The Right Place (寶勒巷)

营业中

休息中

避風塘椒鹽魷魚鬚 $88避風塘式整法 主材料俾大量配料遮哂 影相其貌不揚 食起黎堅惹味好食!呢份魷魚鬚係避風塘系列其中一員 另外仲有四五款選擇 上網都見唔少人推介大量椒鹽灑左係上高 比較特別係仲有薯片碎 望到既果啲乾辣椒其實唔係點辣 椒鹽味更明顯 mix埋好香口魷魚鬚外皮香脆 咬入去唔會咬極都唔斷 同避風塘整法非常match想滿足口癮真係叫得過 我係連配料成兜清哂美國安格斯牛肉芝左漢堡 $138呢度既漢堡包唔算太貴 都係差唔多價錢 叫左份常見既牛肉漢堡試下賣相黎講隻煎蛋幾搶鏡 顏色幾sharp 本來以為整穿蛋黃就會漏汁 點知又剛剛hold到漢堡包皮黑炭色配芝麻 我就對入面果塊漢堡印象唔錯 有一定厚度但肉質又唔會太實或者韌 同埋夠juicy薯條都幾正下 新鮮炸出黎既粗薯熱辣辣 檯有茄汁同蛋黃醬任落 份量都唔少伴碟仲有沙律菜 唔算好多 多少減輕熱下熱氣程度緬因洲龍蝦尾扁意粉 $218平平地既龍蝦選擇諗住食份pasta 見呢款好似影相靚啲就叫左開邊龍蝦 幾有肉地 我就唔覺無左龍蝦頭會少左幾多肉 不過肉質就一般 偏韌 而且意粉整法唔係落重汁果種 顯得龍蝦都乾身左d反而配料同意粉唔錯!配料有腰果

朋友係外國返黎聚舊，去左尖沙咀The right place希望同朋友食餐好，當是洗洗塵。夏日消暑西瓜冰，是夏日限定，沒想到是原個西瓜上，以珠簪一串串起了粒粒的西瓜波波，上面是西瓜冰，入面是西瓜加檸檬汁，非常冰凍，相當消暑。橙漬吞拿魚黑醋沙律，吞拿魚的四邊沾滿了芝麻，吞拿魚很新鮮、帶上芝麻的咸香味，沙律菜是菠菜嫰葉、洋蔥和新鮮無花果，材料新鮮，加上黑醋份外酸甜開胃，味道很好。墨西哥菠菜芝士卷，墨西哥的邊邊好脆，入面是熟左的菠菜、蕃茄、濃味的芝士醬，外面加入了沙律醬，由外到內都好好食。旁邊還有三款醬各有特色，蕃茄莎莎、牛油果蓉和酸忌廉，可以食盡三款不同滋味。脆鱗甘鯛魚柳芝士漢堡，粗薯條炸到熱辣辣非常新鮮，黑漢堡烘得好香，甘鯛魚的魚鱗炸都好似薯片脆卜卜，甘綢魚柳肉質嫰滑，加入漢堡組合新穎得黎真材實料。Tofu Pudding，不過要以為是普通的豆腐花，豆腐花中加入了 Whisky ，店員會在我們面前加入石膏粉入豆腐花當中，之後我們靜待10分鐘，凝固了的豆腐花就出爐了，每一口豆腐花都會品嚐到 Whisky 的酒味，份量好多、質感好滑，2人share都可以每人食到大約2碗。第一次咁食非常特別。

放工約埋三五知己想搵個地方chill下傾下計！友人就提議試下呢間the right place! 一入到去就比佢個大螢幕吸引住，一邊播放著外國流行歌曲，一邊嘅裝修係一幅望香港特色嘅窗畫！比我一種中西合璧嘅感覺！然後一睇個餐牌我就明白啦，呢度主打fusion菜！好多位都睇得出餐廳細心融合中西薈萃！🔥美國安格斯牛肉芝士漢堡呢個漢堡個包選用竹炭麵包，食落軟綿綿，而且安格斯牛肉有得選擇成數，我地揀咗5成熟，食落d肉汁勁多，真係便到5成熟！呢樣好值得讚👍🏻👍🏻🔥燒原隻魷魚筒釀蝦膠上枱嘅時候我地都好驚訝，成隻魷魚有手臂咁大隻，釀滿蝦膠漲卜卜，十分吸睛！個魷魚燒得好香，送啤酒飲一流！旁邊個汁係泰式辣汁，食落都有d辣，不過好惹味！🔥緬因州龍蝦尾北海道鮮帶子意大利飯個意大利飯好rich好creamy，餐廳仲落左咸蛋黃去煮，食落鹹鹹香香，將平時食嘅risotto層次昇華，食得出呢間餐廳用心去創造fusion菜！另外龍蝦尾同帶子都好有鮮味，帶子仲要係半熟，食落非常香滑！🔥烤德國鹹豬手烤德國豬手最重點係個皮，而呢間餐廳就正正烤得岩岩好，皮脆肉嫩！豬手配埋酸菜食真係十分夾！店員仲好細心比埋芥末我地點！🔥Teac

有朋友中意飲酒，今晚就試下呢間有特式cocktails 飲嘅餐廳🙂餐廳唔大，全部都係高嘅櫈，好有酒bar feel而且餐廳仲有好大嘅screen，如果撞正有波睇應該好正👍🏻睇menu都見到餐廳野食行fusion路線😁🍹Drink that culture主要係啤酒成份，面頭仲有陳皮，愈飲甘苦味愈出🍹夏日西瓜特飲我唔飲得酒就唯有試下特式mocktail呢款menu無，係夏日限定原個西瓜上已經好吸引😍入面仲要係西瓜沙冰，加埋少少檸檬汁，莓汁，好清爽👍🏻🥢安格斯牛肉burger嗌左5成熟就真係5成熟👍🏻好多肉汁，生菜亦都好新鮮👍🏻🥢泰式燒原隻魷魚筒釀蝦膠魷魚筒好大隻，燒得啱啱好，而且配埋泰式酸辣汁十分惹味，如果蝦膠更彈牙會更出色😁🥢鹹蛋意大利飯半煎北海道帶子和龍蝦尾餐廳諗到加鹹蛋落意大利飯十分有創意，估唔到鹹蛋同意大利飯都幾夾。至於北海道帶子煎到7分熟啱啱好，龍蝦尾亦都好多肉。🥢海膽鮮蟹肉扭捲粉個長通粉幾彈牙，而且都好多蟹肉，個汁亦都好濃郁。👍🏻🥢德國鹹豬手好大隻，而且侍應會幫我地切埋，好多肉，連埋皮同埋酸菜食簡直一流，但如果個皮脆多少少會更好總括嚟講呢間餐廳嘅cocktails mockt

今日慕名而來 The right place見朋友大力推薦呢間餐廳一有機會就黎左試下-餐廳入面夾雜住中西式既設計仲有一個大屏幕播歌同播片係呢種環境下食飯 好有feel-今次叫左👉🏿避風塘蘿蔔糕👉🏿美國安格斯牛肉芝士漢堡👉🏿墨西哥菠菜芝士卷份量都算多 兩個人食好飽！-👉🏿避風塘蘿蔔糕好特別既做法 辣辣地 好惹味聞到都流哂口水🤤同平時食開既蘿蔔糕好唔同😂帶出不一樣既蘿蔔糕 好有驚喜-👉🏿美國安格斯牛肉芝士漢堡原先以為係細細個點知原來係咁大個見到都無從入手牛扒好大塊好厚同fd share就岩岩好夾住太陽蛋，蕃茄，菜同煙肉好足料既漢堡！仲有另外配香芒薯條 好特別加哂分👍👍-👉🏿墨西哥菠菜芝士卷配3款醬汁 每啖都可以試唔同味但本身個卷已經好夠味好足料既菠菜！

開頭見到咁多個，諗緊會唔會係打手，但見到啲食物同啲食評真係好吸引，不防一試啦！雖然話係酒吧，不過啲食物都好好味。前菜，墨西哥菠菜芝士卷。出面個皮脆，配入面溶溶地既芝士汁好夾。加上入面啲饀除左菠菜，仲有啲蕃茄生菜等，令到唔會好漏。主菜，燒春雞。我相信真係即見即整，要等一陣先到。一上菜，佢既香味已經令我唔記得左等左幾耐。一切開非常juice個皮又燒到脆卜卜。甜品，香蕉酥皮配開心果雪糕。作一餐飯既總結，好滿足😋😋😋

如題”Dinner at the right place with the right person”我間唔使就會同我哩個buddy去食好西嘅～係喇，就係專搵「西」食！雖然依家少左，所以更珍惜大家每次相聚架時刻。乜都講下咁啦「天南地北、講下邊個俾人恰、邊個最鍾意老屈、老闆幾咁唔得等等⋯」是次選擇了”The right place”其因尖沙咀就腳嘛，另外，如果你都好似我地咁鍾意聽音樂摸下酒杯底食西架話，都可以一試。餐廳內有多個螢光幕，其中一個蠻大的置於餐廳正中後方，雖攝人，但可惜佢全晚在播卡通，我個人認為如果佢播番外國concert or Music MV應該更為搭配囉！設計上有一個讚的地方，就是每個卡位旁都會有一個下陷的位置方便客人擺放個人物品，還有，由於枱面積不大，而放置食物架碟又不小，佢地會設計每隻碟形狀不一去遷就。不錯啊！～唯獨枱與枱之間距離感不足。好，講番d野食先啦～當晚我地分別點左兩個maim course.一個係餐廳signature dish burger (beef) medium煎蛋半生熟的另一個則是香辣白汁蜆肉意粉無記錯HH係去到8pm or 9pm我地都同樣點左”

平時來到寶勒巷都係夜晚去酒吧，但係今次就嚟到呢間Bar&restaurant食晚飯。因為今日係30幾度，所以一坐低即刻叫咗嘢飲先，侍應推介左一款幾特別嘅mocktail，係西瓜做底然後加咗lime soda等既材料，勁消暑。（另外有cocktail架）至於食物我哋就叫咗三款，分別係避風塘軟殼蟹，lobster tail linguine ，同埋肉眼扒。最鍾意係個意粉，佢嘅整法好特別，似係中式嘅煮法意粉汁有龍蝦汁味，但又唔似一般嘅西式煮法，味道好特別。而個龍蝦尾都幾彈牙。另外肉眼扒煮得好淋身，叫左七成熟岩岩好，加埋個醬汁係比較濃味嘅，好match個扒。不得不提既係，呢度既裝修氣氛好好，好有本地風格

呢間尖沙咀的酒吧餐廳，環境有格調好有氣氣氛，仲有大螢幕投映片段，亦設有戶外座，除左有西餐、cocktail等，當中的避風塘系列超吸引的！！！🦀避風塘軟殼蟹 $98(2 pcs)軟殼蟹的份量都幾多，而軟殼蟹炸得好香脆，面頭仲鋪滿避風塘蒜粒，仲有d薯片碎碎，混合一齊食超正，可以話係最美味既軟殼蟹烹調煮法，必食之選😂🧡西班牙辣肉腸，花枝片，燒南瓜，法邊豆，鹹蛋黃意大利飯伴輕煎北海道鮮帶子 $198睇見呢個菜名咁長，就知材料十分豐富，仲好足料既意大利飯，仲愈食愈香呢，大大隻帶子，令人非常滿足，值得推薦⭐️🧀墨西哥菠菜芝士卷 $118非常清爽既菜式，卷內包滿菠菜，配上芝士，味道亦好夾🍴🎀Dr.Kitty $66除左cocktail多款式，mocktail都幾有特式，試左呢杯Dr.Kitty ，以荔枝，芒果syrup+菠蘿汁＋乳酪調配而成，好香甜同好有果香，而杯邊仲有荔枝同粒🎀蝴蝶型的糖扮kitty，同用上量杯去裝，又幾貼題wo😂

朋友生日，選擇了一個有格調既地方，飲杯野，傾下計🍻岩岩好仲係happy hour，叫返杯Mocktail 先，dr.kitty好岩女仔呀，估吾到荔枝上面真係有個kitty蝴蝶結！另一杯烏龍奶蓋，奶蓋顏色呈淺灰色，係竹炭造成，飲落係清淡一點，無平時既奶蓋咁重芝士味，吾會太膩而食吾落其他野。西瓜汁真在出乎意料之外，係原隻上，絕對係打卡飲品！吞拿魚沙律，吞拿魚算厚實鮮甜，呢隻菜好少食到，但好好食，口感軟滑，仲有新鮮無花果，別出心裁。薯條用蒸籠上碟，中西混合好得意，分量多，薯條外脆內軟，好重蒜蓉同黑松露味，啱晒重口味嘅朋友😝一班朋友傾計食飯，就最啱叫呢個啦！美國龍蝦配日本帶子，四個人分的話，分量吾算多，本身抱着不太大期望，但食落味道鮮甜，喜出望外。漢堡夾軟殼蟹，配搭特別，加上芒果他他，酸酸甜甜，又香脆。呢個甜品一般，反而下面嘅自家製蘋果批值得一試！室內環境氣氛很好，但比較嘈吵，傾計就要放大聲一點嚕。

有時候同朋友傾下計飲下野食下晚飯，我都會黎呢間 The Right Place，地點又方便，係尖沙咀，放工約人晚餐飲野一流，餐廳只人又親切，我最鍾意食佢既安格斯牛肉芝士漢堡配薯條，真係好好食，我超鍾意食漢堡包架，我黎親呢間都會叫呢個，個個包又係好好食的😋😋😋，跟住今次我親試左個之前未食過既蟹肉藜麥沙律，健康有營養又美味，啖啖蟹肉真係好正呀，仲有呢個烤豚肉又係好鍾意，肥瘦均勻，好好味！🥰🥰🥰呢餐真係好滿足！

Right Place 係我在尖沙咀很喜歡的Bar & restaurant，還曾經係呢道為好友慶祝生日，今晚又與友人來開餐，回味一下啦！避風塘系列是餐廳的主打，所以再一次黎品嘗一下。避風塘椒鹽魷魚鬚魷魚鬚炸得好金黃香脆，大量蒜粒爆香確實係香口，從蒜片中找魷魚鬚好似玩緊尋寶遊戲一樣，魷魚唔係太大條，鬆軟有咬口，在蒜粒中還有一些薯片，有趣又驚喜。八爪魚沙律有新鮮八爪魚、香橙、柚子、車厘茄、雨衣甘藍加芥末籽油醋汁撈埋食味道酸酸甜甜，八爪魚口感煙韌加上蔬果都新鮮，做前菜感覺一流清清地燒西班牙黑毛豬五花腩伴芥末籽蜜糖青蘋果五花腩肉肉質鮮美十分軟腍，表面微微香脆，偏厚的肉質，口感好軟嫰、Juicy，沾上秘製的芥末籽蜜糖醬，啖啖滋味。

呢排做野經過尖沙咀見到一間好有格調既餐廳就入左去試下……呢次試左餐廳既一d小食The Right Place拼盤$298要私心推薦下入面既避風塘雞全翼好有蒜香而且雞既肉非常細嫩！燒蠔好新鮮同好重既牛油香味豬腩肉加芒果既配搭好清新！完全唔油膩軟殼蟹亦都炸得好香脆！口感好豐富！燒粟米亦都同平時出麵食既唔同加左黑松露茵醬 令粟米增色唔少..........墨西哥菠菜芝士卷$118本來以為係普通既墨西哥卷 點知食落好有驚喜🤣入面既芝士同菠菜味道勁夾 而且表皮好香另外仲貼心附上幾款醬汁配搭..........呢間餐廳既菜式完全超出左我既預期 用餐氣氛非常良好 餐廳裝修佈置亦都好舒服 好推薦大家黎試下😀😀..........The Right Place地址：尖沙咀寶勒巷17-19號地下

今晚在這家餐廳吃飯，這裏比去年生意火旺了許多呢！⭐️DR.Kitty$78由荔枝糖漿、芒果糖漿、菠蘿汁和乳酪調配而成，入口香甜，不過調酒師略顯重手，味道很甜。⭐️Summer cocktail 非常吸睛的西瓜特飲，由一整個小西瓜製成，喝一口，清甜解渴的西瓜汁配上酒精，意外地契合，香甜的西瓜汁夾雜著酒精，香甜而不寡淡。⭐️澳洲和牛肉醬手工貝殼粉$168水牛芝士配上63度溫泉蛋，澳洲和牛肉醬入口比一般肉醬稍微香一點，肉質豐沛，吃起來不會乾柴。⭐️海膽鮮蟹肉扭捲粉$188加入海膽汁的意粉增加食物甘甜，配上鮮蟹肉味道不俗，不過我較喜歡熟一點的意粉。⭐️帕馬臣芝士香蒜松露油薯條$78將芝士切絲，配上即炸的薯條味道香脆美味。⭐️比利時窩夫 自家製雪糕$68窩夫烘得非常脆，配上雪糕，完結美好的一頓晚餐。

約朋友仔去飲下野食個飯，尼度絕對係Right place等朋友期間，重可以睇下餐廳部大電視播放嘅music video，或者叫杯野飲住等！尼杯Dr . Kitty，甜甜地，掛杯粒荔枝配上蝴蝶結，真係好可愛！朋友仔嚟到就話要杯啤酒同薯條🍟！嘩！杯野乜大成咁啤酒配薯條真係好match個籠仔薯條鋪滿Parmesan 芝士，好脆，好夠味同朋友傾到停唔到口，不過都係時候叫啲熱野食下，因為我地都唔太餓，所以決定淨係叫個湯同蜆！法式鮮蠔濃湯，的確好有蠔味，非常美味朋友叫左個珍珠帶子鮮蟹肉濃湯，佢話覺得都唔錯，我都偷左少少試，感覺上蠔湯更啱我口味最後再嚟個清酒蒜片辣椒卡拉布里亞辣腸煮美國馬尼拉蜆個名真係好鬼長，至於味道，啲蜆都有鮮味，辣腸就食唔出有乜特別!朋友話尼度好多野都好味，有機會真係要再去試下其他野食先得