The Lounge (香港JW萬豪酒店)

营业中

休息中

第一次試呢間餐廳的lunch buffet.之前看到食評見下午茶食物種類都ok,所以book 左lunch. 正常應該食物種類會多一點點！ （因價錢比較貴）誰不知，原來lunch buffet 是沒有刺身，沒有海鮮也沒有頭盤！午餐主打應該係salad 同車仔麵！ 有非常多車仔麵配料！ 例如很普通的丸類吸菜類！ 整體自助餐食物不多，有一半位置是放車仔麵食物，（太多米、麵、飯） 但種類又不是很吸引，所以一直會有重複情況出現！例如，有12 格是放沙律菜，但只有6 種菜，甜品也一樣，雪櫃有一排8 碟的甜品櫃，但當中又只得4 款甜品！ 感覺餐廳不是主打buffet. 而是主打酒店環境！ 食完後說不出有什麼好食及值得食的東西，也說不出有什麼是回本菜或招牌菜！

抗疫都要約好友行山，努力完成後當然要獎勵自己，今次選了呢間餐廳食下午茶自助餐，當天中午打電話訂位，入酒店要先探熱，1530開始，我哋早15分鐘到場，未入得場，先攞號碼牌，去完廁所就入得，超喜歡超高樓底及落地玻璃，好開揚無壓迫感，我哋被安排在梳化位置，雖然與食物區較遠，但就有自成一區嘅感覺，食物區好得意地隱蔽在裝飾牆後，食物因疫情每盤都蓋上膠蓋，款式冷熱盤都有幾多選擇，冷鹹牛肉就不是我杯茶，肉質太梅了刺身有4款（三文魚、馬刀貝、象拔蚌、螺頭）水準不錯，都是我喜歡吃的款式，蚌類爽口，三文魚嫩滑！幾新鮮沙律正常嘅蔬菜都有，最開心係沙律醋有幾款可以揀！芝士有好多款，但配芝士嘅麵包片已預先切好，變得都超乾超硬，以前係一條條原條麵包自己切，而家可能抗疫衛生問題唔容許，結果預先切好就乾晒！如果切好入存氣罐就好點熱盤不是我重點：即淥雲吞，首先喜歡可以自選雲吞數目，配雲吞蔬菜又有6款可選（最緊要無我討厭嘅小棠菜）湯底都有兩款（清湯及北京濃湯）麵都有3款（不過唔會自助餐揀麵啦）我試咗清湯菠菜雲吞，雲吞皮薄又滑，餡有大蝦，又爽又彈牙，好味，菠菜嫩滑！湯清甜，好好味（唔係想食其他野嘅真係要encore)蕃茄忌

我食過好多afternoon tea , JW Marriott 嘅the lounge 係少有我會返炒嘅afternoon. 我係 weekday 去嘅，所以四百幾蚊兩個人，如果你有恒生卡或者匯豐卡會有九折。由於肺炎，餐廳入邊有好多位。afternoon tea 坐嘅地方同tea buffet 分開的，會坐遠啲同埋坐得舒服啲。登登登登其實我遲咗影因為已經俾我食咗隻蝦同埋鵝肝。佢啲嘢好新鮮，啲鹹點係熱嘅，個鬆餅都係新鮮出爐嘅！ 出面好多嘅下午茶都係比一個人一個鬆餅。所以佢一個人兩個鬆餅其實都幾多! 首先食最高嗰層先，有炸蝦，鵝肝，同埋鮑魚撻。三樣都勁正！尤其係嗰鮑魚個味好濃。第二層有德國火腿，龍蝦沙律，同埋甜蕃茄，都係超好食。個甜蕃茄就見仁見智啦，我朋友就嫌佢太甜，我就覺得好有驚喜。去到最下面嗰層主要都係以朱古力為主，佢啲甜食都做得好好，好精緻。整體感覺:地方靚，安靜，好service ，可以傾偈，食物又好味，唯一係無咩fancy 野，飲品都係得啲大路嘢 ( coffee , mint tea , oolong , jasmine , green tea , red tea ) 一定會

This tea set is NOT ONLY for the gram but actually tastes good! PLUS it's only $358 for two!Had a chill afternoon with my bestie in this open lounge at Marriot 🍹 Though they also serve tea buffet here, it was quiet enough for us girls to chitchat our day away 🌄• The Lounge is a 5 star hotel in the clusters of luxurious hotels in Admiralty.

Lounge環境好靚，設計舒適整潔，樓底好高又有落地大玻璃、沙發，坐係到慢慢食，飲杯野吹下水係一流。我地食Tea buffet，選擇唔算多，但樣樣都精緻既，尤其係甜品。佢坐既位置同buffet區係隔開左少少，一入到去buffet區已經聞到好臭榴連味，原來係榴連pancake,由於本人唔食榴連，所以直接行過左。行入啲有刺身，沙律，生滾粥，麵食，熱食...比較推介係牛油果芒果藜麥沙律，停唔到口，牛油果芒果都好甜好好味，又清清地，淨係食哩味都食三次😂。另外竟然係推介生滾粥🙊，佢有魚肉，雞肉，魚片，粟米，其實都係啲好普通既料，但個粥底幾靚，好滑軟綿綿。

由於疫情關係，見到好多自助餐有有大減價，咁我兩公婆就去食自助餐，去到又真係無乜人，好舒服。疫情關係，全部食物都做得比平時衛生，大部份食物都有蓋，非常好，平日都應該咁做啦。但雪櫃入面就難啲喇，或者加個門啦。首先係啲凍食，三文魚幾肥，無碎冷或者硬心，解凍得幾好。馬刀貝好爽口。Cold Cut同芝士好普通。食完凍野要飲碗杞子圓肉湯，好足料好甜，好有藥材味同肉味，好好飲。啲圓肉仲好甜，飲左幾碗食左好多粒。糖心蛋同其他中菜前菜都一般。片皮鴨好好食，啲皮有油香，但又唔會太肥揗揗咁，可能同啲配料甜醬有關。叉燒，燒肉，蒸蝦好難食。有新鮮鮑魚，煮得好淋身，個汁都幾濃，好好食。有幾款清酒煮貝類，幾難食下。炒蟹就幾好食，實肉嘅肉蟹，而且有啲蟹味，算係新鮮。即煮海鮮泡飯，用蝦湯泡，個蝦湯都有蝦味，好好飲。我食左兩碗。豬手好好食，無豬毛，處理得好好。豬皮好淋滑，醬汁夠濃，重南乳味，撈飯一流。個扒同甜品幾差下，整體都係一般般，但人少少加上係JW嘅裝修，有折都幾抵。

同好朋友去左JW hightea超多野食，仲要包杯冰茶同一杯野飲仲要樣樣都好好味😋環境又舒服我地3個人食叫左3人份teaset每人都只係$300😍#HSBC恒生渣打卡都有9折喔

排咗好耐，再加上朋友又改期，呢餐下午茶可以講係期待已久. 足足等咗我成個月. 嚟到被安排坐窗口位置加上今日陽光唔錯。即刻有種由心度笑出嚟既感覺坐低冇耐就送上welcome drink凍桂花烏龍茶，入口一種好清甜嘅感覺（唔知係咪加咗冰糖）即刻令期待值加分Teaset終於嚟啦🤤🤤。鹹點樣樣吸引，但都要先忍手比相機食先。服務員個個都好好，放低個set已經主動問你洗唔洗幫手影相，深得港女既心🤣🤣🤣講返食，我覺得最好味既係1.鴨干多士 - 鴨干好滑好香2.虎蝦多士 - 勁大隻，好爽好新鮮3. 話梅蕃茄 - 清甜好味至於其他既，都ok架。所以上枱無耐，鹹點已極速掃清去到甜點返而無乜特別，除咗個抹茶tiramisu 外，其他對我嚟講一般，好似都係鹹點得我心多d去到Scones部份，有cream同兩種果醬。我覺得cream好味d

Boxing Day 約咗一班大學同學敘舊，通常上班一族去到放假就會病，有啲又話呢排食得好滯，唔好食得咁油膩，最後book咗Marriott lounge, 貪佢唔使食聖誕餐之餘，lunch buffet有沙律吧、noodle bar又有亞洲美食選擇。大家行咗一圈之後，大部份人都揀咗亞洲美食buffet! 今日嘅亞洲美食選擇真係唔錯，除咗有印度咖喱、又有乳鴿、炆魚唇、火雞火腿片、又有菜、炆牛肉，選擇真係多！今日嘅食物亮點係印度薄餅，就係圖中的果舊黃黃地嘅包，焗到又香又脆，不過就幾油下。食食吓又有聖誕老人來同你影相，職員仲準備左props，令到成張相更加生動。

公司請食飯，大鄉里第一次去JW食野！呢個buffet好似係主打沙律，沙律配料有成幾十種，第一次見大陣仗既沙律真係好震撼，拎個大碗選完就可以拎去俾人幫手攪勻。另外仲有好多車仔面配料。海鮮有龍蝦，蟹腳，蝦，青口，不過不失。其他熱食包括咖喱（仲有印度薄餅），蒸魚。甜品都幾多，仲有三款軟雪糕同哈根大師！因為係聖誕關係，仲有聖誕老人同大家影相，同拎住袋禮物派。雖然唔係細路但無啦啦有玩具派大家都好開心！公司枱頭宜家有一堆公仔😂個聖誕老人唔係平時見開呵呵呵個啲，感覺好灰諧，見到就好想笑。係呀，香港啲聖誕老人都有香港特式架，但我鍾意😂

今年生日，與閨密到了JW Marriott 吃Afternoon Tea慶祝。我們兩個大人+ 一個BB，酒店安排了一個4人坐的梳化位比我地，坐得好舒服，員工還拿來BB椅👍🏻非常貼心。Afternoon Tea Set 放在一個三層架上，第一& 第二層都是咸點，最低層就是甜點，另外Scones 會在中途由員工送上的。Scones有兩款（原味& 提子乾味），看到BB吃得好開心好滿足😝就知道味道不錯呢！呢個下午茶咸點甜點都做得唔錯，咸點之中我自己最愛：🍀虎蝦春卷 🍀🍀芒果龍蝦魚子醬沙律🍀拍完一大輪照片才開吃，但春卷吃起來還是脆脆的😄甜點都做得幾出色，又不會太甜，我自己比較喜歡🍀抹茶Tiramisu 🍀&粉紅色嘅🍀樱花🌸蛋糕卷🍀天鵝🦢造型的馬卡龍都係好吸睛😍整體來說，這裡環境幾好，坐得舒服又開掦，員工服務態度都好好，以呢個酒店級數來說收這個價錢其實CP值佊高的。價錢：Mon-Fri :$468 Set for Two Sat&Sun: $488 Set for Two

適逢小妹生日，家姐就帶我呢個新界牛出港島食好西。本身家姐用app book左位諗住難得我地兩個都得閒，可以一齊食個港女tea但係原來用app book位會assume左係食buffet，家姐大頭蝦冇留意，去到埋左檯，望住檯面set餐具先覺得唔對路；問一問，原來tea set要提前一日同餐廳講定，好彩今次有個好好人既姐姐幫我地問下，又好好彩廚房有多一set tea準備左係到。食物：鍾意呢一set既原因係好多鹹點！而且每一樣都質素唔低：尤其係蝦春卷同魚子醬龍蝦芒果雞尾酒......前者一上檯香噴噴熱辣辣已經好吸睛，食落口隻蝦彈牙同埋醬汁惹味真係加哂分；後者所有食材夾埋一齊十分之match，仲要龍蝦同魚子醬既份量都唔少。相比之下，甜食就比較失色。蛋糕無咩令人驚異既地方，mousse唔知係咪放得太耐，有啲入口即化水既感覺，個人覺得就一般般喇；不過隻天鵝馬卡龍就唔錯，唔計個糖漿整既頭的話，成隻唔會甜得太過份，係驚喜之一。環境：安排左我地坐靠窗，成個area都好充足既自然光，影相打卡一流。服務：除左一開始講個姐姐好熱心幫我地問廚房之外，其他人都好好！會好主動幫手揸機影相，重點係影相技術都唔錯！

今日嚟到萬豪食自助餐，喺大堂嗰隻中午嘅。之前都試過喺咖啡室嗰度食自助餐，啲嘢好高質好正，唔知大堂呢邊又點樣呢。今日就有沙律啦（又成三40樣材料任揀，再有人幫你撈)，湯麵（幾種湯底，雲吞好正，同一般肉丸累，蘑菇類等等），熟食(魚、蝦、雨水、咖喱雞牛、蝦片、豬蹄等等）都唔錯。當然仲有甜品啦，款式同樓上非常接近，例如紅絲絨蛋糕、紐約芝士蛋糕、乳酪三種味道、HaagenDazs雪糕、Apple crumble等。食到飽晒，萬豪出品，都幾正。大家可以利是，但係正價都好貴，我哋都係因為用到會員優惠先黎食。

可能因為交通關係，今天早上打電話去訂今晚的宵夜自助餐也有位，去到現場，只有3、4成客，環境清幽。白汁帶子意粉，帶子嫩滑彈牙，個汁好香奶油味。蠔油冬菇鮑魚，今天個汁傑左d。凍蝦大大隻，燒乳豬個皮十分脆，海南雞皮滑肉嫩，义燒略為乾身冇乜汁，羊架好嫩又吾騷，肉眼扒五成熟左右，蒜蓉蒸元貝大大隻又惹味，雲吞d蝦好新鮮，蘋果金寶微暖又好香玉桂味，葡撻就普普通通，豆腐花比較硬身，檸檬乳酪雪糕好醒胃，凍檸茶略為茶味不夠。埋單$840/2位，抵食，可以再去。題外話，有位男侍應 有禮親切，十分加許。

因為朋友highly recommend，所以黎左食birthday brunch! 因為我朋友揀咗加香檳，一坐低已經到倒左一大杯俾我哋，其實我一早咩都冇食過，第一樣入口嘅是就係香檳，好奢華嘅一個早上😂Buffet食物選擇唔算太多，但係每一樣野都唔Hea, 全部都好好味！!!仲有好多貴價嘢食!有魚子醬,巴拿馬火腿,龍蝦,麵包蟹,長腳蟹,鵝肝,焗蠔,焗帶子.....等等 雖然冇得食生蠔，但係所有食物質素都係超好，我哋不停來回咁攞鵝肝同埋魚子醬😂😂😂