The Lounge (香港JW萬豪酒店)

营业中

休息中

真系出曬名噶Buffet啊，趁得閑同埋人齊一於試下先，裝修環境方面都好唔錯，不過黎得呢度一般在意噶都系食物啦，食物種類好豐富，海鮮質素唔錯，甜品噶味道都ok，比較岩我心水噶系呢個忌廉粟米啊，可能系我口味獨特啦，不過真系好中意呢個菜！

逢星期四至六，這𥚃有宵夜自助餐，所以提早1個月前訂左今晚去食。8點開始，7:50 左右到達，待應十分有禮地帶我們入坐。取食物的地方比較狹窄，因為人太多，所以一開始時有點迫。海南雞起了骨，十分嫩滑，义焼就普普通通，豬肉燒賣大大粒爽口彈牙，蠔油鮮鮑魚也不欺場，黑椒炒蟹好新鮮，片皮鴨就因為師傅片得太細片，所以好似食緊一張粉皮咁，即灼雲吞麵個湯好清d雲呑啖啖蝦肉，魚旦細細粒，芥蘭又好精緻地切到只餘下菜遠部份，羊架生熟程度剛好，牛扒就過左少少火位，凍蝦好大隻，青口就一般啦，刺身嘅三文魚正正常常。甜點方面，笑口棗淋嘅，豆腐花幾滑，青蕷果旦糕好清新，檸檬雪皅酸酸甜甜好開胃，另有 H 字頭3款味雪糕。餐飲叫左凍檸茶，茶底略為淡左d。埋單 $840/2位，信用卡優惠85折。整體來說，食物選擇不多，但食得出d來料幾新鮮，加上地段、環境，這個價位是合理的，可以再來。

生日慶生，酒店自助餐最得體。預早兩日與友人慶祝，JW Marriott Lounge午市自助餐，沒有海鮮，沒有多餘肉類，沙律，粉麵，意粉簡簡單單不太奢華, 平凡中的小幸福。沙律區種類有幾十種，案自己喜愛的，不自覺地裝了一大碗。店員可代勞混醬。粉麵類也有很多選擇，湯底也有六，七款。蕃茄魚湯最鐘意，濃稠有魚香。甜品區有蛋糕，小點，朱古力，雪糕，豆腐花.....甜品控天堂。整體食物水準是ok的，但作為五，六星級酒店，碗碟的衛生情況真的要有待改善！

前天首嚐了超澎湃美麗的九龍區雀籠下午茶，昨天又有新嘗試這次到JW Marriott Hotel Hong Kong內的The Lounge嘆最近推出的全新下午茶套餐，以高質食材冲擊我的味蕾最重要是價位非常吸引喔！ 兩次到訪JW萬豪酒店也是吃超豪華的自助餐，這趟一嚐下午茶更令我驚喜萬分。 The Lounge位於酒店大堂高嵩的樓底，加上難得的晴朗天氣令這場下午茶更見悠閒寫意。 簡潔的餐牌配色彩鮮明的杯子感覺很和諧，下午茶跟有咖啡或茶那我們先選上飲品吧！  點了不消一會侍應即送上飲品來，心想效率奇高的服務耶！原來我捉錯用神侍應送來的Welcome Drink桂花香芬冰茶，更以日本經典餐具品牌Narumi骨瓷茶具系列來當容器，徒添上幾分矜貴感覺。 下午茶以高雅的三層銀器架奉客盛載著鹹甜點心各六款！收費＄268/位、＄468/2位，星期六、星期日及公眾假期＄288/位、＄488/2位，但我可以跟大家保證質素高得絕對不會錯吃的。 六款鹹點心中有鮑魚、鴨肝、魚子醬、龍蝦和大蝦等高檔次食材，不論質素或味道也無可挑剔！加上同樣精彩的甜點簡直近乎完美哦！！ 另外下午茶靈

Happy Friday，繼續治療人心的下午茶分享：鄰近太古廣場的香港JW萬豪酒店，於時尚高雅兼有特高樓底的 The Lounge 推出全新下午茶套餐，讓食客一邊欣賞港島繁華鬧市，一邊享用精緻又美味的三層架下午茶，疲勞盡消！打從六月起，太古廣場就被稱為真．香港人的商場；商場同時連接四間五星酒店，地理位置得天獨厚。而在四間酒店中，The Lounge 每天下午3時30分至6時供應的雙人下午茶，平日收費只是 $468 兩位起（週六日及假期也不過 $488兩位），是性價比最高的一間。無獨有偶，這裡的下午茶也是先由一杯 Welcome Drink 開始；小小的一杯桂花冰茶，清香宜人、冰爽沁心，輕輕地喚醒了味蕾。下午茶也包每位 Graffeo 咖啡或茶，茶是 Tea WG 出品，我選了散發清新花香，具提神之功效芳香的 Sweet Memories，來為接下來的盛宴作準備。平日很少用「盛宴」來形容下午茶，但這裡的出品無論是質與量都很有誠意：下午茶美點以三層銀器餅架奉上，上層及中層都是鹹點，建議先享用日本桃太郎番茄配話梅汁，艷紅色的日本番茄清甜多汁，再配上話梅汁真是非同凡響！接著品嚐芒果龍蝦沙律配魚

每一次去萬豪酒店食呢個自助餐 都唔會失望， 食物保持水準， 供應又充足又快。 好欣賞 佢嘅海鮮， 加菲蟹 麵包蟹 蟹鉗 同埋配海鮮嘅醬料 又齊全又多， 花膠同龍躉球 仲有蒜蓉蒸開邊大蝦， 非常滿足， 最失色嘅就係沙律菜， 而且感覺望落去唔新鮮， 有啲奇怪 點解其他嘢咁好沙律菜會咁差呢， 唔係一次半次因為我已經唔去食過五次呢個自助餐， 沙律菜 次次都冇改善， 相比較 喺太古廣場嘅香格里拉cafe too 個沙律菜就非常好食， 新鮮又多款式， 希望下次去到佢啲沙律菜有改善啦!

趁暑假結束前，去試一試城中出名嘅宵夜buffet 。本來係waiting list, 好好彩有人no show 🤭🤭🤭芝士bar: 有5，6款芝士，雖然無好最鐘意食嘅soft cheese, 不過依幾款硬芝士都好好食，好香芝士味，唔咸，亦唔算太重味。冷盤: 如果鐘意食冷盤嘅人應該會失望。只有凍蝦同青口，刺生就有三文魚坐陣，其他款會不停轉，我見過有象拔蚌， 魷魚，熟嘅螺，質素一般。同埋無 Parma Ham。不過小食就食完一盤就會款另一款，所以全晚黎講都算多款式。蟹黃粥: 顏色好靚，不過食落唔多蟹肉，蟹黃味唔出，應該落得太少料。扒嘅配菜反而唔錯，有我最鐘意食嘅忌廉栗米。講反主角海鮮同熟食:佢地嘅海鮮質素唔錯，仲不停refill, 除咗大家一定知嘅鮑魚，仲有帶子，花甲，薑蔥胡椒蟹，片皮鴨等。除咗薑蔥胡椒蟹令人失望，太重味同過度走油，令到肉質有d乾同無晒蟹味，其他都唔錯。特別係水餃，羊扒，依兩樣係我覺得除咗鮑魚外，全晚最好食嘅野。到甜品，款式都多，當晚有兩款榴槤甜品:榴槤軟雪糕同榴槤芝士蛋糕，兩樣都好香榴槤味。榴槤芝士蛋糕有驚喜，估唔到兩種咁重味嘅野擺埋一齊，結果好香好好味。當晚滙豐信用卡做

男朋友上個月睇到滙豐信用卡有優惠，於是訂左今日去試下，因為之前聽朋友講呢間Sunday Brunch 唔錯而且可以11:00食到14:30我地11:00 去到，可能太早，得2，3張枱有客人，服務員就安排左近窗邊座位比我地，想講環境好開揚，光猛，座位夠闊落坐低左服務員就為我地斟香檳🍾️(Moët)，之後就出去拎野食冷盤海鮮有龍蝦🦞，麵包蟹，大蝦，蟹腳，蟹鉗，全部都好新鮮好鮮甜另外有一般Buffet 比較少有既魚子醬，仲有3款，各有唔同口感，好味其次食得最多既就係我最愛既鵝肝，好Juicy 又夠脆！其他熟食有片皮鴨，芝士龍蝦🦞，芝士菠菜焗大蠔，牛扒都好味，牛扒淋淋地唔韌另外有三款支裝新鮮果汁都好飲好fresh 又唔太甜，分別有Mango Juice ，Orange Juice 同Watermelon Juice 最後甜品時間，本人唔太好甜品，去到甜品區只有榴槤Cheese Cake 🍰 同榴槤雪糕🍦吸引到我，而且仲好好味啊！總括而言，無論環境，食物質素，服務都好滿意，一定會再來食

今日中午同同事去食自助午餐。呢度環境好好，樓底高，有落地大玻璃，景觀開揚又坐得舒服。中午有幾款自助形式可以選擇，分別係亞洲美食，湯麵吧，沙律吧，同甜品吧。當然都可以全部都揀晒。呢度係亞洲美食區多數都係咖哩，同啲點心。旁邊就係沙律佢有好多款選擇。我就揀咗湯麵吧，鐘意佢多菜比較健康。揀完材料之後就比廚師幫你煮。湯有幾款選擇，例如喇沙，番茄魚湯，雞湯同埋豬骨湯。甜品吧只需另外加$88，仲要包埋嘢飲，好抵。甜品選擇好多，全部都係高質素，同精緻。好味。

很值得吃的Tea Buffet。款式是很足夠的，重點是幾乎每一道都非常好吃，廚師功力很深。大力推薦牛肉，大蚌，Soba, Quinoa Salad. 甜品，Scones做得非常的好，很鬆軟。服務業非常專業和細心。絕對會再來！🥰

與幾位好友相約共聚，大家一致讚成到JW Marriot 吃Sunday Brunch，喜歡喝香檳的朋友只需加$100便可無限添加，另外亦有供應紅酒及白酒，可以暢飲一番。不喝酒的朋友又可以選擇不加錢，相比某些酒店要全枱所有人都加錢，這樣安排更人性化，為顧客設想，值得一讚。至於食物質素，萬豪一如以往不會令人失望，食物選擇不算多，但貴精不貴多，每款食物都有質素。有多款魚子醬可供選擇，與香檳很配。冷盤選擇多，除了一大部分自助餐有供應的龍蝦，蟹鉗，翡翠螺，大蝦等，亦有麵包蟹。蝦肉、龍蝦肉都很爽口，蟹有肉，蟹膏很香。煎鵝肝配多士是我最質賞的，鵝肝表面煎得金黃香脆，內裡油脂豐富，配上烘得鬆脆的多士一起吃，麵包吸收了鵝肝的油脂，不會有過份油膩的感覺，忍不住一吃再吃！其他如香草羊架，澳洲和牛也很不錯。但名牌好像搞錯了。甜品方面有軟雪糕，乳酪雪糕，豆腐花，馬卡龍，還有十數款中西糕點，以及幾款新鮮水果等等。從上午十一時到下午二時半，整整三個半小時，吃完晚飯也吃不下了。最後補充：剛開始待應很積極收碟及加香檳，但中段開始要召喚才有人過來加香檳及收碟，到後段連侍應也有點難找得到，直到叫我們結賑才有侍應主動出現，希

已經係十多年的熟客，平均一個月都會幫襯一兩次的，以前有扒房，係我最❤️，但自從去年五月關閉後，很有失落感...The Cafe 的dinner buffet 很豐盛，但晚上已經不能吃太多今天星期日，吃最享負盛名的brunch , $705 ，11:00-2:30 , 滿懷期待...食品種類不算太多，但全部貴價，品質有保證，吃幾件鵝肝便可歸本..但美味鵝肝每次都給人攞哂，要走5趟才有得食，雖然，超級美味，好juicy, 好香😡😡牡丹蝦刺身，鮮甜美味，但取了一次便沒有refill了，追問下，今天quota 已經完了！😡😡西班牙火腿，不停切都俾人攞清光了，最愛的無花果，沒有再refill 了😡😡為什麼refill 咁慢，人手不足？ 貨源小？香檳也要催促才refill 😡😡收碟也很慢，可能人手不足重要係兒童遊樂場，小孩四圍走，嘩叫聲此起彼落情況好似3-4星级酒店的lunch buffet ，非常失望呀不會再去了

星期日才有的brunch，$708加一，作為lunch buffet，價錢真係算貴，但當試過之後，就知確實值回票價。海鮮冷盤有龍蝦，皇帝蟹腳，面包蟹...所有都好新鮮，要膏有膏，要鮮甜有鮮甜，膽固醇come on風乾火腿有黑毛豬同白毛豬揀，我覺得兩隻都幾好食😂刺身，我就淨係試咗鮑魚同牡丹蝦刺身，平時少見，鮑魚係熟既，冇咩太特別，牡丹蝦就非常鮮甜，彈牙，一定係新鮮。熱食方面，以鵝肝最出色，每次經過都香到暈，幾飽都認唔住食返件。連魚子醬都有，老實說我真係唔識食，只係覺得鹹香味十足，唔錯。新鮮果汁任飲，當日有西瓜、芒果、橙汁。總括而言，雖然貴，但係真係食盡貴價食材，食多幾轉都返本。

今日又係OL 最愛，Happy Friday 食好東西答謝自己過去一星期嘅努力😂😂 其實都係俾個excuse 自己食貴野姐🤣🤣今日黎到JW 嘅 The Lounge，其實都黎過好幾次，最鍾情佢嘅salad bar，其實lunch 嘅選擇好多，除左salad bar，仲有noodle bar同埋lunch buffet ，因為食唔到太多野，一般都係揀salad bar💕 唔好睇少salad bar以為淨係得菜呀！有好多唔同嘅配料，不同種類嘅菜亦都好新鮮自己揀完之後，就可以拎去俾工作人員幫你mix，dressing 同份量都可以自己話事，工作人員會將揀好左嘅salad 倒入大不銹鋼碗，下面有冰座住，令到salad 菜更加爽脆！食salad 係咪好colorful 好開心呢！ mushroom 超fresh ，有時仲有avocado ，係可以問佢地拎，會切俾你嫁💕💕

今日大家無無聊聊訂了金鐘的JW萬豪酒店吃下午茶自助餐(三點半至六點)，朋友兩星期前吃過它們的元貝帶子粥，讚口絕要去再吃，可能星期二關係，自助餐比上次多人，酒店環境算是不錯，食物種類不算太多，但已經夠吃到飽，有少量魚生壽司、粥粉麵飯、沙律、甜點、雪糕和多款蛋糕，但朋友最想吃的元貝帶子生滾粥，今天轉了其他很失望，而我喜愛吃榴槤味椰絲花生煎脆餅，食物品質用五星酒店來計衹能說普通，但以酒店下午自助餐價格來看抵吃，最適合退休人仕HEA。