The Hwaduk (已結業)

銅鑼灣有間商場SOXX做感謝周大特價，又點會少得我呢個小資女去血拚呢~ 呢日Call埋朋友放工後去銅鑼灣食晚飯再shopping，我朋友就係韓迷，一見到韓國菜就會好想試好想食，佢上網見到有間韓國炸雞店就心思思想食，我呢啲好朋友就緊係陪佢行到底、食到底啦~去到呢間餐廳，就立即有個韓國staff招呼我地，我地十五十六都唔知食咩好，佢就介紹我地食烤雞，我地就叫左一份蒜香烤雞，小食就叫左韓式什錦魚蛋湯，黎到食韓國野，魚糕、魚蛋都一定係必食單品!飲品方面，佢地都有唔少選擇，大多都係有酒精嘅飲料，我地都好少飲酒，於是我同朋友各叫左一款飲品，分別係檸檬冰茶同蜜桃梳打，我地兩個share飲。先講飲品，檸檬冰茶味道酸酸地，幾開胃! 蜜桃梳打入口有幾香蜜桃香味，甜甜地，幾解渴~韓式什錦魚蛋湯份量都幾大，有好多唔同嘅魚蛋製品，有魚蛋、夾住粉絲嘅特色魚蛋、魚糕等，我地都覺得好驚喜，有啲我地見都未見過，鍋中仲有雜菜，成個鍋都幾豐富! 一開始先飲一啖湯先~ 有幾濃嘅魚蛋同胡椒味道，幾惹味，飲完都唔會覺得好口渴，無乜味精! 各樣魚蛋好彈牙，魚糕黎到好大塊，staff都好好人咁同我地剪開~蒜香烤雞另有一碟酸蘿蔔可以解

餐廳環境闊落, 不論係拍拖, 同閨密談心, 仲有一大班朋友聚會都好合適.食物選擇非常多, 相信總有一款岩你心水. 有烤雞、薄餅、沙律、炸物、韓式料理、湯類、飲品. 烤雞款式都幾多, 有香辣、蒜香、辣椒、京蔥、照燒汁等. 烤雞八爪魚拼盤 $328嘩! 拼盤賣相一流! 好豐富! 夠晒兩個人食!烤雞外皮香脆! 雞肉嫩滑juicy! 食落一D都唔覺得油膩! 原來餐廳係用火山岩焗爐用300度至400度去焗, 不經油炸, 健康而且美味! 超讚!再配上韓式甜酸醬 , 蜜糖芥茉醬, 同埋他他醬. 三個醬汁去點烤雞食, 好夾, 好味道!八爪魚去了頭部原隻上! 八爪魚同樣都係烤焗, 所以唔會有油膩感, 感覺健康! 餐廳服務好好, 幫我地將八爪魚剪開一粒粒, 方便進食!八爪魚非常鮮味, 十分彈牙! 再配上秘製醬汁, 好食到不得了!薯角都係烤製, 唔係一般炸!  但薯角都同樣香脆!飯團加了麻油, 芝麻同紫菜, 味道都不錯.沙律菜新鮮爽口.啤酒1664 $68 食韓國烤雞, 配啤酒, 一流!芒果梳打 $48唔會好甜, 都唔錯.

我同呢晚約左食晚既朋友好耐無食過韓國野，呢晚決定去試一間係銅鑼灣既小店，聽朋友講呢間韓國野係由韓國人開既，不過兒家好多韓食店都由韓國人開，所以我都無抱好大期望，不過講真呢晚真心好有驚喜！我地係銅鑼灣地鐵站行過去都要行10分鍾左右，呢晚仲有小小雨，變左我地都比預定時間遲左小小，上到樓環境幾舒服，位唔算好多，環境幾適合同朋友傾計果種。餐牌選擇:餐牌圖片幾靚，餐牌上食物既選擇唔算多，主要見到既範疇都係pizza，韓雞，小食/combo同飲品，我同朋友兩個人，決定叫一份pizza，一份雞再加飲品就夠了。另外佢餐牌上有介紹唔同野食既一定食材同處理方法，我自己睇相果陣已經好餓，覺得好吸引好想食！生果薄餅 $148我個人本身係無食過咁特別既pizza，用生果黎做食材，一見到果陣都諗緊試唔試好，最後都叫左黎試，但我真係極推介呢個pizza，我可以夠膽講呢個pizza應該係我係香港食過數一數二好食既pizza，呢個pizza原意好似係想人食pizza呢d咁heavy既食物果陣可以有生果清清地。蘋果香蕉d味真係好香，好match成件事，個底有小小blueberry醬真係好正，pizza底係用黑米做，令到成

呢間韓國餐廳就喺我老公公司附近，非常就腳！平時周圍都係日本嘢多，會比較貴少少啦～而家有價錢親民啲嘅韓國菜食，真係好開心 🤪除咗唔同口味嘅烤雞，仲有啲 Combo 拼盤睇到我花多眼亂，哈哈最後揀咗蒜香烤雞，好大盤～好鍾意個 side dish 有沙律令個賣相 fresh 啲又健康仲有個酸蘿蔔都係烤雞嘅靈魂嚟 😂又係好大碟，好正烤雞味道唔錯，好入味～我坐嗰個位係望到個廚房唔係 Open Kitchen 不過係玻璃牆咁真係睇到個好大嘅烤爐 😄同埋入面好乾淨，感覺好衛生香辣海鮮湯配烏冬嘅海鮮配料都幾多Menu 張相見到嘅青口、蜆、魷魚圈同大蝦真係有出現到～實物同相係符合嘅！哈哈個湯都有啲辣㗎，烏冬吸咗啲辣味好刺激 😋佢隻烏冬幾粗身有咬口，浸耐咗湯都仲 OK老公為咗我揀玫瑰味嘅 Hoegaarden beer倒出嚟啲顏色好浪漫，而且真係好香花味🍺 我自己就揀咗桃味嘅 Soju～個杯睇落似細，其實份量都唔少飲到香甜嘅桃味同米味，mix 咗一齊好易入口啲冰融咗都唔會變到好淡 👍🏻

餐廳位於銅鑼灣高級商廈內，但裝修及價錢也算平民化，點了pizza, 拼盤及烤雞，每款也十分惹味。特別喜歡其拼烤雞的年糕，先炸過，口感外脆內軟，就是這一點小不同，效果已有天淵之別。芝士pizza的芝士味也很突出，需用大火爐才能製作出這種味道。

很古怪的水果披薩，是用黑米做的。記得以前在另一家西餐廳吃過蘋果披薩，很好吃。看到這有水果披薩（還是放在餐牌的第2頁）就點了，結果。。。我只吃了一口。芝士下是滿滿的藍莓醬，芝士的味道吃不到，只有藍莓醬的味道，所以這披薩其實是甜點？也許因為是甜點，又放了香蕉在上面。可是因為是披薩，還是得有菠蘿，那不如也放點蘋果上去吧～都是酸酸甜甜的~我猜這披薩的concept就是這樣~朋友最終是配著芥末來吃了半個。。。招牌烤雞比起水果披薩好太多了！肉是嫩的，有三個醬--芥末、辣醬，還有白色或許是乳酪，和白蘿蔔配著吃。蘸辣醬最好吃！因為這裡的員工都是韓國人，所以要說英語。然後吃烤雞用的手套不隨雞附上，要自己問他們。這也好的，如果你用那叉子和夾子就OK，手套就可以省回，比較環保。水也是問就有。結論:做人不要太貪新鮮，有些創新不是你能承受得起的

已經係第二次去食 兩次都無影相 就係因為d野食一到就九秒九清晒第一次去開平道果陣都真係有d難搵 但樓下有架車仔都好易認奇怪在兩次上去食飯都無咩人 可能我夜去掛佢個原味烤雞好好食 好juicy 有幾舊烤雞的雞皮脆脆的 encore please無骨烤雞好滑 好正 唔會好似平時d韓式烤箱雞油到死 encore please仲會配埋醃羅白 比你refresh下個口 再啪d雞落咀 有機心 好野 炸魷魚配薯角出色 個薯角外脆內軟 熱辣辣 仲一d都唔油 encore please仲有個韓式年糕 本身以為係果d平時紅色懶係野既泡菜年糕 原來是甜的 十分好味 encore please炒磨菇沙律 正 唔馬虎喎 食得出d磨菇唔係普通野 好鮮味 encore please總結 我地猴擒既食相已經嚇親所有店員 ENCORE PLEASE!

I was craving korean chicken with a few friends and often Goobne will just come to mind. We didn’t want to go through the massive wait that was always the case when going to that place, so we searched openrice and found this place instead. After coming here, I would say the taste of the chicken is just as good if not better than Goobne. Seems more authentic too. Big portions, slightly more affordable. Have more authentic korean dishes here too like the octopus noodles. No need for the long wait

食物味道尚可，無乜味精味，食完唔太口渴。我們三個人叫咗蒜香雞，水果sangria, 蕃茄芝士pizza同韓式年糕。蒜香雞幾滑，但汁未能滲入雞肉，所以雞肉無乜味。年糕的汁太多同太稠。個pizza每片只有半個車厘茄加一小條rocket leaf，不過個餅底好厚。我們坐咗1個鐘10分鐘，跟住個侍應見我們食完嘢，竟然攞張單叫我們走。我們有訂位，但是入座時帶位無講可以坐幾耐，不過通常都可以坐1.5小時。到我們被逼走時先至坐咗1小時10分鐘，但是個侍應竟然話我們可以坐1.5小時，不過照叫我們走！咁樣迫人走太過份！

之前去韓國都無食到炸雞，一直心掛掛。今次出開銅鑼灣梗係要搵埋附近有咩食啦！間野環境超舒服，夜晚如果揀坐窗邊位會好有feel今日坐入面都還可以！Dinner嘅野食系比Lunch貴20蚊，服務態度好好！第一次梗係試下招牌烤雞雞肉好嫩，下次想試下辣醬烤雞有三款醬可以點，芝士，泰式辣醬，芥末醬（應該系，黃色，食落似）三隻醬點雞都好好味。兩個人其實食一碟雞都夠，我地仲嗌左一個pizza，蕃茄芝士，芝士味都幾出，食到超飽，好滿足！

經過細看openrice眾多炸雞店的食評，由芸芸炸雞店中挑選了The Hwaduk作為我跟老公三月炸雞節的餐廳。餐廳位置略為偏僻，位於開平道一所大廈內，但卻正合剛從南華會打完羽毛球的我們。一走進餐廳，意外地人沒有很多。想不到星期六晚也有一半以上空枱，我們沒有預訂也能即時入座。我們被安排到窗邊位置，這裡是21樓又有落地玻璃，可以看著窗外風景進食很不錯啊。餐牌食物都有照片，但選擇不多。我們最終點了蒜香烤雞、蕃茄芝士薄餅和一杯原味米酒。老公點的米酒很快便送上，我只嚐了一口，很易入口。老公則覺得比較像汽水，米味不夠濃郁。再等了很長時間…約20分鐘，炸雞也終於到了﹗炸雞的醬料比想像中濕和”杰”，味道偏甜，蒜味不足。雖然跟預期有點出入，但味道是不錯的。雞肉肉質有咬口，配醬汁食很美味。另附送的白蘿蔔也不錯，老公則嫌不夠酸，如果可以多送一點就好啦﹗薄餅也在吃了幾件雞後送上，賣相很不錯，跟圖片一樣。芝士味很香濃，餅底厚薄適中，可以再烤脆一點。這份量二人食用的話會吃得很飽，但我們還是很努力吃沒有浪費食物。老公很喜歡這裡的環境，因為人不多較為清靜。這裡很適合一大伙人聚會，這樣才能試到多一點菜式。

介紹一間喺銅鑼灣lunch比較小人嘅韓式餐廳🤤🤤首先介紹下呢個烤牛肉薄餅😳 $138 😳佢嘅芝士都幾夠 切嗰陣可以拉到絲 對於我呢啲芝士控黎講真係好正🌝🌝不過略嫌佢個底薄左少少 自己都係鍾意食厚批個口感正啲🤣🤣🤣 啲牛肉同調味都啱啱好唔會太鹹或者太淡 overall黎講個pizza值得一試🤙🏻🤙🏻然後到個炸魷魚配薯角🥔🥔 $178炸魷魚係幾好食嘅🌝不過炸得燶咗小小 而薯角我就覺得冇咩特別 但佢嘅比例薯角係多好多 所以呢個就唔太抵食啦😖😖到最後個招牌烤雞🐥🐥🐥$188呢個烤雞就真係有啲失望啦！本身見佢係招牌以為好好食但係佢啲雞肉實在太老啦 食落口好嚡🤦🏻‍♀️🤦🏻‍♀️ 而且本身佢啲雞肉冇乜雞味 得個皮烤得香 要靠個醬先令到雞肉無咁dry 呢個真心唔建議食 平時食開啲烤雞會有汁滴出嚟 但呢間烤雞既肉真係好嚡同唔夠味😖但整體計埋其他嘢食同個環境都可以黎試吓嘅🌝🌝🌝

失望 晚餐！早前黎過三次 覺得比其他韓國餐廳好，所以朋友生日專登再黎！我地18:30 到 第一檯落單 招牌燒雞 一點即到！又乾又硬一食就覺得似午餐賣剩貨.....好失望！豬手雖然夠熱，但未夠淋身！無之前咁好食

同男朋友係銅鑼灣搵韓國野食5點左右上到去，原來佢有落場，但老闆都好好，請左我地係去坐底先我地都唔好意思，等佢地食完飯先點野食環境泥講比起尖沙咀韓國街實在舒服好多，每張枱中間都有足夠空間，唔會為求坐多幾個而痴住晒d枱空間感的確加好多分員工都好好態度，比起係明洞ge餐廳好好多叫左一份炸八爪魚配薯條，烤雞pizza，海鮮鍋烏冬炸八爪魚大大份，炸到岩岩好，熟晒又唔會太硬鬚鬚都唔會硬，食晒！烤雞pizza好多cheese好香男朋友鍾意餅底夠煙韌，但我偏好餅底燶d同脆d，不過都好好食海鮮鍋烏冬份量都好夠，有蝦青口同蜆係入面，烏冬彈牙，一定唔係噹*或壽**清晒成碗，不過湯底有少少咸，如果食得辣可以考慮叫辣湯

2018.01.24【 1.24 真‧原‧味韓烤雞@The Hwaduk】 保險公司工作時間不定，叙舊最好近佢公司 舊公司同事愛食雞，而非愛食炸雞 苦心選中烤雞一家 食得招積，坐得舒適 舊同事極需要中間果支 XD  來一支紅酒? 非也，係無酒精嘅SANGRIA全果汁 唔信?不妨試吓一試愛上 烤雞八爪魚拼盤 好豐富 有《鬼怪》Sunny醃嘅白蘿蔔 酸甜酸甜好開胃 呢個拼盤配有沙律 蔬菜同肉食得到平衡 薯角擔當碳水化合物 熱辣辣，夠新鮮 所謂君子遠庖廚 大大八爪魚已去頭 留下粗粗的腿 適合斯文人食用 雞鎚、雞翼連半身各2件 2人齊齊分，唔怕分唔勻 有專人剪八爪魚 方便進食，好細心 影好全家福，就要開餐嚕 5款醬汁供烤雞、八爪魚同薯角配食 舊同事欣賞5醬 但我個人認為食材選料好 唔點醬食，都好滿足 因為可以食到真‧原‧味 整體 味道：♥♥♥♥♡ 環境：♥♥♥♥♡ 服務：♥♥♥♥♡ 衛生：♥♥♥♥♡ 抵食：♥♥♥♥♡ ♡ The Hwaduk ♡ ♡ 銅鑼灣開平道1號Cubus 21樓 ♡