紫醉軒 (已結業)

試咗皮蛋糕，水煮魚，芝麻炸豆腐，芝麻牛柳粒食物精緻，有驚喜，算是新派廣東菜，價錢亦合理。環境好舒適，裝修雅致，亦有戶外露台位置，可帶寵物。可能新店關係，竟然是免開瓶費。

探完大姑媽，父母提議話食中菜，上網搜尋了旺角區一些餐廳，被「紫醉軒」這個餐廳名吸引，以及評價都不錯，於是預約試吓。餐廳新開不久，與一般中菜館的裝潢不同，比較時尚摩登，正中的酒吧亦甚為注目，另外有露天座位，晚上感覺幾浪漫。皮蛋凍，賣相晶瑩剔透，上下兩層分別是皮蛋凍和子薑凍，酸甜開胃，睇得出是甚花功夫的菜式。米糟塔香蝦，大蝦泡油炸香，配上米糟、塔香，再放入煲仔保持溫度，口感惹味，加上蝦殼破開，比較方便去食。台山黃鱔煲仔飯，黃鱔切粒再用鮑魚汁去煮，這個煲仔飯鮑汁入味，且粒粒分明，食完暖粒粒，剛好遇上天氣凍食就最啱啦。蒜蓉菜心，將菜心莖皮削去，保留最嫩的部位，簡單地蒜蓉去炒已經柔嫩、好食。父母食完都好滿意，話下次可以再嚟過。

最後晚餐要去美美的環境美美的店舖，完全唔似食中菜！無論環境定食物唔係得個樣，好少何中菜我可以食到咁多嘢連啲餐具都好吸引我，如果我有自己屋企我都想用呢啲餐具。朋友同我都覺得啲餸好香，好明顯鑊氣好夠。然香蔥燒牛肉 $108呢一味就係最香既食物，睇落平平無奇，但因為佢既味道真係好香。平時唔食蔥嘅我都食左好多。米糟塔香蝦 $188啲蝦好大隻，食得出新鮮嘅，啲蝦仲好易搣殼，冇諗過原來入面有七隻蝦咁多。百合雲耳炒蘆筍 $98食中菜梗係要食菜啦，睇落平平無奇，但係原來蘆筍同埋雲耳百合咁夾。台山黃鱔煲仔飯$128好大兜飯，佢同平時食嘅煲仔飯唔一樣，佢比較濕，唔似平時嗰啲咁乾，而且仲有紅棗喺入面，好特別。整體嘅食物都好好食，好夠味，環境又好，真係值得去食。

油麻地區容易搵到好嘢食。今晚友人帶路去了一間中菜館。裝潢設計非常新穎，顏色配搭亦出眾，唔講唔知係食中菜添。皮蛋凍有心思的一個前菜。做到糕點一樣。上層是皮蛋，下層係紫羗。味道顯著。魚湯桂魚豆干絲奶白魚湯好好飲，鮮甜潤喉。魚片滑溜。清清地的一道菜。翠衣白玉巧手製作，底層採用了蔬菜精華，混合蛋白，又滑又香。帶子鮮嫩味美。莞香啫啫雞煲飄來陣陣香，雞件滑滑不嚡口，好喜歡配菜芫荽，芹菜，羗蔥，夠入味，惹味十足。

紫醉軒 旺角今日去旺角返工，去彌敦道附近有個姐姐派20蚊午市現金券🤣一於就上去試下，點知發覺有驚喜！！位於譽發商業大廈4樓，一出到去成個裝修好靚😍完全睇唔出係食中餐🤣佢嘅午餐好大眾化，我哋就揀咗兩個set！濃湯雞絲豆干絲店員推介我哋食呢個，點知真係幾好食！佢係用豆干絲當成麵條，配上雞絲同蔬菜，超級健康！唔食澱粉質嘅人絕對鍾意！又高蛋白質！湯底仲係用雞煲成嘅濃湯，仲可以飲埋㖭！又唔會多味精！😍鮑汁雞粒炆飯唔好睇佢個樣普普通通，一食落去就知廚師嘅手勢真係幾好！食落去好香濃，又唔會太油膩蚊，飯粒粒分明，食落又唔會太乾身，好食！😋旺角返工嘅人又多一個選擇啦🤣

今日黎左間好特別既中菜館~餐廳以紫色為主, 裝修同設計都別具一格, 有別於傳統既中餐廳感覺就好似係西餐廳食中菜一樣, 好有驚喜!餐廳唔止環境特別, 菜式都有點反傳統~除左一般既中菜外, 仲行fusion路線~~好靚既餐具~~皮蛋凍 $68朋友好鍾意食皮蛋, 見到有皮蛋就話要點~~一上枱見到皮蛋凍大家都意想不到.....原來呢款菜式並唔係原隻皮蛋上...而係將皮蛋整溶, 再凝成果凍咁~~黑色個層係味道濃郁既皮蛋, 而下面透明個層係酸薑果凍~2層果凍味道好match, 酸薑酸酸甜甜, 好開胃!!黑磚豆腐 $98名副其實每件都好似塊黑磚好吸睛~~外皮既黑色係以黑炭&黑芝麻製成, 非常鬆脆脆脆既外皮包住嫩滑既豆腐, 口感非常豐富!!!呢款菜式有特色之餘味道仲一流陳皮鬼馬咕嚕肉 $108第一次食陳皮x油炸鬼x咕嚕肉~全部味道又出奇地夾喎陳皮好香, 配上酸甜味道既咕嚕肉感覺非常新鮮!咕嚕肉肉嫩可口~~~~油炸鬼切薄薄的, 好脆口呀!!仲有塊非常薄既菠蘿乾做點綴, 但事實所謂既點綴又甜又脆好好味喎米糟塔香蝦 $188師傅炒得好惹味丫!!!隻隻都係大蝦, 份量都唔少喔~每隻蝦吸晒汁入晒味, 大蝦肉厚鮮

旺角新開既中菜廳，設有室外位置，環境清靜，方便多人聚會🙌室內座位寬闊，坐得都舒服👍----------黑磚豆腐 $98一碟有6件，外表睇落平平無奇，食落就有驚喜😉外層脆皮係竹炭粉、紫菜、黑芝麻等等mix埋一齊炸，食落好脆口，調味十足🤗入面既豆腐嫩滑，無特別調味，中和返脆皮既鹹味。 塔香茄子煲 $98上枱個時個煲「嗞嗞嗞」聲，真係新鮮滾熱辣，侍應係你面前打開煲蓋，香氣湧現😗入面有茄子、彩椒、碎肉，帶有少少九層塔既香味，估唔到食落都有少少辣，但係都好惹味。 麻辣牛筋蛋 $88成隻碟鋪滿晒牛筋，中間有半隻溫泉蛋做點綴。呢個麻辣牛筋少辣，食落幾惹味，唔食開辣既綿羊備杯水就食到💧牛筋軟腍，有豐富既骨膠原，女士們要食多啲😏 碧綠脆炒飯 $88炒飯係綠色既，睇到已經覺得好健康，罪惡感下降😌飯炒得幾乾身，睇得到係粒粒分明😙入面有菜心粒同蛋，面頭再灑上脆米，形成好特別既口感。

有時想兩個人食下粵菜，唔要傳統中式酒樓，想坐得舒服寧靜少少，除咗酒店/高級粵菜館，我搵到呢間喎裝修走摩登路線，設有卡座，昏暗燈光有別於傳統粵菜食店型格水吧位置，為客人調配特色飲品紫藍色餐牌及食具，與店名配合呢度有一人一盎嘅湯羹，各式其色，今晚就叫咗蟹肉酸辣羹 ($98)及陳皮桂魚羹 ($98)，打開蓋見到有煙飄出，夠晒熱，正呀!酸辣味比較溫和，滿滿蟹肉絲入口鮮甜，代替傳統肉絲，食起黎份外輕鬆，無其他如豬紅，蛋絲及豆腐等配料，係簡單版 !個桂魚羹材料豐富少少，除咗有桂魚肉，仲有木耳絲，陳皮絲，加幾粒杞子靚晒!  好香魚肉味，個感覺似細個阿媽煲魚粥仔，一D細骨都無，飲完都幾暖胃。飲完熱湯羹，就到小菜出場，呢碟係燒汁日式牛仔粒 ($128)一口牛仔粒容易食，肉質帶點嚼口，帶點甜味嘅日式燒汁就算空口食都無問題，加點芝麻就更香口。愈簡單嘅菜式愈能顯出廚師嘅出品水準，就好似蒜蓉菜心 ($98)，相信大部份人都識炒; 但呢碟有咩唔同呢?!  特色之處係將部份外皮削去，保證你食到嘅係最嫩部分，加上用蒜蓉炒，係簡單呀但又真係好味喎。壓軸出場係原煲蟹肉炒糯米飯 ($128)，侍應未打開蓋已經知道應該有蝦嘅

Good Time Cool Friend💕 Amazing Food & Wine🍷🥢..旺角一間樓上中菜廳🥢，正正上年12月22日先正式開業，主打精緻新派中菜。餐廳有誠意有心思，裝橫都花足心思高雅又不失貴氣，而且菜式用心亦充滿fusion，整體高質有驚喜❤️，值得一試喔。..ll $128Dry Burning Crispy Eel先來頭盤，超級香脆佐酒一流。ll $108Sweet and Sour Pork不少得主菜，充滿fusion 有特色。一上枱已經陣陣陳皮香🖤 加上香酥鬼馬油條 & 肉腍爽滑既豬肉🐽，菜式酸酸甜甜很開胃可口。ll $128Fish Maw & Cabbage in Fish Soup蔬菜當然不能少，魚湯浸既津白夠清甜帶淡淡魚鮮，加上養顏花膠，女生恩物。ll $98Pickled Pepper Vegetable Rice Vermicelli 最後既主食，雪菜碎混和泡椒💚，為煙韌既粉絲帶來微辣惹味感覺。..戶外位置同樣夠chill。款款菜式有心思，價錢親民又精緻好吃，環境舒服又浪漫時尚優質，值得再來吃喔🥢。..×××××ש旺角彌敦道560號譽發廣場4樓..

巧遇新張幕的紫醉軒，門前堆滿了各式各樣的花牌，反正也要找地方晚餐，便二話不說走進用膳。環境裝修設計，是酒吧格局；飲品也是酒吧常見的，但菜式卻是典型粵菜，只是沒有一壼壺的中式茶水吧！餐具精美，金色配藍色，異常精美！加上餐具是全新的，感覺良好。由於新店開張，酒牌還差一點點，只能先來一杯沒酒精的白桃梳朾 $38，入口滿滿白桃香味，味道清新甜美。另一杯則是泰膏檸話梅梳打 $38，酸甜中透著檸檬🍋味道，不錯的飲品。皮蛋凍 $68，單看樣子，沒法想像它就是皮蛋子薑！別出心裁的設計，抵讚抵讚👍🎊👍上層黑色皮蛋味，下層透明子薑味，子薑跟皮蛋的味道可以同時在的口腔存在，是客鬼佬也能接受的皮蛋菜式😂😂翠衣白玉 $128 - 頂層是炸瑤柱碎及鮮帶子，金銀扇貝嗎？😂😂😂。瑤柱香口、帶子鮮嫩。蛋白嫩滑，青色賣相，精美特別，老幼咸宜。雪菜泡椒龍鳳米$98，其實是炒粉絲；雪菜不會太咸，雖然有泡椒，亦不怎麼辣，是道中和扁和的菜式。台式三杯雞 $128，雞肉入味嫩口，配菜裝飾之餘亦是健康食材，加上惹味醬料，非常美味!酒吧格局中菜館，印象中還沒遇過！位於旺角，交通方便；價格相宜，味道有驚喜，值得推薦！

呢日放工之後約左朋友去睇戲，我地睇完戲之後就去左旺角呢間中餐廳食dinner。呢間餐廳環境唔錯，仲有露台座位，幾chill。打開餐牌，見到有好多選擇。我地點左四道菜，首先係美極乾煎蝦，呢度菜用咗好彈牙既大蝦去整，落左美極同埋啲蔥去煎，做法簡單，但食落去非常惹味，勁正！另外仲有雪菜泡椒龍鳳米，炒米粉好大碟，炒到夠乾身，唔會太油，係一道處理得好好既家常菜啊！跟住有呢個川香陳皮牛肉，食落去麻麻辣辣咁，岩哂鍾意食辣既朋友。最後係啫啫芥蘭煲，芥蘭幾鮮嫩。

紫醉軒 (旺角).超有氣派，modern嘅環境配上英文歌曲，再加上精緻中菜！. ▪️川香陳皮牛肉▪️.佐酒一流小食，佢嘅牛肉係似牛肉乾咁，咀嚼下先係辣但後來你會覺得係香.▪️栗子牛肋煲🌰▪️.栗子好粉好棉(˶‾᷄ ⁻̫ ‾᷅˵)牛肋都好多件，煲上夠熱又香，牛肋肉好腍.▪️百合雲耳炒蘆筍▪️.好好食，蘆筍好爽口，雲耳又係爽，有啲似小炒食食下好快就成碟清曬ψ(｀∇´)ψ. ▪️蟹肉炒糯米飯▪️.又係原煲上，份量好多，係有少少蟹香，同埋佢個飯係偏濕少少，唔係平日糯米飯咁咁乾身..📌 紫醉軒 (旺角)旺角彌敦道560號譽發廣場4樓.環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️

油麻地開咗間新派中菜，俾佢個名-紫醉軒吸引黎咗食。餐廳裝潢時尚，同佢個名一樣，用咗紫藍色嘅燈光，好有特色。黑磚豆腐 ($98)呢個豆腐做得相當出色，白嫩嘅豆腐心，外面用一層脆薄嘅黑芝麻炸皮包住，入口同時有酥脆同軟滑嘅雙重口感，仲好香芝麻味。陳皮鬼馬咕嚕肉 ($108) 同平時食開嘅咕嚕肉唔同，餐廳加入咗陳皮、油炸鬼同菠蘿乾，令到成件事多咗口感味道嘅層次變化。蒜蓉菜心 ($98)簡單嘅蒜蓉菜心炒得好食都唔容易。呢到嘅菜心炒得火候岩岩好，鮮嫩爽脆，蒜香味十足。龍蝦湯溏心帶子伊麵($78/位)主食揀咗呢款伊麵。溏心帶子厚肉鮮甜，肉質嫩滑。伊麵用龍蝦湯底煮，吸收哂精華，鮮味十足。。。紫醉軒 (旺角)旺角彌敦道560號譽發廣場4樓。。

同屋企人黎到食摩登中菜餐廳設計比較西式🤣背景都係播緊英文歌座位闊落 坐得好舒服 服務貼心 會定時幫手斟水🥤陳皮桂魚羹先係上好足料嘅湯羹😍桂魚塊滑嫩 無魚腥味👍🏻仲有木耳絲 腐皮絲 菜絲 陳皮味唔突出 啱哂我😌反而胡椒粉味較重 飲完好暖胃翠衣白玉個菜名起得好貼切😆翠衣係混入左葱花蓉嘅蒸蛋白上面淋有蛋花青豆芡汁 蛋白蒸得好滑 食落有淡淡蔥味😋白玉係中間個6粒帶子 帶子煎得啱啱好 唔老 帶有鮮味🥰最後有瑤柱絲係上面點綴清清淡淡得黎好好味😘茶熏脆皮雞一打開個罩蓋 煙霧四散聞到濃濃嘅煙熏味🌿一碟足足有半隻雞🐔廚師好俾心機起哂骨 食落好方便😝雞皮薄脆 吸收左茶香味肉質嫩滑 點黑松露醬一齊食好夾💕蟹肉炒糯米飯石鍋熱辣辣送上😜炒飯除左有蟹膏 蟹肉外仲有蝦米 瑤柱 唐芹 葱花所以食落超惹味💓 但飯就偏濕左少少 無糯米飯黏黏嘅質感🙈

今日晏就同屋企人食飯，長輩都係鐘意食中式野，所以試下呢間新開既中式餐廳裝修幾特別🤩🤩行呢個型格路線，如果想食中菜又想有氣氛呢間都唔錯😜👍🏻午市有套餐簡叫左家鄉炒米（$88）幾足料，有蝦同小帶子、雜菜、洋蔥、蛋絲同豆芽，米粉炒到一條條仲好分明，唔會爛，同埋好入味😋😋鮑汁雞粒炆飯（$98）又係超入味！鮑汁香濃，米飯粒粒分明，同埋平均咁沾滿鮑汁，雞粒都夠嫩滑如果有埋點心就更好，下次會試埋晚市🤪