The Lounge (香港JW萬豪酒店)

营业中

休息中

以往都喜歡食依度下午茶自助餐，一來平，二來平日要食下午茶自助餐，冇乜選擇。點知今次嚟發覺差咗好多，食物食完，好似唔想 refill 咁。最差係，環境衛生非常不理想，salad bar 周圍勁多小飛蟲飛嚟飛去。咁去食熱食啦，都有昆蟲屍體喺入面。最後，兩個人放低800大元。酒店質數？冇！下！次！

今日慶祝母親節就去咗萬豪食tea buffet細個成日去食buffet，一黎因為唔係自己出錢，二黎就係當時既buffet算係平。年紀越大就越覺得唔抵 所以少咗好多去食今日係久違既Tea buffet，你會問點解要簡tea buffet，而唔係lunch或者dinner？原因得一個，係窮呀！好啦唔講咁多廢話，酒店環境就唔洗講嫁啦乾淨，高級，坐得舒服Tea buffet食物選擇會比dinner較少既，咁佢有乜呢？各類型芝士同麵包，拿我相信無乜香港人會食既通常都係放係到俾外國人食多(因為我地要留肚食其他貴既)炸蝦多士，呢個一流啦炸物好難難食，仲要大大舊蝦添個人強烈推薦呢個北寄貝！好食到不得了，唔係刺身個款，係仲有個殻(見下圖)個隻！又唔腥又無沙 又鮮甜！一定要試！黎麥沙律🥗都係唔錯既開胃之選呀！咁去過食buffet既都知道會有檔食麵既，我就好少食既，都係果句啦 易飽又唔貴，要留肚食其他食物。之不過麵底無嗌，只係嗌咗配料，呢到有個潮州魚蛋幾好食 可以一試既牛扒就梗有嫁啦，佢每次煎既款式同味道都唔同既熟成都有所不同，咁呢舊係我食到尾幾輪拎既 味道都唔錯既，不過就難咬咗少少 之前有舊係五成左右無影

JW萬豪酒店自助餐享負盛名，多年來都保持水準，今午和家人來到其中一間在網上訂枱有七折的餐廳“The Lounge”。The Lounge食物的選擇雖不及Coffee Shop多，但食物的質素卻相當高，冬菇炆海參火侯十足，兩者都炆得十分腍軟，海參是低脂和低胆固醇的食物，是我的至愛。這裡的鮮蝦雲呑亦相當出色，用虎蝦、筍絲和豬肉作餡，配以蕃茄魚湯，簡直絕配。沙律bar的食材相當豐富，琳琅滿目，任君配搭。甜品賣相不錯，最喜歡New York cheese cake, 芝士味濃，面上的酸忌廉中和芝士的厚重感，相當合配。

如果你好喜歡吃自助餐，一定會識得jw的名字。老身尋尋覓覓，吃了不下百次自助餐，jw始終是我的special one。今次宵夜時段食鵝肝buffet，未出發已經先興奮。不用贅言，酒店環境當然好，但jw不僅是一般的好。服務亦是酒店的賣點，如果你在外面的餐館要求一杯凍檸茶走冰係不合理嘅要求，咁喺jw要求一杯凍檸茶走冰係理所當然。凍檸茶走冰：茶味濃而不澀，檸檬厚薄適中，附糖浆自己調較甜度，紙飲管嚮應環保。今次buffet有炒蟹，服務生會自動refill一次又一次濕紙巾，此為之貼心也！睇環境，睇服務，最終當然睇食物。Brie and sun dried grape:食buffet,老身每次一定先食塊芝士加乾果，今次的成品係出色的。煎鵝肝：外脆內軟，油脂甘厚，有配佐無花果解膩，是今次回本之選。填鴨：鴨烤跟片皮都不錯，可惜包裹的面皮太乾，另佐料其實可加蜜瓜，相信更好味。鵝肝凍：幾好味，但太膩口，只可輕嚐兩件。鮑魚：細細粒，炆得不够入味，而且是以鮮鮑炆，不是用乾貨熬成，味道只是普通。炒蟹：味道普通，肉質結實，但不够鮮美。蒜蓉蒸帶子：大大隻，調味頗佳，但弄出肉較困難。若可以稍為改善，則更臻完美。螺頭炖雞

難得放假，終於做到學下過休閒的生活，食下午茶，飲杯花茶！講到咁優雅，其實都係自助餐不便宜，要請假來吃🤣第一次食JW，環境寬敞，不同枱都保持一定距離，聊天都比較自在，加上落地玻璃望到大廈，懶洋洋的下午，在這食自助下午茶，不錯！食物方面，壽司刺身種款不多;有粉麵同粥;有肉眼(肉比較老);有雞翼，燒賣，素餃，蝦；沙拉，有甜品芝士蛋糕，蛋塔仔，豆腐花，糯米糍，朱古力蛋糕，慕絲，榴蓮煎餅(即叫即做)有一杯杯的哈根達斯雪糕與軟雪糕等等飲品可以叫一杯，有不同的花茶可以選擇服務方面，收碟都收得快，待應都好有禮！

今日週末天氣又好 決定同男朋友去食個tea 慢活一天 我地就決定黎JW食 因為聽閒佢既份量超級多 所以我地倆都無食早餐 就直接去食tea 一入到去 侍應安排左我地坐闊落既梳化位 望住落地玻璃真係好幸福 先有一杯welcome drink 之後就係重點啦 侍應分左三次上 我地都真係俾個份量嚇親 因為真係多得好誇張 值得一讚既係咸點同甜點比例好好 最特別既係龍蝦湯 清清甜甜 飽魚撻配搭好有創意 其他就不過不失 三個scone都係一般 做唔到五星酒店水準 最後我地坐左3個多小時 剩了三分一的食物 最後就打包走了 依個tea都值得一試 三個人食係最適合 !

大家各有各忙，好難得先可以夾到一日出嚟聚吓👀 就快又新一年，好一個藉口出嚟見吓面，食餐好嘅🍽 #大王 雖然好多嘢都唔啱食，不過就志在大家開心，提議去 The Lounge - JW Marriott Hotel Hong Kong 食團年飯。JW Marriott Hotel Hong Kong 每個 #weekend 都會喺 #TheLounge 搞一個 #SupperBuffet (20:00-23:00)🍻 咪以為無咩嘢食，食物嘅質素我覺得可謂超值，同一般 #酒店 #晚市自助餐 分別唔大，只係少咗啲 #龍蝦、#生蠔 之類嘅食材，不過琴晚我單係食咗幾隻 #珍寶帶子，已經 #值回票價👍🏻 而每次嚟到 #ThrLounge，#小秘書 一定會飲佢嘅 #中湯，足料又補身💪🏻 仲有啲 #甜品 🍰🍴都非常吸引♥️不過地方實在太細，頭半小時一定打哂蛇餅，而某啲負責整理食物嘅工作人員（尤其係煮水餃麵同男人、切魚生嗰位女士）例必口黑面黑😓咁對住啲客... 食 #SupperBuffet 都一樣係客，我覺得 #酒店 可以改善一吓囉👉🏻👈🏻

今日係多年好友嘅大日子觀禮後即興想食個 TEA 就揀左 JW TEA BUFFET 比想像中抵食冷盤、前菜、芝士、湯、沙律、生果、甜品、粉面 粥、中式點心都十分齊全日本刺身有肥美嘅三文魚腩刺身，同埋推介冷面，質地好好多款芝士提供，可以慢慢試真啲熱食有豬腳，乳鴿，雞翼，蝦多士，肉眼扒提供 。質素不錯👍🏻即場整嘅有粉面（豬骨湯底或喇湯湯底）以及有粥 勁正有榴連 pancake 真係好正！啖啖肉呢！甜品🍮很不錯 款式多 有凍有熱！roll 好好食 cream 又夠滑！仲有哈根大師雪糕🍦

每次去萬豪食自助餐都唔會令我失望，今次去食dinner自助餐，仍然能都保持水準，同時亦有我鍾意食嘅鮑魚，龍蝦及煎鵝肝 ，希望萬豪the lounge 能永遠都keep住呢個水準。

十二月有一日下午off, 約埋姊妹去tea buffet, 放縱自已食，食，食好野。第一時間冧到來呢間酒店食tea buffet 因太投入邊食邊傾，忘記左同最愛最愛食物打咭影相。因十二月係節期，下午茶比上個月加左價，$328/位，另收加一。以下有幾款食物是本人最想推介畀各位：1) 榴槤脆餅，榴槤果肉做餡，外包一層即叫即做的脆蛋薄皮，加入椰絲。好食，我食左兩件。2) 清湯鮮蝦雲吞(湯底可揀), 每隻雲吞都用一隻鮮蝦包，蝦肉鮮甜彈牙3) 日式煮顯，肉汁鮮甜，嫩滑，唔錯其實試左以上美食，已飽足4) 甜品我至愛，但試唔到很多，我試左個coffee mousse(限量供應), on top加上 士多啤梨味 Hagendas雪糕球，我個人喜歡。Tips: 當日HSBC, DBS 等白金咭有九折

The lounge@JWMarriot 肥雞好中意食呢間四星酒店JWM 位於地下大堂@The lounge 😍雖然食物選擇吾算好多，但系質素高，貴精不貴多😎甜品種類算多，而且同肥雞一樣咁elegant 😊, 尤其系個北海道牛乳卷，個cream 真系正😙熟食有肥叉，海南雞，菜，咖哩等，對肥雞就無咩特别🙂至於喇沙湯底，肥雞真心覺得正😋，好多自選配料，有雲呑，肥牛，雜丸等，吾多介紹。最吸引肥雞嘅系個自助沙律吧😍 真系超！級！正！有多過20款配料例如蝦，德國腸等高水食物，揀完仲有專人幫你拌埋👍服務一流

今次係第2次黎The Lounge食宵夜BUFFET，雖則話係宵夜BUFFET，但時間一D都唔宵夜，因為呢個宵夜BUFFET8點就開始，比平時一般既宵夜BUFFET早得多，呢個時間其實係等於人地既DINNERBUFFET，呢度價錢$4XX/位，部分白金咭有9折優惠。食物款式雖然唔多，但每一款食物都好高質素，呢度唯一缺點就係冇乜海鮮冷盤。海鮮冷盤只有蝦同青口，蝦非常新鮮爽口。刺身有4款，仲唔係一般既款式，三文魚、馬刀貝、象拔蚌同螺肉，4款都好新鮮。熱食有鮑魚、扇貝、咖哩蟹、茄汁大蝦、乳鴿、片皮鴨、海南雞、牛扒、魚柳、叉燒、豬手、燒賣等等，仲有一般既沙律、麵包、芝士、粉麵、螺頭湯，最特別既係有蟹粥，非常鮮甜，甜品款式都唔少，有3款HAGEN-DAZ雪糕 (雲呢拿、朱古力同士多啤梨)，另外仲有4款軟雪糕(原味、綠茶、YOGURT同埋芒果雪芭)，蛋糕都有10幾款，今晚比較特別有EARL GREY MOOUSE CAKE同埋RASPBERRY OPERA，而我最欣賞就係柚子味JELLY，每次黎都食幾杯。

喺香港，揾一間weekdays有下午茶buffet食嘅酒店殊不容易，jw當然係一個特别嘅存在。24/10/2018同老朋友聚一聚，jw係當然之選，倚坐在窗邊的沙發，望着外邊車水馬龍，談天說地，何等寫意。當日印象最深刻嘅係清甜嘅蜜瓜，配搭salami腸一流！仲有Malaysia creep配榴槤內餡，十分滋味！然後，來個自選材料生滾粥，不過不失啦！其他沙律，刺身，熟食都是普通貨色啦！最後，當然要食甜品，包羅萬有，精緻可人。最後嘅最後，以一杯咖啡味hd雪糕作結。人生享受，也不過如此而巳...

BFF 25歲生日 ，諗住同佢食餐好，不過佢食量唔係太大，又鍾意食甜品，竟然比我係eatigo 搵到半價優惠抵到我唔信，仲打咗電話去問勁多次😂😂最後揀咗麵食，沙律bar同埋甜品。嗰日仲要係紅日，晏晝去到竟然冇乜人，環境超好乾淨同埋新，落地玻璃夠陽光，沙發又闊又舒服！仲要半價我真係十分滿足最後我哋每人食咗兩大碗沙律，同埋好多嘅甜品。講下個沙律吧先，有差唔多九款菜，top picks are Baby spinach, Romaine lettuce 跟住toppings 先係重點，everything you could ask for !!!! 食肉獸既我當然夾左不少肉無盡既煙三文魚 同roast beef 最正嘅係你揀完啲餸之後，你可以揀自己鍾意嘅sauce ,會有專人幫你撈埋先放返入你個碗，咁就唔怕上面勁多sauce ，底下dry。至於甜品，一向怕太甜膩既我 食咗好多甜品朱古力蛋糕唔會太甜但又好濃郁，全部甜品都細細舊，味道調校得啱啱好，完全唔會有太滯嘅感覺，令我覺得終於可以真正享受一下甜點其餘仲有frozen yogurt , hagandaz ，冇乜特別

之前聽朋友講呢間JW既afternoon tea set 係最大份, 對於大食既我係真係幾吸引, 一直都好想食, 趁今日天氣好, 就同d朋友去食啦, 去到見到落地大玻璃又真係幾feel good, 不過好似現在大部份人都係食tea buffet, 唔係太多人食tea set。原來宜家出左新既xmas theme, 賣相真係一流, 影相都有排影! 首先會有2杯welcome drink, 係桂花烏龍, 幾清新!最頂層係聖誕既蛋糕, 雪人係白朱古力黎架! 不過呢層都麻麻地, 紅色果個lemon mousse tart 比較正常。中間果層係比較eat-able, red velvet cupcake唔算太乾。 呢層主要都係咸既三文治, 不過麵包都好乾, 同埋無咩誠意..青瓜三文治真係唔會想食LOL食到中段會送上scone同埋龍蝦湯, 個scone無乜牛油味, 同埋又係好乾。龍蝦湯都ok, 有龍蝦味。最後仲有一盤港式點心既物體, 係凍既, 所以好食極都有限。酥皮叉燒包係脆皮, 味道正常。另外兩款都幾難食。鮑魚撻味道好怪。