The Point - Pizza & Pasta (The ONE)

营业中

休息中

Soft Shell Crab Salad - $142除咗軟殼蟹，有poached egg，mustard dressing，紅黃椒。味道唔錯，軟殼蟹唔會好油，乾身，dressing調得好，酸甜適中，而且mustard唔會太重，老少咸宜。Posh Hawaiian - $168薄身pizza，一層caramelized 菠蘿，一層pama ham上面鋪上松子同rocket leave！其中一個signature pizza，整體配搭唔錯，唔會有一樣配料搶味Linguine Vongole - $154有啲燴意粉嘅感覺，會有少少湯係底，都幾多蜆仔，而蜆仔都算肥美同線甜，不過就冇咩辣味Trffule Mac - $142白汁底，非常Creamy，唔夠乾身！芝士同黑松露唔夠突出，相對之下，比較喜愛linguine其實餐廳幫襯過好幾次，賣點係用傳統意大利石窯焗的手工Pizza，希望做到薄而香，鬆脆口感。而且pizza選擇多，有傳統及fusion的口味，賣相靚。可惜今次食有啲失望，雖然上菜速度好快，但水準明顯下降，整體味道冇以前好，唔知係咪換咗老闆。另外，侍應姐姐可以多返少少笑容值得一題，而家

28-2-2020叫左2人餐前菜個龍蝦湯幾好飲，但唔夠熱。。只可以叫做暖另外叫左水牛芝士幾好食。。。食左會好飽。個通粉好好食。個pizza都好正，唔洗點等位幾好。環境都唔錯。。the one依家可以另外free泊車1個鍾人唔多都幾好。。。。。服務真係好幾好，見到水柸冇水會行過黎幫加水。埋單走前仲會比牙籤。。。食物，環境，服務都係值得再次黎，唔怪得未有疫情之前成日都有人排隊依家唔洗排隊可以試到真係好。

比起Set Dinner, 2人餐比份抵食, 包埋前菜, 甜品同飲品.Risotto 作main份量比較細, 但9' Pizza賣相有驚喜亦幾好食.甜品味道都幾好, 唔會太甜.打算下次食會主力叫PIzza

同愛人早點慶祝情人節，來到The point, 食情人節套餐。餐湯～龍蝦湯，鮮甜的湯加爽口的龍蝦肉，暖暖在心。前菜三選二～刁草忌廉三文魚撻，刁草配忌廉，微微酸甜，配三文魚，清新感十足。煎鵝肝配無花果醋汁沙律，賣相吸引，又有心型麵包出現了，只係心型麵包細左d, hold 唔到個鵝肝，鵝肝肥美，油脂慢慢融化口中。另外，新鮮的無花果太清新。主菜～火焰龍蝦薄餅，是餐廳的No.1 推介菜色，先是將酒淋在龍蝦上，火焰效果達到20秒之多，但卻又不會造成燒燶。龍蝦肉拆好，鋪在薄餅上，啖啖肉，芝士味亦好豐富。龍蝦內有蝦肉及菇，好多汁好juicy。甜品~心心相印草莓pizza食完龍蝦pizza再食甜pizza，確實有少少膩。不過賣相好吸引，雲呢嗱雪糕溶化在暖暖的士多啤梨批上，窩心

經過The one，見到佢做緊個HSBC二人餐🍽好似幾豐富😋價錢亦都算合理於是就入咗去試吓🤗成個2人餐$538加一，包餐湯🥣、三文魚凱撒沙律🥗、龍蝦意粉🦞🍝、鵝肝pizza🍕、同埋兩杯餐酒🥂或者手工啤酒🍻。呢個價錢散嗌一定做唔到😌好抵讚嘅係所有嘢份量都好多，由三文魚凱撒沙律🥗開始已經好大碟，三文魚🐟有成五六大片，仲有啲好脆嘅麵包糠😍😍龍蝦意粉🍝有原隻龍蝦🦞嗰番茄醬整得夠味又唔算酸🥫鵝肝pizza幾得意，成個pizza都有啲點鵝肝嘅紅莓醬味，食落都唔會太漏，係塊鵝肝實左少少🤏 🙊 餐飲仲可以叫House white🥂正呀😄好在嗰日Momo同Boo都好肚餓先食得哂，如果唔係其實個set份量夠3個人食🤣

The Point 尖沙咀環境又大又舒服，今年風雨飄搖，不一樣的情人節，突發事情一浪接一浪，抗疫緊要，適當時候放鬆心情，享受一頓美味的情人節晚餐是這星期的任務。男人今年算是稱職，提早訂位跟我慶祝情人節！終於都可以輕輕鬆鬆飲番杯，當然我們會選擇地點方便，而且環境高度衛生的餐廳，相信跟食物的質素同樣重要。The Point 今年推出《情人節晚餐》$698/2人，套餐已包括了湯、頭盤、主菜、甜品和意大利汽泡酒。《龍蝦湯》龍蝦湯上面有一片可愛心心多士，湯汁味道濃郁，加上龍蝦肉口感豐富，滿滿的龍蝦香味。《香煎鵝肝配無花果黑醋汁沙律》香煎鵝肝肥美油脂香，口感柔軟，配無花果健康又好吃，黑醋汁沙律我最喜歡吃。《刁草忌廉三文魚撻》從賣相看已經覺得很吸引，精緻又好食，酥脆可口的撻皮，放了滿滿的三文魚，刁草忌廉醬汁味道清新，上面還放了三文魚籽，入口非常有層次感。《紅酒燴原條牛肋骨》這個菜式超級好味道，紅酒汁濃度適中，燴原條牛肋骨肉質嫩滑多汁，鮮美而且牛肉味濃郁，甘香惹味，配搭番茄仔、薯蓉、薯角，令整體口感更加豐富，而且有飽肚感覺。《心心相印草莓披薩》甜甜蜜蜜又怎少得了甜品環節呢！披薩是這裏的招牌菜，心心相印

今年推出情人節套餐，套餐有餐湯、前菜、主菜及甜品$698plus 兩個人，主菜加$38仲可以揀餐廳signature 的龍蝦pizza。龍蝦湯服務員一端上來就已經聞到濃濃的龍蝦湯味，賣相仲好靚，有心型麵包。這個龍蝦湯不會死鹹，有鮮味之餘帶點香草。前菜刁草忌廉三文魚撻：旁邊有玫瑰花作裝飾，好浪漫，刁草忌廉的清新配肥美煙三文魚，先開胃口。香煎鵝肝配無花果黑醋汁沙律：鵝肝煎得好香，外表油份充沛，鵝肝可配心型麵包一齊食，減去油膩，新鮮無火果好香甜。主菜火焰龍蝦pizza 11吋：服務員會先把酒淋在龍蝦，達到火焰效果，更另芝士溶化多點，龍蝦已經拆肉，鋪滿了pizza ，品嚐pizza 的龍蝦鮮味的同時，還有濃郁的芝士味，pizza的餅底好薄，即燒pizza仲有蕃茄香草，意大利風味好味道。甜品心心相印草莓pizza 賣相真的好吸睛，粉紅色的草莓放在pizza 上，加一球雲呢拿雪糕，又凍又暖的味覺享受。飲品餐廳贈送的意大利氣酒，淡淡玫瑰味，配合食物一起，味道更佳。

今天又去到尖沙咀在The One找東西吃， the one實在太多餐廳了都不知道怎樣選擇才好, 而且餐廳多數都不便宜,為了穩陣起見我們選了The Point.餐廳座位舒適空氣流通，而且還有酒精搓手液給客人消毒雙手， 這陣子經常都留意酒精搓手液這個東西，進食前清潔雙手真的十分重要啊！午餐menu香蒜橄欖油炒野菌配溫泉蛋野菌炒得好香，溫泉蛋不知道應該怎樣食凱撒沙律配意大利風乾火腿蔬菜好新鮮，配芝士片味道剛好，意大利風乾火腿不會太鹹，有保留火腿的鹹香味紅酒燴牛肋肉配蜆殼粉蜆殼粉比想像中大粒，但有點偏硬…蜆殼粉內裝滿了紅酒汁， 令整體口感不會太乾, 牛肋肉煮得雖常之腍身而且非常入味！ 明太子醬海鮮pizza海鮮的種類很多，有蜆肉…醃安曹魚…魷魚和蝦肉… 最後pizza麵還撒上了櫻花蝦，增加pizza的香味和口感。 明太子醬本身帶有少少微辣， 和一般吃的蕃茄味或千島醬pizza不同，這個比較特別，還帶出了海鮮的鮮味，有點地中海的感覺 朱古力咖啡香，濃！流心朱古力蛋糕配雲呢拿雪糕流心朱古力蛋糕切開後有朱古力漿慢慢地流出，但不會太熱，因此雪糕不會溶得很快朱古力蛋糕無雲呢拿雪糕都不會太甜， 可伴隨著朱

香蒜辣椒白酒煮大蜆$118分量好多 好抵食 白蜆完全冇沙 啖啖肉 夠新鮮又肥美 蒜頭辣椒的香味無法抵擋 煮出嚟嘅汁 充滿海水及白酒的香味 相當濃沃水牛芝士，蕃茄，羅勒，意式香草汁沙律$116是一道非常健康的前菜 蕃茄新鮮 味道酸甜開胃 羅勒葉帶點苦澀 充滿田園氣息 另外加上意式香草沙律汁及橄欖油 令新鮮時蔬更加清新 入口更順滑 水牛芝士口感煙韌 充滿奶味 非常易入口 味道不會太騷另外叫咗一份午市套餐 餐湯是龍蝦湯 主菜是 龍蝦車厘茄伏特加忌廉汁扁意粉$238 在追加多兩盒小食分別係黑松露芝士焗薯條及棒棒雞翼(各$24) 還有餐茶一杯龍蝦湯 用料十足 真係有粒粒龍蝦肉喺入面 充滿鮮味 又香濃 熱騰騰的奉上非常好喝龍蝦車厘茄伏特加忌廉汁扁意粉 賣相非常吸引 奢華的午餐 有原隻大龍蝦 龍蝦已經開邊 方便客人食用 蝦膏非常鮮味 蝦肉彈牙爽口意粉的醬汁相當濃厚 充滿新鮮車厘茄的味道 非常juicy 意粉的口感本人非常喜歡 唔會過淋 還帶一點咬口黑松露芝士焗薯條 是一道非常邪惡的小食 黑松露香味獨特 味道非常幽香 厚厚的芝士覆蓋熱騰騰的薯條 每條薯條都沾有芝士 並有拉絲效果 邪惡萬分棒棒雞翼炸到非

這次來到尖沙咀覓食 經過這家店舖再自看餐牌發現🤩午市免加一服務費 而且還可以加限定小食和升級飲品餐廳環境裝修西式風格 坐位之間也有空位感覺挻舒服除了午市套餐外 還有輕食/特色咖啡/酒精飲品等等選擇·挪威煙三文魚 HKD$88 煙三文魚有驚喜 通常食的也是比較咸但這家只有微咸感覺好吃很多 而且份量不算小 每一片也看到挻大塊🤤·水牛芝士蕃茄羅勒意式香草汁沙律 HKD$116 這個沙律我十分喜歡吃 既健康又惹味又酸酸甜甜😍😍水牛芝士很大片😆 拍到松鼠妹妹也想吃的模樣很可愛·Hazelnut Latte HKD$38食午餐當然要來一杯精品咖啡 既醒腦又醒神挻不錯耶味道不太甜🤭 還有美美的拉花 這家的拉花很特別❤·Espresso Ice Cube Latte HKD$48看到餐牌挻特別就點來試試看 看似玩味十足的咖啡☕杯中有兩顆咖啡豆 把鮮奶倒下去之後咖啡豆會溶掉看到這個情景感覺很治癒😍 靜靜還拍了個小視頻呢~

今日心血來潮想食薄餅所以就去咗The One呢間專門食pizza嘅餐廳😊朋友食Lobster set 頭盤有龍蝦湯 迷你凱撒沙律再加一個棒棒雞翼.龍蝦車厘茄伏特加忌廉汁扁意粉龍蝦肉好新鮮 而且都幾大隻食落去啖啖肉意粉嘅份量一啲都唔小建議share 😆😆😆😆.呢間餐廳有多款口味嘅Pizza最後我哋選擇咗酥炸軟殼蟹pizza入面仲有蝦肉 櫻花蝦同明太子醬佢將原隻軟殼蟹放喺Pizza上面即刻忍吾住相機食先!!!!!!!!!!軟殼蟹口感酥脆 啖啖蝦肉配上明太子醬 好滿足😙😙😙

2020年2月8日 星期六今日又要出去尖沙咀同女朋友一齊試婚紗同準備喜帖，不過由於我地早左去到尖沙咀，見又有少少餓，就決定搵間餐廳醫下肚先。今次去左the one裡面既一間餐廳，貪佢夠就腳又唔洗等位一坐低留意個餐牌發現有holiday set menu，有齊前菜、主菜同甜品，啱晒我，唔洗諗咁耐，睇相仲要幾吸引添頭盤要咗凱撒沙律配意大利風乾火腿，火腿好大塊，差唔多覆蓋晒成個凱撒沙律，而且鹹度啱啱好，同凱撒沙律一齊食好配合至於另一個頭盤係香蒜橄欖油炒野菌配溫泉蛋，溫泉蛋整穿左之後同野菌撈埋黎食，感覺唔會太過油膩，蛋黃出奇地同野菌好夾跟住主菜有紅酒燴和牛勒肉配蜆殼粉，之前從來未食過呢種粉，見到賣相好吸引，食落去蜆殼粉有咬口，吸收晒醬汁嘅味道，幾特別。至於和牛肉唔算太難咬開，份量都算正常另外仲要左一個明太子醬海鮮pizza，上面有蝦肉、魷魚、蜆肉等海鮮，再加埋水牛芝士一齊焗，薄餅皮好脆口，至於餡料都有好多，芝士仲可以做到拉絲嘅效果添！！我同女朋友每人食咗一半，超級飽飲品方面女朋友點咗朱古力咖啡，而我就叫咗鮮榨蘋果汁，朱古力咖啡女朋友話飲落去唔太重咖啡味，反而突出左朱古力既味道，唔會太苦澀最後甜

Pesto chicken $152鮮露筍野菌黑松露卡邦拿拉意粉 $146行經尖沙咀the one, 見到間餐廳餐牌幾吸引就入咗去食☺️🤤食物冇令人失望💓Pesto chicken pizza 有烤雞 烤蒜頭 烤茄子同火箭菜 火箭菜份量多又唔會苦 烤雞亦都好嫩滑 加埋意大利香草醬好有特色❤️餅底亦都夠脆 趁熱食一流！鮮露筍野菌黑松露pasta更加出色！野菌芝士份量好多好足料，配埋新鮮嘅露筍💓最鍾意就係個黑松露醬 唔單止好入味 仲同咸香嘅芝士好夾❤️

之前為了情人節晚餐而煩惱，行過這裡望到呢間店有個唔錯嘅情人節套餐，於是先訂了位，個餐有兩前菜，一個主菜加埋一個甜品，還有兩杯飲品都係$698(未計加一)，The Point 今年推出《情人節晚餐》$698/2人，套餐已包括了湯、頭盤、主菜、甜品和意大利汽泡酒。今晚就同情人一齊到這裡享受一個美味嘅情人餐，先上嘅前菜刁草忌廉三文魚撻，香脆嘅撻底上放了軟滑肥美嘅三文魚片卷成嘅三文魚撻，上面還放了好有口感嘅爆口魚籽！同時亦有兩杯意大利汽泡酒送上，當然同情人干杯，入口夠氣，味道唔係太濃，啱晒作為今晚嘅開始，接住就係另一個香煎鵝肝配無花果黑醋汁沙律，大塊厚身肥美嘅鵝肝，上面放了新鮮香甜嘅無花果，個種清新配搭完全將鵝肝肥膩嘅感覺消除，再配埋塊心型脆身多士入口，同情人一齊分享倍感浪漫！而接住就係個龍蝦湯，超正！上枱一塊心型嘅多士放在濃郁龍蝦湯底上，買相精緻，濃蝦湯入口味道濃郁，個陣龍蝦味道超濃郁，加上湯內還有龍蝦肉，可謂真材實料！而主菜我們就點了紅酒燴原條牛肋骨，雖然係牛肋骨，但廚師已將肉同骨分開，大大塊牛肉放在骨上，牛肉超軟熟香淋，跟餐嘅醬汁都不用多點，一下刀個種軟熟真係十分容易分開進食，而個牛油薯

今日同朋友黎食尼日The Point pizza & pasta，尼度環境好好，裝修好有外國風情，係間感覺有情調既餐廳，坐位間隔唔太迫餐牌應覺好吸引，食完之後覺得價錢好合理，因為食物味道同質素都好高食完應感尼間會再食，所以做埋會員先頭盤火箭菜蕃茄水牛芝士沙律， 呢個配搭好特別，拼埋一齊食 估唔到個味道係咁好 ，加埋個醋汁調教得好好， 味道非常夾龍蝦湯唔止香， 好滑溜 而且裏面仲有龍蝦肉， 雖然成日飲到 ，但呢個係飲過之中嘅味道最好嘅芝士薯條 芝士份量啱啱好 ，唔會太漏，唔會太少 ，雖然好邪惡但味道太好食咗好多炸雞槌 ，炸得好香好入味， 好酥脆又唔乾，連啲骨都覺得好香酒煮蜆 ，帶少少辣味好正， 酒嘅濃度啱啱好，蜆肉好新鮮好甜，好大隻龍蝦濶意粉 ，龍蝦好大隻 ，龍蝦肉好鮮甜，意粉索曬龍蝦汁 加埋蕃茄味 ，好正， 尼個下次一定要再食