Top Blade Steak Lab (新城市廣場一期) (已結業)

終極漢堡個名聽落好巴閉 材料都好豐富就叫咗嚟試試😍結構排序係漢堡包麵包 洋蔥 芝士片 蘑菇醬汁 手打牛肉肉餅 頂級牛頸脊片 番茄 生菜 漢堡包麵包🍞洋蔥醬汁調味甜甜地而且已經煮稔身咗少少 所以生洋蔥嘅辛辣感會變咗香甜嘅味道芝士片用嘅係蒙特里傑克芝士 顏色金黃誘人💛味道重奶味 乳脂平衡都唔錯🥛想特別講講兩杯dirty飲品 傳統dirty係指將熱濃縮咖啡倒喺冰鮮奶上 但呢度就有dirty檸檬茶同埋dirty檸檬特飲🍋我地各叫咗一杯 個人比較鐘意後者 dirty檸檬特飲🍋 似係帶甘澀味嘅檸檬汁 感覺幾新奇

今日係少有嘅外食晚餐日子見自己好似宅咗喺屋企好多日就決定今日要出去食翻餐好嘅同默默努力緊嘅自己打打氣⛽晚餐餐牌有五種選擇 選擇數量嚟講就唔算好多都包含幾款唔同嘅牛扒 豬胺架 同埋漢堡包🍔不過我個人認為貴精不貴多啦如果食物係好味嘅話 選擇少啲都無所謂㗎😆叫左份平鐵牛扒🥩伴菜有原個烤大蒜🧄同埋原條百里香🌿平鐵牛扒只係用左鹽 胡椒粉同埋香草簡簡單單調過味食得出牛肉嘅鮮甜味 店員建議我地燒到大概五成熟會係最好味嘅狀態牛扒肉質軟稔無過多嘅筋👍

自從幾年前試過人氣漢堡包店嘅大啡菇漢堡之後就發覺漢堡包加入大啡菇原來係咁好食嘅😱今次黎到見到相似品項當然都要試試！🍔大菇打扁漢堡 食材有大啡菇 牛肉肉餅 生菜 芝士 醬料啡菇大大舊超多汁好juicy 要落軟綿綿表面又有啲脆脆地嘅口感🍄牛肉肉餅好似話係餐廳自己手做嘅 感覺更加新鮮同埋安全衛生🐮牛肉味都好香濃 食到牛肉鮮甜味道大啡菇表面擠咗大量美奶滋沙律醬 味道酸酸地好開胃配左一大豆炸薯條🍟 係好熱氣架啦😈但係食漢堡包點可以唔配薯條呢😙薯條炸得好香脆重要有啲黑松露蘑菇嘅香氣

每份午餐都包咗薯條/沙律/湯三揀一其中一款😍精選嘅午市套餐有八款選擇因為今日想食得輕盈啲所以就叫左餐牌唯一一款沙律選擇：藜麥平鐵牛扒沙律🥗材料有少少藜麥 平鐵牛扒 螺螄粉 沙律菜 等等平鐵牛扒已經好貼心咁樣切成細細塊 可以一啖一塊好優雅咁進食🍴牛扒都幾生 唔確定有無五成熟🧐 外皮有微微焦脆^_^裡面肉質粉嫩 最內層嘅肉就仲係啡紅色 接近生牛肉嘅感覺🐮個人會希望燒耐少少 大概五六成熟就更好啦🔥沙律菜份量都幾多 而且係新鮮爽脆嘅 唔會有奇怪嘅苦澀味🥬

終極漢堡嘅賣相好有壓場嘅霸氣😤有時出面嘅漢堡包店如果要固定個漢堡包確保佢唔會跌 或者東歪西斜就會用隻竹籤吉著 呢度係插左把刀🤣叫得終極漢堡佢嘅材料都好有份量😋有用平鐵牛扒手打成嘅牛肉餅🥩 美國頂級牛頸脊片🇺🇸蒙特里傑克芝士🧀 生菜🥬 洋蔥🧅 秘製醬汁 同埋最緊要嘅愛啊😳用平鐵牛扒手打成嘅牛肉餅口感軟綿綿有多肉汁🐮美國頂級牛頸脊片有適量油花 肉質鮮嫩爽滑 牛肉味濃郁🖤蒙特里傑克芝士係以牛奶製造嘅半硬質芝士🥛奶味濃郁但口感清爽柔軟 唔會太濃太鹹蓋過牛肉嘅鮮甜味道🧀

近呢幾年牛油果興起 榮升健康食物排行榜嘅頭幾位🏆作為一個牛油果愛好者基本上係餐牌見到佢嘅蹤影都會想試試😍見到呢款 牛油果醬煎蛋打扁漢堡🍔牛油果醬搽左係漢堡麵包上面 份量都幾厚厚一層帶啲超級細粒嘅牛油果果粒🥑漢堡必備嘅漢堡肉係美國牛肉打成🐮上面疊左一塊半融化嘅芝士片同埋太陽蛋🍳太陽蛋煎到燶邊 邊邊位置咖啡色 蛋白剛好凝固蛋黃又保持到流心嘅效果👍底下重點左生菜片同埋番茄片各一片增加爽脆感覺同埋香甜嘅味道可以解解其他食材嘅油膩度食完都唔會覺得好重負擔🍅

叫左份個名超級長嘅❤️美國390日榖飼Prime級平鐵牛扒❤️牛扒係上菜之前已經微微煎過表面 會見到內層牛肉都仲係鮮嫩嘅螢光紅色 而外層已經變左深咖啡色 因為牛扒筋部位置唔多所以食落肉質鬆鬆軟稔 唔會話要係咁咬係咁咬都咬唔斷咬唔開 可以自行決定燒幾耐嚟選擇熟度 自由度都好高 旁邊有兩粒車厘茄同埋薯仔蓉 一個兜兜係經典嘅番茄醬 另一個就係沙律醬配菜方面選擇咗❤️炸薯條❤️ 雖然睇唔到有黑松露醬或者任何嘅黑松露嘅痕跡 但食落有啖啖黑松露味道 估計應該係用黑松露油炸

Came here for lunch after our hike up Lion 🦁 Rock exiting via Shatin Pass. Well it was more like a early dinner by the time we arrived around 3.45pm. Thankfully they still had the set lunch menu and we had the entire restaurant to ourselves for the entire dining period, was during covid 5th wave 😷 off course. We ordered 2 x flat iron steak sets and a cheese burger set. The steaks are recommended medium and that’s what we opted for and boy were they excellent, juicy, tender and having a deep lon

叫左一個經典招牌嘅打扁漢堡👊有炒洋蔥、芝士片、蘑菇醬汁、漢堡肉、番茄加生菜🍅口感都幾唔錯 個口比較細嘅朋友未必可以一啖食到哂所有材料🤣另外叫左一個平鐵牛扒 配菜有一條美美的百里香葉同埋原個烤焗大蒜🤩選擇左配薯條 食落都係香香脆脆 屬於令妳越食越想繼續食嗰種🤤配左一個蘑菇湯湯嘅質地厚實綿密 感覺似蘑菇打成蓉再加入忌廉食到啲蘑菇粒粒 菇味香濃🍄另外都有個藜麥沙律 當中仲有番茄仔 藜麥 沙律菜 同少量蟹肉齋食蟹肉會食到比較突出嘅海鮮味🌊沙律菜新鮮爽脆 毫無苦澀味👌

上網見到呢間主打食牛肉嘅餐廳好似好多好評好多人推薦 所以就bookmark左✍️叫咗款平鐵牛扒 配菜有烤焗大蒜、百里香葉🍃餐牌有說明每款牛扒大概幾成熟係最好味 但當然都可以因應自己喜好作自行調整🔥平鐵牛扒上枱嘅時候已經切成五片 厚薄均勻熟度大概三成(?)只係牛肉外邊烤過 裡面仲係生嘅個人比較鍾意燒到五成熟 感覺肉味最濃又唔會太生血淋淋👍碟邊都撒咗啲鹽 覺得唔夠味想鹹啲都可以沾埋一齊食🧂伴菜叫咗沙律 除咗沙律菜仲有啲切咗半嘅番茄仔 藜麥 同埋蟹肉🦀醬汁用咗酸酸地嘅黑醋汁 好開胃🥗同場加影朋友既食物😍

漢堡包當然要叫最有氣勢嘅終極漢堡🍔漢堡麵包表面油油亮亮，外皮鬆脆，麵包口感都鬆軟。表面撒左少量鹽，頂部白白地色都幾得意❄️漢堡肉唔似某啲店鋪會用不知名嘅部位，而係表明選用左美國牛肉🇺🇸先經過剁碎，再壓扁煎香🔥配料由上至下係漢堡麵包 炒洋蔥 芝士片 醬汁 漢堡肉 番茄 生菜 漢堡麵包🍞一口咬會覺得口感豐富有層次👍 而且食材都多汁所以感覺濕潤唔會乾！薯條份量驚人大大盤上🍟本身有淡淡既黑松露味所以唔使沾茄汁已經好夠味道好好味🥫又唔會蓋過薯條本身嘅薯仔味！

話說每次經過沙田新城市廣場都會見到呢間餐廳出面有人排隊，想食好耐到底點解咁多人食？真係咁好食咁吸引？😗見到餐牌有一款個名好似好勁好架勢嘅：西班牙粟飼豬鞍架🐷豬鞍架大大塊肉連骨頭上 可以優雅咁用刀叉切出肉🍴或者豪邁咁用手拿著骨食肉🦴豬鞍肉質比較紮實 肉質鮮嫩都好有肉汁💓原先怕咁大塊肉會好乾好硬無肉汁但又唔會波😍配菜有啲番茄 洋蔥 一個蒜頭 同埋一條百里香提升香味🌱另外有個自家精選餐湯：香草蘑菇湯🍄一大盤香脆炸薯條🍟同大大碟藜麥沙律菜開開胃🥗

牛扒好有牛味，中間粉紅色，唔洗調味都好味。老公份burger 一食就感覺到同麥記分別。薯條夠熱唔在講，仲可以refill。最驚喜係飲品，好fresh,食完牛扒再飲就一流。

2022.5.10紅假後的星期二，午餐時間過後3pm，沙田分店不多人，坐得舒服。••••••••••••••••••••Lunch set| 平鐵牛扒 $160, 藜麥蟹肉沙律, 洋甘菊茶|🥩建議五成熟的平鐵牛扒，頭尾兩件有點超過五成熟，所以有些韌道但不會難咬，中間的煎到剛好，嫩滑又有肉汁，不用加鹽，只要配合焗蒜一起吃就更香，加一點黑椒味道更提升。| 終極漢堡 $160, 薯條, dirty檸檬茶+$8|🍔很大份的漢堡，包有烘過，表面很脆，牛肉用手工平鐵和美國Prime級牛肩肉打成，煎到表面好脆，口感比較粗但不會乾，Jack Cheese的分量足夠，蔬菜和醬汁都正常，整體味道也配合得不錯。🥗藜麥蟹肉沙律，蟹肉鮮味，蔬菜正常。🍟薯條量多，香脆夠熱，加上黑椒更好。••••••••••••••••••••平鐵是個很嫰滑的部位，處理工序要很多，不容易在任何地方都吃到，所以這個價錢性價比很高👍🏻晚市還可以任食薯條😋😆下次晚市再去~

今日系沙田有啲嘢做 早幾日已經上完搵下附近有咩好食👅經過見到好多人就入左去試試！坐低同朋友嗌左兩個一模一樣嘅主食同埋配菜🤣就係打扁漢堡配香脆炸薯條🍔打扁漢堡呢個名對我自己嚟講好新奇無聽過不過見到本尊都會估到點解改呢個名😂結構大概係漢堡包店嘅經典款式，漢堡包麵包夾住牛肉肉餅 紫洋蔥 番茄 生菜 熱溶芝士片🧀首先講講個漢堡包包：包表面烘到金黃啡色 外皮鬆脆 麵包體都幾鬆軟🍞牛肉肉餅用左美國嘅牛 煎得啱啱好唔會太乾太硬🐮重點係晚餐時間薯條任你添加 免費任食👍