Top Blade Steak Lab (新城市廣場一期) (已結業)

平時行開見到呢間店總有人等位，這個星期四嘅夜晚我哋決定嚟試吓入到去坐低之後，店員第一時間同我哋介紹餐牌裏面嘅菜式，同埋介紹佢哋舖頭牛扒嘅特色之處：Flat Iron佔成隻牛好細嘅部份，油少啲肉軟。我哋兩個點左一份係牛，一份係豬先上嘅係松露薯條，呢度幼薯條係可以無限添加，佢炸得好乾身香口, 松露味道都幾出。不加任何調味料食也好味。如果加埋黑椒或埋茄汁食又係另一感覺。我哋習慣食5成熟，煮得剛剛好，肉質唔錯，牛肉味香濃。呢款嘅特色係以四種煮法嘅洋蔥一齊配合牛扒，不同煮法嘅洋蔥的熟嘅程度，及唔同烹調方法令洋蔥突出各層次，味道更提升。炸洋蔥片香口；煎炒洋蔥突出其本身獨有嘅香味：洋蔥碎配合牛扒一齊食令到味道更融合：洋蔥圈勁鮮甜，而家諗起都好掛住一上枱有啲感到意外：咁大份嘅！哈哈肉都好林，配合埋蒜頭一齊食更加好味。配菜嘅燈籠椒好香甜，整體感覺唔錯呢度嘅飲品選擇亦都有好多，我哋揀咗一杯特別嘅檸檬茶，同埋一杯特別嘅果汁店員說他們舖頭嘅檸檬糖漿係特有嘅配方去煮，有檸檬嘅香氣，同時帶出咗一個焦糖嘅味道。羽衣甘藍果汁都係第一次試，果汁當中日加入唔同嘅水果及薄荷葉，味道更加特別唔錯嘅一餐！值得再次幫襯

同男友人一人叫咗一個餐，最鍾意呢度有任食薯條，薯條每碟拎出黎都好夠熱，幼幼地唔覺唔覺就食完一碟。美國390日穀飼Prime級平鐵牛扒，flat iron 係全隻牛第二滑嘅部位，肉質真係好嫩滑，牛肉味好香濃，點少少碟邊嘅鹽食已經好好味！唔點鹽嘅話都可以點旁邊個汁，有好fresh 嘅味道，同牛肉味好夾。而個薯蓉都幾好味。另一個試咗招牌flat iron, 呢個跟洋蔥圈，炸洋蔥絲同洋蔥汁，好惹味，仲有啲洋蔥蓉同沙律菜。呢個同prime 比較，各有各好味，呢個雖然牛味無咁濃，但肉質就軟熟啲，2個都鍾意食。野飲試咗凍dirty 檸檬茶同凍dirty檸檬特飲，檸檬特飲好酸，如果鍾意酸味嘅話都幾正，而個檸檬茶就無乜甜味，幾特別！

好耐冇去沙田，見開咗間餐廳專食平鐵牛扒，就同老公試下。餐牌選擇唔多，主食有三款平鐵牛扒、一款豬鞍架同一款burger，我哋點咗一份最平同一份最貴嘅牛扒，試下有咩分別先薯條係 +$0 任食嘅，唔好以為任食就會畀頹嘢你，呢度嘅薯條真係炸得好好！食落係好香嘅松露味，而且食得出唔係用萬年油炸，係用新鮮油炸起，炸得夠乾身；我哋前後叫咗三份，全部都做到又熱又香脆Herbly flat iron steak (medium)　$150所有平鐵牛扒都預設係8安士，呢款係餐牌上唯一一款可以 +$50 增量嘅，不過我哋今次就冇加，我哋跟餐牌上推薦叫咗五成熟。有少少血水，食落脂香濃郁，口感柔軟，一啲筋都冇，點少少鹽已經好好食；百零蚊有咁香咁嫩嘅牛扒，真係物超所值，下次會加錢增量！！Usda prime 390-day grain fed flat iron (medium rare)　$268牛扒我哋揀咗三成熟，中間嘅肉會紅啲，切開會有血水滲出。呢款扒嘅牛脂香味冇頭先嗰款咁濃郁，但肉質更軟更腍！！而伴碟嘅薯蓉都好有誠意，入口好滑，好香牛油味Dirty lemonade　$45酸酸地幾清爽嘅檸檬梳打Dirty

今日放工好想好想食牛扒，咁岩朋友又得閒，所以我就約咗佢食呢一間一直都好想食嘅牛扒餐廳餐廳喺新城市廣場，去到已經全場滿座，好彩等咗一陣就有枱，餐廳地方唔算好大，有10零張枱，都算幾鬆動，坐得都舒服餐廳係主力食牛扒嘅，有三款牛扒可以選擇，唔食牛嘅仲可以食豬扒，仲有一款漢堡包，佢嘅薯條係平日係任食嘅我同朋友就叫咗一款平啲同一款貴啲既牛扒諗住睇吓比較下香草平鐵牛扒：呢個質素都好好，根位比較少，牛肉容易切開，入面有冇血水，佢嗰半個蒜頭都差唔多比我食晒美國390日榖飼prime級平鐵牛扒：呢款牛扒肉質超嫩滑，牛肉味勁濃郁，入面啱啱煎到粉嫩，淨係點鐵板上面嘅鹽都已經好夠味，連配菜薯蓉嘅濃杰程度都好好最後一定要讚下佢個薯條，薯條夠熱之餘，上面仲有啲薯仔皮，香脆又好味

星期六去開沙田， 有人評價此餐廳牛排， 即管試試。有點失望而回星期六11：20入座， 限時75分鐘。3人入座要叫3人食物（事先沒有講明）， 否則要2主食， 2小食。1） 香草平鐵牛扒 $150 一人份量（5片）， 如加大要加多$50牛扒肉質適中， 唔韌，有牛味此牛扒有8分。2) 終極漢堡 $160外觀非常好， 但食落牛肉漢堡扒， 又乾又冇牛味， 要收$160， 實在唔抵。 比6分■本人意見， 食同層s.s漢堡包仲好， 太差了。3）小食 ～ 蟹餅 $68唔係唔好食， 蟹肉有點鞋， 價格貴， 唔值。4）side dish combo什菜藜麥沙律加餐湯沙律內有一堆不知是什麼食物， 嚇得我， 問清楚才知是蟹肉， 因為一舊舊。5）黑松露薯條 （可以免費任加）沒有黑松露味， 薯條ok的。個人意見服務：8分（沒有主動比水，扣1分）食物： 7分 （有待進步）環境：8分 （坐位舒服， 早上入座不太多人， 都清靜）價格： 6分 （食物貴些）

去新城市就食野其實都係睇完張商場優惠券先見到有top blade steak lab呢間餐廳原來新城市廣場唔只得一間黃店呢間top blade steak其實一早就係我個list入面再加上肉dee介紹得幾吸引只專注做一種部位既肉果個部份就叫做flat iron應該都唔會差得去邊掛之前去英國都食過一間叫做flat iron既連續店果間算係又平又好食都幾出名雖然我就聽完都唔知flat iron其實係邊個部位不過對呢間野專賣flat iron就真係有期待既top balde Steak一共有三間何文田總店銅鑼灣同沙田分店呢間就位於新城市廣場地下係近巴士站果一邊洗手間格離都有少量座位可以book檯其餘都係for walk in既十一點半果時黎到入面就大把位之後行完博物館再番黎已經一點鐘都full左八九成但都仲可以唔洗等入得到可能價錢要差唔多兩舊水起跳對比新城市其他舖頭明顯係少人d既呢間黃店同之前食果間mimila一樣都算唔大間座位都幾迫要同格離share一張四人檯中間隔左塊膠板如果有book檯既好似可以坐得寬落D有提供口罩紙袋餐牌主菜其實得五款其中三款係flat iron一款豬鞍同埋一款bur

今次嚟到沙田呢間topblade， 一睇就知係一間專食牛扒嘅舖頭， 仲要係一個好特別嘅部位叫flat iron， 估唔到食牛都有d咁專業嘅舖頭。一嚟到門口就見到一個好大嘅牛標誌， 裝修都好開揚嘅車位置闊落，佢啲裝飾都好美式， 感覺好舒服。今次試咗佢個390日aged flat iron， 想啲份量足足有8安士咁多， 夠曬一般人食喇。 一上碟就見到比較深色， 睇到佢有風乾過嘅痕跡， 呢啲牛扒食落啲肉味就會濃郁d， 但咁做成本就會貴咗因為一舊風乾咗既牛，入面啲水分就會蒸發咗， 變相十安士既牛就會變左8oz， 所以呢啲牛扒就貴喇。 叫咗三成熟，煮得岩岩好， 佢仲切開咗畀你睇到中間係幾多成熟嘅。牛味好濃郁好好食。另外，重點一提， 呢度係任食黑松露味薯條， 薯條新鮮熱辣辣每次都定量制作， 上枱呢仲好辣口， 黑松露味好濃好好食。

美國390日谷飼prime 級牛扒 (五成熟)我同朋友都叫咗同一份Prime級牛扒 好有驚喜!牛扒入口軟熟 唔會過度調味 完全食到Prime牛扒嘅原汁原味！絕對可以Encore 成為我心目中top3 嘅牛扒🤟🏻胡椒鹽薯條 薯條又係一大驚喜！就算啲薯條攤凍左 外殼仲係好香脆❤️ 食得多都唔會覺得好油膩 入口有淡淡的胡椒香 weekend 仲可以免費refill薯條, 正啊😗凍Dirty檸檬特飲 特飲比想像中普通，Menu標榜有用syrup, 但入口唔係幾飲得出 ，不過飲得出檸檬皮嘅香 整體上成杯偏酸，同佢形容有啲出入Mojito 雞尾酒（無酒精）Mojito 果然都係正正經經嗌返有酒精會好味啲😂 青檸味幾濃 但就唔建議特登order純素超濃軟朱古力蛋糕本身見到幅圖好似幾吸引，蛋糕味道偏甜🥰食到一半已經好濟...兩個人share一個會好啲🤪

食過top blade steak lab何文田店，水準唔錯但位置真係幾吊腳，今日行開新城市原來佢喺度有分店，即刻入去回味下。舖頭比何文田店大，欣賞佢啲飛沫擋板用黃色膠板，襯返店舖既裝修風格。叫咗最基本既flat iron扒同埋四式洋蔥既特色扒，前者肉質比較嫩滑，後者外表酥脆啲、牛味出啲，有各式洋蔥係加分位，炒到焦糖化既洋蔥好好食～呢度薯條係任食既，用qr code添食，薯條香脆得黎唔會太咸，每條都見到少少薯皮，真材實料。我地加咗個蟹餅，入面好多蟹肉，係外皮炸得過火咗少少。飲品方面反而有驚喜，個羽衣甘藍果汁酸酸地好開胃好易入口，另一個mojito就草青味重啲，都fresh嘅～呢度坐得幾舒服，位置又方便，未試過flat iron既不妨一試

估唔到沙田都開咗一間Top Blade steak Lab，黎開新城市梗係試吓佢啦佢可以預先上網book枱，亦可以walk-in排隊等，好好彩食嗰日朝頭早都仲有得book枱，睇完Menu之後我更加覺得佢吸引雖然Menu上面嘅食物種類唔多，係嚟得呢度梗係食steak啦，今次揀咗Premium steak medium rare。上枱之後見到處理生熟程度非常之好，牛肉喺flat iron位置，牛味香濃，配上薯蓉簡直係最好味配搭佢冇好多既調味，正正因為只係用鹽就已經足夠帶起最原本既牛味。食完咁高質嘅牛加上任食既薯條，咁正既steak house去邊度搵?

一到星期六就訓到黃朝百晏,一於同男朋友一齊出沙田市中心搵好西喇🤪正值3:00,又見到間鋪無人排隊,於是就睇睇佢系食咩架喇!原來系食牛扒,橫掂都未試過早餐或者晏就就食牛扒咁就試下喇安排左我地坐門口大枱,入面細枱Full哂,但尼張枱大到我諗8-10個人都坐得哂,不過咁都好~吾駛同其他人咁近睇左陣Menu, 店員好熱心咁走過黎問我地食過未, 然後佢就逐項介紹, 當佢介紹到''是日特別版招牌平鐵牛扒''既主題系洋蔥,我就諗都吾諗,一定要食尼個🤤咁男朋友就叫反Basic果個牛扒落完單之後, 店員拎住兩碟薯條同我地講佢地啲薯條系任食架,已經幫我地落左兩份,食完吾夠可以scan QR code再落😳原全無諗過薯條可以任食,仲要夠哂熱辣辣同新鮮👍🏼到飲品出場, 我地分別點左''香港奶茶''同埋''Americano'',兩杯野飲系超級驚喜!!!首先奶茶--->男朋友表示好飲過好多茶餐廳😎而我果杯就超級香,同平時系街買既差好遠!!!首先上既系''香草平鐵牛扒''5成熟,一上黎我深深俾個蒜頭吸引住,因為真系好中意食😂😂😂另外就系已經切好左,我就覺得有好有吾好,好既系自己吾會切錯而變到好韌,但吾好既

薯條係任食既，一坐低就問我地需唔需要先上兩份薯條，但其實一份都夠哂兩個人食😆薯條唔係非常脆口嗰種，但都唔乾身，口感有啲似蕃薯條，鹹味都算適中，每枱都有茄汁俾你任加😝我地叫左兩杯iced dirty lemonade，呢杯係呢度特別調製嘅飲品，其實係杯酸酸地既梳打檸檬特飲，食牛排配呢杯野飲，絕對係解渴消滯之選😋黎到主菜—終極漢堡，呢款漢堡既肉係用全牛烹製，配上芝士蕃茄生菜，咬落好juicy，好多層次，沙律配菜都好出色，落左蜜糖漿調味，唔會口淡淡😋主菜2—美國390日谷飼prime級平鐵牛扒呢款牛扒係用飼養咗390日大嘅牛，牛味特別重，最適合三成熟，肉質比較腍身，由於所用嘅牛級別高，所以份量唔算太多🙈 配菜有薯蓉同車厘子，薯蓉好creamy，唔錯😋

今天和媽媽到沙田行街，見到呢間食牛扒嘅專門店， 覺得很吸引，於是就決定入去食。 餐廳環境很現代化， 坐得非常舒服。員工都好熱情， 我哋一坐低 ，職員就走埋嚟介紹佢哋舖頭嘅特色牛扒嘅煮法，又介紹甜品，湯，同埋沙律。我哋落完order之後,職員為我哋送上一份任食嘅黑松露薯條。 任食嘅黑松露薯條，係呢間鋪頭嘅特色，你食幾多，佢都會為你送上， 而且仲係免費。我叫咗一杯無酒精嘅mojito， 味道清新， 好有夏日嘅感覺。dirty檸檬特飲， 有好香嘅檸檬味，同埋少少香草味， 感覺好fresh, 好清新。我叫咗呢份每日限定嘅特色牛扒，佢有洋蔥圈，炸蒜頭絲伴碟， 裝飾好靚， 可說是色香味俱全 ，而且牛扒係入口即溶， 食得出係上等嘅靚牛。另一份係360日穀飼牛， 牛扒亦係五成熟，煎得岩岩好，再配上特製嘅醬汁， 簡直係一流!必食推介。肉質鮮嫩滑口。

一田又購物日 行之前係新城市 睇下有乜食見到原來沙田都開左top blade之前食過旺角 個間， 已經好鐘意， 覺得好有feel今日平日 雖然冇乜事要慶祝， 但見咁耐冇食過都食下門口就見到呢隻牛 咁岩間鋪係底層最入， 其實唔係好覺眼餐牌同旺角都幾似牛扒款式唔多貴精不貴多牆上面都掛左個復古風餐牌同旺角鋪一樣都有啲復古 霓虹燈薯條係似老麥 幼薯條新鮮炸出 好香口重點係 任食 唔怕熱氣 可以不斷點上面呢個係USDA prime 7成熟七成熟 就係切開 唔會有血做得幾好牛味好濃 USDA prime 就是有保證 薯蓉 同個 汁都OK 冇乜好挑剔另外一份就叫左 today’s guest chef flat iron 5成熟係有4款洋蔥牛扒上面有炸洋蔥 🧅 傍邊粉紅色 都係洋蔥 牛扒底仲有洋蔥汁 再加埋三舊洋蔥圈 岩岩好四款呢個牛味一定冇 usda prime 咁濃 但係肉質就會比較腍 啲洋蔥同啲牛好夾 飲品叫左杯 virgin mojito 同dirty lemonade Mojito 好足料 Lemonade 好夠酸 鐘意酸 會覺得好正

早兩年係英國食過Flat Iron 就念念不忘，而香港主打Flat Iron既Top Blade Steak Lab係近年開業，最近有機會食喇！佢官網有得訂位，非常方便，訂好位唔洗等就入得～店員知我地第一次黎，都有詳細介紹每一款牛扒、小食、飲品，務求令我地揀到心水既食物。店內空間好寬敞，係疫情下唔洗坐陌生人隔籬，亦都有提供消毒酒精同口罩袋，令我地可以食得安心又衛生我地各自點左一份牛扒及飲品後，店員好快已經為我地送上薯條聞起黎香噴噴仲有豐富松露味，非常吸引！口感好香脆，熱辣辣食就最好不過！另外仲可以按自己喜好加茄汁同胡椒，當晚我地refill左兩次薯條，因為實在太好味了！飲品方面我地傾向推薦Dirty檸檬特飲($45)，感覺幾清新，又唔會太甜～食薯條食到咁上下，我地點既香草平鐵牛扒($150)同美國390日穀飼Prime級平鐵牛扒($268)已經送上。只需要加$50, 就可以為香草平鐵牛扒增量50%，感覺好抵！但由於我地兩個女仔都唔大食，又想食多Ｄ薯條，今次都係點返正常份量。店員推介Medium 熟成度，牛扒果然係好嫩滑！點少少海鹽同蒜粒混合食，就將味道提升到另一個層次～比起香草平鐵牛扒