Time Park Lounge

营业中

休息中

今日好開心可以掉低另一半，同好姊妹girl's talk, 好姊妹帶路去到尖沙咀棉登徑Time Park lounge，餐廳位置都幾隱蔽，位於basement內.侍應安排我地坐bar枱附近，一張大梳化, 燈光有啲昏暗，感覺幾relax. 先黎個小食熱下身~啤酒味炸薯條(配黑松露醬)，炸得好鬆脆又吾油呢杯mocktail吾只樣靚重好好飲~ Rainforest (Banana, strawberry, fresh lime, orange juice), 口感好豐富.5Dinner set幾抵食，有5個courses磨菇湯，雜菜沙律配意大利黑醋日本牡丹蝦刺身，賣相好靚，好大隻牡丹蝦main course : 燒羊架，好嫰滑，燒得剛剛好，西班牙黑毛豬，好有texture, 燒到有啲脆邊，好好味最後黎個cheese cake, 完美的一餐.

Time Park Lounge 係酒吧加餐廳, 環境及氣氛都好有情調!Iron Buddha $128點都要叫返杯COCKTAIL先岩FEEL!GIN 中帶鐵觀音嘅茶香，同時帶點玫瑰嘅淡雅和花香，適量嘅蜜糖中和左GIN嘅烈性!5 COURSES SET已包括有精選雜菜沙律配意大利黑醋、前菜、是日餐湯、主菜 及 是日甜品！燒西班牙黑毛豬 (8安士) $298 加2安士 $40 店員解釋由於來貨嘅西班牙黑毛豬份量增加了, 所以價錢都相應增加!豬肉軟腍，點少少汁就更好!自家製蟹肉脆燒賣 (前菜)以香脆嘅春卷皮取代傳統嘅燒賣皮, 中間的餡料係鮮甜嘅蟹肉, 有創意又好味!雜菜沙律配意大利黑醋沙律菜葉新鮮爽脆!是日餐湯蘑菇湯香濃幼滑, 麵包薄而脆，點湯食唔錯！是日甜品香滑甜美！Ginger Ale $58另外, 餐廳有新嘅牛扒菜式, 新wine list 及Gin list. 下次可以試下!

平日夜晚都幾受歡迎，差唔多滿座！我鐘意呢間餐廳d擺位，私隱度幾高，唔會望到隔離枱d人，咁同朋友傾計都開心d！餐廳嘅set dinner 都算幾抵食，係5-course嘅menu，有沙律、餐湯、頭盤、主菜同甜品，最平228蚊就有交易！ 🍴 燒西班牙黑毛豬鞍 ($338) ⭐️⭐️⭐️⭐️ 賣相好靚，食得出廚師係細火慢煮，d肉質幾靚，食落唔會好鞋而且好有咬口！調味正常。 🍴 松露蘑菇軟殼蟹扁意粉 ($228) ⭐️⭐️⭐️⭐️💫 軟殼蟹炸得啱啱好，又脆又香，而意粉嘅軟硬度適中，松露汁唔會太稀，大推！ 🍴 自家制特式蟹肉燒賣 ⭐️⭐️⭐️⭐️ 作為頭盤，賣相都幾靚，所謂燒賣就即係用春卷皮包住好多好多嘅碎蟹肉，食落凍凍地幾開胃，而且口感好豐富！ 🍴 南瓜湯+沙律🥗 ⭐️⭐️⭐️⭐️ 湯嘅份量唔係好多，但勝在佢夠濃，仲有少少南瓜茸，配上脆身嘅蒜蓉包食真係一流！沙律菜就幾多，起碼有4到5種菜，同埋幾新鮮！ 🍴 焙茶蛋糕 ⭐️⭐️⭐️⭐️ 細細舊好精緻，雖然焙茶味唔算太重味，但質感幾實淨，口感幾好。 .............................. Time Park Lounge 地址📍: 尖沙咀棉登徑13-15號棉登大廈地

松露磨菇軟殼蟹扁意粉 $228 (dinner set)大大推薦呢個松露磨菇軟殼蟹扁意粉🍝好少見到叫軟殼蟹真係成隻蟹上 炸得好鬆脆而且唔油膩🤗松露味都幾突出 一上菜嘅時候已經聞到好香😌值得一提嘅係佢個sauce 真係好creamy 個稠度剛剛好 調味亦都做得好好🤤自家製特式蟹肉燒賣 見到好多人黎到都必叫 而且dinner set嘅starter亦都有得揀呢個😚外面口感好似春卷甘 脆卜卜 而入面就係充滿住蟹肉 一咬落去啖啖蟹肉 口感好豐富😍餐廳嘅裝修都好有格調 喜歡飲酒嘅你就唔好錯過佢地嘅wine同gin🥂好多選擇而且好特別 夜晚約朋友黎食下野傾下計都幾舒服😇以家menu仲新加左牛扒菜式 值得再黎試下🥳

第一次來這𥚃晚飯，入內覺得環境適合三五知己一同共聚、聊天。酒吧內的音樂也不會太嘈吵，感覺適宜。而食物的份量不多，適合食量少的女仕們。我們叫了兩個餐（主菜是燒黑毛豬鞍、燒羊㗎配香草醬）、一客大薯條、和果汁。黑毛豬鞍分量比原定的重，要另加$40。但個人覺得麻麻地，肉質很乾，但對喜歡瘦肉的人士，可能比較合適🙂而另一主菜燒羊架，我很喜歡。肉質鮮嫩、沒太大羊的「穌」味。這裡的薯條也不錯，炸出來熱辣辣，而這配搭的不是茄汁，而是沙律醬，感覺新鮮、好味。而餐湯是磨菇湯，很香濃、好味😋

估唔到平日7點嚟到Time Park Lounge 已經差唔多full house 😲 好彩小妹一早已經book 定位慶祝生日咋，唔係就唔可以係咁好氣氛嘅餐廳到慶祝啦。我哋見到哩到嘅set dinner 都幾抵食，價錢由$228起，就可以食到一個5 course set ，包齊哂salad , soup, starter, main course & daily dessert 。一開始就嚟咗salad + daily soup set ， 是日餐湯為蘑菇湯，超級香濃creamy 嘅蘑菇味👍頭盤必選自家制特色蟹肉燒賣，哩個「燒賣」皮原來係用春卷皮來做嘅，撥開上面嘅沙律菜，原來入面大有乾坤，滿滿嘅蟹肉餡，口感豐富。主菜我哋揀咗墨汁帶子意大利飯同松露蘑菇軟殼蟹扁意粉🍝，大大粒嘅帶子用牛油煎到五成熟，入口十分鮮嫩juicy ，risotto 軟硬度適中😋而軟殼蟹炸得香脆配埋truffle sauce 簡直無敵🏆雖然知道餐廳有新嘅wine list 同埋gin list，但我哋都諗住揀入門嘅Champagne cocktail，可惜太旺場已經賣晒，唯有下次再嚟過啦。

同朋友想一路食晚飯一路傾計飲酒 呢度真係一個好好嘅選擇💕 環境幾有格調又安靜 裝修幾特別 食物質素都幾高 不經不覺同朋友吹左4個半鐘先走🤭 𝟝 𝕔𝕠𝕦𝕣𝕤𝕖 𝕤𝕖𝕥 蘑菇湯有蘑菇粒 口感十分 而且幾香滑 擺碟都好精緻💕 前菜方面我地分別揀左蟹肉燒賣同呑拿魚刺身 燒賣皮脆餡多 呑拿魚都幾鮮味 又冇腥味 食落係幾特別！ɴᴀᴄʜᴏs夠哂脆口又開胃 吹水時會唔經唔覺係咁食😬ᴍᴀɪɴ 我地揀左墨汁帶子ʀɪsᴏᴛᴛᴏ 同松露蘑菇軟殼蟹意粉🍝 墨汁香濃 配飯好易入口 帶子都幾大粒😆 軟殼蟹幾大舊 松露味幾香 個汁幾香滑😆 整體份量都幾大 味道幾好👍🏻👍🏻

喺 openrice 見到餐廳食評唔錯, 於是由朋友訂枱, 星期六 7 點一齊嚟補祝生日。可能因為係 bar 嘅關係, 落樓梯時已經聞到好重煙味.. 同待應講 book 咗枱, 但佢搵唔到我哋嘅 booking... 等咗大約 5 分鐘, 佢哋主動安排我哋坐 bar 枱位置, 成個等嘅過程大家都好 patient, 完全無不愉快。之後坐低無幾耐, 有待應再嚟 confirm 一次 booking, 但都係搵唔到。 當時我哋無講乜嘢, 但個待應臨走前就講咗句 "都坐咗咯, 唔通趕你哋走咩", 完全唔知想點 點餐方面, 同朋友叫咗一人一個 set, 兩個 main 都係叫豬鞍 🐷 嘢飲因為睇唔啱所以無叫到.. 但食嘢中途, 待應有主動拎水俾我哋, 抵讚 🔻頭盤 沙律: 沙律菜新鮮, 黑醋汁酸甜味較得平衡, 食落開胃 法包多士: 切得較薄, 烘得脆, 但食落無乜味蘑菇湯 : 菇味濃又夠熱, 份量當頭盤啱啱好 自家制蟹肉燒賣: 滿滿嘅蟹肉, 好食 🔻主菜燒西班牙黑毛豬鞍: 賣相好好, 但件豬鞍無咗條骨, 待應話唔知點解師傅切走 食落味道一般, 有肥肉嘅地方就好食, 但其他地方就好乾, 食

最近密密出動同朋友食飯，呢大半年基本上同朋友好似絕跡一樣🤭朋友係要見架今次朋友介紹嚟嘅尖沙咀棉登徑呢間餐廳餐廳門口不算當眼，裝修以黑色背景做主題食物價錢不算貴，而且都幾精緻位置幾寬敞，枱與枱間都有一定空間以確保顧客不會覺得擁擠。餐廳有新wine list 和Gin list，而我地最後選左Whisky Sour🥃 有陣陣Whisky香氣在口中徘徊，味道優雅之餘不失層次感我地點左一個5 Courses Set，我主菜Order左西班牙黑毛豬鞍🇪🇸面層煎到焦香，切開豬鞍肉質全熟，掌握火喉有點美中不足，但蘋果蓉醬汁搭夠，中和豬鞍既膻味及油膩感。另外加配了一份自家制雞翼🐥其實是水牛城雞翼，即是辣汁醃雞翼，做到酸酸辣辣的效果。另外店員亦推介了新的牛扒菜式，下次人多可以再黎試下😁

難得又到星期五，放工後Happy Hour嚟咗Time Park Lounge。好彩我哋有book位有得坐梳化位，估唔到今晚都幾full。Happy hour去到夜晚8:30pm, 有啲飲品做特價，亦都有啲飲品係買一送一。我哋首先嗌左兩款Cocktail: Sesame同埋Bellini。Sesame呢杯，個名都表達咗啦，就係黑芝麻味嘅cocktail 😛 黑芝麻味好濃，另外有啲milky嘅味，入口之後就會feel到酒味。個人對酒冇乜研究，個人觀感係呢杯新手飲應該幾易入口，但對於想酒味濃嘅就冇咁適合。至於Bellini，係Prosecco加peach puree，平時冇乜飲過champagne cocktail. 味道係champagne/prosecco嘅味為主，桃味唔算好強。不過以Happy Hour買一送一嚟計，呢杯幾抵飲。晚餐我哋嗌左5 course set: 有湯、沙律、前菜、main course同甜品。前菜我哋揀咗呢一個叫做蟹肉燒賣，其實佢係一個蟹肉嘅春卷。 蟹肉足料，春卷皮亦都好香脆😋蘑菇湯細細碗，但係蘑菇味好濃，口感creamy ，我哋兩個都覺得係有驚喜 👍🏻至於意粉

香港工作壓力大，收工同朋友搵地方談心⋯朋友介紹呢到裝修有特色，環境算靜，可以三五知己談下心，就決左黎呢到啦。叫左dinner set磨菇湯濃郁，飲到粒粒打溶左既磨菇粒粒，有心之作。自家製蟹肉燒賣外面係春卷皮包住蟹肉沙律，魚子咸香同沙律好夾，中和左個味道，一口小食黎講相當不錯。海膽鮮蝦三文魚子扁意粉蝦肉彈牙，把海膽和三文魚子拌在一起使醬汁更有鮮味，剛剛好不會很膩。慢煮雞胸香草醬意大利飯甜點與白酒整體而言，前菜跟主食出色。環境舒服 適合同朋友聚會聊天的地方

幫朋友慶祝生日當然要食好嘢～果然冇令我哋失望👍🏻食物相當有水準！！特別是配牛扒的黃芥末醬～好好味😋而且好特別！應該係自己調制，另外店員都好好態度～有一點要提下由於店位於地牢而且可提水煙，假如介意嘅朋友要留意下！

假日與朋友約飲野 傾計順便慶祝生日 友人推介呢間餐廳 話可以坐得耐 唔怕傾唔到計 book左6:30 6:45到 個場都靜 唔少人傾近密計 諗住等埋朋友就落單彌敦道塞車 7:20先到 Waiter 話只可限2小時要8:30走 最後延到9點好 我見周圍都吉位多 應該都鬆動 而且坐左差唔多1個鐘 都唔好意思走 叫左2個course （有appetiser, soup 連dessert) 加1個主菜，圖如下，再細講：黑醋沙律 份量比較少，另有蘑菇湯面包。不過不失，調味比較簡單單一。兩個前菜都細份的，有蟹肉燒賣同埋八爪魚，蟹肉比較咸，皮上枱時軟左，似脆脆配上一大匙沾醬，比較咸，入口食到蟹肉。芝士Nacho，今晚點得最好既菜。兩個沾醬好味又開胃。因為本身食方便素，所以叫左個素既risotto, 番茄仔既加入好奇怪，飯底比較簡單奶cheese, 蔬菜份量只有一些菜粒，整體無乜記憶點。另一個軟殼蟹意粉，面既味道creamy 而且有一股椰子味，蟹炸得鬆脆，都有大半隻。 不過再食幾口就比較滯。另外都叫左羊架，忘了影相，份量有三隻，比較多。朋友話okay, 但就比較多。酒方面，叫左beer, 兩種特調：i

是晚係生日慶祝飯，餐廳裝修係幾得意嘅⋯不過我覺得員工服務同野食都好緊要！野食其實一般般我覺得朋友聚下食下無所謂。其實我最介意係當有客人落booking時留左甜品要寫名時，你應該喺客人黎之前透過短信或者電話去double confirm而唔係喺你唔知邊位book枱嘅情況下即時問，咁樣破壞左客人原先安排嘅驚喜係好不智同令人尷尬。總結：一次無回頭1）隻豬手一般般，皮唔脆，不過份量啱細食嘅人，但係價錢就略貴 $2982）蟹肉燒賣，真心幾好味，外面係脆嘅

Highly recommend this resto and bar, esp happy friday!Celebrated fd’s bday here, food here is good and the waiters are niceThey got lots of options of wine and beverages to choose!! And they even get happy hr buy 1 get 1 freeFor foodWe ordered meat Pork, steak both taste so goodCheese platter is delicious tooN also like the tiny starters with soupHighly recommend with nice environment!