廳推薦，龍蝦忌廉湯鮮味十足，而且份量很足夠，仲有淡淡蝦肉，可以說媲美不少中環區餐廳野菌忌廉湯配黑松露菌油是一道經典美味，野菌忌廉湯相當高質，一送上已經菌香四溢，加上松露香氣，滿滿的蘑菇鮮香，口感飽滿豐富，蘑菇的細碎顆粒和忌廉的柔密，香氣久久不散加拿大海膽配 小元貝西蘭花 忌廉汁.意大利飯 $218作為海膽愛好者，一定要選這款，加拿大海膽口感偏濃稠，味道鮮甜，海膽的份量一點都不吝嗇，厚厚的一片鋪在飯上，每一口也很香濃蘋果木燒西班牙黑毛豬鞍扒$268最期待的幸好没令我失望，用上蘋果木直火燒，無論火候及格仔紋都好滿意，肉質鮮嫩鬆軟，啖啖肉香，個人而言較喜歡原味，但亦可以蘸上黑椒汁更惹味—————————————————Vision 8 (荃灣)荃灣兆和街34號永安樓地舖—————————————————⠀⠀⠀⠀⠀⠀⠀⠀⠀#

間餐廳好有心思，餐牌係人手寫上去，睇得出老闆好有心，個餐牌有Snoopy好可愛。叫完嘢食之後，餐廳就好貼心。應該係佢哋嘅招牌餐包同埋牛油多士，食完甜包為今晚展開序幕。通常食西餐都會叫薯條，今次就叫咗炸粗薯條配黑松露醬，佢個薯條做得幾好，好香口配埋果醬食，真係停唔到口。主菜叫咗鮮菇蜆茄醬燴意大利麵，佢個蕃茄醬做得好惹味，醬既分量剛剛好，唔會話食麵食到唔夠醬，睇得出老闆係有心機處理食材。另外叫咗，烤安格斯牛柳(9oz)香煎鵝肝，一見到已經流晒口水，佢個薯蓉唔係Hea果種，係有落芝士煎香嗰個面嘅，舊安格斯牛，切開都充滿肉汁，超級正。佢自己條配嘅芥末汁，用嚟點牛肉食真係好夾。鵝肝煎得好香，份量剛剛好，咬落去好香鵝油，又係超級正。呢度既店員都好友善，會同我哋傾偈，服務質素超級好，佢哋主動加咗五、六次水，服務質素100分。最後食埋甜品，叫左心太軟。上碟嘅時候超級香，好重朱古力香，切開嘅時候啲朱古力流出黎，再加一口雲呢拿雪糕，心入面真係好甜。

今日吃晚飯的時間可以提早，所以便專誠來到經常要等位的vision8 吃一頓豐富的西餐，之前吃過一次，記得牛扒質素不錯，今次要試下另外的菜式，大約7:30已全場爆滿餐廳的食物，用料講究，配搭新穎，扒類比較出名，還有自家製薄餅 / 甜品等🍞每台籃餐包麵包有幾款，熱辣辣外脆內軟，鮮制的感覺，配上自家製黑松露牛油醬🔸龍蝦忌廉湯 $88這裏的餐湯也是不能錯過，非常濃味，用料十足；龍蝦熬製的湯混上忌廉令質地滑身，而且真的吃到粒粒龍蝦肉，真材實料🔸野菌忌廉湯配黑松露$78忌廉湯混合野菌蓉，野菌味豐富，加入黑松露更濃郁，面頭加了野菌油🦀香煎蟹餅伴沙律$148蟹餅充滿了一絲絲的蟹肉，蟹餅撲上了麵包糠，再香煎形成了吉列的效果，像脆炸的感覺，但不油膩，配合黑醋汁沙律🍕煙三文魚配千島醬薄餅 $158自家製薄餅皮，非常薄脆，用法國及意大利麵粉，全天然發酵，感覺有點像餅乾，沒有滯口的感覺，芝士厚度十足，伴上火箭菜及花形三文魚🐷蘋果木燒西班牙黑毛豬鞍扒 $268豬扒加蘋果木燒得很香口，味道很像煙燻的感覺，豬扒保濕度高，厚切，配以子持甘藍及忌廉薯蓉作配菜

荃灣西餐💕近千色匯 位置👍🏻岀面仲有錶位 方便泊車🚗氣氛好浪漫 環境昏暗 好啱燭光晚餐🌹烤美國極佳級肩胛牛扒極有驚喜🤩滑嫩多汁 有牛味 豐富嘅口感🤤標準既5成熟 又juicy 又香口 推薦😍 香煎比目魚配菠菜忌廉汁燴天使麵比目魚好大塊 而且好香 完全冇腥味 菠菜忌廉汁好清新 一啲都唔膩 另外份量都好多 非常抵食酥炸芝麻雞翼4件用上雞全翼去炸 香脆得來唔會好多油 肉質好嫩滑朱古力心太軟🍫一切即流朱古力 好食到個心溶埋😋凍檸檬茶 加$4 餐飲附送跟餐餐湯餐包

今日友人帶我返去佢以前舊公司附近撐枱腳！間餐廳細細間，但係夥計好親切，有濃濃嘅人情味！👉🏻南瓜忌廉湯跟餐嘅南瓜湯好creamy，加左忌廉同埋少少番茜，忍唔住一啖接一啖咁飲！麵包籃有三麵包，包括脆到好似薯片咁嘅麵包、外脆內軟嘅軟法包，同埋迷你法棍！重點係附上嘅黑松露牛油，為原本熱辣辣好吸引嘅麵包添上濃郁嘅黑松露味！👉🏻鮮菇蜆茄醬燴意大利麵 $168估唔到意粉原來咁大碟！蕃茄醬微酸，足夠掛滿每一條意粉，啖啖都有充足嘅蕃茄醬！蜆嘅數量都唔少，而且鮮甜冇沙，唔錯！👉🏻烤安格斯牛柳香煎鵝肝$398鵝肝好厚身，而且幾大塊！一食落口，塊鵝肝好似溶喺口咁，成個口腔都充滿着濃郁嘅鵝肝味！超正嘅享受！牛柳配埋黑椒汁，岩哂鍾意啖啖肉嘅友人！下面嘅薯蓉都係亮點，有粒粒嘅碎薯仔，多重層次享受！👉🏻朱古力心太軟配雲呢拿雪糕要為一餐完美嘅晚餐作結，一定要有完美嘅甜品，就係呢個心太遠啦！一切開，朱古力醬蹦蹦聲湧出嚟！個心太軟個皮唔會好厚，同醬嘅分量配合得啱啱好！熱辣辣少少脆嘅心太軟，濃濃嘅朱古力味，加埋雲呢拿雪糕一齊放入口，冰火交融，係最完美嘅happy ending！今日呢餐唔單止肚腩好滿足，而且可以同友人暢談全晚

📍#老屎忽係荃灣#oldszefood #老屎忽 #老屎忽食飯 #老屎忽搵食 #老屎忽都要OT #荃灣🥖餐前包有3款唔同款麵包配黑松露牛油黎食😋🥗 v8田園沙律 ($138)入邊有牛油果🥑無花果 蕃茄仔🍅同埋2款唔同嘅菜mix埋嘅沙律，食落會有浸啖啖嘅柚子味，因為佢落左少少柚子醋落去，食落會好清新😍🍚小元貝•西蘭花忌廉汁燴意大利飯配加拿大海膽 ($218)係用左貴價少少嘅加拿大海膽而唔係智利海膽，單憑呢點就物超所值。入邊仲有好多好多粒嘅小元貝同西蘭花🥦足料程度相當豐富。🐷蘋果木燒西班牙黑毛豬鞍扒 ($268)新鮮熱辣辣嘅黑毛豬，每啖肉汁都係爆曬出黎😍表皮係有少少焦香😋超級惹味🍎蘋果金寶配雲呢拿雪糕 ($78)食完正餐食返個甜品就啱啱好，好多蘋果粒同埋有d脆脆係上邊😋仲有一球雲呢拿雪糕。Vision 8 (荃灣)📍荃灣兆和街34號永安樓地鋪

同靚女食神朋友晚餐，註定我有食神🤤小店每樣野都即叫即整，上菜節奏好舒服🫶酥炸小食盤好～大～份🤑如果三五知己黎食一定要叫，魷魚圈、魚柳、雞翼、薯條每樣都好脆熱辣辣。仲配左茄汁、他他醬同松露醬，正呀。烤美國極佳級肩胛牛扒靚牛真係唔同啲，肉味好濃，六成熟好啱食，有咬口。伴碟嘅焗薯片都好正，面頭燶燶地超香。小元貝忌廉汁燴意大利飯配加拿大海膽海膽好甜😇個飯非常熱辣辣好香滑，帶子仔好嫩，不停一啖啖送落口😮‍💨心大軟好野係值得等待嘅，心太軟即整需要等15mins左右。外層微脆，切開動L超爆漿，夠朱古力味又唔太甜，勁勁正。甜品仲有款係蘋果金寶都好想試🤤

荃灣隱世小店，Lunch Set 配湯/沙律 加麵包；麵包好軟熟，而今日湯係西蘭花湯，好香濃，配埋麵包一流.而我就叫左慢煮牛肋條配淡胡椒汁會闊條麵 $98 牛方面用左慢煮，鎖著肉汁之餘，油脂好豐富，份量都多，好出色；濃味既牛配淡胡椒，仲要簡闊意粉，互相襯托，掛晒汁，正.而午市有特惠小食，加左2隻酥炸生蠔，唔係講笑! 真係炸得好酥脆，一啲都唔覺得膩；而且即使炸都好，都食到蠔既鮮，係即叫即炸👍🏻 值得 加$30 一試.而且店員都好Nice，會講解加好好禮貌。

朋友新居入伙，入咗荃灣探佢，然後晚上喺附近搵間好餐廳靜靜地坐低食吓飯，去Vision8食咗滿足嘅一餐。首先呢間餐廳嘅餐包一啲都唔馬虎，可以話係咁耐以來食過最好味嘅餐包之一，全部款式都幾特別，口感鬆軟。第一印象已經好好然後我哋就點個個健康嘅田園沙律，睇相都見到非常足料，有好多無花果同埋牛油果，菜嘅份量都好多，選用嘅沙律醬酸甜度適中，好味又健康。繼續健康嘅美食，我哋叫咗個比較green既天使面，食白肉（即係魚），呢隻魚脂肪好香，肉質好滑，蔬菜忌廉汁味道亦都好惹味，d醬掛喺天使面上面食，成件事好Juicy。戲玉嚟啦，我哋叫咗個小龍蝦牛扒，非常大份！非常香。小龍蝦整得幾香口，唔會太乾，牛肉嘅肉味都恰到好處，口感唔錯，而佢嘅薯蓉真係值得一讚！幾鍾意呢一種咁香又唔係完全係蓉嘅薯仔做法！最後以心太軟呢款經典甜品作結，熱辣辣嘅朱古力醬，好香濃😋又飽又享受嘅一餐。

好味指數🌕🌕🌕🌕🌖回頭指數🌕🌕🌕🌕🌖抵食指數🌕🌕🌕🌕🌗餐廳環境舒適，偏黃的燈光人可以好好放鬆，三五知己聚餐 或者 情侶拍拖都推薦！😆😆服務態度超好，好友善！食物質素亦喜出望外😋【面包🥯】有三種面包選擇，三種都是不同的口感，可以配上黑松露牛油吃，如果不喜歡黑松露，餐廳仲會幫你轉普通牛油，相當貼心。【V8田園沙律】沙律用料新鮮，有無花果、牛油果、車厘茄等配上合適分量的醋，提到味又不會掩蓋水果本身的味道。【香煎比目魚配技菜忌廉汁燴天使麵】喜出望外，煎得外脆內軟，重要是一點腥味也沒有。用天使麵也很聰明，每一啖都帶忌廉汁，可能因為有菠菜，一點也不膩。【蘋果木燒西班牙黑毛豬鞍扒】豬鞍超多肉汁又軟冧，絕對不會吃下乾淨淨，有得揀不同醬汁，但醬汁不會直接淋在扒上，個人認為不用醬汁已經很好吃了！最後以【心太軟】作結，完美，好好食。

想在荃灣找一間西餐吃晚餐相信有不少選擇，但能夠在美食款式多，競爭如此大的荃灣區能站穩陣腳且每天都滿座的西餐廳真的不多，這天就跟閨密來到這家店，來看看店家的魅力所在麵包配黑松露牛油慣例會在上菜前送上麵包籃，店家提供三種不同款式不同口感的麵包，有香脆的也有鬆軟的，全都烘得暖暖的，再配上店家自家製作的黑松露牛油，香口又好吃！有驚喜啊巴馬火腿凱撒沙律 $138先來吃一份沙律作為開胃菜，凱撒沙律擺盤精緻而且用料毫不吝嗇，沙律菜新鮮，芝士跟巴馬火腿份量也意外地多，再加入適當的凱撒醬，味道很好，CP值高！是日餐湯 +$55點主菜可以加配餐湯或餐飲，我們選了前者這天的是日餐湯是蕃茄忌廉湯，蕃茄味濃郁，加入淡忌廉令湯頭變得更厚滑，味道清爽～小元貝西蘭花忌廉汁燴意大利飯配加拿大海膽 $218個人不愛吃意大利飯，因為吃過太多不好吃，不過店家的意大利飯令我改觀啊！燴飯煮得軟硬適中又夠入味，口感非常好～ 用忌廉汁煮意大利飯本來會感油膩，但加入西蘭花後就將這種膩感大大降低；而大量爽口彈牙的小元貝除了增加口感外，也加強燴飯的鮮甜味！對住海膽愛好者的我來說，燴飯頂層有滿滿的加拿大海膽，鮮甜而且香氣濃郁，配燴飯實在有驚