Two Ediots

营业中

休息中

有日响灣仔揾到一間食burger嘅小店，雖然舖頭細細地，但嘢食絕對唔會輸蝕比其他連鎖店，cp值超高👍👍 我地tea time去，所以叫左個tea set "fish & chip"($38包drinks) ，同另外散叫咗“啡菇芝士牛肉漢堡”($78)加$10有埋fries & drinks🤩🤩，因為Fish & chip我哋叫咗Tea set嘅關係，所以份量較小，都算正常發揮，夠香夠脆⋯但個burger就不得了啦😋😋，由於佢嘅包比較細，所以出嚟嘅感覺好高好震撼，佢煎香咗包嘅內層，加上啡菇用吉烈嘅方法去炸，口感“外脆內潤”，而主角“牛肉漢堡“係即叫即煎，超級juicy🤤🤤仲要呢個價錢，絕對值得支持💪💪

最近食食下先發現原來灣仔都幾多burger店，有啲都賣到過百蚊。今日食呢間Two Ediots一個burger set只係需要$88，包一個漢堡、有埋薯條同一罐汽水，認真抵食。幾鍾意我揀嘅呢個啡菇芝士牛肉漢堡，啲肉夠料夠實又多汁，啡菇個面有炸一炸，咬落口多一種口感。而啲薯條都唔錯，可惜我係叫外賣，可能因為隔咗少少時間，啲薯條已經有少少軟，不過都仲係好食嘅。而且我幾鍾意嗰種連埋少少皮嘅薯條，嗰種口感幾好，同埋心理上都會覺得食緊啲高質啲嘅薯條。overall真係幾推介呢間，好食！

上星期突然好想食漢堡包，因為實在太耐無食過，但又唔想去麥記，於是就在工作地點附近搵到這間隱世食店。在灣仔食店林立，選擇其實很多，但這間食店算是幾隱蔽，人不太多，個人覺得既不用等位太耐，又可以靜靜地同朋友同事傾偈而不會被人趕走，是個不錯的好地方。那天，如果不是我的同事堅持外賣，可能我會選擇堂食，因為堂食可以坐得舒服一點，在辦公室食容易弄污桌面。說回餐廳食物，我點了Atomic Bomb即是啡菇芝士牛肉漢堡，跟餐配薯條和檸檬可樂。 薯條與平日麥記不同，是厚切新鮮炸薯條，味精不重，幾好味， 漢堡包很大，是巨無霸的size兩倍，啡菇咬落勁juicy,  配上zesty sauce即類似蕃茄醬汁和沙律醬，酸酸甜甜，很好味， 牛肉一樣好juicy, 有牛肉味但唔會好似漢堡的質感太硬身，沒有雪藏味，又唔會太燶，煎得剛剛好，配埋啡菇，蕃茄，生菜和漢堡包等口感十分豐富， 所以我會十分推介Atomic bomb。價錢方面，雖然有點貴，但我覺得食物質素不錯，而且份量十足，偶然放縱一下也無妨。

又到食飯嘅時候，去食下午茶，經過見到呢間食漢堡，都幾吸引，價格合理，仲要有下午茶餐，一於試下新野。餐廳是美式風格，以橙色為主調，牆上的美式卡通十分搶眼，電視播放Mr.bean，可以笑下relax，下午茶時段，冇乜人。下午茶，要迷你漢堡了。迷你漢堡配洋蔥圈，$42。要了下午茶套餐，可配薯條、洋蔥圈及沙拉，我揀了洋蔥圈，迷你漢堡，賣相不俗，雖然是迷你版，但十分足料，麵包軟熟，迷你牛肉，有焦香味，牛肉味濃，口感鬆化又多汁，幾好味，配上生菜、蕃茄及芝士，清新又豐富。洋蔥圈香脆，唔會好油，幾不俗呢。凍咖啡，餐飲，咖啡味不俗，夏又飲凍啡，爽！食物不俗，價格合理。

每次同同事都會揀啲新餐廳嚟試，呢間漢堡包想試好耐，終於有機會試吓謝斐道呢條街嘅餐廳係平日Lunch hour真係好多人，除咗呢間小店🤔🤔🤔點解嘅？點解嘅？食完之後我就知點解啦價錢屬中價，漢堡包另外再加黑松露薯條同汽水+$20個賣相都OK，漢堡包皮感覺脹卜卜，不過呢款魚柳漢堡比我想像中嘅有出入，呢度嘅炸魚柳感覺好似英式炸魚柳一樣，炸粉比較厚身，雖然魚柳都幾滑，不過炸粉比較多，食完相對地比較膩。而且魚嘅調味比較淡口，另外中間就係夾咗生菜同芝士，整體嘅味道特別每次一見到黑松露薯條一定係必點！不過呢度嘅黑松露沙律醬味道冇我想像中濃厚，薯條熱辣辣，不過沙律醬嘅味道略嫌遜色左啲。同事叫咗牛肉漢堡，不過佢嘅感覺同我都一樣，覺得整體感覺一般般，Lunch時間餐廳都冇滿座，希望之後會有改善啦❤️

灣仔我至愛既burger❤️真係抵食又好味👍🏻前前後後都食過4,5次😋𝘾𝙤𝙢𝙗𝙤 𝙎𝙚𝙩 🍔+🍟+🥤➨𝙁𝙞𝙣𝙙𝙞𝙣𝙜 𝙉𝙚𝙢𝙤 芥末魚柳漢堡(𝙁𝙧𝙞𝙚𝙨 𝙬𝙞𝙩𝙝 𝙙𝙧𝙞𝙣𝙠) $73➨𝘿𝙧 𝙍𝙤𝙤𝙨𝙩𝙚𝙧 脆香雞堡 (𝙁𝙧𝙞𝙚𝙨 𝙬𝙞𝙩𝙝 𝙙𝙧𝙞𝙣𝙠) $68 +$10 𝙩𝙤 𝘾𝙝𝙚𝙚𝙨𝙚 / 𝙏𝙧𝙪𝙛𝙛𝙡𝙚 𝙁𝙧𝙞𝙚𝙨 / 𝙊𝙣𝙞𝙤𝙣 𝙍𝙞𝙣𝙜𝙨食得緊係要upgrade埋薯條一份轉佐洋蔥圈 一份轉佐黑松露薯條🥰芥未魚柳係我呢到既最愛首選啲芥未醬甜甜地超好食！同好足料魚柳好大塊唔會好厚炸粉薯條既黑松露醬真係好好味次次都要點好多😍如果中意飲酒既朋友Combo set 加多$10蚊飲品就可以嗌啤酒🍻PS: 佢星期一至日每日都有唔同優惠今次係每個餐送雞翼2隻😛之前有指定漢堡買一送一添架！

灣仔向來多好野食😋今次就去左呢間性價比都幾高嘅burger店到食lunch. 我地係平日嘅lunch hour 去到，好彩都唔洗等位。餐廳有幾款唔同嘅burger可以揀，每款都唔超過$100，加10蚊仲可以配野飲同薯條，相當抵食❤️今次我就試左佢個atomic bomb ($78), 再加多$15配埋truffle fries同野飲。Burger賣相非常唔引，望落已經feel到佢係落足料🤤漢堡入面夾左生菜、蕃茄、厚厚嘅大啡菇同漢堡扒，絕對唔係一啖咬得晒嘅厚度🤣漢堡扒入口已經有啖啖肉汁流出，口感嫩滑，但牛味唔算濃，油炸過嘅大啡菇同樣juicy，啲汁多到一路食一路滴，中間夾埋佢地特製嘅醬汁，邪惡得黎又非常好食🤤 佢嘅truffle fries亦都唔差，薯條係粗薯，上面加左黑松露醬 食落相當鬆脆😋

好耐冇過黎灣仔。原來橋底兩邊都開左幾間新食店​​呢度嘅漢堡包有好多款可以揀，軟殼蟹🦀、牛🥩、魚🐠、雞🐓，小食就都係黎黎去去果d炸物類。不過可以講下就係薯條就可以揀甜薯，黑松露，芝士👍🏻👍🏻​​平時食太多牛堡，今次見佢有個芥末汁魚，好吸引，所以就試咗個Finding Nemo 🐠 芥末汁炸魚堡🐠 。。。 個飽其實真係好迷你，好彩魚塊都叫有兩件。​如果再多啲汁就好了。​另外再加咗份hot wings ，雞翼有啲似水牛雞翼，辣道都有少少反應🤣 唔食得辣嘅就自己諗諗喇​​應該係大食大胃咗，最終要食晒d薯條同埋飲埋罐汽水先剛剛好🤦🏻‍♂️🤦🏻‍♂️​

Openrice做外賣自取，令我搵食範圍擴大咗好多。今次第3次幫襯，食過啡菇芝士牛肉漢堡，簡直返唔到轉頭。今次翻啅叫Lunch set，因為CCB信用卡優惠，計落免費加多個Cheese Sticks。啡菇外脆內嫩又juicy，加上同樣又厚又juicy的漢堡，醬汁很惹味，份量剛剛好，就算外賣拎到返去都唔會整濕哂個包。雖然高身到一啖咬唔到一個縱切面，但又唔至於搞到好呢hea。Lunch Set包埋薯條汽水，粗薯條，薯味好足，外脆內軟，唔駛點茄汁就咁食就好好味，佢仲加咗少少紫菜粉吊味，食到停唔到口。但外加嗰份Cheese Sticks，明顯被薯條比下去，粉太厚好硬身，見到好多芝士，但味唔出(唔知係咪食咗薯條先所以掩蓋咗芝士味)，偶爾先食到少少芝士咸味。整體而言，$88有呢個質素的burger set, 物超所值，而且質素很穩定，外賣都包裝得好企理，員工也超nice，十分推薦，行遠d過嚟都值得。

近排大食妹係灣仔發現左一間未食過嘅漢堡店, 搵左一個晏晝同朋友去試一試<Travel with Ediots>大食妹晏就唔食得多, 但又好想食多啲味道嘅漢堡於是就嗌左呢份Travel with EdiotsTravel with Ediots裏面包括兩隻迷你漢堡, 一隻原味, 一隻黑松露味兩隻漢堡裏面都有漢堡牛肉、芝士、蕃茄、煙肉同生菜, 唯一唔同係一個係沙律醬而另一個就係黑松露醬漢堡牛肉幾juicy而生菜都好新鮮<Cheese Fries>薯條方面, 大食妹就upgrade左做芝士薯條但薯條唔夠熱, 有啲軟身, 芝士都有啲太咸<Atomic Bomb>朋友就嗌左份Atomic Bomb特別表揚炸大啡菇超juicy<Truffle Fries>朋友就upgrade左個薯條做黑松露薯條, 大食妹覺得黑松露薯條比芝士薯條更好味呢

有朋友介紹過呢間既漢堡，之後前後已經總共食過三次，個人覺得係絕對值得encore嘅漢堡店😋😋雖然唔係咩連鎖嘅漢堡店，但係呢間舖頭入面嘅size都唔細，都坐到幾多枱客人，舖頭入面嘅電視會一路播住Mr Bean，真係令人懷念🤣🤣同埋呢間舖頭好細心，除左有餐具提供，仲有手套，方便晒我呢啲鍾意用手食漢堡嘅人👍今次試左Atomic Bomb同Cheese Digger，塊漢堡好大塊，而且係好多肉汁，完全唔會覺得乾，同埋雖然係漢堡扒，但係食落去相對一啲大型連鎖漢堡店無咁油膩，另外其中一個漢堡仲有一舊炸嘅大啡菇，由於係炸嘅關係，會相對比較油，但係完全冇一啲草青味，呢方面我係比較滿意☺️如果係食套餐嘅話一般係配普通薯條，佢嘅薯條都屬於粗身，點埋茄汁食嘅話味道唔錯，亦都可以揀甜薯條，我就兩樣都食過都覺得唔錯，只不過小食方面有一個芝士條就比較唔推介，因為入面嘅芝士其實冇乜味，而且外面嘅皮比較厚，會比較易食滯🙈

個人認為對burger有要求的話就要去餐廳食，連埋飲品、加一，百幾蚊一定要，都唔捨得成日食。第1次幫襯，原來所有burger只要加$10就變set，有薯條、飲品，例如我揀咗cheese digger $73，轉set先係$83，唔駛加1服務費，如果有質素就真係平到笑！我再加$10將普通薯條轉芝士薯條，埋單共$93。鋪頭嘅音樂揀得好，風格同鋪頭襯到絕，等食物時，聽住音樂、聽到open kitchen 煎漢堡扒嘅“自子”聲、聞到煎炸香味，呢個moment好正，令人更期待，咩疫情、市道低迷嘅沉重心情都暫時唔記得，好療癒。之前試過burgeroom嘅魚包加蛋，果舊蛋實的的又老又硬，火都嚟，2 ediots呢塊蛋好得多！如果生少少更好！漢堡扒最想讚，夠fresh 、鬆軟，homemade 嘅味道係平價連鎖店嘅工廠式生產2%牛肉98%化學添加劑的急凍貨式做唔到。薯條ok，但芝士醬較淡味，煙肉碎唔多，下次會食返普通薯條。飲品揀咗black coffee，非常普通，不要有期望。好想好想再去，個burger好鬼正。

晚上來到老公強烈推介的好味漢堡店"Two Ediots", 雖則我首次來，但耳聞老公講過最少兩次灣仔有間漢堡，好味，CP值極高。所有便来嘗嘗唄。店風清新可喜，橙色牆身畫了一對情侣及"Life is better with burgers"字句。係香港吃個漢堡動輒過佰，味道也不是次次滿分。今次發掘的漢堡店，漢堡味道甚佳，值得再來價錢仲抵，$68個漢堡仲要買一送一，加埋薯條(好好味架薯條，一定要加)及飲品後，我們二人只需$103，吃到用心的漢堡，亦感受到店主的用心經營。用心、真誠等字眼我覺得很適合這間店哦!

好耐無去食漢堡包，難得係公司附近搵到間，餐廳位置都方便，而且成間橙色好搶眼🤪▪️ 啡菇芝士牛肉漢堡 💲108 (Combo Set)原來餐廳幫呢個包改左個Atomic Bomb既英文名，黎到果然好似💣咁大到嚇親，唔分開幾層食根本食唔到😂包身充滿住牛油香，面頭有少少千島沙律醬、番茄、生菜，大啡菇原來係鋪左芝士係面再炸，變相係強勁半溶拉絲芝士之餘，炸粉唔會厚身，而入面又依然保持juicy香濃既菇，邪惡到不得了🍄下面係芝士加手打牛肉，入口唔會鬆散，牛味不過不失，整體係好飽肚幾滿足🤭不過兩重芝士加埋炸野，剩係個包都會膩同濟足全日😂跟餐仲有普通American Fries，熱辣辣咬落偏鬆多薯蓉，配埋汽水🥤🔎 整體評分（7.5/10）

好特別的炸魚薯條。一食落口跟平時很不同。平時食的很淋，有點腥。但今次一食，是爽，一件件不碎，很特別又好食。忍不住問原因，老闆娘原來是特別揀選青衣柳，英文稱為Ling。怪不得。值得試試，有驚喜。