The Point - Pizza & Pasta (The ONE)

营业中

休息中

週末享受了一頓龍蝦盛宴。友人為我慶祝生日特別安排了豪華午餐，感覺窩心 。龍蝦湯眼看己感受到那種濃稠的質感。入口果然不得了，濃郁，還散發出海鮮鮮味。沙律非常開胃，有羽衣甘藍，南瓜，茄子和崧子，健康有營。龍蝦芝士通粉好吸引啊！芝士不會過多，沒有膩感，每夥通粉都沾滿芝士，美味！火焰龍蝦披蕯好有噱頭，熊熊火炎扼like拍照。披蕯是薄底，脆脆地，有濃濃芝士香。龍蝦肉己折肉放在披蕯面上。龍蝦的殻坐滿了小蝦和菇菌，多重口感。甜品是 tiramisu affagato，底層是tiramisu, 上層一球雪糕，又香又濃的咖啡淋在雪糕球上，慢慢流下融會tiramisu 一起，超正！

星期六午餐約會，尖沙咀 The OneThe Point 🤗 pizza + Pasta$338 龍蝦二人套餐包括 兩客龍蝦湯、通粉、pizza及兩杯指定餐飲沙津可加$38 ，半價將飲品升級9吋龍蝦 🍕 pizza茴香頭、車厘茄、水牛芝士、、、亮點來了，職員在客人面前點火，👏香脆Pizza ，厚薄適中龍蝦頭 釀了小蝦仁... 足料龍蝦湯 香味濃郁，味道 正常 creamy, 仍有少少龍蝦肉 😀龍蝦芝士通粉 非常吸引，厚厚大粒通粉 彈牙 ，最鐘意芝士多多又拉絲😋當然要有龍蝦🦞鉗 企立在中間，有氣勢好吃😋享受...加個清新 健康沙律羽衣甘藍、🍆、南瓜..,甜品： 朱古力布郎尼餅烤熟 香蕉🍌、脆香合桃、雲呢拿雪糕最後，來杯醒神咖啡Cappuccino , 靚靚拉花總結：環境😀 寧靜 舒適，食物好好味😋價錢化算⋯⋯下次再嚟，see you

龍蝦2人套餐連加一$370左右，食到好飽，好抵食。book左台，好快有得入，睇左youtube 介紹會送沙律，包兩杯菠蘿梳打水，好飲又解渴，之後一份芝士龍蝦通粉，一入龍蝦pizza，不過其實每款龍蝦既做法都係一樣，所以食到最尾有d寡，同埋張台太細，食物擺到好逼。

今天與姐妹相約一同到尖沙咀 The One 逛街，小妹想品嘗一些較少吃的菜式，便從網上尋得這間意大利菜，看她好評眾多，菜式外貌精美吸引，便攜同朋友品嘗一番。凱撒沙律 配煙三文魚凱撒沙律分量充足，蔬菜新鮮碧綠，入口脆嫩爽口，三文魚飽滿厚實，豐腴嫩滑，帶股淡淡的煙薰香，這道沙律的特別之處是加入三文魚籽，一咬即破的魚油使沙律更鮮味十足。龍蝦盛宴龍蝦盛宴以特惠價338元加一服務費即可享用龍蝦二人餐。這個套餐共有四款食物，分別是龍蝦湯、火焰龍蝦披薩 9 寸、龍蝦芝士通粉和特飲。龍蝦湯色澤呈現橙黃色，入口稠密緻滑，龍蝦味道濃郁，用料加有龍蝦肉，口感彈牙鮮美，甘甜嫩滑。火焰龍蝦披薩於表面放有龍蝦頭和龍蝦身，上桌時職員會先倒酒到龍蝦上，龍蝦隨即冒起火焰，相當吸睛，吸引不少食客拍片。披薩皮薄香脆，餡料豐富，龍蝦殼內里釀製有海鮮粒和蘑菇粒，而且龍蝦肉份量眾多，入口鮮甜彈牙，披薩面層布滿芝士汁，口感香濃惹味，拿起進食時更有拉絲的效果。龍蝦芝士通粉是焗制的，通粉外形大顆，配上分量充足的芝士汁，入口煙韌濃郁，獨特芳香，通粉中間放置龍蝦鉗作點綴，用作拍照亦是相當適合美觀呢。香蒜辣椒白酒煮大蜆用白酒煮制的大蜆肉質

我地叫咗一個龍蝦二人套餐 ($388) 套餐包括兩碗龍蝦湯、一個9吋火焰龍蝦薄餅、一客龍蝦芝士焗通粉同兩杯菠蘿特飲，價錢都算抵食。龍蝦湯味道太咸，唔係好鍾意🙅🏻‍♀️火焰龍蝦pizza上菜時會點火喺龍蝦上面，營造少少視覺效果咁😂切開龍蝦有蝦仔、香菇同澎湃既芝士係入面，pizza皮做得唔錯，口感煙un得黎唔會太乾身。而龍蝦芝士焗通粉上面有一隻龍蝦鉗仔，澎湃既芝配上大大粒既通粉，成個餐兩個人食絕對夠食😄

尼間餐廳今期就做優惠只需$338就食到龍蝦套餐🍽比起平時11吋龍蝦pizza($328)抵食好多🤣套餐包兩客龍蝦湯+一客龍蝦芝士焗通心粉+9吋龍蝦pizza+兩杯菠蘿特飲 如果唔想飲菠蘿特飲可以加錢半價轉其他飲品 龍蝦湯金黃色既龍蝦湯，飲落creamy 味道正常，龍蝦鮮味唔太突出，湯裏面只有小龍蝦肉。龍蝦芝士焗通心粉相對有D 失望 雖然龍蝦肉份量唔少，但通心粉食落唔夠熱 而且有D 煙韌同硬身好似未煮熟咁，汁既份量唔夠食落偏乾身😢 味道正常不過不失 9吋龍蝦pizza龍蝦pizza 賣相非常吸引，一上枱就會用酒淋落龍蝦殼，火陷效果令到pizza 聞落好香龍蝦味。pizza用咗龍蝦肉，水牛芝士，車厘茄等材料整成，芝士味道香濃，不過龍蝦肉還好唔算好多。飲品Strawberry ice cream float+$24飲落好似牛奶士多啤梨珍寶珠既味，而且偏甜Peach & Mint +$24飲落味道清新，不過薄荷味稍微偏重 蓋過桃嘅香味整體黎講$338 +10% 尼個價錢尼個質素都接受到既😂但如果原價$328 一個pizza 真係覺得好唔抵食😂😂同埋餐廳上餐速度太快， 未食完前菜已經成枱都係野食

之前見到 The Point 有一個龍蝦盛宴 Lobster Feast 嘅 menu 就好想試，由頭到尾都係龍蝦喎！！今日終於試左啦，包括：🦞龍蝦湯裡面都有龍蝦肉，香味濃郁，味道唔錯🦞火焰龍蝦 pizza 🍕 龍蝦仔放係 pizza 中間夠晒吸引，pizza 皮有龍蝦汁味！中間嘅龍蝦仔裡面釀左蘑菇、芝士同蕃茄！🦞龍蝦芝士通粉超級推介👍🏻👍🏻 大大粒通粉都入晒龍蝦汁，裡面都有少少龍蝦肉，上面仲有隻龍蝦仔鉗肉，算係抵食🦞兩杯指定飲品： 橙汁特飲就無咩特別，其實可以加錢轉飲其他野。🦞呢個套餐做緊特價 $338！其實算係好食，而且份量足夠，好味又飽肚，夠晒抵食👍🏻👍🏻

疫情令好多朋友都無法見面聚餐，踏入6月份瘋情開始放緩，限制又開始放寬，大家都開始約朋友仔出來見面。我今日約咗中學同學出來聚餐，原本想去食韓國街食正宗韓國菜，眼見排隊人龍太長，天氣又熱喺條街度等，真心搵食艱難。唯有轉到the one呢間餐廳，之前見朋友來食過特價龍蝦餐好吸引，於是推介朋友一齊試下。雖然都要等，但始終商場有冷氣，而且我哋來到已經8:30，所以好快入坐，我哋㨂咗2人晚餐$448頭盤，我哋㨂咗各式意大利風乾火腿，香腸和水牛芝士拼盤及香蒜橄欖油炒野菌配溫泉蛋，我對風乾火腿不是太喜好因為偏鹹，如果配哈蜜瓜更好，配水牛芝士感覺好點點，另外野菌好勁蒜香好好味。主菜，龍蝦芝士焗通粉，味道真心好，上菜特別快，我哋又密密傾食唔切，我哋懷疑佢都整定曬，所以咁快凍曬，凍咗既通粉都變硬，唔熱真係唔好食，有點失望。另一主菜，香煎鱈魚配薄荷香草忌廉汁，嘩！第一啖完全無辦法吞落去，食鹽大減價嗎？好鹹呀？似食緊鹽多過食鱈魚，之後我哋去除魚皮只食魚肉配埋忌廉汁，先可以食，肉質唔係我想像既銀鱈魚質地，好鞋口既魚質，可能有期望先會失望。大約9:30員工就來同我哋講last order叫我哋㨂埋餐飲，我哋各自㨂咗

今天是難得的公眾假期，我和老公決定到尖沙咀海旁吹吹風，浪漫一下。晚上謝謝老公訂了The Point 這家西餐廳，現在想起那塊肉眼扒，仍然覺得非常美味。我們選了二人套餐，加了$98吃肉眼扒和$18吃鱸魚，值得值得。前菜我們選了凱撒沙律和拼盤，凱撒沙律是一貫的水準，最重要的是蔬菜新鮮，配上醬汁，而老公表示最愛吃那脆卜卜的麵包粒和煙肉碎，呵呵。各式意大利風乾火腿、香腸、水牛芝士拼盤風乾火腿的味道非常美好，有鹹香味，而且切得薄薄的，配上芝士，一口過吃，是一種享受。M5澳洲和牛肉眼牛扒老公是和牛狂迷，他表示加$98就有肉眼扒，確實是非常划算。他最愛的成熟度是七成，廚師也能夠配合，嫩滑度剛剛好。M5澳洲和牛果然是一分價錢一分貨，牛味很濃郁，而且肉汁鎖實，所以一切開時，仍能吃到充滿肉汁的牛肉，正。香煎鱸魚配薄荷香草忌廉汁我就簡單點一客煎鱸魚吧，想不到配上薄荷香草忌廉汁是這麼配的，而且鱸魚皮的焦香味道更是令我想一吃再吃，魚的份量剛好，配上薯蓉，滿足。謝謝老公的安排❤️

首先必須鳴謝Alfred, 因為佢我哋先有得食呢碟羽衣甘蘭沙律，羽衣甘蘭好fresh 南瓜淋淋地甜甜地， 茄子無澀味， 有小小南瓜粰點綴好講佢個龍蝦餐先左為跟餐的菠蘿梳打 ；右是加左24 蚊的green point 特飲大細係有啲分別， 味道差唔多， green point 多左糖漿，所以甜啲，跟餐的菠蘿梳打就有菠蘿味的有氣水， 唔會死甜1） 龍蝦湯龍蝦湯幾creamy, 鹹鹹地的濃味湯隨機送上5隻仔龍蝦腳，而友人那一碗得2隻不過無所謂， 呢啲龍蝦腳食之無味 棄之可惜主菜1 -龍蝦通粉本來很期待的， 因為本人都幾鐘意食意粉通粉，但一上桌已經大大減分乾爭爭嘅，芝士勁少， 仲有説好啲大通粉有大啲嘅窿可以裝住嘅汁呢？ 我都係食開啲煮得硬身啲嘅通粉，但佢真係又乾又硬又唔煙韌。同埋半隻亡龍蝦我就揾唔到，2 粒龍蝦肉加隻龍蝦鉗就有， 唔彈唔鮮無龍蝦味主菜2-龍蝦薄餅呢個等左勁耐， 唔係因為佢即叫即整所以要等， 只係因為佢哋行政失誤，上左曬比其他遲啲來枱，我哋要等到第5-6 個先有，我哋等嘅中途，啲待應仲想收曬我哋嘅餐具， 到第4個出餐都仲唔係我哋，比左個遲來的客， 我先忍唔住問一問佢哋，佢哋先話幫

朋友當然要見面，今日約了很久不見的朋友食晚餐，來到了THE POINT。環境很舒適，加上暗暗的燈光很有氣氛，最適合享受著美食聊聊天。黑松露芝士蛋黃醬薯條這款小吃份量一點都不少，滿滿的薯條加上邪惡芝士蛋黃醬，簡直是完美搭配！黑鬆露的香氣，也令人忍不住一口接一口吃下去。而且這裡的薯條很脆但不油膩，做得出色。原隻龍蝦配車厘茄伏特加忌廉汁扁意粉哇哇哇！吃著啖啖彈牙的龍蝦肉，感覺很奢侈~扁意粉也很有口感，也可以沾到更多醬汁。個人也很喜歡吃到很多車釐茄肉，感覺很開胃跟營養。慢煮鴨胸PIZZA這款PIZZA平常比較少見，就來嚐鮮一下。有別於蕃茄醬的基底，這PIZZA加了藍芝士、焦糖洋蔥，口味偏甜，但是意外的好吃。加上合桃、鴨胸跟炸大蔥，是很新鮮的體驗。GREEN POINT吃著美食，就點了一杯mocktail，這款是以鳳梨汁作主調的飲料，味道跟賣相一樣不錯吃，很清爽的感覺！

作為一個龍蝦控見到有餐廳新推出龍蝦餐緊係第一時間去食先叫咗兩個頭盤香蒜辣椒白酒煮大蜆大蜆非常大隻食得出好新鮮而且非常鮮甜完全冇沙棒棒雞翼配蜜糖燒烤醬雞槌預先切好咗先拎去炸食起上嚟就更加方便雞翼香口配埋特製嘅燒烤醬更加滋味食完兩個頭盤就到二人龍蝦餐出場喇（ 拍手拍手先黎龍蝦湯呢個湯非常足料每一啖都有人好重嘅龍蝦味龍蝦肉都唔少絕對係真材實料再嚟一個火焰龍蝦pizza上檯果刻非常吸睛係打卡之選pizza 上面係原隻龍蝦龍蝦釀滿咗芝士，蝦肉，番茄同磨菇薄餅充滿龍蝦肉，芝士，蕃茄等配料勁好食之後再食龍蝦芝士通粉啱啱出爐嘅通粉滿佈住芝士可以拉到勁長㗎芝士拉絲真係好興奮通粉都被滿滿嘅龍蝦汁同龍蝦肉包圍絕對會令食客難忘跟餐配埋菠蘿梳打菠蘿香味清新唔會有糖漿味好消暑呀原價600頭嘅二人龍蝦餐而家300頭就食到仲要每碟都真材實料真係好扺另外值得一讚既係除左餐廳服務態度優異員工仲勁貼心佢哋嘅專業精神好令人欣賞唔怪得咁多人排隊啦😍😍

疫情緩和，是時候清欠朋友的生日飯債了😆壽星女曾幫襯這餐廳，覺得味道不錯，所以便應她意願到這餐廳為她補祝生日🥳我本來提議單點食物，之後再去鄰舖食pancake，但壽星女話不想煩惱選餐，而且二人套餐也頗合她胃口，那就壽星女話事吧🤷🏻‍♀️龍蝦湯（頭盤）龍蝦湯味道頗鹹，感覺像罐頭龍蝦湯，而且不太熱🤷🏻‍♀️香蒜橄欖油野菌配溫泉蛋（頭盤）炒得幾惹味，配溫泉蛋同吃不錯，很快便KO整碟😋龍蝦芝士焗通粉（主菜）新鮮即焗，芝士全和通粉溶合，而且還可以拉絲，芝士控超愛😍很可惜只有一小隻龍蝦鉗Carbonara Pizza 9” （主菜）Carbonara意粉就食得多，但pizza就未食過，不過味道沒有甚麼特別，不過不失吧！忌廉泡芙（甜品）綠色樹葉狀的脆餅已受潮變腍，泡芙味道也很一般。整體不過不失，但若以這價錢來說，還有很多更好的餐廳選擇吧🤷🏻‍♀️

The Point係一間主打特式pizza嘅意大利餐廳，之前已經黎過兩次，兩次都幾滿意，見最近佢新出左個龍蝦套餐$338包一個9吋龍蝦pizza、一客龍蝦芝士焗通粉、兩個龍蝦湯同兩杯菠蘿特飲，本身一個正常size 11吋嘅龍蝦pizza要$328，所以哩個餐真係堅抵食。The Point除左哩個龍蝦餐，都有二人套餐同可以散叫，不過我地一心想食龍蝦餐，所以都冇睇其他了。龍蝦湯 - 龍蝦湯唔算好杰，味道冇出面其他龍蝦湯咁鹹，裡面都有兩舊龍蝦肉。龍蝦芝士焗通粉 - 通粉係大粒通粉，比平時食倒嘅厚身同彈口，上面有好多芝士，所以畢起時都有拉絲，芝士有啲咬口，口感有啲食緊吹波膠咁，但又唔會好濟，通粉中間夾雜左少少龍蝦肉，整體比想像中好食。原隻龍蝦、茴香頭、車厘茄、水牛芝士、海鮮汁薄餅 - Pizza上枱時，侍應會喺食客面前點火以增加視覺效果。Pizza直徑9吋，厚薄適中，餅邊幾脆，上面隻龍蝦都有睇頭，龍蝦頭仲釀左好多蝦仁，非常足料。龍蝦餐原本只包兩杯菠蘿特飲，如果想轉其他野飲就俾半價。Iced Oreo Chocolate(半價後$24) - 朱古力味都幾濃，因為上面加左忌廉，所以幾香滑。Stra

忙碌完一日，又係時間去食好西。今日朋友帶左我去The Point，滿滿幸福。芝士黑松露薯條好邪惡，薯條炸得香脆，唔會有油膩感，最鐘意係呢種粗身薯條，有口感好滿足，加埋芝士同黑松露醬，配酒一流。今次叫既Pizza，味道都好特別，係屬於偏甜口味。配料有鴨胸，焦糖洋蔥，炸蔥絲，藍芝士。雖然一開始有啲食唔慣，但估唔到味道都幾夾，會令人想再食。龍蝦意粉份量好多，意粉是扁身，好有咬口，加埋車厘茄同伏特加忌廉汁，重口味得黎亦好開胃。重點係呢個意粉，有成隻龍蝦，鮮味彈牙。想要來一點酒精，Golden Light好清新，除左伏特加外，充滿果味，我同朋友都好鍾意。除左食物，呢度既環境都好舒服，三五知已傾下計就啱哂喇。