The Cottage (已結業)

早就看到朋友們在微信朋友圈分享這家餐廳貪圖美美的環境也必須前往一試很容易找的一家店門口很多車位可以隨便停車餐廳面積很大，室內戶外大概四五千呎周圍都是綠植點綴有種身處大自然的錯覺，清新愜意店內主供日本菜和西餐還可以帶寵物入內店員們服務很好頭盤我們點了一份帶子沙律（裡面有海藻、雜蔬、橘子🍊），帶子鮮甜、橘子酸甜、海藻爽口、雜蔬新鮮，一起吃的口感層次豐富且開胃😍😋還有一份「鹽燒白鱔」，想不到白鱔也可以燒得這麼香脆可口😍😋👍茶漬飯好特別，用煎茶倒入鍋巴圓球飯糰上，一調羹吃下去，脆脆的口感混拌煎茶的香味，太好吃了😋「甘鯛立麟燒」連魚鱗都是香脆的、魚肉卻是嫩滑的，太好吃了😋80安士的M9和牛肉眼，熟度和分享剛好適合我們，完美👍😋

元朗有個地方叫天空之城好多餐廳環境又舒服亦好岩我地有養狗人士去個到揾食, 今日黎到呢個好chill既The Cottage, 主打西日fusion菜式👍🏾我地一早book左位而且講明有狗狗, 所以到步後店員已經一早準備左尿墊放左係椅子上, 相當貼心, 店內有一半至上空間為Outdoor, 但完全唔會覺得熱, 仲有少少涼涼地, 好有海風feel, 因為佢地有多部風扇係天花, 所以坐室外完全冇有怕😁店員一開始已經仔細推介菜式, 及後亦有禮物咁同我狗狗玩仲比健康既零食佢地, 令人感覺更加舒服, 因為的確香港pet friendly既地方真係好少🥲 講返食先, 我地就叫左以下既食物😃1/ 帶子沙律🥗 $68新鮮既帶子咬落好嫩口, 亦因配上泰式酸辣汁, 食落好開胃, 係個唔錯既Starter!2/ 螢光魷魚漬🦑 $68有成8條魷魚漬BB, 方便食用而且鮮味十足, 等唔同菜式時食岩哂!3/ 海膽蟹肉甲羅燒🦀 $98呢個係我最中意既菜式!! 一舨既甲羅燒都只係得蟹肉同蟹膏, 而佢地既甲羅燒有大大條海膽同魚子, 整體食落濃而鮮味, 下次黎要一人叫一個先夠😋4/ 脆燒鹹豬手🐗 $328外皮超!級!脆!!

💖 The Cottage (元朗)✨元朗錦田高埔村109號天空之城地下〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️天空之城真係好近我男朋友屋企，我成日都覺得呢個地方係美食天堂，呢度好多餐廳都係動物友善餐廳嚟㗎，岩哂我地帶狗狗黎🐕‍🦺呢一間餐廳室內同室外都有位置，想Chill下可以坐室外🏞️-螢光魷魚漬🦑 $68糾結緊到底要叫即魷魚定係魷魚漬嘅時候，職員就推介我哋可以試吓魷魚漬💁🏻‍♀️，全部都係螢光魷魚BB，好入味，好軟糯，好好味😝-清酒煮花甲🍶 $88終於食到啱口味嘅清酒煮花甲！平時我食開嘅Ching酒味都比較重，有陣時都覺得有少少難入口🤦🏻‍♀️但係今次呢個好OK‼️花甲冇沙，又入味🥰-海膽蟹肉甲羅燒🦀 $98有睇開我啲post嘅朋友們應該都知道我一定一定會叫甲羅燒🧏🏻‍♀️蟹對於我嚟講係無法抗拒🙈，今次仲要加埋海膽😍真係鮮上加鮮。我幾欣賞佢哋用咗牛油🧈增加咗一份不一樣嘅鹹香味。而且蟹肉同海膽嘅份量都好多😋上面仲有一堆三文魚籽添。-醬油燒帶子🐚 $58我自己好鍾意食格羅燒，我男朋友就鍾意食帶子😆為咗唔好出現爭食嘅情況我哋通常都會叫每樣叫一份各有各食🤩佢嘅評價就係覺得呢個帶子嘅醬油味調細得剛剛好

位於天空之城嘅The Cottage，主打日式同埋西式嘅料理！店舖環境一流，有室內外座位，佈置都成個花園咁，真係好吸引！香甜紫薯奶昔 $65甜度啱啱好，名符其實嘅香甜幼滑，出色之作！花香伯爵茶 $42清爽中帶茶香同埋少少花香，同餐廳嘅環境勁夾！吞拿魚蓉牛油果沙律 $108層層疊嘅沙律有鮮果、車厘茄、蔬菜、牛油果、吞拿魚蓉等，賣相精美，配凱撒沙律汁，特別滋味！海膽蟹肉甲羅燒 $98濃鮮美味嘅甲羅燒，加入勁大瓣嘅海膽，同埋咸鮮嘅三文魚子，鮮度大幅提升！甘鯛立鱗燒 $88魚鱗炸至企身嘅立鱗燒，係經典嘅日式燒物料理！魚鱗香酥，魚肉結車甜美，good！汁燒黑豚肉 $38醬汁香濃，有少少木魚絲增添香氣同埋風味！蟹籽滑蛋鰻魚炒飯 $128炒飯夠乾身，食喺上嚟會香口啲！鰻魚粒、滑蛋、仲有濃甜嘅日式醬汁，味道豐富！蝦汁帶子蟹肉意粉 $158刺身級嘅帶子肥大肉厚，煎至半熟，份外甜美！蝦汁蟹肉意粉鮮香可口！

今日同住天空之城附近嘅朋友食飯，決定去試天空之城新開無耐嘅日式西式fusion 餐廳!我地好肚餓，所以叫左好多野食:- 吞拿魚蓉牛油果沙律 $108- 甘鯛立鱗燒 $88- 海膽蟹肉甲羅燒 $98- 酒煮花膠 $98- 汁燒黑豚肉 $38- 脆燒咸豬手 $328呢間餐廳嘅食物質素好好店員服務態度都好好裝修都好靚有打卡位食物黎講都真係帶到驚喜比我尤其係個甘鯛立鱗燒皮脆魚肉鮮甜多汁好似話係炸左個魚鱗先再燒個魚先做到嘅效果然後就係個海膽蟹肉甲羅燒個海膽好鮮甜 有好多蟹膏蟹肉好滿足沙律都好新鮮有多款生果咸豬手都唔錯皮脆肉嫩 焗得幾好！至於個花膠同黑豚肉味道不錯但我個人覺得比較難咬不過我朋友就覺得ok整體而言，呢間餐廳真係唔錯可以encore!!

今日假日，黎到天空之城覓食，聽朋友講新開左間日式及西式餐廳，所以決定去之前就book定位。去到天空之城，個門口都幾易搵，同幾靚行到入去見到個好靚嘅打卡位！同餐廳嘅裝修都幾靚呢度嘅店員非常有禮，服務好好，會介紹餐廳招牌食物比食客以下係ordered food:吞拿魚蓉牛油果沙律 $108 呢個沙律我都幾推薦，真係唔錯，除左擺盤擺得好靚之除，沙律菜，蕃茄仔，牛油果，吞拿魚蓉都好新鮮，入面仲有梨同柑桔仔，好fresh，好好食！甘鯛立鱗燒 $88 呢個超級推薦！必食！真係有驚喜！佢個魚鱗係去炸左先，所以好酥脆，然後再將個甘鯛魚拎去燒，一咬落去首先品嘗到佢魚鱗嘅脆，再食到好juicy嘅魚肉。第一次食到咁好食嘅燒魚！好新鮮！海膽蟹肉甲羅燒 $98呢個都超推薦！物有所值！有好大片海膽肉喺上面之餘，仲有好多蟹肉同蟹膏，真係超級好食！酒煮花膠 $98 呢個酒煮花膠個味好特別，好似都食到少少酒味，幾好食！同份量都唔少，物有所值！推薦！汁燒黑豚肉 $38 呢個黑豚肉嘅汁幾好食，如果有埋杯啤酒一齊食會好夾蟹籽滑蛋鰻魚炒飯 $128 呢個炒飯都幾好食幾足料，有好多鰻魚粒喺炒飯內面，好滿足！脆燒咸豬手 $328

這間餐廳是我偶爾在網上討論區發現的沒想到地方偏僻竟然還有那麼多人光顧裝修風格偏田園風 門口有打卡位置〰︎✍🏻💭真心不騙的食評✎海膽蟹肉甲羅燒 $98海膽的鮮味和蟹肉的甜味相得益彰燒後的甲羅質地香脆 增添了口感層次值得一試推薦指數:♡♡♡♡♡♡♡♡♡♡✎醬油燒帶子 $58帶子的鮮美口感和醬油的醇香完美融合肉質鮮嫩 入口即化 讓人一試難忘推薦指數:♡♡♡♡♡♡♡♡♡♡✎清酒煮花甲 $88清酒的香氣和花甲的鮮味十足不過花甲肉比較細推薦指數:♡♡♡♡♡♡♡♡♡♡✎螢光魷魚漬 $68獨特的口感和味道是一道非常有特色的菜式魷魚的軟嫩質地和漬製的醋味非常協調推薦指數:♡♡♡♡♡♡♡♡♡♡✎龍蝦湯什菜 $88湯汁濃郁湯裡添加了多種蔬菜增添了營養和口感層次推薦指數:♡♡♡♡♡♡♡♡♡♡✎蝦汁帶子蟹肉意粉 $158濃郁的蝦味和鮮甜的帶子融合在一起讓味蕾感受到豐富的層次帶子和蟹肉口感鮮嫩 與意粉完美融合蝦汁的香氣和味道充滿整道菜 讓人食指大動推薦指數:♡♡♡♡♡♡♡♡♡♡✎是日甜品 $68紅絲絨蛋糕體質地綿密 口感十分柔軟奶油的甜味和蛋糕的淡雅完美平衡 讓人愛不釋手推薦指數:♡♡♡♡♡♡♡♡♡♡✎接骨木花梳打

><餐廳喺天空之城當眼位置環境舒適雅致 提供西日菜式而且仲係pet-friendly 可以帶埋主子一齊嚟甫坐下店員送上味噌木魚蒜頭漬香甜開胃 忍唔住一啖接一啖青醬芝士燒大啡菇(38)燒大啡菇必嗌 厚實爽腍滿滿半溶焦香芝士 帶點香料味享受菇汁如泉湧般在口中迸發塩燒白鱔(88)魚皮烤至脆卜卜 厚肉肥美得很甘香魚油讓人垂涎欲滴而鱔肉爽彈有嚼勁脆燒鹹豬手(328)切件後同中式燒腩仔好似🤣但肉質較腍身同富黏黏嘅膠質配上酸菜同自家製甜椒醬將豬手嘅肥膩度大大減低了蝦汁帶子蟹肉意粉(158)刺身級嘅帶子 飽滿水潤煎封兩面中間仍軟嫩鮮美意粉掛滿濃郁蝦汁很滋味而且present得好靚吸引誘人花香伯爵茶鮮奶泡沫(48) / 香甜紫薯奶昔(65)飲品選擇幾特別 打卡一流><><><><><><><><><><><The Cottage元朗錦田高埔村109號天空之城地下

度假風情 隱世高質日式西餐仙樂飄飄遊錦田，餐廳環境充滿着輕鬆小調，舒適又放鬆，最緊要食物質素都唔錯！而且店員仲好用心介紹餐廳特色餸菜，了解客人口味，個人都幾鍾意同餐廳交流，咁樣先可以真係做到唔浪費quota，哈哈哈！帶子沙律 $68⭐️⭐️⭐️⭐️⭐️刺身級數嘅帶子先$68，有三大粒，肥美得黎又鮮甜，仲帶點海水嘅鹹味。配搭埋新鮮嘅沙律菜、梨子粒，格外清新！M9和牛肉眼 $388⭐️⭐️⭐️⭐️⭐️擺盤精美，肉質超鮮嫩，肥瘦適中，牛味帶有脂香，下面仲有一整條牛骨髓同炒香嘅牛脂粒，配菜有翠玉瓜同三色椒、洋蔥、芝士粒等，各方配合得宜！甘鯛立鱗燒 $88⭐️⭐️⭐️⭐️甘鯛立極厚身，魚鱗燒到脆薄香口，搭配酸甜既小蜜橘加以清口，鮮味過人！海盜芝士 $68⭐️⭐️⭐️⭐️⭐️芝士味道易入口，唔算太強烈，口感順滑，前調加埋鱈魚腸既鹹香，後勁有淡淡鮮忌廉味，味道層次豐富。蟹籽滑蛋鰻魚炒飯 $128⭐️⭐️⭐️⭐️炒飯濕度剛好，鰻魚處理得好乾淨，一條碎骨都冇，有蛋香，鰻魚肉質嫩滑，配埋木魚同蟹籽，味道豐富！🍴The cottage 📍地址：元朗錦田高埔村109號天空之城地下回頭率🤡🤡🤡🤡🤡性價比🤰🏻🤰🏻🤰🏻🤰🏻🤰🏻#feedtiffood #吃吧孩

餐廳提供日式西式美食，有沙律/前菜、燒物、煮物、小食/炸物、主食等。甘鯛立鱗燒：魚鱗燒過之後，有少少似飯焦，好香口，魚肉嫩滑，肥美肉厚。蟹籽滑蛋鰻魚炒飯：滑蛋包住整個鰻魚炒飯，上面仲鋪左好多蟹籽同木魚絲，賣相討好。蝦汁帶子蟹肉意粉：每條意粉都沾滿龍蝦汁，帶子新鮮，加埋啖啖蟹肉，口感豐富。茶潰飯糰：飯糰燒至金黃色，焦香美味，加入茶湯，和風味十足。紅天鵝絨蛋糕：鮮豔紅色的蛋糕，精緻漂亮，中間夾住吉士醬，入口滑溜。烏龍茶蛋糕：烏龍茶味慕絲海棉蛋糕，每一口都感覺到茶香。紫薯奶昔：整杯呈亮麗紫色，頂層仲唧左一層忌廉做裝飾，色香味俱全。意式泡沫咖啡：綿密既咖啡泡沫，香氣怡人。總結，餐廳環境優美，坐得舒服，食物水準高，擺盤精美，員工服務態度專業，我同朋友歡渡左一個愉快既晚上。

睇咗「食在元朗」谷友介紹，趁星期五晚嚟撐枱腳。餐廳嘅裝修環境唔錯，食物質素高，服務也佳，性價比👍🏻，可以Encore。 美中不足係餐廳本來幾有情調，但係食至尾聲，鄰店大大聲唱K, 忽然好似返咗國內嘅卡啦OK大堂咁，咩嘢mood都無曬。 而且坐坐吓有蚊叮（坐室外）。人均消費$350

話晒我都係舊舖的熟客，但搬舖後成2個月先來幫襯。新既舖大左，綠色的裝置多左，少了懷舊的氣氛，多了清新寫意的感覺。由於我預早訂位，所以可以叫套餐，現時是6個餸，不過份量仍是那麼豐盛。基本上第4道菜已飽到可以叫停。今日點了個和餐，最驚喜既係螢光魷魚一夜干，雖然是乾貨，但亦嚐到魷魚羔的鮮味。中段來個鵝肝，伴碟有些似海蜇，開胃爽口。最後的一道熱葷，是燒飯團茶漬飯。宜家的飯團中間加上野菜，比以往更有咬口。至於甜品，老闆送上一舊雲狀態的mosses，襯以紅色粉末及食用花的伴碟，不單個肚，連眼目都滿足晒。

見證住The Cottage由錦田隱世小屋仔，到依家搬大鋪，仲分埋室內同戶外位。仲記得第一次食晚餐嗰陣，驚為天人咁好食，連隻雞髀都勁有驚喜，嫩滑到不得了🥹🥹 今次見佢轉咗大鋪，就去天空之城試試 Lunch海膽醬蟹肉炒飯 $268👍🏻每啖飯都充滿香濃海膽醬香味，粒粒分明，就算食唔晒都要打包拎返屋企做宵夜個種好食🥰 海膽同三文魚籽鮮甜，撈飯食鹹鹹香香都幾滿足。呢個餐價錢略貴🙈 但明白生意難做，食物成本都貴，下次會想試埋鰻魚炒飯！咖喱滑蛋和牛漢堡扒 $138 滑蛋嫩滑，調味幾好。漢堡扒肉味唔算重，食得順口同舒服，唔洗蘸汁已經好夠味。美中不足係咖喱汁比較失色，質地稀身，唔算好啱我口味🙈套餐包括餐湯、炸物、小食、水果或者甜品。今日餐湯係龍蝦湯，相當有誠意。晏咗過嚟，好多餐已經賣晒🥹 如果揀其他燒春雞、網燒黑豚里肌都係百零蚊左右，其實都算OK抵食。一直以黎都覺得The Cottage係有誠意嘅小店，值得繼續支持💕

新開兩星期，位於元朗天空之城。隱世動物友好餐廳！假日午餐亦有午市定食。每份定食配：餐湯、飯、炸物、小食、及生果或甜品食物質素很好，環境亦好靚好舒適，職員亦很友善。會再到訪的！