Tiger Room (已結業)

夜遊完大館…想找個地方聚一聚…突然諗起歌賦街有好多食巿…眼見一間新裝修的餐廳…門面好型…以為係Cafe...點知原來係食日式串燒🍢…睇下個menu個都好似好抵食咁…咁咪試下啦…我哋叫左幾樣野食…牛舌juicy...燒得啱啱好…又唔“穌”…不過雞翼就有少少乾…但都ok...我哋仲試左咖喱豬扒飯🍛…啲咖喱汁同其他日式咖喱汁有啲唔同…唔係個甜甜哋個隻…但係好特別…overall回頭率都高丫…下次係中環聚會又有多個選擇🤔...

今日嚟試左呢間新開既tiger room，真係比到驚喜我！一入到去感覺好舒適，服務都唔錯~而且價錢唔算好貴，食物同服務質素絕對值得呢個價錢！同幾個朋友一齊去食真係好正！仲可以一路飲酒一路吹水，chill到爆！

今次來到tiger room目的就係慶祝新同事入職，加上大家都係為牛癡，為牛狂，見到九記牛腩對面開佐呢間餐廳，當然要一試啦！無需考慮已經即刻bok錘決定食H餐，上到來賣相唔錯，一排牛肉整整齊齊排列，配上一碗白飯，沙律，同味噌湯，有預感會好飽～（來一張牛排近照俾大家參考一下，賣相真心唔錯）但食嘢最講求都係味道。牛排本身冇咩調味，需要蘸上配上的燒汁，送到飯，但呢個價錢，會期望佢做得更好。牛排冇咩牛味，但食落去肉汁唔粗糙或韌。跟餐仲會送movenpick雪糕，整個set來講都ok。最後，誠意推介呢度既燒牛舌！

早幾日約左朋友食晚飯，因為大家都在中環工作，唸住行去九如坊過邊，點知行錯路入左歌賦街，見到九記好多人排隊，再望下對面有隻老虎logo，原來是日式串燒店，應該是新開的，門口有位女侍應介紹佢地有咩串燒同埋一些日式食物，見到幾吸引，於是入去試試！我地選左安格斯牛肉串、京蔥雞串、甜薯、稻庭烏冬同我最愛清酒煮蜆和銀雪魚。我覺得食物味道不錯！我推介安格斯牛肉串、銀雪魚，唔會燒得太乾，味道正！我朋友就話清酒煮蜆好味！我就覺得落多D酒重好。其實中環都無咩日式串燒店，下次會再黎，試下其他食物。

之前收工行過見到有間新開串燒店，裝修都幾新穎，應該可以一試。所以尋晚同同事2人一於試新嘢。舖頭唔算大，不過感覺唔會好迫,好嘈。叫咗個免治雞肉棒味道不錯，燒汁味濃，送洒最啱！不過本人應為最好食係個燒焗銀鱈魚，一啲雪藏味都冇，又吾會好油膩，真係好唔錯。烏冬彈牙唔會一pat pat，配燒明太子就最夾，因為明太子就咁食會比較咸。整體感覺良好，如果想喺中環食個casual dinner 同朋友傾下計relax 吓絕對係個好選擇！

中環放工同朋友食飯，上次經過知道係歌賦街開左間主打食串燒既Tiger Room 前一日Book定3位,一入到去就坐底吾洗等。餐牌選擇都算多,除左串燒仲有幾多小食選擇!我地叫左一個雞泡魚乾,甜甜地又有D鹹香,點沙律醬一流!到主菜燒大蝦同和牛係我至愛!食材好新,食到原汁原味清酒煮蜆都幾鮮甜，燒海老同帆立貝都真係幾大隻同新鮮我覺得最正既一定係燒焗銀鱈魚，好滑同入味，我地叫左2客，因為太正 無諗過佢地個餃子都幾好味，好味過平時餃子店食個D，有驚喜！仲有店員服務態度非常和藹，仲會主動問我地有咩需要，所以餐飯食得好開心！

琴日同朋友去完大館，諗住搵一個地方坐下食下先反屋企。朋友建議去食日式串燒及咖喱。佢話之前系青衣個間Tiger San 食日式咖喱覺得幾好食，店員話佢知開左間新餐廳系中上環。今日去開港島區就去。由於我地食左個豐富下午茶，所以只系叫左D串燒。雞皮好好味，但太邪惡魷魚燒得好香牛脷、京蔥雞肉、和牛 因為厚切所以保留到口感及肉汁雞腎都不錯唯一美中不足，舖頭只有20幾過坐位,好快出現一條人龍，我地唔好意思坐太耐就走。整體來說都很好味。因為今次大家都唔太肚餓，唔系叫太多串燒。下一次來要試更多唔同款式。

今日放假行完大館, 突然想日本野, 就同朋友周圍尋食. 行到歌賦街有間日本串燒, 正中下懷, 決定入去試試. 入面裝修特別, 牆身啲畫又可愛. 睇下menu, 都有好多選擇-海鮮🦐, 和牛🐂, . 對於我有選擇困難既人, 我決定樣樣都叫啲😋😋最後叫左10串左右串燒, 沙津, 炸物.食物質素不錯, 買相精緻. Staff好nice, 介紹有咩好食又有唔同sake擇, 最鐘意🍓sake👍🏻(都係啲staff介紹俾我地)🤪🤪期望下次再去又飲又食

朋友介紹呢間串燒小店, 外觀望落舒舒服服乾乾淨淨, 幾岩同朋友聚下食晚餐傾下計間野細細間, 唔算大, 不過就坐得舒服, 待應們都好有禮貌我地幾個女仔食得唔多野，叫左幾客串燒分著食有ｄ串燒店嘅肉會好鞋口難咬，但係Tiger Room 嘅雞肉同牛肉都好嫩, 好易入口好好味梅子醬大葉免治雞肉棒就岩曬我呢d重口味人士, 個醬微酸好特別, 我比個like 佢! 如果大家想傾下計慢慢嘆住食, 推介Tiger Room 

早幾日去試左，一入到去覺得成間鋪感覺唔流錯設計都比較型，燈光好用嚟影相打卡一流！，而且員工有禮貌，亦會主動推介菜式，我就嗌左個吞拿魚腩温泉蛋飯，朋友就話想試下串燒！嗌左燒雞泡魚乾 牛舌同和牛！好！講左我個個先，首先我係對魚生幾高要求，但呢個飯我就覺得好正，賣相又好，有大量細葱花同大量拖羅～仲有隻流心蛋你拖羅上面撈埋食一流！拖羅油香十分重，但食完唔會濟，份量岩岩好！喜出望外另外，到串燒啦，雞泡魚乾味道特別，送酒食一流，牛舌佢燒到好靚，調味適中，加少少檸檬汁仲好食。嚟到重頭戲！和牛！入口即溶！非常正，朋友都大讚好食，我地都好滿足最緊要係性價比高！約埋一家大細，情侶食都無問題！值得一試

一路都留意左Tiger Room好耐啦，今次終於有機會去試下啦！Tiger Room主打串燒同埋日式料理，但係因為種類都幾多，都嘥左唔少時間去諗食邊樣好經過一輪同朋友之間既鬥爭之後，我地就決定先先嗌個雞軟骨餃子熱下身先！雞軟骨餃子用料新鮮，入面既雞軟骨仲好爽，再配合身特制既醬汁，絕對係一道出色既開胃菜！緊接而黎既係清酒煮蜆，平時出面食開呢道菜，我通常都會覺得酒味太重而掩蓋左本身蜆既鮮味。但係我今次好喜出望外，因為呢度既清酒煮蜆竟然將兩者既味道平衡得好好，食到清酒味之外都不失蜆既鮮！之後再黎多一道開胃菜，炸軟殼蟹！！！ 軟殼蟹炸得好鬆軟之餘，仲保留到蟹既鮮味！仲有一齊附上既沙律醬，將炸物既油膩感降低，令我地仲有肚食其他既菜式。我地嗌左種種既串燒，水準穩定而且性價比絕對地高。當中既燒雞皮同燒牛脷係我個人推介！燒雞皮唔係一般坊間既燒到脆口既版本，反而淨係燒香雞皮表面，保留雞皮獨有既油香，呢種燒法我淨係係聖地牙哥一間好有名既居酒屋食過一次，之後就冇食過啦！正之後就係燒牛脷啦，呢度既牛脷係以厚切形式，保留到足夠既口感之餘，油香既味道亦濃郁，用料同處理都十分之用心串燒之外，我地仲嗌左招牌既吞拿魚蓉

經過中環想食下串燒， 入左去試一試。環境幾舒服，適合幾個朋友傾下計，慢慢食。串燒好夠味，特別係串和牛！除左串燒外，都叫左燒焗銀鱈魚。以為佢地主打係串燒，原來燒物都好出色。 條魚好鮮好軟，可以一試

朋友介紹 就嚟到呢間 居酒屋 本人對牛舌其實有一番執著 咁一定會叫佢試下㗎喇 其實個味道同日本一般嘅居酒屋都差唔多 但係佢本身啲燒嘅材料係好出色 令到個味道出晒來 其實唔係好多人頂得住但對我嚟講還算ok另外就叫咗個炸雞皮 但係我本人對雞皮嘅味道唔係好頂得住所以我都麻麻地然之後再叫咗到雞軟骨餃子呢個有驚喜因為之前未試過係用餃子嚟包式雞軟骨 第二度冇食過所以我得呢個幾特別個口感都奇奇怪怪但係係接受到嘅 你到呢度值得一試最後就係呢個吞拿魚蓉飯 不得了 記得吞拿魚蓉同埋嗰啲飯一定要一齊食入口即溶嗰種感覺真係好出色如果一班朋友你傾下偈聚一聚絕對一個好選擇因為我一邊食串燒一邊傾計 好似身在日本 的居酒屋

前幾個星期經過呢間串燒店，個女侍應見我望吓門口個 menu, 同我 sell 咗幾句，原來係銅鑼灣間 Tiger Curry 開，之前返學成日去嗰度食飯，執咗之後好耐冇食。噚晚同D friends 試吓, 咖喱飯同以前一樣，先甜後辣，好有後勁，不過款式好似少過銅鑼灣；估唔到串燒有返咁上下水準，牛舌一試難望，極力推介。整體水準唔錯，我地五個人，每人大概$300，食串燒黎講唔算貴，值得推薦

九個人去試呢間Tiger room鋪頭比較細當時有要求過可唔可以安排入d嘅枱俾我哋坐但最後拍咗四張枱係門口位俾我哋所以每次有人出入都好熱午餐Menu最少$100起其實覺得牛扒定食好吸引不過近排戒緊口最後揀咗蔥吞拿魚腩飯午餐set有飯、沙律、湯、漬物$128芝麻醬豆腐沙律正正常常蔥吞拿魚腩飯上面再加隻溫泉蛋（我覺得稱為半熟蛋比較貼切）賣相幾靚隻蛋類似拉麵嘅糖心蛋咁但如果係配飯的話就稍為熟咗少少做到蛋汁流出嚟嗰個效果會比較match吞拿魚腩普普通通個飯一定要加豉油先至夠味冇乜大驚喜麵豉湯職員話有加魚落去煲， 所以素食嘅同事又要讓出嚟俾我哋啦不過我其實唔太飲得出有魚味甜品movenpick雪糕應該係全餐飯最滿足呢款panna cotta幾好味整體質素其實OK嘅不過又唔算好大驚喜價錢都唔算太貴嘅聽叫咗牛扒餐嘅同事話牛扒唔夠牛味所以我都未有好大動力再嚟食多一次