The Hwaduk (已結業)

好姊妹知我一向喜歡食韓國菜, 特意搵左一間韓國菜餐廳同我食餐生日飯。雖然地點唔太近地鐵站, 餐廳更是樓上舖, 如果唔係朋友帶路, 自己都唔會知道有呢間餐廳。呢間韓國餐廳既與別不同地方就係烹調手法, 一般出面既韓國餐廳都主打炸雞, 但呢度主打既反而係烤雞。烤雞以300-400度高溫烤焗, 就連醃料都以天然香料醃製, 令食客食得健康!【京蔥烤雞】HK$198因為餐廳以天然香料醃製, 所以烤焗後賣相唔會太吸引。正當沒有期望的把烤雞放入口, 反而帶來了驚喜。雖然沒有炸皮, 表面平均有燒汁包住, 皮還是很脆,但高溫烤焗後, 更沒有半點油膩,  仲食得到juicy肉汁, 肉質嫩滑, 原汁原味既烤雞再夾集京蔥一齊食, 味道更加香。我地慢慢食, 食到最後, 烤雞皮仲keep到脆, 正!【香辣海鮮湯配烏冬】HK$178落order時, 侍應提點呢款味道比較辣, 可以幫我地將個湯減辣, 岩返食客既口味。海鮮包括有海蝦、魷魚、墨魚、蜆, 同埋少量既蔬菜, 海鮮都幾爽, 但烏冬沒有煙韌口感。但整體味道辣辣地, 幾開胃。第一次飲 【Sangria】, 呢度既Sangria有分非酒精同含酒精成份, 而我地就揀左無

對於無飯家庭黎講，收工食埋飯先返歸已經係例行公事，早幾日先食完日式料理，今晚就黎個韓風之逆襲！ 香港人都有好多機會接觸韓國菜，今次呢間韓式餐廳算係新派韓食，主打係韓式烤雞，另外亦有提供pizza同埋煱物等等俾食客選擇。 今晚我地就選擇左一款烤雞同埋一款pizza。 烤雞方面，我地點左京蔥烤雞。京蔥令菜式增添左中國風味。講起京蔥，相信大家一定諗起京府菜或者上海菜既菜式，例如北京填鴨配京蔥絲或者京蔥爆牛肉，呢兩款菜式俾我既印象都係濃味，正所謂濃油赤醬。 呢款烤雞味道風格上都同京滬菜式差唔多，醬汁濃郁，京蔥香味夠，香之中帶少少辛辣，呢款烤雞不同之處在於烤雞本身油脂較少，食落唔油膩，較適合香港人既口味。我會認為京蔥烤雞會較一般京滬菜優勝。 呢一款要介紹既係烤牛肉pizza，芝士味好濃，但又唔會太過咸，經烤焗過既牛肉，肉味夠，香口，但又唔會太乾身，批底夠脆口。雖然pizza未必係一般韓式料理既主打，但喺呢到確實值得一試。 特別需要介紹一下既係呢到提供既果酒，即係葡國菜嗰啲，有分有酒精同無酒精，同埋有三款味道。我地試左紅色果酒，相信係比較傳統既一款。個人認為味道適中，不會太甜，酒味唔重，口味適合大

去到太古接完男朋友收工就去銅鑼灣搵好野食，因為男朋友想食韓國野，就上Openice 睇下有咩餐廳岩心水。睇到The Hwaduk 都幾多好評，就決定試下。地點唔算近地鐵站，我見cubus都好多餐廳選擇，但地理位置唔算出眾，唔使排隊就上到餐廳。我同男朋友坐近窗邊，出面都係望樓景😂😂，但係香港呢個彈丸之地，望樓景又覺得正常。我地簡左香辣脆雞，原隻雞上，擺得靚靚，切成一舊舊，加埋提供個夾，好方便食用。落單時，服務員好細心提我地香辣脆雞係好辣嘅，我地被嚇一嚇，驚自己食唔到就要求小辣，但對於鐘意食辣嘅朋友，唔建議小辣，因為我覺得再辣d會野味d，好食d。雞肉好嫩滑，part part 都好脆皮，甜甜地，雞肉好入味，就算唔特別點汁，都夠味道。呢隻雞算有驚喜！另外叫左個海鮮湯烏冬，湯底看似濃郁，但飲落清甜，我本人好怕海鮮湯會有腥味，呢個湯唔會腥。有不同款式嘅海鮮，蝦，青口， 蜆等等，全部都有2隻，同男朋友岩岩好share 。我地叫左white sangria non alcoholic drink，飲品算不過不失。值得一提嘅係老板好nice ，係個韓國人， 表面好似大男人，容易嬲，但傾落計，佢好nic

近期韓國熱潮太強，連炸雞店都愈開愈多，可是我因為怕辣，一直都唔敢試。今日終於可以試下韓國烤雞🙈依間hwaduk位於銅鑼灣利園附近的cubus大廈內，位置方便，行完街就過來搵食😬門口就見到好多款飲品，汽水之外點少得啤酒🍺🍺餐廳都幾闊落，唔會有擠逼既感覺餐牌有埋圖片，清晰易睇京蔥烤雞 $198揀左個比較中式既口味🙈餐廳特別之處係用意大利火山岩焗爐來烤雞，唔怪得雞肉外面香脆，肉質依然嫩滑而且雞件數量頗多，至少有十件 配菜還送上白蘿蔔，酸酸地幾開胃蕃茄芝士薄餅 $138Pizza邊係香脆款，中間軟綿，唔會太厚身芝士同蕃茄量都幾多，味道好夾加上火箭菜有中和膩口作用blueberry ice tea Peach ice tea味道幾清新，唔會太甜，食烤雞一定要配凍飲好豐富既一餐😋😋有點似酒吧既感覺 哈哈當晚2個人食，每人消費$250左右價錢尚可接受，食物、環境都幾好

The Hwaduk 位於 CUBUS 大廈內，高層坐享開揚景緻。餐廳作為韓國料理的一員，主打韓式石爐烤雞。最近餐廳更引進了一系列意式佳餚，豐富了食客的選擇。 精選短片： 還記得上回造訪，午市並沒有套餐供應，以至人均消費相對較高。今次多了套餐優惠，百多元的人均消費顯得更合理。 以 Ceviche 作頭盤，內含虎蝦、帶子及𩶘魚三款海鮮。食材在酸香檸汁的浸潤下，鮮甜本味更為突出。不要看輕海鮮面上的辣椒顆粒，筆者就是一不留神被那份剛勁的辣感成功偷襲。雞屬 The Hwaduk 的招牌美食，難得屬主菜之列，當然不容錯過。這碗 Chicken with Rice，所有雞件早已去骨，外皮做得十分酥脆，雖然食感稍稍乾了少許，整體味道仍算不俗。暖和的飯品有菜絲相伴，適量加入微辣帶甜的醬汁更富風味。飯餐甜品四選一，這件 Blueberry Tart 屬典型的西式甜品，紫藍色的藍莓滿布撻面十分吸引，撻底製作薄身鬆軟，以韓食店來説已有所交待。 Hot Lemon Tea 有别於平日的作品，檸檬味道早已融入茶底之中，酸酸的果香用以配襯濃味韓食效果不錯。 The Hwaduk 的午餐，韓意風味雙

假日帶阿媽食呢間韓國野，太掛住之前韓國既炸雞，黎呢度尋找下韓國既味道牆上仲貼左軍艦島既poster 同lunch set menu，不過今日星期日冇lunch set食，唯有下次平日再試下~餐廳廚房係半開放式，可以見到廚師烤pizza 餐廳環境都幾寬敞舒適餐牌提供好多唔同味道既烤雞，食物圖片全部望落都好吸引店員事先放好餐具，有專夾烤雞既夾，方便食用，而且仲有個筒專放食完既雞骨，幾貼心Mango squash ，有氣的芒果特飲，酸酸甜甜，夠哂凍，夏天飲一流，可以消暑解渴，而且食烤雞一定要飲凍野先夾lychee iced tea，荔枝味好出，如果茶味出d仲正，都唔錯~韓式炒年糕，味道甜甜地，年糕口感煙煙韌韌，仲有爽口蘿蔔絲同椰菜絲，增添左口感，仲有少少牛肉，成個年糕既組合幾夾，面頭仲灑上芝麻，食落更香口照燒汁烤雞，照燒汁味道濃郁，而且甜甜地，雞肉外皮好脆，𥚃面肉質都幾滑，雞肉既份量都幾多，唔錯，烤雞黎講幾正宗

韓國興起烤雞，不經油炸，不油不膩，最適合愛健康人士。今日友人介紹了銅鑼灣一間烤雞店，店內環境清靜舒適，比起平時去的韓店多了份高雅。天氣太熱，冰凍的Pink Sangria 能消暑解渴。味道清新透心涼，還有粒粒蘋果，橙，士多啤梨，新鮮有嚼口。蒜茸烤雞無得輸，皮脆肉嫩滑，絶無嚡口感覺。蒜茸汁調味恰宜，不鹹不膩。果然烤的方法不油膩，可食多幾件....嘻嘻！香辣海鮮烏冬賣相似勁辣，其實可接受程度，辣度帶來食欲，好惹味。烏冬質素不錯，有弾牙有煙韌的口感。海鮮有蝦，魷魚，還有大量蔬菜，好味。

途經銅鑼灣發現一間特色韓國餐廳， 採用火山岩烤爐烤製食品， 餐廳佈置好有韓國classic feel, 座位擺設又夠寬敞舒適 。餐前有小蘿蔔， 可以醒醒胃先。蒜蓉蔬菜烤雞 $208烤雞唔係用油炸處理，係用烤爐烤製， 皮脆肉質鬆軟又夠juicy， 事前精心醃製够入味， 伴碟沙律菜酸酸甜甜，加埋烤雞 一齊食，配搭更加美味可口。生果薄餅 $148採用黑米做嘅餅底，配搭香蕉藍莓菠蘿蘋果及芝士，放喺火山岩烤爐烤製而成，薄餅煙韌可口， 配搭多種生果變身健康美食。Mango Iced Tea $48芒果味濃郁, 好清新感覺, 配炸雞口味得宜

韓式炸雞就食得多，韓式烤雞都係第一次食星期日同朋友來個brunch小聚，希望搵個人少環境又靜的地方好好傾下計，她就推薦來這邊上次朋友來說晚上通常都滿座，下午就較為清閒，所以不用book位都有靚位坐，我們坐窗口卡位朋友推薦這邊的烤雞，說是用火山岩焗爐烤焗，不經油炸比較不油膩，剛好我身後就是她說的焗爐，光看樣子就覺得製作認真決定好要點烤雞，又到了選味道的時間.....最後我們選了香辣烤雞，店員提示真的會很辣，問我們要不要少辣我們當然說好 XD 我們是典型的愛吃辣但又不太吃得辣的人因為點了辣烤雞，所以另一道菜我們想點清淡小吃類，就選了魚蛋湯餐飲選擇有兩頁紙，一頁是帶酒精的，一頁是沒酒精的，我們點了White Sangria，這是荔枝口味的水果梳打水我們點的是2人分量，倒出來大概有4杯左右入口荔枝清香，很清新很好喝上烤雞時會細心給我們小桶子裝骨頭，還有輔助拆骨的工具主角登場，伴有清新的沙律和醃蘿蔔中和香濃的辣雞烤雞皮脆肉嫩，基本上一咬下去就骨肉分離，很容易撕開幸好我們有叫少辣，我吃第一塊時覺得還好，第二塊開始就要喝梳打水了愛吃辣的應該會很過癮接著是什錦魚蛋湯，這個和辣雞相比較普通，湯沒加味精，

成日都係銅鑼灣食晚飯，但真係好少嚟呢邊，喺利園再行入啲，有棟叫Cubus，每層都有好多食肆，仲有得做Spa ,銅鑼灣地區呢邊繫船做人流比較少，好難得！朋友鍾意食韓國炸雞，呢間餐廳主打韓國烤雞，冇咁熱氣，唔知又好唔好食呢？Book咗七點半，嚟到個場都算full，但冇人排隊，啱晒我呢啲好怕等嘅人，燈光有啲暗，見隔離枱好多都係gathering黎食晚餐，不過唔算好嘈，睇個Menu， 梗係要叫番碟雞，大約二百蚊碟，叫咗兩款唔同嘅烤雞，蒜香烤雞同香辣烤雞，嗌埋蘑菇pizza，同一jar white soju(?)，white係荔枝味☺️一jar四人份，啱啱好每人有半杯，點知呢飲飲下，發覺佢哋比錯左，因為我哋係嗌有酒嘅，但係佢哋就比咗個冇酒精嘅版本，最後有個似老闆娘嘅韓國人，幫我地加返，冇酒杯野真係太甜太甜入唔到口，加完咗酒之後就啱啱好，幾好飲但係又唔算好嗆，荔枝味好清新停唔到口不過可惜，每人都係得少少。蒜香烤雞， 唔算好重蒜味，講真覺得有啲似茶餐廳嗰啲獻汁，食落覺得係我真心覺得普通，因為個皮烤得唔夠脆口，一黎到我就食已經有啲淋淋地，雞肉又唔夠嫩，有啲失望。香辣烤雞，呢碟皮烤得脆過頭先個碟，幾香口，

烤雞熱潮隨著某連鎖韓式烤雞品牌進駐香港後掀起。炸雞固然美味、烤雞卻更加健康、多吃也不用擔心。Hwaduk 提供多款烤雞、包括蒜香、辣味、甚至水果烤雞。我們試了招牌烤雞 $188，塗上蜜糖的表面焦脆、雞肉嫩滑、惹味得來又有少許甜，美味另外點的韓式什錦魚蛋湯 $178，鐵鍋熱騰騰的送上，裡面有各款魚蛋、魚片、雞蛋、蔬菜等、清清地、適合吃完烤雞後喝👍🏻由於友人不好酒、我們點了無酒精的White Sangria. 其實這是荔枝汁、加入多種水果、包括士多啤梨、蘋果、奇異果等、顏色好靚而又健康，一ja已夠兩個人喝。

今日同朋友喺銅鑼灣睇完戲已經7點半，開始見餓啦......而朋友知我中意食烤雞，所以就帶左我上黎，佢話呢間既烤雞好正，佢已經食過幾次上到去見到都差唔多滿座，好彩呢度既間隔擺位都好闊落，所以一啲都唔焗促原來呢度烤雞嘅烤爐唔係一般既焗爐，係用上意大利火山岩，令我好期待呀烤雞有好多款，聽完店員細心既介紹之後，我就揀左“ Chicken With Rice Cake”HKd$208+10%；而朋友就再點多個“Octopus Fry”HKd$198+10%飲品方面，我地兩個都揀左non-alcohol既“Sangria”，我揀左“White(S)”HKd$98+10%；而朋友就揀左“Pink(S)”HKd$98+10%我杯White就係荔枝味，味道清甜解渴，入面既水果新鮮，好好飲呀而朋友既Pink係西柚味，對相無咁甜，都好飲呀先黎係朋友所點既 炸八爪魚配薯角，兩款食物都炸到熱辣辣，仲用鐵板上可以保持食物既溫度店員仲會好細心咁幫我地將大大份既八爪魚煎開一粒粒，方便我地食雖然八爪魚同薯角都係炸物，但食落一啲都唔油膩，而且八爪魚爽口得嚟又唔韌，正呀跟住我好期待嘅年糕烤雞都送到上嚟啦一碟有齊成隻雞同年

在韓國已有30間的人氣餐廳 The Hwaduk 已來港一段時間，經常聽到朋友大讚好吃但我一直也沒機會試。今晩星期日和寶寶去銅鑼灣時就想去吃烤雞了。The Hwaduk 特别的地方是它們由意大利購入以火山岩製成的烤爐，是全港首間使用此爐的韓國餐廳。因廚房是用透明玻璃，所以能看見大廚使用用特製的高溫烤爐、明火將雞肉烤熟，少油得來比油炸更健康，適合我這裡怕油炸的女生。吃烤雞一定要喝飲料，啤酒已喝得悶了，所以我點了Sangria pink ($108)。Small size 原來已經很大杯呢，大約分到三杯左右。Pink 是香檳，還有士多啤梨，奇異味，蘋果和橙等水果，材料也相當足料。很夠氣很解渴。寶寶點了 Sangria red ($98)，顧名思義就是紅酒。酒味比我的更濃烈，但加了汽水容易入口，生果也像我的一樣那麼多。推介！蒜香烤雞 ($198) 相當高質，共有十件。雞肉嫩滑，連雞胸件也像在吃雞腿似的。雞件還很鮮甜，點上蒜蓉汁十分惹味。店員也有手套提供，讓食客吃得開心。我們還點了蕃茄芝士火箭菜 Pizza ($138)。原來 Pizza 餅底是從韓國入口，搓得薄薄的做到餅邊焦脆，中間煙韌。配

今晚友人揀左食韓國菜，我咩都冇理就SAY左YES！點知佢話帶我去食雞心諗..大獲，食炸雞仲病多幾錢重..好彩入到餐廳坐低左見到MENU先知係烤雞，而唔係炸雞，咁就可以放心大吃!我地揀左   烤雞年糕（$208）烤雞有好多肉汁，韓式年糕反而炸過，仲有個汁甜甜辣同烤雞好夾。份量應該都有成隻雞，烤雞冇炸雞咁肥，但都做到外皮脆而雞肉嫩，仲要唔乾有肉汁！~仲有伴雞的酸蘿蔔仲叫左個 蕃茄芝士PIZZA，好大份！個餅底薄，又脆，又足料！仲叫左杯冇酒精既PINK SANGRIA2個人食左五百蚊，都算不錯！

一早喺openrice訂左位，星期六下午2點去到不用等亦唔check我有冇訂位已經可以入座。基本上假期呢個時間唔訂都得，可能位置對某些人來說唔太就腳。兩個人點了磨菇pizza同蒜香蔬菜烤雞。唔知係咪呢間餐廳有一個大烤爐關係，個pizza相當香口又好味，冇肉pizza一向唔會係我首選，但試完呢款pizza都可以再試。烤雞唔知係咪本身肉質問題，無咩味，如果再幫襯，我個人唔太建議呢款，浸喺蔬菜汁裡面既雞唔太好味，食唔出烤出黎雞既香味。服務方面可能冇咩客人，服務員都好清閒行來行去，態度都ok。