Top Blade Steak Lab (希慎道)

营业中

休息中

見openrice可以直接點外賣，以指定時間取，十分方便，所以便從中環過去銅鑼灣這店試一試。今次試了美國390日穀飼Prime級平鐡牛扒配薯條及Dirty檸檬茶（凍）。我訂了12:30pm取，準時做好，去到5mins對了單號已經可以取。外賣用openrice的外賣膠袋，好實淨。每一樣食物都包得好有條理，完全冇馬虎。薯條回到中環還是脆脆的，不錯。牛扒好有牛味，都算滑，可惜就是些少筋位，比較難咬。檸檬茶都好清新。外買來說，算是不錯的選擇。

💬 “True love is rare, like a good steak 🥩.”鍾意食牛扒嘅朋友注意啦～.我自己食過咁多間餐廳發覺到一樣野就係香港嘅餐廳普遍會將牛扒煎得過熟好多時叫七成，就會變咗全熟.Top blade steak lab嘅火候掌握得啱啱好😍😍我個日叫左份 flat iron牛扒切開裏面仲係粉粉嫩嫩的❣️真係好好味😋.個burger都值得一讚👍🏻裏面塊扒真係世界級好易咬，唔會太un .我個日平日5點去～ 完全唔洗排隊開心😃

咁啱去開銅鑼灣就search下附近有咩餐廳食。結果搵到li間有任食薯條 好吸引🤤🤤🤤去到個陣啱啱開門，所以唔係好多台客，裝修簡約舒服。我地兩個人叫左個招牌牛扒同豬鞍架。唯一不足之處就係無lunch set🥺如果再叫杯野飲就有少少貴所以都係決定飲水🤣🤣店員會上左薯條先，薯條係用松露油炸嘅！好香松露味，非常之脆，同埋應該係新鮮炸起嘅。唔會有個種油膩嘅感覺。一開頭以為可以叫幾碟食下，結果一來已經勁大份薯條，叫唔到第二份😂 跟住叫左份7成熟牛扒，煎得幾好。係7成熟，而且唔會有血水。牛扒好有肉汁幾香好軟熟，一個字 「正」。塊豬鞍架都唔差！唔會煎到太熟，外脆內軟。個味好香，唔會太鹹，同塊豬扒好夾！價錢合理 唔貴唔平～不過價錢絕對對得住份扒嘅質素！非常滿意間餐廳，係可以特登過海食嘅餐廳。😋

第一次光顧係何文田個間，位置比較偏僻。自從開左銅鑼灣呢間分店就主要黎呢間多。呢間同另一間la xxxxx 差唔多，都係主打牛扒+任食薯條！呢間環境比較casual, 比較啱啤一啤（la xxxxx氣氛比較適合開支酒飲🤣）牛扒有幾款選擇（仲有burger/豬鞍），平平地食招牌herbly flat iron配不斷encore松露薯條都已經好滿足呢款佢建議medium，但食過之後都係覺得medium rare啱啲，因為邊邊位會熟少少接近medium 。

乾淨，服務好，勝價比高的牛扒專門店！今次試左Flat iron steak 同 Chef flat iron，價錢分別$150 和 $238。每件扒約8oz 。雖然牛味不太香濃，但肉質軟滑，再加上薯條任食，咁嘅價錢已經好抵！不得不提，不論什麼時候，薯條都係熱辣辣😱👏🏻👏🏻，好難唔叫多round 由於餐廳不大，記得要訂位啊！餐廳不接受電話預約如要訂座請到以下網址

係朋友既介紹下，今日特意去試下呢間扒房既牛扒！好好彩去到唔洗排隊，消毒雙手，量下體溫就可以坐低啦～我地揀左2款扒，一款係【香草平鐵牛扒】，而另一款就係【美國390日殼飼Prime級平鐵牛扒】，職員都十分細心，會介紹返每款扒都有推薦既熟食程度，咁我地當然聽從專家既意見咁嗌啦。一開始職員就先送上薯條！薯條薯條望落比較幼身，但食落都幾脆口，有淡淡既黑松露調味，幾香口同幾有口感，重點係可以不斷添加！之後就上主菜啦！【香草平鐵牛扒 herbly flat iron steak】牛扒食落肉質好嫩滑，口感十分好，再沾上碟上嘅海鹽更好味，唯一美中不足係牛肉味可以更濃郁，但係呢個價錢下已經十分好，CP值十分高！另一款牛扒就係【美國390日殼Prime級平鐵牛扒 usda prime 390 days grain fed flat iron】相比之下，呢款扒既肉味就十分濃郁，配搭酸甜的醬汁同薯蓉平衡一下濃郁的味道，令整道食物風味提升了不少，可惜既係外層煎得稍為硬了點，影響左口感。最後仲嗌左枝鮮石榴汁黎飲，幾好味！總括而言，呢間扒房既牛扒質素相當不錯，但仍有進步空間！

Have been wanting to try Top Blade Steak Lab for a long time but every time I came by during dinner time the queue was so long.  Came here during a weekday for lunch and no queue when I arrived, perhaps it was 12nn only .Been hearing excellent comments about the steak but given I was a little full so I ordered a balanced diet lunch. Super Food Salad $98Definitely a balanced diet lunch. ...veggies and steak!  The salad portion was larger than I expected .  Salad ingredients are quinoa, sustainabl

𝒮𝓉𝑒𝒶𝓀 𝐹𝑒𝒶𝓈𝓉 🥩⁣呢間牛扒店主打 Flat Iron 呢個Cut 肉味濃而且肉質嫩既程度僅次 Tenderloin 🤩 店員知道我哋第一次嚟都好親切 主動同我哋介紹Menu⁣解釋 佢地選用既 Flat Iron 同煮法 💯⁣⁣/Signature Cut/⁣期間限定 調味比較重 但係好好食也不會蓋過牛扒既香味 💛 除了牛排 還配了 洋蔥圈 炸蔥頭 焦糖洋蔥 一齊食另牛扒更惹味 味道有level-up 咗既感覺 🥳 火箭菜 就可以平衡一下 解解膩 ⁣⁣/Unlimited fries/⁣任食既松露薯條 夠熱夠脆 🍟 可惜下面既薯條松露味較淡 有啲美中不足 🙈⁣⁣

碌ig見到有人介紹呢間平價嘅flat iron steak仲要有任食嘅松露油炸薯條於是今晚就特登book定位嚟試首先個松露油炸薯條坐低order完嘢食就即到好熱辣辣因為任食關係 見大家都會叫refill佢應該係keep住炸嘅 炸得啱啱好松露味道都恰到好處我哋一共食咗4碟羽衣甘藍雜果汁我以為會係佢哋自己整點知原來係一支支嘅但味道都唔錯嘅不過一支有成27g糖main終於都嚟喇有鹽同蒜比你一齊食我嘅係最basic$150對面男朋友就加多$50 有50%more嘅份量我就覺得regular已經好足夠想留肚食多d薯條haha

什麼平鐵牛扒呀？牛扒我乜都唔識淨係識食！ 其他我識條鐵咩? 🤣講返D食物，点了個香草平鐵牛扒增量50% ＋ 紅酒一杯…… 先來了個炸薯條，這裡的薯條係任食的，食完可以再叫！ 薯條係鮮炸的，脆口味美！ 等不久條鐵也來了，份量加了也的確不少，仲有点肉香撲鼻而來，切落去入口的肉也頗嫩，但不夠熱，及欠缺牛脂的油香，這也是這條鐵的部位問題吧！ 味道及質量尚可，至於杯紅酒就很一般了……忘了說餐牌上的選擇真的不多，如果唔食牛基本只得一款豬扒可選…… 入得來幫趁應該都是牛魔王一族，埋單畤眼見已坐滿，但令我驚奇的是男的只有三四丁，其餘坐滿的都是女的，真的有咁多女士愛食牛? 定還是嚟食免費薯條咋? 😂😂

成日放工經過都見到好多人排隊，所以我今次上網訂左位，唔洗排已經有得食啦！ ➡️ Herbly Flat Iron Steak 香草平鐵牛扒食落都幾有牛味，唔會比香草嘅味淹蓋，而且賣相好靚！➡️ Spain Chestnut Fed Pork Rack 西班牙栗飼豬鞍架成個手掌咁大嘅豬鞍架，肉汁非常豐富，一d都唔油膩，非常好味！➡️ The European Pepper Steak FEAT. Signature Prime Flat Iron 呢個用左胡椒忌廉汁嚟整嘅牛扒，加左脆蔥頭，生西洋菜葉，個味超夾，塊扒嘅肉質做到恰到好處，又香濃又多汁，大推🤩➡️ Super food salad + house soup + all you can eat fries 🥗🍟沙律賣相唔錯，湯都好香濃！新鮮炸起嘅薯條，加左香草調味，唔洗茄汁都已經好夠味！➡️ Dirty lemonade用左grilled fresh lemon, rosemary syrup同埋lightly sparkling 而成，飲落好解渴！整體而言CP值超高，價錢非常親民，記得要訂位先好去啊！Top Blade Steak La

今日同朋友慶祝一年一度的生日。去了銅鑼灣食晚飯,就選了間出名据牛扒的餐廳喇,這間Top Blade Steak Lab的扒房, 閒日的晚上，近乎全院滿座~ 地方坐落舒服,生日,情侶,節日慶祝,聊天聚會是不錯的地方~.*炸薯條 無限量添加~!外脆內軟,啖啖薯香,薯條脆身及熱身入味,配以茄醬,味道更佳.*藜麥沙律還有鮮甜蕃茄及健康的藜麥襯托一起的沙律菜,味道清新醒神~*忌廉蘑菇湯 飲落幾香滑，味道濃郁嘅,還有吃得出的鮮味~*Dirty lemonade 是有汽的,解渴可口,製法特別以焦糖烤香,飲落陣陣香濃檸檬~透明漸層深黃賣相不錯~*USDA Prime 360 days grains fed flat iron ($268)美國390日殼飼PRIME級平鐵牛扒牛味道濃郁,這平鐵牛扒食落肉質幼嫩，而且脂肪比例平均，口感細緻香口,肉汁豐富,加上香濃牛肉燒汁,不錯

這個疫情時勢下，在外食飯是件奢侈的事，所以要找個好地方，找間精彩的，不能嘥了這個quota。日日在家食或是外賣，總要找一些在家不能食得盡情的食店，知道這間提供中厚薯條冇限量，高性價比牛扒，便把心一橫walk-in 試試。等了三個字入座，餐廳不是很大，走新風格簡約路線的裝修，令人舒舒服服投入進餐。因 食肆隔離限制，坐得相當寛敞。店長妹妹放低menu, 並友善地講解今日主菜，連醬汁及煮法也解釋得很仔細， 服務令人喜出望外。點了兩個signature grills, 一個香草平鐵牛扒及黑桃平鐵牛扒，牛扒兩個煮法有些不同，黑桃的用上自家BBQ醬燒的，加了幾片厚厚的香桃，微酸加微甜的，整個味道得以配合，牛扒不太油膩。牛扒五成熟昰剛剛好，不要叫七成，這樣才能特顯那個鮮嫩燒烤之感。若喜歡燒烤汁，這個一定是不異之選。至於香草平鐵牛扒，牛味相對地豐富，燒得不過火，特顯了靚牛扒的質素，少少香草已帶出其牛的鮮味，個人較喜歡這個，強力推介。還叫了自家dirty lemonade，這個都幾得意，不同出面的lemonade，我覺得有少少似咸甘桔檸檬，很解喝，爽。

朋友食完非常推薦的一間餐廳表示任食黑松露薯條非常正而且牛扒也是水準中上可以媲美半山的LA VXXXX所以就來試一試！店內的裝修很年輕而且餐牌都是中英對照的感覺上很親民食物方面黑松露薯條是任食的幼身連皮炸的薯條配上黑松露鹽非常香脆可口！套餐 餐湯 蘑菇湯湯底是一個比較淡的忌廉底加很多很多原塊蘑菇所有香味都是要靠蘑菇本身才有的一般～套餐沙律是一個蟹肉沙律蔬菜新鮮但蟹肉略嫌有點腥【所以我個人不推薦加配套餐～～】Flat Iron依照他的建議點了medium五成熟～很重的香草味但略嫌整體味道比香草味所蓋過而且肉的水份很多這個是相對上比較失望的US Prime依照他的建議點了mediim rare 三成熟～一來到看下去好像毫無樂趣的一塊肉這個一入口有很濃的炭燒香咀嚼之後也有或非常濃郁的肉味煮得剛剛好 是意料之外的味道我個人比較喜歡這一道多點這個也比flat iron貴大約$100大概就是一分錢一分貨的道理吧～

第一次黎，食lunch,覺得店員幾專業。首先坐底就會講解是日餐湯同有咩茶可以選。跟住點菜會推介牛排做幾成熟。有個朋友話檸茶想走甜佢會講解個檸底用左焦糖做所以沒法走甜但可少甜。感覺店員對店舖既食物都有了解知道serve緊啲乜。叫左burger同steak.牛排賣相非常吸引，肉質紅嫰又juicy，牛味香濃。不過同事覺得蒜頭太生所以冇試。Burger試左牛油果煎蛋burger.牛油果醬充足，蛋煎得好香生熟程度好好。漢堡唔會太乾，中間夾塊生菜又幫忙減膩，配搭幾好。之前係burger room 都成日食牛油果醬burger但食到有啲厭，呢度反而有啲驚喜。店員仲俾左個袋我地，如果想用手拎住食可以用個袋裝住，唔使整污糟手又可以裝住啲汁冇咁狼狽，我覺得好貼心。整體都幾滿意。聽講晚間薯條係免費refill，值得一試😊