The Point - Pizza & Pasta (The ONE)

营业中

休息中

今日係乖囡囡最後一天考試，當然要食餐好去Relax 下先，去佢平時最鐘意餐廳the point 食龍蝦意粉👍這間餐廳環境寧靜舒服，食物款式又多，我最喜愛。我地二話不說就即刻點了一款龍蝦車厘茄㑀特加忌廉汁扁意粉，食落有小小酸酸甜甜好開胃，新鮮龍蝦肉起肉後切到一粒粒加入意粉非常細心，肉質食落爽口彈牙👍 軟殻蟹薄餅-軟殼蟹鹹鹹地好香脆，餅底烤得岩岩好，好似食薯片，🦐肉加入了好多配菜，有小小微辣，食落口感豐富，😋😋😋 食完些咁香口食物，當然要叫些蔬菜平衡下，簡簡單單點了一碟凱撒沙律淸清地食下先，生菜🥬爽口鮮甜，好fresn 。我同囡囡食到棒住個肚走😋😋😋

早排約左好耐好耐冇見嘅同學、老師一齊食飯👍🏻我地點左：1. Spaghetti truffle carbonara (2份)2. Antipasto platter (1份)3. Margherita (1份)4. Roman (1)份1. Spaghetti truffle carbonara 松露香味濃郁，上菜時意粉是熱辣辣的，非常好吃2. Antipasto platterPlatter不算很特別，同我喺歐洲超市買平平哋嗰啲味道差唔多，但係計返係香港買嘅價錢都幾相宜嘅3. Margherita芝士同蕃茄嘅份量非常多，而且Pizza做得非常好4. Roman同Margherita一樣，份量都係好多嘅，非常抵食

Lobster MAC推介juicy惹味，龍蝦汁都好足夠唔會食食下無汁好乾大大粒通心粉好有口感，咬落好滿足好貼心有爆開隻龍蝦鉗，好易食到啲肉Soft shell crab pizza基本上軟殻蟹同pizza係分開食餅底焗得剛好，好軟熟Whole lobster with cherry tomatoes and vodka tomato source比較普通，好味在於龍蝦啖啖肉Brownie in a pan推介必食雲尼拿雲糕半溶狀態配以暖心的Brownie每一啖都有冰火既衝擊Brownie亦好結實，食落好滿足

呢一間位於尖沙咀《The One》嘅意大利餐廳， 主打手製pizza同意粉， 餅底同意大利麵都係採用最優質嘅意大利麵粉做成。 Pizza餅底夠脆之餘亦相當煙韌， 而且款式仲非常多， 仲有好多crossover口味， 保證有驚喜。之前就同一家大細嚟開餐， 餐廳嘅裝修色澤柔和， 木調嘅感覺令人坐得相當舒服。 而且座位亦夠寬闊， 就算係一家大細， 有老有嫩， 推埋bb車都食得相當舒服。先講一下呢度嘅pizza薄餅， 匯合咗香港中西文化交流嘅特點， 推出咗中西 crossover口味， 口味非常創新， 相當特別， 令人非常有驚喜。今次就試咗《慢煮鴨胸薄餅》， 將慢煮鴨胸crossover Blue cheese， 口味相當創新。  Pizza餅底鬆軟香脆，慢煮鴨胸肉嫩多汁， 藍芝士獨特嘅香氣令人無法抗拒， 上面鋪滿咗脆卜卜嘅焦糖洋蔥， 金黃嘅焦糖洋蔥香氣十足， 更增加了一些香脆口感， 加上烤焗過嘅合桃， 令pizza口感更加脆卜卜。《紅酒燴和牛肋肉配蜆殼粉》， 呢一道意粉嘅味道絕對遠高於賣相。 初時睇落平平無奇， 誰知一入口牛味爆發， 牛香湧入味蕾， 蜆殼粉將紅酒牛肉汁包裹， 每一口蜆殼粉都能

每次經過都大排長龍一直都好奇真係咁好食咩餐廳主打crossover食材有部份菜色都幾特別但最後發現其實餐牌內大部分主食材來來去去都係以黑松露、軟殼蟹同龍蝦為主要材料 📍紅酒燴和牛勒肉配蜆殼粉 - 蜆殼粉一粒粒夠晒易入口。和牛勒肉炆得好軟，肉質軟腍，紅酒汁伴上帶點煙韌嘅蜆殻粉效果唔錯，食落聞到淡淡嘅紅酒味，令人食慾大振，可惜調味略為咸 📍棒棒雞翼配蜜糖燒烤醬 - 雞翼一分為二，本來以為雞翼本身係咩味需要點蜜糖燒烤醬先好食，點知原來已醃製到好辣而且帶點咸，反而係點完醬汁後先中和番，無咁辣同咸 📍黑松露芝士蛋黃醬薯條 - 蛋黃醬超邪惡，但只係得零星嘅黑松露碎，食落唔夠味又唔夠脆 📍軟殼蟹菠蘿莎莎披薩 – Pizza同軟殼蟹呢個配搭算幾特別，但原隻軟殼蟹上係分配上就比較麻煩。其他配料用咗紅椒、芒果、洋蔥、蕃茄等，Pizza底係偏薄果種，食落口感脆脆地，配合埋其他配料嘅酸酸甜甜，酸酸地剛好中和返個軟殼蟹嘅油膩。 唔知大廚今日係咪心情唔好整體上所有食物調味都比較咸同行幾個友人都要猛飲水

呢款份量對我們來說剛剛好，最驚喜是個芝士汁，味道香噴噴，蜆殼粉既形狀可以兜住啲汁一齊食好入味，而且蜆殼粉煮得煙韌好有口感！仲可以做到拉芝效果薄簿既餅底好香脆又煙韌，再配秘製醬汁加點芝士超超超夾呢！口水已流，十分誘人。整過薄餅所有食材配搭都能融為一體！原隻軟殼蟹炸起來都幾香口， 蟹肉都算厚身， 外脆內軟我被呢個水果凍茶系列吸引左第一次飲有香茅味既飲品，飲落係有好清新既芒果果茶味，最尾會有飲到d薄荷同香茅味濃濃的hazelnut ，入口順滑細致，甜度又不過火，相當可口，而且呢杯相對奶味會較重，就連不是愛好朱古力的都不會抗拒。王牌之選香蕉和朱古力的配搭怎看都是一個百搭的組合！雲呢拿雪糕放在最上層，慢慢溶的時候連埋brownie同烤過嘅香蕉及合桃一齊十分香濃！整個口感豐富外脆內軟又能做到一冷一熱冰火交融，果然是王牌！

近日又開始積極減肥，大部分時間都留家吃飯，不過，有時候閨蜜飯局總不能推掉。餐牌上的選擇雖然很多，當中更有我最愛吃的龍蝦pizza，但我還是非常節制。Miso Pumpkin & Kale salas我點了沙律來吃，沙律菜全用上羽衣甘藍，感覺清新健康，而沙律內更放了烤南瓜、茄子及藜麥，配上柚子味噌，味道豐富，酸甜中又帶點味噌鹹香。甘笋南瓜湯南瓜湯的味道超讚，湯底濃稀適中，南瓜味濃厚香甜。朋友點了野菌湯，由於湯內加了橄欖油，所以入口非常油潤，而湯內還有大量的野菌蓉，菌香十足，推介。Fresh Mango Juice芒果汁是鮮榨的，味道香甜，芒果味突出，大大杯也只不過HK$24，讚。

踏入雨季，心情不好，放工後唯有約好友到尖沙咀吃飯解悶。位於4樓的The Point，是朋友推介的，以薄餅為招徠，佔地挺大，半露天的，感覺開揚。餐廳主打pizza，我們就點了一鹹一甜來吃。軟殼蟹pizza Pizza餅底非常鬆脆，而中間放了原隻酥炸軟殼蟹，蟹膏甘香，配上彈牙蝦肉，惹味櫻花蝦以及鮮味明太子醬，入口辣辣的，得惹味。Banana Heaven Pizza餅底入口煙韌，配上烤香蕉，半融化棉花糖、雲呢拿雪糕及朱古力醬，味道香香甜甜，廚師更特意在pizza上加了杏仁片，令口感層次更豐富。Ice Oreo Chocolate入口冰涼，口感香滑，帶有濃郁朱古力香味，加上Oreo脆餅，令整件事變得更完美。

The point 餐廳面積很大，座位之間空間合理，中午客人頗多，差不多滿座，證明此間餐廳十分受歡迎。香濃野菌湯野菌忌廉湯很濃稠, 野菌已經被打成幼細糊狀, 混入忌廉, 喝下去很creamy和柔滑，富香濃野菌味,個人偏愛這湯。酥炸軟殼蟹，蝦肉，攖花蝦，明太子醬餅底需韌中帶脆，才算佳品。餅底已經烘到鬆脆, 掃上明太子醬，再疊上美味的蝦肉及滋味的櫻花蝦，賣相很像日式薄餅，濃烈香氣，令人垂涎三尺。吃落滋味殊不簡單, 軟殼蟹很酥脆對我來說很喜歡, 而它的脆口質感是我最愛的, 再加上明太子醬配出香濃滋味, 櫻花蝦和蝦肉的調味, 則提升明太子醬的味道，從未接觸的新鮮味道, 我們都停不了手。香辣蕃茄醬燜肉丸蕃茄醬汁份量很足夠，醬汁中帶有蕃茄蓉，有新鮮的蕃茄味，應該亦有用茄膏來提味。肉丸看樣子比外面的不同的，這球肉丸的筋比例不少，比較有嚼勁，但不是難咬那種，這是女生至愛。龍蝦芝士焗意粉當晚最好吃必定是這意粉，朋友吃過一口已大呼沖這個已經值得再來。龍蝦忌廉芝士汁濃而不膩，質感不會太稠，芝士味道不算強烈，但是味道很香很夠，追吃性強。平常少吃這煙斗意粉，口感上頗有新意，比意粉硬一點點，嚼頭更多，一顆顆的吃着

完成早上的工作後便到附近The one 找地方吃午餐，看到食通天4樓的The point 提供意大利食物頗吸引。曾經在這裡吃過不錯的晚飯，座位舒適，當下決定在這裡享用午餐。我們就是坐在這個望得到「廚房」的位置，除了可感受這裡令人放鬆的氣氛外，更可看著廚師為我們烹調美味的菜餚，是為最高的享受香濃野菌湯菇菌十分香滑, 全部材料混合在一起, 起了特別的化學作用, 從未品嚐過這種令人感動的味道,野菌的香味, 軟滑和輕柔的忌廉味, 拼湊著接近完美的味道。酥炸軟殼蟹，蝦肉，攖花蝦，明太子醬原隻軟殼蟹放在薄餅上，碟邊伴上鮮橙色的蝦肉及鮮紅色的櫻花蝦，色澤搶眼。這是日本風味的薄餅，餅底被烘焙至脆口,上面的配料頗新鮮，軟殻蟹炸而脆卜卜富口感，其他的蝦肉和櫻花蝦十分撘配，沒有一般意大利簿餅的膩感，我們可以食多幾件。香辣蕃茄醬燜肉丸除招牌薄餅外，店內亦有售多款如蕃茄肉丸等小食。傳統意大利肉丸是獨立的菜式，她們用上了新鮮肉丸海鮮來製作, 配上香濃的蕃茄湯，湯的最底有些蕃茄蓉，我很欣賞那蕃茄十分鮮甜, 沾上烤好吐司，完美的組合。龍蝦芝士焗意粉湯頭混了多種芝士同煮, 煮到醬汁很濃稠, 芝味濃郁, 十分滋味。龍蝦甚

由於行行下the one想食意大利菜 所以就食呢間 等位等左一陣 兩個人叫黑松露芝士蛋黃醬薯條 軟殻蟹明太子pizza同龍蝦risotto黑松露芝士蛋黃醬薯條黑松露味微濃 芝士還是拉絲的 反而食唔出蛋黃醬味 因為其他兩種已經太搶味 薯條偏林軟殻蟹明太子pizza軟殻蟹炸左 吃到d膏 但都少少油膩而個pizza明太子味濃而好辣 佢menu冇寫辣 我地冇expect咁辣 因為呢個pizza好似係新出而且辣得來好咸 大家要注意下好吃的龍蝦risotto雖然只俾個蟹鉗 但都唔細 好多肉個risotto偏多少少湯 食落超重蟹味同海鮮味 而且湯濃度岩岩好

週日的中午十二時在THE ONE 4樓這裏用餐，由於時間尚早未見人潮，感覺份外舒適。Chicken lollipops，捧捧雞翼配蜜糖燒烤醬，lollipops捧捧雞翼即是單骨雞翼，上桌的時候香氣撲鼻，按捺不住每人吃了一塊才記得拍照，雞翼炸得相當脆身，蜜糖燒烤醬除了經典的美式燒烤醬味道之外還帶點香草的味道，十分開胃。Truffle fries，黑松露芝士蛋黃醬薯條，黑松露的味道未算很濃烈，但盤底蘊藏着海量的芝士蛋黃醬，直把盤底的薯條淹沒，灑於上面的紅椒粉令整個薯條生色不少。Slow cooked duck breast，Pizza的材料有慢煮鴨胸、意大利藍芝士、焦糖洋蔥、合桃和炸大蔥，慢煮過後的鴨胸口感特別嫩滑，以藍芝士及合桃作pizza的材料十分少見，特別喜歡均勻出現在面頭的炸大蔥，使得每一口的品嚐也充斥著大蔥的香氣。Brownie in a pan，熔岩一般的朱古力糖漿在雲呢拿雪糕上有如水銀瀉地，Brownie朱古力味道香濃，四周的香蕉被薄脆的焦糖包圍着，口感脆身，一口還保持着溫熱的Brownie及香蕉，一口冰凍的雲呢拿雪糕，人生一樂也。

今日專登出黎睇JOHN WICK3 ，但買完飛見時間尚早就行下街先，行下行下經過門口就比佢地PIZZA 嘅相吸引住，於是乎就入左黎。軟殼蟹PIZZA 餅邊夠晒薄身而且又烤得好脆口，PIZZA上面嘅料好清新好健康，充滿田園味，中間仲放左一隻岩岩炸起嘅軟殼蟹，賣相勁吸引。 Four Cheese Mac用左四款唔同嘅芝士製成，拉絲嘅效果仲好驚人TIM (原諒我因為掛住食冇影得拉芝嘅相)甜品Brownie in a pan係將朱古力Brownie放喺平底鑊上面，Brownie上面就再放上一球雲呢拿雪糕，然後就用焦糖香蕉同合桃圍住個Brownie，就形成一個咁美麗嘅構圖啦。Iced hazelnut chocolate 奶味太濃，我個人就不太鐘意啦

朋友生日所以我哋都訂咗位嚟呢度食飯行到去都唔係話好多人所以walk in係OK嘅。叫咗個海鮮Pizza味道略嫌鹹咗啲之後叫咗個雞翼正正常常冇乜特別整體來講地方環境都唔錯

尖沙咀人氣薄餅店平時夜晚經過 都係滿座上網評價唔錯 不過有啲貴下午茶就相對抵食😹一於試試.卡邦尼意粉🍝這是沒有生雞蛋的版本忌廉好香濃 令到意粉都幾滑配上兩種口感嘅煙肉🥓不錯.自選食材嘅薄餅🍕本身期望幾高但結果好失望 批底好乾又燶揀左蕃茄醬 芝士 肉丸 雞絲 三文魚不過三文魚離奇失蹤🤷🏿‍♀️🤷🏿‍♀️🤷🏿‍♀️有點被騙.加錢要左個小食🍟芝士黑松露薯條薯條淋到夾唔起 仲痴埋一齊好油 同埋冇咩味 好失望啊.題外話: 隔離枱嗌主菜menu 嘅野食睇落好食好多 海鮮多份量足可能真係一分錢 一分貨 食得好滋味