The Farmhouse 咖啡廳 (裝修中)

成日係facebook見到佢新開張，所以就試下啦。我試左佢地既午餐semi-buffet，食物味道唔錯，不過種類太少。環境幾好，個海景幾靚，但越坐越凍，冷氣太大風。另外紅白酒要另叫，所以冇飲到。waitress同 waiter既服務態度好好，好nice.特別有個waitress好似叫paula，好細心，佢主動幫我媽媽打折(原來65歲以上半價)，而且仲好有笑容。不過我見到佢地好忙，好似唔夠人手。而上菜時間比較耐，不過值得既。佢哋有個電糕機好得意，所以特別影左張相，好高級咁。總括尼講，值得一試既

睇左網上媒體介紹，話北角有新酒店自助餐開，我又呢頭返工點會唔試下呢未食已經先要比個讚，間餐廳佈置好靚格局開揚，服務員人手充足，熟食區令我感覺，好似好多人服侍我咁麵有好多選擇同配菜，都係即刻照你要求照單執藥，遇著選擇困難症的我，仲有意見比我點配搭令人驚喜嘅係有港式咖哩魚蛋、豬皮，彈牙可口，仲有串燒都好好味沙律不過不失，菜感覺幾新鮮爽口不得不提係呢個靚靚雪糕機，一蓋好就會轉轉轉，好得意仲可以比我打孖上食完movenpick再食haagen dazs試新酒店，享受靚環境同朋友享受一餐，快樂滿足

說好的長腳蟹，三點蟹，燒蠔 ，movenpick 都冇， 換左雀巢雪糕，魚同菜都冇，蒸籠相片放了好多款蒸品，但去到只有小龍包和糯米飯，pancake 整了5次都冇一次成功😓只會說吾好意思！再整過...吾明點收598 位

住酒店，每人最緊張的地方都唔同，有人最重視裝修是否豪華，房間是否夠大，設施是否多等。這些地方我當然也重視，但講到最重視的一定就是食方面啦﹗住得酒店，就算夜晚出去周圍搵食，早餐訓醒未清醒得哂點都要攸閒食個好嘅早餐提下神一入到大廳，感覺就即刻精一精神，成個環境感覺好光猛，佈置時尚而不落俗套，真係設計得好好，食慾都大為提昇。飲品選擇也很多，還發現櫥窗有包括益力多的一系列健康飲品，正合我意﹗熟食的區域也佈置得相當有氣派，而且有許多廚師在旁侍候，而且有關食品的問題都會好友善解答，仲好TALK得，額外享受火腿口感恰到好處，唔太硬，但又鹹得幾好味，當然薯餅控的我要怒拎返多D薯餅，終於唔駛食M記咁一個早餐得一塊地要慳住食，可以痛快任拎，而且比快餐店嘅顯然更香脆，也沒有那麼油，多吃幾件感覺也沒有那麼罪過細心嘅讀者可能留意到右邊有粒蘿蔔糕，無錯呢度係有中式點心食架令人驚喜嘅中式點心，包括春卷蝦餃等等，飲茶食得多，但高質嘅點心絕對百吃不厭又一中式經典，豉油王炒麵，可以注意到炒得麵條軟硬有緻，麵條每條都分明有光澤，但又不會有覺得油油的感覺可見是高手之作一日之計在於晨，食完個早餐今日出去玩都份外有POWER!

今晚初試屋企附近新酒店自助晚餐，本區來說算比較唔錯，比East Hotel 食物方面多選擇。作為intercon IC card member, disc 後價差不多，唔想過九龍會揀佢，價錢同食物差不多，IC甜品稍勝，要贊日式刺身，食吞拿海膽都扺返，食几轉廚師仍好熱誠冇壓避感。即做鮮果French crepe美味，如果有士多啤梨更好。環境比intercon好，唔迫。龍蝦海鮮同Intercon差不多。鮮搾果汁朋友喜歡常溫，如果有兩Jar冰凍在旁我揀冷凍，如甜品再多d會encore,見小朋友食得好開心。滿意

今日去左北角新開既酒店度試buffet⋯ farmhouse. 首先裝修夠靚⋯ 落地玻璃對著全海景⋯ 不過有條東廊遮左少少⋯ 但感覺都幾舒服⋯ 有埋outdoor, 不過未開。食物選擇算豐富⋯ 今日係outdoor有原隻燒豬，幾有趣。甜品位有驚喜，雪糕櫃仲識轉，有唔同牌子雪糕，連本地創作都有。員工睇得出係唔夠人⋯ 但服務態度好⋯ 特別要多謝paula⋯ 好helpful⋯ super star。整體感覺滿意⋯ 美中不足係地點⋯ 北角⋯⋯⋯⋯

High tea High得多，不如試下新地方，知道北角開左間新酒店，就同好姐妹過左黎試下啦呢度份量係$328 for兩個人，估唔到比我地想像中份量仲多，又靚又多，放得好特別，係用個透明禮盒裝架盒面一層, 盒內又一層，既可以透視底層的甜品相輝映，又可以為下層未食的甜品保暖，真係好細心有部份較易散開的甜品用了膠袋包好，又有部份是用了小器皿再裝器，既有心思，影相出黎又勁靚款式太多唔逐一打啦，主要就打D我最鐘意嘅啦京都和牛三文治，和牛真係唔同，好軟滑可口，同鬆軟的三文治包面夾埋都無違和感鮮雜果撻，好多人以為生果撻好common好多甜品店都有，但又有幾多間有整得咁高質？生果都鮮甜多汁，顯然相當新鮮松露朱古力蛋糕，我一向愛食黑松露，呢個松露都份量十足，朱古力又唔會太甜，恰到好處。不過我個姐妹就對黑松露興趣麻麻，結果我好好心咁當然幫佢食埋佢啦~值得一提嘅係仲有個維港景色，這日天氣仲好好，食得格外舒暢。

本人在8月1日光顧此新飯店餐廳，但換來一肚火， 忠告永不光顧此劣店。本人晚上7時入餐廳，職員很快便問我們有否長者或小朋友有折， 我便查詢還有什麼優惠，職員指 “沒有”, 之後就很快離開, 相反，但结帳時職員指Facebook 有 'like " hotel VIC便有15% off，我也不知他們正干什麼。原來這餐廳熱食和冷食是分開兩個區，若沒有人說給你知你是，只會看得一邊，因為餐廳的格局以u型設計。 我們要看其他客人從哪裏拿食物才知道，原來坐了一小時也不知道， 原來有第二個食區，職員是完全沒有提示客人。當我前往男洗手間有兩個洗手盆不能出水，廁所也沒有感應出水。 兩部咖啡機也不能按出咖啡的， 那麼我便只好喝茶， 但是 茶包也只有數個供客人使用，十分 孤寒。雪糕拿了多個也是溶的，去未開封的movenpick也看到內有水點，己開始溶化，雪糕也变成軟雪糕，衛生情況相比便利店更劣！！ 燒肉的肉很乾，如像皮擦。魷魚不知是什麼味，只知軟骨是没有除去。葡萄是己有变坏的質素。 雪條我也想拿盒装雪條，但是 酒店非常 極度寒酸，我要到九時才有得取，因為我經過三次也是空空如也的。當晚有一批毛孩整晚 不停大

之前喺北角區想搵間比較得體、見客嘅餐廳都幾困難，呢期成日睇到 Facebook 不同介紹，知道呢間海匯酒店開咗，適逢今日要見客，即管過嚟試吓個 semi-buffet。入到去發現個場、連埋室外都幾大，仲可以望到海景。可能酒店太新，所以人流唔算好多，正呀....唔駛同人爭嘢食。HK$288+10% 包 appetizers 同甜品，appetizers 款式都幾多，除咗有 salad 仲有 cold cut 同魚生壽司，湯都有兩款可以揀、支裝汽水、咖啡、茶任飲；甜品除咗生果、mousse cake、mini cake 之外，最吸引力莫過於大過洗衣機嘅雪糕柜，驟眼睇、淨係 Movenpick 都起碼三、四款任揀。加多$50 仲可以食埋 main course、五款揀一，聽 waiter 講餐牌會日日唔同款。食物、環境、服務樣樣都唔錯，交通又方便...地鐵、巴士、船統統都到，下次見客一定會再嚟呢度。

屋企附近開了一家新酒店，上星期日便和老公去試了試那裏的自助餐。老公是做室内設計相關的工作，他一進餐廳就說好喜歡好喜歡這裡的設計。的而且確，走進餐廳就覺得很有空間感，整個地方的裝飾都能互相呼應，風格非常統一，加上餐廳有海景，感覺更舒適、更開揚。結果那一餐我和老公依度睇吓，果度摸吓，吃飯都吃得不專心，但印象中冷熱盤都ok，下次有機會應該會再來。吃完後，老公忍不住去問是誰的設計，一問之下才發現那是某著名設計師的大作，難怪會這麽出色！

新開酒店餐廳 ，同家人去食晚餐自助餐，環境裝修一流，好靚，座位舒適，餐檯面空間闊，食物質素高， 刺身種類比其他酒店多及質量比較好，凍海鮮品質很好有鮮味， 鮮榨果汁，支裝汽水，咖啡茶任飲，不用另外收費😃。家人都食得很開心滿意，小朋友平時食好少嘢今次都食好多。我個人重質多於量。有間隔房，包場都係一個好選擇嘅地方。下次搞生日派對都考慮選擇 呢間餐廳 。酒店頂樓還有間 restaurant and bar "Cruise" 下次有機會去試下。頂樓餐廳對住個海無建築物阻擋，正！👍

之前Hotel VIC Facebook見到佢開幕做網上推廣住宿8折優惠趁暑假就book咗同屋企人住一晚，同埋試下佢嘅自助餐~(依家like facebook有85折~)去酒店幾方便，北角地鐵站一出再過條馬路就到達新酒店有幾間餐廳，一間在酒店的最高層叫Cruise，有室內有室外本身一心黎到想試呢間rooftop餐廳室內有落地玻璃配高級晚餐加送無敵大海景食晚餐絕對係一流環境氣氛都好chill好浪漫 個海景仲要好靚 加埋杯酒就perfect情侶食飯/生日/周年紀念都好適合可惜坐位唔太多….我呢晚同佢無緣T^T仲傻更更咁打算walk-in就有得食…….所以記住記住記住要book啊！最終我地轉戰The Farmhouse！呢間設計如其名，裝潢都是以農舍小屋為概念，牆上都有掛住一啲農作工具作裝飾。有個貼心設計每個窗旁坐位都有一個USB插比你叉電The Farmhouse的自助晚餐食物有好多選擇不過你坐低之後第一步唔係要攞海鮮而係一杯真正100% 無添加的即叫即榨新鮮果汁﹗當日有一條小人龍就係排果汁旁邊放左一大個盆冰同水果，上面有好多選擇蘋果、橙、西瓜、甘荀等等負責榨汁機的姐姐就幫你即切即榨第一次

五星級酒店新開張，環境處處可見設計師心思，仲有好多工作枱，方便商業客人工作。嘩個無敵夜景襯托之下，未食已經暈得一陣陣呀。再入到這間FARMHOUSE，佈置整齊亮麗，款式多，單是這個冷盤區已讓人目眩。魚生、刺身、龍蝦、蜆等都讓人食指大動，encore再encore。不過今次主要要讚的是這個即叫即整的師傅車仔麵 (唔知佢正式係未呢個名)有好多麵條以及配菜配搭，聞到已經覺得香噴噴。麵條我選了Egg Noodle，幾有蛋香配菜的牛丸都彈牙可口作為一間中西合璧的酒店，有車仔麵當然仲有意粉，又係有勁多配料揀架。咁好味，真係食麵都可以食到飽呀

以為新酒店 剛開張，質素應該唔差，見到好多post 都推介龍蝦，刺身同鵝肝，一心想食呢幾樣野，點知....😤😢😪龍䠍好淡味，唔之自己食緊咩，其實全部海鮮都無咩味，仲要fill得好慢，同好少，每次好像只fill 2只即 開邊4件，蟹就得幾個大殼長期放系度...見到都唔想食刺身海膽ok ，但每次做4-6件，做得好慢，好像怕比人知有海膽敢，🤭好像限量敢，食到中途已經唔見有啦！吞那魚系星期六晚即埸湯既，食左2塊，無出事，ok 既!但蝦，帶子都苦苦地，無咩味，油甘魚都系腥腥地，可能唔新鮮，所以無鮮甜味..鵝肝又無，勁失望😤明明之前打電話去問時講鵝肝和烤蠔每晚都有呢兩樣，呃人！去到又話無鵝肝，只有烤蠔👿基本上所有熟食都唔好食😨雞無雞味，燒肉皮不脆，燒鵝肉乾&老，皮又林！中式螺頭湯不過不失，不系好味果只！總結90%食物都出事，連生果都唔好食，味道怪怪地😫食物選擇少，感覺又一次比媒體廣告呃左！勁失望想去食既人千萬不要有任何期望😂

前排去了這裡吃自助早餐，整個環境非常舒服，而且食物質素也挺好。比較特別的是有即叫即搾的果汁，又甜又新鮮！此外，你可以望著職員如何搾果汁，順便可以偷師學藝，感覺也挺有趣。除了果汁，有燒賣等中式點心也是這酒店的賣點。