Todai (已結業)

28/10一家大小食lunch，發覺今時今日嘅todai質量上的確有點退步咗，少咗一些心頭好選擇，例如:壽司枱竟然有/3以上是素壽司(有點奇怪)，跟以往有海膽、軟殼蟹、鰻魚及蠔等，感覺上有點寒酸。蟹鉗也不像以往般refill得那麼頻密。至於熱食方面，扒還ok，不過日式鐵板燒及炸物也選擇少了(天婦羅連蝦也不見了)，而且不是即做，而是在廚房做好才放出來，感覺好像沒有那麼熱喇喇。甜品仍然維持水準。總體而言，以weekend$138的價錢食一個lunch buffet仍是抵嘅，不過再將貨就價，我們這些long lasting fans亦會有厭倦的一天，希望他們會有所改善，而不是就嚟執嘅先兆。

唔知閣下（Janice1331331333)又去過幾好嘅自助餐呢？Todai唔算喺最好嗰間，　但都冇你形容到咁差嘅！要排隊都要有咁多人排先得架．．．．生同熟嘅嘢食分開碟放．．．都屬Common Sense啫！如果食咗肚痛，咁關邊個事先？香港大部份Buffet都唔包餐飲架啦！你估而家喺外國咩？？？非專業飲食記者嘅我就覺得Todai唔錯喇！

九月尾同男友慶生，諗左好耐去邊。聽到好多人都推介呢間，就諗住試下~sushi d 款都ok啦，最開心係d salmon 都叫做新鮮~ 但魚生的種類就唔算多... 因為唔鍾意生蠔，所以我地都冇試到，但係就係咁食長腳蟹~ 供應源源不絕，好﹗仲有要排隊等ge龍蝦，初頭覺得要等咁耐都諗過放棄，不過食過後都覺得等係值得ge~ 不過天婦羅就麻麻地啦....粉太多，明明啱啱炸起都唔夠脆唔好味﹗最開心甜品種類都幾多~~侍應收野ok快手，態度就一般啦。最後寫左comment 比佢地，都好有心返黎問返我地祥細ge意見，唔錯。是次因為我地飲左枝酒，所以每人都貴左

自問為todai 之長期客戶，由4年開始慕名而至。當年的生蠔、蟹腳、龍蝦仔，令小弟津津樂道！以後每年平均去2-3次，但水準慢慢下跌，尤其是前年生蠔出事之後，可能怕再出事，故真的不於置評！到了前天(21/11/07)再次光顧，驚喜異常，生蠔、蟹腳、龍蝦仔，味道返晒黎！仲加埋巴馬火腿，有鮮味的魚生，多款新壽司！10分滿分！最重要的是5歲或以下小朋友免費，小弟連太太加2個未夠秤細路,2人價錢，4人享受，滿足滿足！(不過今年已是最後一年，大仔下年要收錢了！)

總的來說，好滿足的，但不算超值

8月尾個時請左男朋友食晚上既自助餐, 蟹腳真係頗為咸, 而佢地既熱葷都唔係咁好食, 而且只係覺得d壽司同生蠔係OK既!叫埋2杯野飲2個人差唔多700元.....700元下次都係食其他野好啦~

壽司有很多款式,唯一有點特色, 其他食物水準都很普通, 明顯看出為省成本,店方普遍用上比較低價的貨色, 可以說不值收取的價錢. 熱食也比較偏咸, 比較失望, 決定以後都不去了

果日約左幾個舊同事一齊放半晝假去食buttet, 每人百二蚊左右, 但幾多野食, d甜品都幾好味, 唔似得有d咁甜品剩係得朱古力, 好似我呢d唔食朱古力的人黎講, 即係自動放棄甜品冇得食^^

雖然我未去todai 食過自助餐/ 不過好多時約左朋友係美麗華商場等。望落去好多壽司真係好吸引, 可惜次次都發現有d 一隻二隻野飛飛下.... 所以....直至而家都冇去過todai~

事件：2007年10月16日星期二(我生日)，我同我老公二人去todai食自助晚餐我睇完食評話No.1即刻訂位去食，去度就真係"伸"笨，分析如下：1)早5分鐘到都要客人排隊入座，而家係食自助餐唔係派飯，唔洗畀錢架？2)規定食生蠔要另外碟上，話生熟交叉感染，我去5星級世界各地食自助餐都冇啲咁規矩，仲要係一開餐嗰個肥佬黑面廚大力塞隻碟畀我，都唔知咩服務態度，攪到好冇mood，好似我未食過自助餐。3)食咩都要排隊，包括入座，食龍蝦，食生蠔，食梳扶里....應該係市場策略，攪到好虛磡，好受歡迎，但可以話畀大家聽，所有排隊攞返來的食物，都係over done，由其是龍蝦，排就排成15分鐘，但食入口係塑膠龍蝦feel，梳扶里仲衰，成舊百潔布，就算係d蠔都係唔太新鮮，黑媽媽，細細隻。4)又話壽司好出名，連吉之島超市生產都好食過佢，係有好多款，但味道分別不大，一d都唔吸引，好失望。5)如果鐘意食甜品一定唔可以去todai，好普通，連我最鐘意食最簡單的冧酒提子旦糕都冇，幾失敗。6)我都未食過自助餐冇餐茶，飲汽水，餐茶要另外加錢，雖然有得添飲，但要收minimum 廿皮再加一，所以兩個人埋單要盛惠六百幾，

不嬲都唔係沉迷自助餐個種人，既然講到呢度甘好食，甘低食，又有朋友請…why not.有三款生蠔但係係D好瘦無乜肉食0個隻。Hmm…雖然係即開但係唔夠凍，麻麻地唧！長腳係就真係幾唔錯，一路都有貨放出黎。Sushi有好多新款式，好食。另外有好多款唔同既日式小食都好好味。龍蝦個檔keep 住排好多人所以最後都無食，不過去都有8至9款唔同既熱食。都過得去幾好食。係D炸物失食左D。湯麵都有不過我無食到。甜品細細份岩洒我可以試洒甘嚌。哈，我最覺得梳乎喱最好食，因為熱辣辣唔太甜。二百幾食一餐buffet,真係好平。加埋甘既質數，直情係得呀！

過呢度食兩次，呢度食物選擇都叫多，由於主題係日本菜，所以但多數都係魚生同壽司，仲有長腳蟹，但係呢度最差就係生蠔，真係非常細隻。呢度熱盆選擇唔多，只有六、七款，都係香菇意粉、炒飯之類。最吸引都係芝士龍，起碼要排十五分鐘，其餘仲有燒牛肉、天婦羅。我認為呢度最好味就係梳孚尼，但有部份食物要排成五至十五分鐘，每人只可以一份，呢樣就有D麻煩!老實講呢度D食味道，只可以用不過不失形容，但係以呢個價錢講都算OK啦!好多酒店BUFFET 收成四百幾，質數都係差唔多。但係呢度D SERVICE 都唔錯，斟水、收碟速度都好快，我見到有客人投訴冷氣唔夠同埋要求電視轉台，佢地都認真咁處理，唔會求其應你就算。

昨晚我做搞手, 約左一大班舊同事食飯, 我選左呢度~ 因為好耐之前黎過一次都唔錯.. 而且唔限時間($268+10%)魚生好新鮮, 壽司好靚好精緻, 又有海膽壽司..蟹腳就麻麻地啦, 熟食都唔錯, 幾入味! 梳夫厘真係唔錯啊, 我食左成個..哈^^ 甜品種類好多, 雪糕味道又多, 唔係cheapcheap雪糕. 最靚就係有個朱古力大噴泉, 不過我對朱古力無咩興趣~為左抵返條數, 咁啱我又坐近出龍蝦既附近, 到埋單時, 我總共食左4邊龍蝦, 即係2隻...哈哈~

第一次打食評.. 不要見笑9 月18 日, 爸爸生日, 我同男友一共三人到todai食野, 第一次黎既, 但見之前食評的評語都不錯, 於是揀了此餐廳食buffet.. 一入到去,正正其他人所描述既"似飯堂".. 但仍比飯堂高級一點吧. 入到去, 7 點3到開始坐低食野,果到有一檯專係放生既食物既.. 包括以下:日式食物有魚生, 但魚生只包括3 樣:三文魚,章紅魚同埋吞拿魚, 加埋d 元貝粒.. 不算多. 之後,果檯有長腳蟹,生蠔,有魚生飯, 必食就係日本生牛肉!!!! 佢d生牛肉實在唔錯, 一路供應到尾... 之後, 熟食推介有芝士鐵板龍蝦, 大排長龍,排一個round要15 分鐘, 但味道總算不錯,值得排隊等候的. 還有青口,大頭蝦, 牛扒, 羊肉味道很佳,唯獨湯只有2 款,就是面豉湯和西蘭花忌廉湯,但後者的湯較咸.. 不能飲太多... 最後, 食到甜品了,甜品桌可算是十分精美了,多色多樣,其中夏威夷果仁焗布甸最為吸引,比大眾化的梳夫里來得更好吃..另外,也要一試它的藍莓乳酪和雪芭, 真的不錯!! 最後, 由於家人生日,餐廳奉送了一件蛋糕,是朱古力慕士蛋糕..點起蠟燭, 樣子很好看.

TODAI尖沙咀金巴利道1號美麗華商場地庫1001- 2375 9339一班朋友想食Buffet同聚一聚，就揀了TODAI，因我們之前都去過幾次啦。但今次就比起以前差了好多。好彩D嘢食refill得好快，種類都重係很多。講番食物，今次D龍蝦仔生蠔都係一般貨色，特別係生蠔細隻唔靚仔。長腳蟹唔夠新鮮。蛋糕、雪糕款式比較少。其它熟食有天婦羅、日式雞串燒、軟腳蟹、炸雲吞、炒飯、意粉、中式粉麵...值得一讚的是職員的服務態度!!跟一般自助餐職員的態度完全不同。