Time Park Lounge

营业中

休息中

Happy Friday~ 當然要約朋友出黎聚下啦餐廳係地庫嘅，入度去環境暗暗地都幾舒服唔知係咪太晏嘅關係，去到好多野都Sold Out啦，最後我地只係叫左一仲5-Course-Dinner, 之後其他都係散叫Set Dinner 包左👇1）精選什菜沙律配意大利黑醋 － 沙律菜都幾新鮮，配左黑醋酸酸地幾開胃2）燒南美八爪魚腳配蔬菜燒汁 － 正正常常嘅八爪魚，唔算好韌唔會好難咬3）是日餐湯南瓜湯 － 南瓜味好濃4）墨魚汁帶子意大利飯 － 帶子煎得好香，飯唔會太硬，但份量比較少5）是日甜品打打下先記起原來佢個日無上甜品呀....另外再散叫左其他野食👇Time Park 自家制雞翼 － 佢嘅味道食落似水牛城雞翼，酸酸辣辣幾開胃啤酒味炸薯條配黑松露醬 － 一黎嘅時候顏色睇落好靚，但係佢有陣油益味😣泰式炸魚餅 － 聞落好香，不過食落辣左少少😬燒西班牙黑毛豬鞍 － 唔知係咪煮得太耐嘅關係，有啲乾同韌😶虎蝦龍蝦汁意粉 － 意粉份量比較少，不過意粉沾滿濃濃龍蝦汁，而且兩隻蝦都幾大隻因為唔飲酒嘅關係，叫左杯Rainforest. 佢好重士多啤梨味，不過就飲唔到香蕉嘅味道，但總括黎講係好飲嘅☺最後埋單每人

棉登徑不愧為飲野、食飯嘅好去處，位置旺中帶靜，多一份神秘感又唔會太嘈吵。今日同朋友慶生，book 左呢度，希望佢鐘意。呢度喺basement, 要用餐聽Wi-Fi先可以同外界聯絡，環境神秘幽暗，設計特色用心，坐得舒服，傾偈一流。點左個5 Courses Set.什菜沙律：呢度有五款唔同嘅沙律菜，口味清新。是日餐湯：creamy 好味，最鐘意個蛋形器皿，好精緻，賣相好似墩蛋咁。前菜：特色蟹肉燒賣-外層好似春卷皮咁香脆，裡面係鮮味嘅蟹肉，仲有啲蟹料提鮮。主菜：燒西班牙黑毛豬胺：豬胺肉質鮮嫩有咬口，配合埋啲薯菜比例啱啱好。甜品：Cheese cake 好軟滑，配埋d餅碎，多左另一重口感。另外點左份啤酒薯條（大份）份量超多，啤酒味唔太出，但好香脆，配合埋個黑松露醬好加分，佐酒一流。Gin and Tea Tonic: 賣相靚，入口味道平衡、舒服。

趁月頭出左糧，梗係約朋友出來食好東西啦～今次就同朋友選左優悠行英倫風格既西餐廳，食餐好嘢🤓二條友仔，見餐廳有個五道菜set dinner，就叫呢個啦～鮮蝦刺身，味道鮮甜又新鮮👍燒美國安格斯頂級肉眼扒$428我同朋友都好鍾意食牛，就點份肉眼啦～雖然價錢都算行緊中高價，但食落確實對得住佢價錢。牛肉味極之香濃，而且熟到控制得十分好，咬落肉感十足，唔會硬掘掘咁～燒紐西蘭羊架配法式香草醬$378三件厚切燒羊架份量十足，羊肉獨有既羊羶味出哂來，超級滋味啊～👍Time Park自家制雞翼$98叫完主茶，諗唔到叫咩小食添！叫過自家制雞翼實冇死啦😹果然呢個雞翼做得十分香口，新鮮熱辣加埋個酸辣伴住食，又真係冇得輸wo😹Gin & Tea Tonic$138竟然出到來食好東西，又咁岩餐廳有新wine同gin list做緊推廣，就叫左杯cocktail chill 下佢～cocktail味道帶有清新既玫瑰香味，又幾易入口wo😗

以前同朋友嚟嗰陣時已經覺得環境好靚，嘢又好食✨所以今次就帶男朋友嚟(｡･ω･｡)-成年無黎🔥原來佢地出左新的牛扒菜式，🍷仲有新wine list 和Gin list-🌟5 Course Set｜💰338.🦀自家製特色蟹肉炸燒賣次次黎都食真係好正，好多蟹肉配埋炸春卷皮真係好惹味.🐷燒西班牙黑毛豬鞍煎得好香，配佢地個醬好好食.🥗仲有是日餐湯同埋雜菜沙律配意大利黑醋個湯超香濃，奶哂，唔夠喉！-🐟煎海鱸魚意式香草醬意大利飯｜💰188魚好厚身而且仲肉煎得好滑嫩魚皮好香脆而且魚油味好出意大利飯夠creamy又香香草味-🍸Moscow Mule｜HH💰108🌟Belvedere Vodka, Fresh Ginger Juice, Fresh Lime, Fever Free Ginger Beer佢舊冰係花，會唔會太靚😍成杯好香濃嘅薑味，帶點清新嘅感覺酒又唔會太少，配搭份量恰到好處-依到真係好靚好有feel👯‍♀️吹水又得👄食野又得🍷玩下酒game都得✨又靚又坐得舒服，仲有wifi(｡･ω･｡)ﾉ-

今日去左尖沙咀食飯，星期五晚要chill下，去左酒吧餐廳輕鬆下，迎接兩日假期Time Park係一間酒吧餐廳，裝修有啲田園風味充滿特色。我見到有個5 courses dinner set好抵食，叫黎試下。南瓜湯配雜菜沙律。黑醋汁香甜開胃，南瓜湯好重南瓜香，入口幼滑，配左香脆多士。小食叫左自家製燒賣，蟹肉餡料好豐富，鮮甜加上香脆春卷外皮，好特別。main course叫左美國肉眼排，肉質好香嫩，多汁肉感重，唔會乾。

-🔸燒美國安格斯頂級肉眼扒 $428🔸燒紐西蘭羊架配法式香草醬 $378🔸Time Park自家製雞翼 $98🔸Gin & Tea Tonic $138-呢間位於尖沙咀嘅地庫酒吧西餐廳，裝修得好靚帶英倫風，背景亦不停播住歐美歌曲，環境令人非常放鬆。同朋友每人叫咗份五個course嘅dinner set，價錢中上但質素超乎預期咁高質🤩首先上咗南瓜忌廉湯、雜菜沙律，兩款都好fresh好新鮮。然後starters我叫咗日本牡丹蝦刺身，超大隻超鮮甜呢！然後另外叫咗一份雞翼，因為用得餐廳名一定高質🤣 原來自家製係Buffalo水牛城雞翼，熱辣辣嘅炸雞翼配埋酸辣得宜嘅調味醬，超好味冇得輸啊！去返主菜，我叫咗餐廳新菜式嘅肉眼扒超大份，上碟大約七成熟但一啲都唔會韌，肉質鬆軟得嚟好有牛油香味。朋友叫嘅羊架都超大份，有成三隻仲要厚切，試咗味超香羊羶味，愛羊者必點！最後食埋甜品cheesecake劃上完美句號。見到餐廳提供嘅ipad有新Wine同Gin list，又叫咗杯cocktail試試，好有玫瑰味好易入口呢！

平時行過通常都可能去了附近食日本口味嘅店舖，但今晚朋友就轉一轉口味，帶我去了這裡，如果不是朋友真的不知道有間超有氣氛同特色嘅餐廳在這個位置！沿樓梯落去，一入去就係另一個世界，格局裝修夠晒特別！而餐牌上嘅5 course set 亦十分多選擇，同埋好有fusion 嘅感覺，什菜沙律配意大利黑醋，而一齊上有自家製特式蟹肉燒賣，賣相似燒賣，但口感同味道卻是夠晒新奇，外面脆口薄皮包住軟滑蟹肉醬，蟹肉味道鮮甜！而個湯就係忌廉磨菇茸湯，入口味道濃郁香滑，配埋塊脆包，前菜出色之餘賣相夠晒精緻！而主角松露蘑菇軟殼蟹扁意粉，上面有隻炸得十分香脆嘅軟殼蟹，配上濃郁松露香味嘅彈牙煙韌扁意粉入口十分有口感！另外追加了一份Time park 自家製雞翼，上枱分開兩邊雞翼整齊上枱，雞翼上沾滿了醬汁之餘，入口外脆內軟，肉質夠晒嫩滑味道十足！而飲品就係杯Bloody mary，主題清晰，蕃茄味濃郁，加埋少少Vodka，真係帶點酒香！最後加埋跟餐還有件甜品，芝士蛋糕濃郁嘅芝士味道最後在口中溶化，十分滿足！

今日同朋友去咗尖沙咀行街 又去完九龍公園睇紅鶴 就梗係要搵番間有氣派又好坐嘅餐廳chill下啦 所以就搵到呢間timepeak 裝修好靚而且食物質素好似好唔錯雜菜沙律配意大利黑醋雜菜沙律非常之新鮮 冇乜草青味 少少甘甜 配上意大利黑醋 酸酸甜甜非常清新燒南美八爪魚腳配蔬菜燒汁八爪魚腳非常之有咬口 而且用燒汁去燒 令到成隻八爪魚腳鮮味更上一層樓 而且有少少甜甜地 燒咗之後亦都好爽脆 唔錯唔錯燒美國安格斯頂級肉眼扒呢個真係好頂級 又淋又滑 而且油脂十分甘香可口 用刀一切一陣牛肉味已經湧上個備食落唔好有層次感遠遠嘅纖維喺指甲入面留好耐簡直係今餐嘅頂峰time peak自家製雞翼呢個雞翼又酸又甜又辣辣地 個汁調配得好好又開胃 而且雞翼炸到外脆內嫩 食到舐舐脷 停唔到口

今日同朋友去gathering我哋就揀咗尖沙咀嘅一間酒吧Time park lounge餐廳位於大廈嘅地庫 經過長長嘅樓梯好似進入咗另外一個世界咁 成個裝修好有英倫酒凹嘅感覺 燈光昏暗非常有格調有氣氛超爽脆炸軟殼蟹 軟殼蟹有兩隻咁多 非常卜卜脆香口惹味 送酒一流叫咗個5-course dinner餐湯非常精緻濃沃嘅味道唔錯 餐包烘得勁脆 好似餅乾咁自家製特式蟹肉燒賣 外形係燒賣但味道完全唔係燒賣 外皮用上春捲皮去做 炸得香脆 入面係蟹肉沙律非常足料 成個配搭口感豐富燒紐西蘭羊架配法式香草醬 羊架非常厚肉 而且五成熟煮得啱啱好 唔太酥肉質軟淋甜品係芝士蛋糕 香滑微甜 芝士味濃郁

今日黎到呢間Time Park Lounge,係一間係地庫嘅bar restaurant , 淨係門面氣氛都覺得好唔錯，行落去個條樓梯都好有feel,可惜影唔到個種feel出黎，去下就會知😉入到去感覺更加chill, 環境燈光同background music比人感覺都好好，番完工啲壓力即刻relax左唔少☺️裝修同餐牌餐具都有花心思，食物質素亦都好高👍啤酒味🍻炸薯條(配黑松露醬)第一樣小食已經令我地食唔停口，薯條炸到金黃色，一啲油膩感都冇，而且極度酥脆，薯條粗幼度都啱啱好，一啲多餘嘅薯仔味都冇，點埋醬汁個種淡淡嘅黑松露醬，雖然份量超大份，但我地都食唔夠喉差啲想再叫多份😋精選風乾火腿拼盤($178)Parma Ham油香豐富，肉味重，柔軟多汁又唔會太油膩，咸味點到為止，開胃一流，伊比利亞火腿（Iberico)甘香油潤，口感好結實，肉同脂肪比例啱啱好，油香四溢。燒美國安格斯頂級肉眼扒12oz($378)店員推介我地食三成熟就最好食，所以我地都聽左店員suggestion，外面燒得微微焦脆，肉質細緻，陣陣濃郁牛味慢慢散發出黎，愈咬愈香，脂肪分布均勻，幼嫩而多汁juicy,中意食牛不容錯過😋飲

尖沙咀出名多好嘢食，依間Time Park Lounge都冇令我地失望，重覺得可以再嚟食多次添！首先講下依間餐廳啲裝修先，嗰裝修幾正，好有氣氛，好似入咗森林咁👍🏻。啲燈光偏柔和，感覺都幾浪漫。簡單啲嚟講，就好似係森林入邊食一餐Fine Dinning咁😆😆。睇一睇Menu先，食物嘅種類都算足夠，有基本嘅扒類，意粉嗰啲。我自己就叫咗一個Set Dinner，咁就可以一次過試多啲嘢🤤。然後同朋友再散叫咗啲嘢食同酒咁😎。首先就嚟咗啲嘢飲先，我自己叫咗杯Iron Buddha ($128)，依個係一杯以鐵觀音為主調嘅cocktail，啱哂鍾意飲茶嘅我😍。飲落去唔會話好重酒味，兩種味道亦都非常夾👍🏻。跟住就嚟咗嗰餐湯同沙律，餐湯係南瓜湯嚟，湯同沙律嗰味道就正正常常，但佢地嗰擺盤咁靚，唔打得睇得👍🏻，更何況味道都可以嘅👍🏻👍🏻。跟住就嚟咗嗰我幾期待嘅自家製蟹肉脆燒賣🤤，因為見好多人都推薦依個小食，同埋嗰賣相都靚🤤🤤。因為我依個係跟餐嘅關係，佢只係上咗一粒，如果另外散叫嘅話，好似係會有三粒嘅😆。食落去啖啖蟹肉，調味又啱啱好，嗰燒賣皮又整得好脆。高度推薦大家食依個燒賣😎。跟住就上埋嗰主菜松露磨菇軟殼蟹

星期五約 mean 姐食飯，難得佢有 idea 話帶我去飲 cooktails 傾吓市場走勢，mean 姐出名腌尖，所以佢帶我去的地方一定不會差。相約尖沙咀棉登徑，門面充滿倫敦地鐵風情，走到室內是融合英倫地下風格的特色洒吧，店內多款美食，店長還推介了餐廳新的牛扒菜式，新wine list 和Gin list，價錢 affordable ，所以晚上八時已經滿座，如果想坐梳化位記得要預先book 啦！Moscow Mule $108趁着 Happy Hour 叫一杯雞尾酒, 這杯名為莫斯科騾子的 cocktail, 是一杯用伏特加、新鮮薑汁、青檸汁和薑啤調製而成的雞尾酒，以玫瑰花造型的大冰粒作裝飾增添浪漫氣息，再以銅杯盛裝保留低溫，酒味雖濃但易入口，賣相唔錯。啤酒味炸薯條配黑松露醬 $78淨係飲酒實在太齋啦，所以叫份薯條陪襯一下，啤酒味炸薯條配黑松露醬非常推介！調味好又香口，炸得好香脆又唔乾，配埋黑松露醬好食呀。燒西班牙黑毛豬鞍 $3385 Courses Set 很豐富的包括 有湯、沙律、前菜、main course 同 daily dessert.精選雜菜沙律配意大利黑醋、蘑菇湯 沙律

約咗朋友喺尖沙咀食飯，佢帶咗我嚟呢間餐廳，話裝修有特色兼味道唔錯，想我試吓。餐廳喺地庫，裝修有啲似London Tube嘅月台，幾特別。首先要咗杯Moscow Mule Cocktail, 裏邊有Vodka、新鮮薑汁、新鮮青檸汁、同埋Ginger Beer, 最特別係佢嘅賣相，有一朵玫瑰花形狀嘅冰，超級靚🌺，相當refreshing😎朋友同我都叫咗5-Course Dinner:- $248墨魚汁帶子意大利飯- $228松露蘑菇軟殼蟹扁意粉1. 精選雜菜沙律配意大利黑醋：沙律菜好新鮮，簡單好食😋2. 日本牡丹蝦刺身/燒南美八爪魚腳配蔬菜燒汁：牡丹蝦好大隻，肉質結實，鮮味；八爪魚配燒汁，幾好食3. 南瓜湯：細細杯簡單好味4. 輪到主菜- 帶子意大利飯：帶子稍為煎香，顏色好靚，肉質新鮮結實兼juicy；意大利飯好creamy，用墨魚汁煮好好味，仲黑到有少少發亮😍- 軟殼蟹扁意粉：軟殼蟹殼少少脆，好香口，好味；意粉同樣好creamy, 黑松露醬好香😋5. 甜品係咖啡蛋糕🍰呢兩個Set Dinner都好味又抵食😋餐廳有新嘅wine menu同gin list, 仲有新嘅牛扒菜式, 睇落都好吸引

疫情之後真係好耐都冇落酒吧飲返杯cocktail 🍸，去尖沙咀shopping完見到地庫有閰timepark當然把握機會落去晚餐同飲番杯，環境唔錯梳化好舒適幾個朋友傾下計飲杯cocktail 🍸 嘅好地方，wine list 有12款的cock tail,還有兩款mock tail。最終我都係揀咗杯 mocktails ~Rainforest。這杯充滿士多啤梨的香甜，真係覺得滿足😁先order 1個啤酒味薯條配黑松露醬~好脆好好味又唔會油~飲洒嘅朋友必食👍👍😋之後order 咗兩個 5 course set share 有餐湯,沙律,牡丹蝦刺身同黑芝麻cheese cake🧀 😋燒紐西蘭羊架~有4支骨好淋好滑冇羶味👍😋燒西班牙黑毛豬鞍~肉質有彈性帶點爽和保存肉汁😋提提大家~記得要訂抬因為都真係幾多人

今晚黎棉登徑尾呢間門口細細嗰地底酒吧餐廳，入面可以Shisha，當然仲有好多經典cocktail。食物方面亦有晚餐。今晚點左個5-course dinner set，揀左黑毛豬鞍，本身餐牌寫8oz，宜家供應嘅係10z所以要加$40，整個set價值$338。5個course包南瓜湯、沙律、八爪魚薄片、主菜，另外有蛋糕仔。我地本身打算可以share，不過份量的卻係偏向一人份量，所以我地都再點左個小食拼盤（$168），有泰式蝦餅、炸蝦、炸魷魚圈（賣曬所以轉炸洋蔥圈）、炸軟殼蟹。炸物都正常厚度，入面無話乾曬，軟殼蟹幾有驚喜，好厚肉！主菜黑毛豬鞍，外面用鹽調味，無過量，中間肉質雖然未到好嫩嘅狀態不過都鎖到水份。朋友想試下呢度嘅cocktail，揀左呢杯Sesame（$138）。賣相都幾好。整體環境幾適合飲下嘢同朋友聚舊。我地今晚人均$350。