The Point - Pizza & Pasta (The ONE)

营业中

休息中

週末假日與朋友在The One 看完早場電影後便去醫下大家的五臟廟，突然想食PIZZA 便去了 THE POINT 餐廳，下午時段人流比較無甘多不用等位便可以安排入坐，這餐廳是自家製出創意手工Pizza和意粉。 還有招牌Pizza採用最幼滑的意大利“00 麵粉”製作麵糰，而且發酵超過24小時，真係要試試吧 ！ 環境舒適坐位空間寬敞，慢慢享受一下週未時間。香蒜橄欖油炒野菌配溫泉蛋是用熱辣的平底鑊入進香蒜橄欖油炒野菌，蒜香味道撲鼻; 首先把溫泉蛋跟野菌徹底掏拌然後能食到蛋香跟野菌的口感和味道。Herbivore 是素食 pizza 材料很豐富有： 烤甜椒, 意青黃瓜, 野菌, 茄子, 焦糖洋蔥, 里哥特芝士, 意大利香草醬，餅底是非常薄Pizza 的烤焗掌握時間很好，餅邊烤得很脆口好適合我口味，餡料充滿田園味好清新好健康，是素食者之選。 Brownie in a pan這個甜品是放在平底鑊上，上面放了一球雲呢拿雪糕，旁邊則是焦糖香蕉和合桃配料。Brownie朱古力味道濃郁，口感不過硬，加上雪糕很香雲呢拿味，香蕉夠軟腍，整體配合得很好。最後加多一杯莫加咖啡真是這餐一個完美的句號。

女朋友最愛食西餐，難得我地可以一齊放假，去左尖沙咀食個lunch！假日去到the point，我地單點左幾款食物。我同女朋友之前都食過幾次，每次女朋友都好滿意。我地先叫左一個前菜，女朋友每次黎都係叫meatball，蕃茄醬味濃酸香，甜甜地非常開胃。肉丸香嫩軟綿綿，入口濕潤唔會好乾充滿肉汁。多士可以沾上茄醬，香口香脆。pizza又係佢最愛，今次叫左軟殻蟹，批底夠哂香脆香口，鬆軟唔會好乾身，批底厚薄適中！龍蝦risotto我必點。濃濃芝士香完全唔膩，鮮甜醬汁底超滋味！

今日放假去左尖沙咀食飯，中午去到The One間間餐廳都人山人海，非常熱鬧。難得同男朋友一齊放假，搵左一間西餐廳食個lunch。The Point，已經同男朋友食過幾次，次次都滿載而歸，對餐廳食物水準非常有信心。假日中午單點幾款食物。我地先叫飲品，之後男朋友就負責order食物啦。前菜叫左meatball。香濃茄醬酸甜非常開胃，肉丸中間軟綿綿非常香嫩，充滿肉汁，旁邊配上麵包可以連埋茄汁食！主菜叫左兩款。龍蝦risotto和軟殻蟹pizza。意大利飯味濃鮮甜，唔會太膩！pizza我最欣賞，批底香脆香口唔會好厚，充滿芝士香味，軟殻蟹唔會好油膩！

多次經過這店也想試試, 趁著這個下雨天, 就跟朋友品嚐一下因為過了午飯時段, 客人不多; 餐廳地方也寬敞, 樓底高空間開揚, 坐得舒服餐廳出名是薄底 pizza , 也有很多其他選擇, 份量不是大堆頭那種, 叫多幾款也吃得下先來個香蒜橄欖油炒野菌配溫泉蛋, 放在熱辣的平底鑊上枱, 蒜香攻進鼻腔; 一定要將溫泉蛋跟野菌徹底掏拌, 蛋香跟野菌獨有香氣才完全發揮, 十分十分好味 朋友因為今天初一要素食, 所以就可以獨吞這個香蒜白酒辣椒煮大蜆; 雖然辣味不太特出, 不過香蒜加上香葉一起炒, 味道一點不失色; 加上蜆肉厚滑鮮嫩, 一個人KO一碟也嫌不夠.主角 Herbivore pizza (The Point 原來也有不少素食選擇, 對朋友來說是大喜訊); 素食 pizza 材料包括烤甜椒, 意青黃瓜, 野菌, 茄子, 焦糖洋蔥, 里哥特芝士, 餅底薄薄的, 其中焦糖洋蔥與烤甜椒就自己最喜歡; Pizza 的烤焗時間剛剛好, 令蔬菜的甜味與芝士味都充分發揮, 餅邊帶脆而沒半點烤焦, 火力非常理想主菜小食都出色, 當然不放過甜品, 點了這個 Brownie in a pan, 半溶的香蕉配上濃郁

 最近好多朋友問想約朋友在尖沙咀開飯有乜好介紹想可以慢慢飲杯野食輕食類咁我就同佢去左THEONE 4樓一間PIZZA店以手工PIZZA出名今次人不多,點了一客龍蝦PIZZA將蝦肉拆起放上餅底上一起烤熟每件都有龍蝦肉 薄脆批底,沒有太多醬汁,食起來脆口 再加點一客龍蝦焗意粉類似貝殼粉既意粉,加了秘製既醬汁和芝士再焗香上菜中間仲有一隻特大龍蝦鉗份量十足呢!好有氣勢焗芝士濃香,加埋本身既醬汁味道偏向重口味意粉中仲食到龍蝦肉比想像中好食 最後就點多一款小吃慢慢聊天吹水單骨雞翼附辣醬  單支骨起肉卷埋炸香本身已經有調味,食起來好方便 點埋辣汁食一流！好惹味呢～最近推出多款特別水果茶我點了一杯香茅茶，特別清新易入口中和一下濃郁既主菜味道

周末在The One看完早場電影順便吃午餐，見The Point幾多人幫趁就入內試試。＊＊＊＊＊＊＊＊＊＊＊＊＊＊The Point採半開放式設計，感覺幾relex，座位都鬆動不會太迫，坐得舒服。食店主打Pizza和Pasta，不過都有前菜主菜飯麵甜品等供應。Mock Champagne($48)主要由蘋果汁、檸檬汁和薑汁汽水調成的Mocktail，甜甜的味道確是有點像香檳。Slow Cooked Duck Breast Pizza($172)The Point以pizza作賣點，pizza選擇確是蠻多而且款式都挺特別。我選的這個pizza有慢煮鴨胸、藍芝士、焦糖洋蔥、合桃和炸大蔥。Pizza餅底脆得來帶點咬口，有別於傳統以茄醬做主要調味料的pizza，味道是偏甜口味的，都幾特別。Brownie in a Pan($68)Brownie放在平底鑊上，上面有一球雲呢拿雪糕，旁邊則是焦糖香蕉和合桃。Brownie朱古力味濃郁，口感不過硬，雪糕很香雲呢拿味，香蕉夠軟腍，整體配合得非常好。總結，食物質素令人滿意，主打pizza餅底做得出色，款式也特別，喜歡pizza的朋友值得一戰。

最近真的很喜歡來尖沙咀吃飯， 附近配套實在太方便。 特別是天氣不好的時候， 可以喺商場裏面行街、睇戲 、食飯一條龍今次揀咗 The Point試試， 這間餐廳， 主要提供pizza & pasta。 食物揉合了意大利和日式的風格。我們叫了三樣食物， 原隻龍蝦配車厘茄伏特加忌廉汁扁意粉、 smoked salmon pizza、 Brownie in a pan. 原隻龍蝦配車厘茄伏特加忌廉汁扁意粉,預計當中係雪藏龍蝦， 但肉質也不錯， 沒有雪味也有彈牙的口感 。 smoked salmon pizza餡料包括，煙三文魚 、三文魚子、 溫泉蛋、 香草忌廉芝士醬。pizza餅底鬆脆， 三文魚亦都好新鮮，數量亦不會吝嗇， 全個pizza都鋪滿曬三文魚Brownie in a pan這個真心推介必食薄脆的焦糖包著香甜幼滑的香蕉🍌🍌暖暖的brownie， 配上冰凍的雪糕， 超級幸福的感覺真心覺得這間餐廳的食物質素不錯， 下次再來要試試其他食物

We were free today, thus we went to The One for window shopping. When lunch time is nearing, we decided to walk around and entered into The Point. It was located inside The One. For a cafe, it offered several choices of pizza, with some that i have never heard of. Besides that, it served appetizers, salads, main course, pasta/risotto and desserts etc. Orange juice - It was sweet and cooling, with fresh orange bits in it too. Truffle fries - It was served in a hot pan, with double cheese and truf

係The one睇完戲搵地方醫肚見到呢間主打特別pizza 朋友提議試下等左一陣位就入得餐廳開放式設計睇落好闊落舒服Menu真係超多唔同風味pizza揀 花多眼亂揀左朋友最鐘意食既鵝肝pizza 一戰 pizza配鵝肝呢個組品好新鮮一上香到流哂口水 驚喜 因為係我未食過既味鵝肝juicy又足料 每件pizza上都有一兩片大大塊pizza落左黑醋中和返鵝肝既油膩感味道好鬼match好特別餅皮外脆內軟 又唔會太厚好香食唔停棒棒雞翼配蜜糖燒烤醬將雞翼拆左一支骨食起手方便黑松露芝士蛋黃醬薯條薯條夠脆有黑松露味仲有拉絲芝士係上邊薯條係牛油焗好香但係就係因為焗就比較林身甜品方面Brownie in a pan有驚喜朱古力布朗尼餅烤香蕉合桃配雲呢拿雪糕Brownie係甜不過加左雲呢拿雪糕中和返甜膩感重有冰火交融既感覺😏最後焦糖香蕉食唔哂因為太甜都好飽haha另外朋友叫左甜薄餅 不過佢覺得pizza同甜品係唔match我試左一啖 都覺得pizza底係應該配返鹹既組品

朋友過來相約吃午餐，今次一行四人到The One 的食店，這座大厦食店有一個共同點就是用餐1.5 hour ，所以午餐時段，一定夠晒。午餐均可選 2-3 courses,分別是 : 2 courses $98, 3 courses $118包 Set drink 當日是 Pineapple soda,咖啡 或 英式茶包等 + $10 , Latte, Mocha 或 檸水等 +14。忌廉磨菇湯~先來一個忌廉磨菇湯，暖暖的，雖未夠熱，但足料磨菇香味濃郁四溢，更喜歡有切碎的一粒粒磨菇碎，口感豐富。Caesar salad ~太多沙律醬了，味道偏鹹。Roman  Pizza  ~Roman  Pizza 包括有:意大利風乾火腿、無花果、火箭菜、番茄醬Pizza，很喜歡加上那新鮮無花果，中和了火腿的鹹味和肥膩的感覺。Pesto  chicken  pizza  ~Pesto  chicken  pizza 包括有:雞肉、烤蒜頭、火箭菜、茄子、香草醬的pizza, 雞肉有點點辣味，但覺老身，唔夠滑漏，筆者一向喜歡烤蒜頭的，但始終覺得配上那個羅勒香草醬汁，味道有點怪怪的，朋友們都覺得這個組合未算合

可能太早食lunch加上份量太少，而又ot到8點幾，可憐了我的肚子。一收工即刻搵食，近近地去左the one。想吃西餐意粉就去左4樓，隔離果間冇位就黎左呢間。The point唔係第一次食，都知貴份量唔多。而我同同事一般唔食得多但又中意叫到成台野食，所以一共叫左4樣野。一個炒峴，黑松露薯條及兩個意粉。上菜速度有啲慢，加上又肚餓，好快ko小食。等到主菜上陣，大家都食左5份4！平時係最多食到5份3咋。整體食物唔算差，都係果句貴份量小，對於大胃嘅人未必夠。

來這裡主要是為了吃Pizza，但忘記影像了，因為看到很足料，而且切的時候已經聽到crunchy的pizza底就迫不及待的一掃而光. 味道很惹味，而且底部也是我特別鍾意的thin crust，雖然薄餅，但一點都不乾身，而且上面的topping也是很generous，cheese很多，很明顯的拉絲情況還點了份軟殼蟹的意粉，意粉的味道很好，但是軟殼蟹的粉漿比較多而且比較油，沒有什麼蟹的味道，所以不一定會再點一定會再回來試其它口味Pizza

是日Pizza mood, 所以去左出名食Pizza 嘅The Point 食晚飯 😛✌🏻個人叫左3️⃣樣野食2️⃣杯野飲~💁🏻‍♀️Posh Hawaiian個Pizza base 口感好好, 薄薄一層芝士配埋ham同菠蘿, 唔會太膩, 2個人share 一個岩岩好😆💁🏻‍♀️White Wine ClamsClams 都幾大隻, 個白酒汁味道唔錯, 如果有埋包點個sauce會仲好☺️💁🏻‍♀️ Four Cheese Mac勁邪惡超正! 😈 依間餐廳有幾款Mac and Cheese揀, 總有一款岩, 我唔想食咁多肉所以揀左Four Cheese Mac 🤤 我覺得個sauce 岩岩好, 唔會太creamy 太膩太濟👍🏻

這次品嚐了「黑松露南瓜汁野菌蔬菜長通粉」、「芥末烤雞薯蓉芝士通粉」及「意大利芝士餅甜品」。「黑松露南瓜汁野菌蔬菜長通粉」：黑松露味道香濃，南瓜汁非常香甜，長通粉不會過稔或過硬，口感佳！由於這次黑松露有點多，加上汁料較稠，導致很快出現飽膩感，是美中不足之處。個人最欣賞沾滿醬汁的西蘭花，非常香甜，佳！「芥末烤雞薯蓉芝士通粉」：味道比「黑松露南瓜汁野菌蔬菜長通粉」清新！這道菜因用上了不少芝士，必須乘熱享用！芝士可稍為做出拉絲效果。菜蔬香甜、烤雞鮮嫩、薯蓉口感細膩，佳！通心粉配上薯蓉非常飽肚！「意大利芝士餅甜品」：甜品上菜時看起來有點少，但仍無損興致！餐廳提供咖啡供客人按口味自行添加，雪糕香甜、餅乾香脆，佳！餐廳回頭率：95注意：餐廳周五晚上不設晚市套餐，需要散叫。

過左午餐繁忙時間，基本上可以任揀食肆，朋友揀了這間來試試......我們叫兩個午餐齊分享，午餐的選擇已經很豐富，湯味道很有口感，可惜不夠熱，微暖似白開水溫度；意粉爽口不黏，醬汁調配恰當，適合健康為主的我，再加一個薄餅，兩位靚女竟然可以.....消滅它，足以證明味道好唯獨餐飲需指定是日精選，轉其他需加錢，即管一試，落單前已向店員叮囑走冰，到來仍然有冰，而且味道怪怪的，未能飲出菠蘿的味道整體上是可以接受。