The Point - Pizza & Pasta (The ONE)

营业中

休息中

如果你喜歡吃披薩和意粉的話，一定要認識「The Point」這個香港品牌，餐廳除了菜式有新意之外，也提供很多蔬食選擇。為了嚮應《世界地球日》50周年，今年四月更特別推出了全新素食菜單，來吃素除了有優惠更可以做慈事呢！客人凡點選指定食品，餐廳就會捐出 HK$10 給惜食堂，以後想吃蔬食披薩又有更多選擇。The Point 在尖沙咀、將軍澳、荃灣和青衣都有分店，青衣店更在逆市開業，值得多多支持。而為了嚮應世界地球日，由即日起至5月31日期間，素食餐牌有85折優惠，點選韓烤素牛肉披薩和素肉腸烤甜椒長通粉，餐廳亦將捐出HK$10予惜食堂。主餐牌的菜式，亦提供外賣自取全單8折優惠，正好襯機會試下幾款新菜式。尖沙咀分店在 The One 商場四樓，廚房有高溫石爐，焗披薩更有風味。 Korean BBQ Beef Pizza 韓烤素牛肉披薩 / Miso Pumpkin & Kale Salad HK$104 其中一個新推出的蔬食披薩是「韓烤素牛肉披薩」，上面看起來像牛肉片的其實是來自韓國的Unlimeat素肉片，吃起來跟牛肉片差不多口感。披薩也特別配搭韓風調味，吃起來很有特色，讓人很有驚喜，沒想到

食物評分 (最高5⭐️): 香辣蕃茄醬燜肉丸 $84 ⭐️⭐️⭐️⭐️⭐️ Carnivore Pizza 意大利肉腸薄餅$156 ⭐️⭐️⭐️⭐️⭐️ 南瓜鮮蘆筍蔬菜意大利飯$136 ⭐️⭐️⭐️⭐️⭐️ Brownie in a Pan $68 ⭐️⭐️⭐️⭐️⭐️原本是訂了另一間在同一層的餐廳，但覺得音樂聲太嘈，於是臨時轉軚去了這間。竟然意外驚喜，好好味😋😋轉軚轉得好👍👍餐牌有小吃、湯、沙律、pizza薄餅、漢堡飽、意粉、意大利飯、主菜如雞及各類扒、甜品等。我和朋友兩個人，因為食物相全部都好吸引，想試好多樣，結果叫了一個小吃、一個pizza、一個意大利飯、一個甜品，實在好飽。 香辣蕃茄醬燜肉丸 $84 ⭐️⭐️⭐️⭐️⭐️肉丸夠多，不似小吃的份量，最好是番茄醬夠多，還給了兩塊麵包點醬汁。正 Carnivore Pizza 意大利肉腸薄餅$156 ⭐️⭐️⭐️⭐️⭐️Carnivore 的意思是 meat eater 即食肉獸，全個薄餅餐牌最多肉便是這個，有辣肉腸 (pepperoni)、意大利辣腸 (Spicy Italian sausage)、火腿、墨西哥辣椒 (jalapeño)、燒烤醬。我點這個因為我好喜歡辣肉腸和意大利辣腸

套餐有8折優惠，點了個二人晚餐。Starter: 龍蝦湯，意大利風乾火腿香腸水牛芝士湯稠而厚，鹹度適中，有幾粒小龍蝦肉，味道一般，沒有鮮味。普通風乾火腿和香腿，是超市也可以買到的貨。Main: 龍蝦芝士通粉，澳洲和牛肉眼通粉口感煙韌，除了鉗，有幾粒龍蝦肉，芝士分量適中，頗好吃。不想吃到一點生，怕牛肉會overcook，所點了熟度要medium。可惜，沒有overcook，反而更生，用切扒刀切都費了些力。之後同店員講了，他就說把肉眼扒翻熱。怎樣翻熱就不知道了。翻熱後，熟度差不多是medium well。味道一般。Drinks: mocktails甜品:是日甜品-泡芙，banana heaven pizza甜度適中，沒有油膩感。這個雪糕香蕉薄餅，冰火交融，薄餅又脆又軟，很好吃。如果棉花粒是融融的可能會更好吃。

來到The Point 晚餐，叫了二個主菜一個甜品。1) Posh Hawaiian 11' ： Pizza 的配料有焦糖菠蘿，意大利風乾火腿、松子仁、火箭菜、蕃茄醬。Pizza 烤得剛剛好，香脆而帶點微燶，餅底十分鬆化，不會死實實，而且有麵粉香味，讚！焦糖菠蘿帶有藥水味，有點奇怪。意大利風乾火腿比較鹹，但同Pizza 食還好，不過不夠鹹香味。松子仁不夠新鮮，不脆且沒有松子仁香，而且有小許澀味。火箭菜新鮮，有草青味。除了有些微瑕疵，整體味道都不錯，餅底為pizza 大大加分！2) 紅酒燴和牛勒肉配蜆殼粉： 蜆殼粉煮得不夠腍，些微過硬。和牛勒肉超重牛肉味，有咬口。醬汁有趣地有家鄉雞專門店磨菇飯汁的味道。3) Tiramisu Affogato： 雲尼拿雪糕密度夠高，亦都不太甜。而底下的Tiramisu 頗滑，而且有淡淡的咖啡味。把Espresso 倒進Tiramisu 後，鬆餅吸滿咖啡，變得十分腍，個人不太喜歡。而且咖啡偏酸，不夠香。如果單吃Tiramisu 可能更好味。總括而言，The Point 的食物雖然略有瑕疵，但整體質素仍是平均以上，尤其Pizza 餅底十分出色！美中不足是侍應

尖沙咀確實有好多食店，但每次想食Pizza時，唔過海去香港島嘅話，真係頭都痕。The one位置適中，週邊多多食店。見到有間西餐店，價錢中等，唔太貴更係要入去試下。望個餐牌都好吸引Pizza款式都好多蜜糖芥辣汁軟殼蟹水波蛋沙律，個沙律汁係好fresh，完全可以令你胃口大開。黑松露焗通粉，上枱熱辣辣，好香黑松露味。呢個真係要趁熱食，涼咗完全唔得，不過我都嫌佢咸咗少少，掛咗少少。黑醋汁鵝肝PIZZA，好失敗唔係炭火烤。不過呢個薄餅個底係好脆口，再加上有黑醋汁嘅點綴，令到油膩嘅鵝肝，食多幾啖都仲可以。相信每一個有食過Woodfire pizza嘅人，都係唔可以返轉頭食普通Pizza，我都唔例外。

琴晚放工去了位於尖沙咀The One既The Point - Pizza & Pasta，幸好朋友早到，所以吾洗等位就入得！環境方面，餐廳開放；食客人數眾多，當晚差吾多全場坐滿食客了！芥末烤雞薯蓉芝士焗通粉：這個通粉比出面所食的大粒，口感不太軟，所以特別有口感。當中還帶有烤雞薯，即是雞肉及薯蓉；加入雞肉更健康又吾硬口，而薯蓉林林地；再加入芝士可做到拉司效果，味道依然吾漏啊！Banana Heaven pizza：這甜品充滿左朱古力香味，中間更有雲喱拿味道既雪糕配合一同食用；香蕉味濃郁，而pizza底不會太硬口，甜品吾太漏！

舊同學生日，佢最鍾意食龍蝦，我帶佢去The One的The Point食龍蝦pizza。餐廳主打意大利菜和Pizza，Pizza即叫即做。招牌龍蝦pizza更特別受歡迎。龍蝦pizza無論賣相與味道都相當好，用龍蝦肉、水牛芝士、茴香頭、車厘茄、海鮮汁鋪在餅底上，並將整隻龍蝦放在面上，龍蝦裡面有龍蝦肉和芝士，Pizza味道香濃，彈牙惹味！餅底厚薄適中，香脆可口。温泉蛋卡邦拿拉意粉，有濃郁的芝士香味和香脆的煙肉，温泉蛋蛋黃沾滿每條意粉，配合埋濃濃的醬汁，每一啖意粉都充滿豐盈的口感，十分美味！

自來港遊客量減少, 尖沙咀唔少商店都提早關門, 同朋友放工後節目大多集中係食dinner。今晚就去左THE ONE一間主打PIZZA既西餐廳。餐廳座位開揚, 呢度主打PIZZA, 款式配搭款款有特色, 每款PIZZA均為薄批,  【Smoked salmon pizza】HK$172Pizza非常足料, 每件pizza都有大大片煙三文魚, 其次亮點在於中心位有個震震下既溫泉蛋, 豐富蛋汁流出, 每件Pizza都平均食到淡淡芝士香、鹹香既煙三文魚、少許三文魚籽增添魚油香, 鹹香味濃郁, 蛋汁更令入口質地濕潤, 平衡返足料而帶來既鹹香度。【煙三文魚露笋刁草忌廉汁天使麵】HK$148天使麵幾creamy, 忌廉味很重, 除左卷成花形既煙三文魚外, 另有熟左既三文魚碎, 啖啖都能食到三文魚, 很滿足!

今日行過尖沙咀就同朋友去試一試the one 呢間pizza呢間餐廳朋友介紹佢哋嘅Pizza係唔錯嘅，所以今日一坐低嘅時候就嗌左一個海鮮pizza，同埋龍蝦貝殼面一嚟到嘅時候已經聞到龍蝦嘅香味，再試一試佢個味，真係好濃味，配搭着芝士，真係一絕，再試下佢個龍蝦🦞，真係好新鮮，好彈牙海鮮pizza,我最鐘意佢個水牛芝士，配撘住大蝦 ，帶子，加埋檸檬汁，令到成個pizza冇甘重口味，食多幾片都ok總括來講，呢一間西餐廳都可以一試

尖沙咀THE ONE 意大利菜😛Green neptune pizza 9’’ ($108)pizza 都夠大份，有clams同shrimps係入面，pizza皮個脆度適中，仲要配埋我好鍾意既pesto sauce!😆 •.Lunch set好reasonably priced! also included soup and drink. 叫做幾穩陣既餐廳，岩晒同d同事過黎食！ •

之前同老公去尖沙咀的The Point食龍蝦pizza，實在好好味，阿妹知道就要我陪佢去試下。Lobster Pizza ：材料有原隻龍蝦、茴香頭、車厘茄、水牛芝士、海鮮汁。Pizza有11吋大，上面放有原隻龍蝦，上枱時霸氣十足，其實龍蝦已起肉切粒，與其他配料平均分佈在Pizza面上，因為Pizza是用明火烤，所以特別香脆，啖啖龍蝦肉和芝士已經非常惹味，加埋其他配料和特製的海鮮醬汁，令味道更香更濃更好味！妹妹欲罷不能，再叫一個Pizza甜品，BANANA HEAVEN PlZZA：材料有烤香蕉、棉花糖、杏仁片、朱古力醬、雲呢拿雪糕。這Pizza都有9吋大，也是用明火烤，面上放滿甜蜜蜜的材料，中間放有一大球雲呢拿雪糕，再加少許朱古力醬，味道十分甜美。不錯的一個甜品。

因為疫情出街吃飯的次數少了，人都變得抑鬱，今晚放工後出外食飯，擔心少了，胃口卻大了。環境舒適，餐牌有圖很吸引。<棒棒雞翼配蜜糖燒烤醬>雞鎚肉質不鞋，帶少許胡椒味，醬汁甜中有少許辣。<火箭菜、李子、 歌弓蘇拉芝士、合桃、黑松露醋汁沙律>有啤梨的甜味和芝士的鹹味襯托，所以火箭菜不覺苦澀。<龍蝦芝士焗通粉>芝士的分量和鹹香味和龍蝦汁很夾， 龍蝦肉質鮮嫩彈牙，每一粒的通粉都被醬汁包住，入口時每一口都有醬汁，口感豐富。<香煎鰽魚配薄荷香草忌廉汁>魚的表面微微的煎過，魚肉很滑， 配上薄荷忌廉意大利蕃茜醬，有股清新的香味，蕃茄甜而多汁。<Green Point>充滿菠蘿的香味，有酸甜的味道。食飽飯人都開心了。

今日咁岩喺尖沙咀開完會，就決定喺尖沙咀覓食。今次嚟到The One ，早前已經試過荃灣分店今次可以試埋未試過嘅其他美食首先就叫咗個黑松露蛋黃醬薯條，每次食西餐都會點返個薯條嚟食，薯條剛剛焗起，份量適中，加上好香嘅黑松露味，食慾大增。之後叫咗個香蒜辣椒大蜆扁意粉， 呢個意粉小辣，加上白酒炒出嚟嘅大蜆，鮮味十足，份量啱啱好夠兩個人食。最後就點左個軟殼蟹pizza，好大隻ge軟殼蟹，同好多鮮蝦，正呀，Pizza唔算好濃味，所以兩個人食起上嚟都唔會濟！

好耐冇食過西餐，所以今日就興起，就嚟咗尖沙咀食飯。龍蝦湯呢個湯不過不失，好濃嘅龍蝦味，仲有啲蝦肉tim棒棒雞翼配蜜糖燒烤醬之前都喺荃灣分店食過，覺得好好食，所以今次嚟encore，果然冇令人失望，雞翼炸到啱啱好，配埋甜甜辣辣嘅醬汁，一流軟殼蟹pizza呢個Pizza係屬於薄皮，焗到啱啱好，皮脆而餡靚，餡料方面，有一個好大嘅酥炸軟殼蟹，好多蝦肉同明太子，$178，非常抵食，加上Pizza玩fusion，配埋明太子醬，好夾好好食 。今次點左龍蝦湯，所以冇叫到龍蝦pizza ，下次再嚟會試吓呢個pizza

人在什麼情況底下都追求吃好東西的，我也是一個人，所以任何時候都想搵好吃的。前菜為沙律，火箭菜、梨子、歌弓蘇拉芝士、合桃及黑松露醋，火箭菜沒有太苦，梨子甜美，芝士味道極濃，合桃香脆，這個沙律是極之使人開胃的。小食為棒棒雞翼配蜜糖燒烤醬，這個是單骨雞翼， 因只單邊的骨所以吃是方便的，煮法是用油溫極高的方法炸熟，所以做到外脆內軟，亦保留雞的肉汁。主菜是龍蝦芝士焗通粉，芝士可用適量來形容沒有太多沒有太少，而且非常香濃，通粉使用了比較大的貝殼粉，貝殼粉沾上了較多的芝士及有少少燶邊，十分香口，龍蝦肉更是鮮甜，龍蝦鉗是大隻的使人滿足。味道: 無得唔試環境: 舒適衛生: 乾淨服務: 尚可抵食: 價錢跟食物質素成正比