The Lounge (香港JW萬豪酒店)

营业中

休息中

限聚令下，Sunday Brunch booking已full 到出年，好彩在8月份訂枱，今日先可以有位，餐廳客人全滿。第一時間不是取食物，而係影相先，再慢慢取食物，由11:00點可以食到14:30。好多食物非常好，但係始終有一樣食物差咗，就係义燒，以前係蜜汁义燒，半肥瘦，現在义燒全瘦。好先睇相先，

之前趁有優惠買左下午茶tea set coupon，放假就梗係要輕鬆下食返個tea。唔知係咪對個tea set抱住好大嘅期望，唔係想像中嘅味道。提早左去排隊，拎個靚位坐，一開始會有杯桂花烏龍冰茶。幾好飲，個桂花香幾岀，飲完會再想飲多杯。之後等左一段時間個tea set先至上，6樣咸點，6樣甜點，加埋鬆餅。整體黎講，咸點係比甜點岀色，鮑魚撻、蝦春卷都整得香脆鬆化，芒果龍蝦沙律同鴨肝多士嘅配搭清新，唔會話膩，我地對咸點都幾滿意。相對甜點，唔知係咪我地都唔係好食太甜嘅食品，甜點嘅賣樣又唔係太吸引，只係每件淺嚐，對柚子朱古力蛋糕同黑加侖子松露朱古力嘅感覺比較好，相對地唔係太甜。至於鬆餅，感覺係蛋糕texture比較fluffy，cakery啲同脆返啲就好啦。同埋佢唔係同個tower一齊上，仲要等5至10分鐘先另上，一齊上會比較好。Tea/coffee方面，叫左洋甘菊茶，都ok。整體黎講，個tea set中規中舉，以優惠價黎都ok。

又到吃afternoon tea 時候這裏的環境清靜，樓底高。 我們選擇了坐窗口位外面景觀開揚。到步後侍應先來一杯wellcome drink 。是次推介鮑魚撻芒果龍蝦沙律配魚子醬，鮑魚清甜爽口。虎蝦春卷酸酸甜甜好味道。另一鹹點，鵝肝醬配蜜瓜無花果多士，鵝肝醬份量不多但配上無花果味道特別。鬆餅選擇有兩款包括提子鬆餅及原味鬆餅，提子鬆餅比較甜但配上德文郡奶油，把甜味中和。甜品方面榛子慕絲和紅桑子黑朱古力，味道突出，士多啤梨慕絲和黑加倫子黑松露外型可愛。整體而言在這裏吃下午茶休閒了三小時心情放鬆是不錯的選擇。

這次是我的第12次到 The Lounge 食Tea Buffet 喇!但是這次才寫食評是由於真心想讚吓這酒店餐廳的防疫措施做得好好外，更想讚吓員工每次的禮貌態度仲有每款食物都用蓋蓋好，衞生非常好由我第一次朋友介紹，踏進這間我初初以為只得蛋糕甜品既下午茶到發現原來有很多款式選擇開始，之後如果同朋友閒聊，聚會或介紹，我都會選擇這間酒店餐廳。我知我的朋友都有介紹自己的朋友啊！這間餐廳樓底頗高，座位舒服之餘個環境好正，仲可以一邊食一邊伴有真人係閣樓彈奏鋼琴，真係讓人有種好舒暢嘅感覺係朋友聚會休閒談之選經員工禮貌地安排好座位後，夠鐘開始，榴槤控的我第一時間衝去攞榴槤班戟，還可以同姐姐講要多榴槤蓉啊如果唔中意榴槤蓉，還有花生椰絲可以選擇。有時counter 要排隊啊！這個榴槤班戟也是推動我到這餐廳的其中一個動力啊各款菜類，丸仔(牛丸，龍蝦丸，墨魚丸等等)同配菜，仲有我最愛的大蝦雲吞，隻隻雲吞入面都唔止得一隻大蝦㗎，又爽又彈牙真係淥食物首選。自己揀好想淥嘅食材交由員工淥熟，之後再憑卡号去取食物兼選湯，通常都有兩款湯選擇的這個下午茶自助餐好唔簡單，冷葷除左有刺身(螺肉，象拔蚌，三文魚等)外，仲有香

疫情緩和，食肆開大門，放寛至九點，很多人也急不及待要吃一頓飽餐。The Lounge 的自助餐，六時四十五已經屬夜宵時間，一客四百幾蚊，不乏捧場客。二人坐六人枱，坐得疏落舒適，望向灣仔北夜景是送赠的禮物。寧靜寬躺，怡人夜景，置身的環境，值回二分一價。也許是夜宵時間，食材種類不多。一個小空間，一邊供少量日本魚生之類，一邊是中式食物，有雞鴨豬蝦蟹鮑魚蜆帶子菜。中間位是切燒牛肉區、熱淥魚蛋粉麵，以及小型芝士區。簡言，食物水準佳，味蕾享受味道，環境優雅⋯⋯之不過，服務水準不及格。正在舀湯時，服務員蓋上湯蓋，或者他不為意有客在舀湯；箝蟹時，見服務員將枱面一小截空蟹角掟回落整碟蟹盤上；攞魚生時，見服務員遞上垃圾筒給另一員工後，繼續切魚生。環境食物好，但服務及衞生不是洒店水準。

因為我生日，朋友就一早約左我食餐好嘅慶祝其實weekend brunch 真心係貴，唔記得exact價錢, 但立眼睇朋友埋單時，都要$17xx人均消費都差不多$900講返野食食物選擇唔算好多，但係貴精不貴多，每樣嘢食都非常之出色，我好似食咗兩隻芝士焗龍蝦，龍蝦肉彈牙且結實，唔會過老或者係梅左，非常出色！仲有鴨肝，好香！表面有輕輕燒過，一咬落口就起個口度溶化，超香超可口魚子醬好有鹹香嘅鮮味，唔會好腥，都係好食之選至於其他界嘢食，記得係有沙律，熱食，壽司刺身，仲有一個邊爐區，可以俾你錄下菜，食物選擇唔算好多，但每一樣我食過嘅都唔錯，可以一試

上周末重遊去吃下午茶high tea set for 2, 要待下午三點二十分才可入場，食物鹹點佳，但那些mouses cake 則不好吃、太甜，太多了。我看一些其他顧客也剩下不吃。我去了十多間酒店high tea 也從來未試過浪費食物不吃！另，scone 餅差！失敗之作！上次左此食tea buffet （即上一層)質素好很多！待應生服務態度一般！不夠禮貌及專業！十分忙般但其實又不是！取了我碟又忘記給回我！香港五星酒店業培訓員工服務態度很一般！但環境舒適，5時55分便趕客！冇人和你説再見！若果你重視服務及質素！您一定失望！但若享受環境、食物也次要，那真的是休閑一去處！

女仔同閨蜜聚會當然會揀吓酒店High Tea啦酒店環境舒服，可以好放心談心呢間五星級酒店防疫措施充足，都食得放心大堂樓底極高，又有落地大玻璃，景觀開揚，梳化位舒適今次三層架下午茶極吸睛，以鏡面設計，更顯高貴大方矜貴鹹點配精緻甜品，係 6:6 黃金比例絕對係貴婦級Afternoon TeaWelcome Drink有杯桂花香芬冰茶桂花帶有清香味，飲落微甜，似蜜糖或冰糖加上一粒冰粒，冰凍感加香甜味，幾爽甜英式鬆餅Scones係Afternoon Tea必備之一，今次有原味同提子味配有兩款果醬同德文郡奶油，鬆餅影完15mins相仍略有微溫牛油味濃，入口偏結實，咬入去都鬆軟，表面似麵包輕烘嘅感覺，內裏輕輕濕潤鹹點食材超矜貴，總共有6款，唔單止有必食嘅鮑魚撻仲有芒果龍蝦沙律配魚子醬、虎蝦春卷配甜酸汁、日本桃太郎蕃茄配話梅汁鴨肝醬多配蜜瓜及無花果醬提子多士、西班牙黑毛豬火腿配鮮無花果芝士麥法包Afternoon Tea有鮑魚係幾驚喜，鮑魚撻軟腍香脆並存，撻皮似油皮鮑魚入口煙韌，鹹度適中，有鮮甜味鴨肝醬好香、好creamy，滑溜、綿密口感配搭蜜瓜粒幾清爽多士同鴨肝醬之間仲有提子片同無花果醬，幾新鮮最

之前我同男友都食過金鐘 JW Marriott coffee shop 同澳門 JW, 覺得熟食好正，今次 k look有優惠，呢間又平 d ,我地就試下喇~食物就係晒呢到，甜品係樓下以呢個價錢黎講，自己都覺得算幾多選擇！壽司部唔算多款式，魚生都係d基本款式，但壽司飯非非常咁高質！餐廳特意註明係黎自邊個產縣既日本米！本人好鐘意米飯，次次出街食野都會食飯類，無米氣個人會羅羅攣。呢到d飯粒香軟，仲充滿水份，好似食高級日本餐廳魚生井既飯底咁，非常好味！天婦羅隻蝦無咁厚身，都岩既，太厚炸唔熟，大約手指咁粗，全部係蝦肉，唔係用厚粉槳濫竽充數。汁料可以自己加蔔白蓉，薑末同天婦羅汁，真係好夾，唔係間間餐廳都會有薑末加落去，但呢個小小既材料，會提起成日食材既味！我覺得呢到既日式野做得幾好，佢唔係好多款式或者用貴價食材。佢係用d好基本既野，但配塔好細心，加埋有質素既食材，好似日式家常料理，但已經好好食！跟住就要講下呢款鮮蝦水餃！可自選雞湯，豬骨同蕃茄魚湯，即點即煮！我 encore左全部湯底，最推蕃茄魚湯！有睇過我食評都知，我點樣分辨佢係咪真材實料呢？蛋白質遇熱會凝結，如果材料新鮮，營養豐富，熱湯凍左，

香港JW萬豪酒店，位於金鐘Pacific Place的五星級酒店，來到酒店，當然要品嚐少女最愛的英式下午茶套餐 Afternoon Tea Set！⁣.⁣說到傳統的英式下午茶，當然有3層架，由上而下，鹹點到甜點，及2款英式鬆餅配上鮮奶油和果醬。⁣.⁣來重點吧😳食評，總括來說是沒有驚喜，懷有有點失望，尤其是以下：⁣.⁣英式鬆餅（原味/提子）:⁣它的賣相和口感，不能說是scone，而是muffin，口感和muffin一樣，非常黏口，想不到這竟然是五星級酒店的scone😭⁣.⁣鴨肝醬多士配蜜瓜：⁣香濃的鴨肝，配上清新的蜜瓜，有鴨肝的油脂香味，配上蜜瓜後，又不會太油膩，就是剛剛好😳⁣.⁣日本桃太郎番茄配話梅汁：⁣日本番茄🍅非常鮮甜，配上話梅汁，有一種酸酸甜甜的味道，非常開胃👅👅令你可以開始第三層的甜點🍰⁣.⁣黑加侖子松露餅:⁣這是非常創新的配搭😳黑加侖子的外型是由朱古力製成，而裡面即是竟然是黑加侖子的甜味加上淡淡的松露香味，令整個甜點的味道更有層次👀⁣⁣#第一層鹹點：⁣鮑魚撻，虎蝦春卷配酸甜汁，鴨肝醬多士配蜜瓜⁣⁣#第二層鹹點：⁣日本桃太郎番茄配話梅汁，芒果龍蝦沙律配魚子醬，西班牙黑毛豬火腿配

Afternoon tea - The Lounge 一坐底，Staff就拎左杯ice tea過離。亦有提醒，離開坐位時，需要帶口罩😷（希望快d完結疫情）(因為背光 影得比較差)Tea ☕️ 精既我，認為食物、Service 都到班。有五星酒店既水準。(Staff做野好快手）一個人食兩個scone其實都幾多，所以我決定外賣兩個scone 留番屋企食。(另一日早餐食😋）熟食係水準較甜點為佳整份下午茶☕️份量較大份今年香港既藍天白雲日子多左，今日都唔例外，望住大玻璃，特別心曠神怡。(悠閒下午☺️)過左疫情，會再番離食🥰

一早去到排隊入場，之前食過一次afternoon buffet的確係唔錯嘅。今次係第二次， 點知。。。今左1 個鐘後，有D 壽司，煙三文魚，燒賣已經無再fill，本身個food station 已經唔多野食，仲要唔fill 真係唔知咩玩法，係咪一人一碗麵就算呢另外佢D 甜品真係麻麻

下午茶tea set是沒有餐牌的，要來到才知有什麼吃，只需要說要多少人份量的。喜歡餐前的凍茶，甜甜的。還叫了Earl grey，有趣的是他給我一整罐蜜糖加進去呢🐝首先上的是鬆餅，喜歡加果醬，沒有那麼甜。整體賣相都很吸引，菲兒較喜歡咸點，滋味無窮。先由上層開始吃。炸蝦蝦肉爽脆，夠大隻，加上酸甜的汁，吃得很yummy☺️鵝肝加麵包也十分香👍🏻👍🏻第二層都是咸點，pama ham和蟹沙律都一流，不會太咸。番茄不過不失，有點過甜。甜點賣相精緻，但實在太甜了，大部分外層都是甜朱古力，裡面是慕絲。吃不完可選擇打包，不會浪費，因太甜真的很快會飽。想吃tea要提早好多book呢，座位環境舒服，咸點都十分推介，打卡當然是一流吧！

因為中意lobby靚景，特登係金鐘區几間酒店撿左Marriot~可以打電話同staff預訂白朱古力牌寫埋生日快樂🥳媽咪十分開心staff 超級nice，仲走過來同媽咪say Happy Birthday幫影相📷咸點同甜點亦都相當高質素同埋經過特別design~惟一遺憾就係個松餅有少少硬🤣But generally, definitely a good place to have a celebration and enjoy a beautiful afternoon tea!

金鐘萬豪酒店的自助午餐和晚餐我都已經食過好幾次了，一直都覺得質素非常之好，而下午茶自助餐便是我今次第一次吃，竟然沒有令我失望，甚至是喜出望外。下午茶自助餐無論是熱食或甜品款式都很多，而大部份食物都很好吃。甜品方面很精緻又不會太甜，味道很好，連平時甚少吃甜食的我今次也吃了不少。至於熱食方面，款式都算很多，令我意外的是竟然有乳鴿，而且還源源不絕地供應，另外是有肉眼扒，肉眼扒雖然是細細件，但是質素甚至比某些五星級酒店切肉檔的西冷或肉眼扒還更加好，這點是我意料之外，還有是清酒煮蜆，很大隻，最後的亮點是鮮蝦水餃，皮很薄，蝦很好，我竟然吃了四大隻。估不到下午茶自助餐竟然有這麼多東西吃，又好味，環境又舒服，服務好，實在是太滿足了！