The City Corner (已結業)

今日下午在新墟附近剪髮，心思思想去the city corner到食晚餐。自從它在虹橋重開後都未去過，要搵一陣路先得....首先，我地叫左個蝦多士味道唔錯，係略然多士硬左少少另一半叫左個海鮮🦞意大利飯我就叫左個burger 味道同賣相都保持到水準，係份量少左啲，同埋調整左價錢。搬左新店大左、坐位多左，但冇之前小店時的粉筆菜單。整體來講，係滿意嘅。大家去多多支持小店啦

屯門虹橋附近出名有好多好嘢食，Burger嘅選擇更加係有兩三間，今次試咗呢間逢假日就有好多人等位嘅餐廳。.有Brunch set，跟一款$20飲品。選擇唔多，有檸茶、檸水、玫瑰烏龍茶同埋伯爵茶，如果唔啱就可以選擇補差價試其他飲品。.另外主餐牌內都有唔少選擇，有唔同嘅burger、意粉、意大利飯等。.我選擇咗「橫行霸道」$98另外加$48 包餐湯、$20飲品及雪糕。.餐湯係蘑菇湯🍽：味道偏淡，都有少許嘅蘑菇喺湯內。.「橫行霸道」其實係竹炭漢堡包包皮，裡面有炸軟殼蟹、牛油果、蕃茄同埋生菜。🍽：味道唔錯，牛油果份量較少，如果唔係就可以中和返炸軟殼蟹同竹炭包偏乾嘅口感。薯條就好似喺快餐店食嘅一樣，硬身偏乾。.「紳士漢堡配薯條 」$88手打牛肉漢堡、煙肉、車打芝士、花生醬同沙律菜。🍽：手打牛肉漢堡有肉汁，厚度適中，唯獨加上花生醬配搭有點奇怪。.本來想叫玫瑰烏龍茶，但居然冇供應，好彩杯熱檸茶都算大杯。.原來雪糕就係放題常見嘅杯裝雪糕，個人建議完全唔值得加$48轉餐！！另外，等咗差唔多半個鐘入去餐廳，職員安排咗我哋坐嘅位置，我之前發現係好耐都冇安排客人坐，唔明點解要等咗耐。

第一次係未搬嘅美樂食左個「心肝寶貝」已經覺得呢間店好有水準店搬左去景峰果邊，原來係平時成興隆買肉附近！食完野仲順便買埋肉😂而第二次揀左「橫行霸道」，之前係睇其他人上傳d圖吸引到，今次先揀呢個😂揀呢一款都有驚喜～覺得好食本人鐘意將件包分切，再將配料：牛油果、 軟殼蟹、蕃茄都切一小分再堆上去咁樣食😋下次會約埋朋友去，我應該會試「鰻鰻喜歡你」小食都想點，見到有個小食好似好正咁（芝士波？）但食完個包同薯條都飽，要約朋友先食到～

#pb食在屯門 #pb支持黃店💛大大隻軟殼蟹🦀今次又要介紹係屯門紅橋嘅黃店😍 佢以前係屯門碼頭個邊開過 依家係紅橋重開🥳 呢間cafe裝修其實好簡單普通 完全唔覺有咩特別🙈 估唔到佢食物超高質 值得一去再去😋💕.我地個日試lunch set 價錢都係$100以下 包$20飲品 性價比都幾高🥰 特別係丁蟹 又可以打卡 又好食😋🔹丁蟹🦀原隻軟殼蟹配菠蘿包❤️ 一上菜已經忍不住同佢影番幾張相🙈 軟殼蟹好大隻 而且食落好juicy好脆😍 佢用左菠蘿包黎做burger 感覺好特別 而且菠蘿包個外皮都係脆卜卜😍 入面仲有紫椰菜、蕃茄、生菜 超巨型🤭 再配埋少少洋蔥圈🧅 一個人真係食唔哂😂🔹All-day breakfast🥐份量都係大大份🙈 特別要讚佢有好多蔬果 感覺好健康😋 另外個牛角包焗得好脆 食落脆卜卜嘅聲音 好正🥰🔹飲品就一般啦 我叫即磨咖啡 冇拉花 而且味道都好淡🙈.住附近嘅朋友真係要大大力支持下💛 唔好睇佢外表平凡 食物質素真係好good😋 The City Corner屯門青棉徑6號好發大廈地下17-20號舖

以我所知The city corner 之前都係屯門開過，休息左一段時間後，終於重開la!雖然宜家係試業期間，但人流都吾少，建議大家可以打去book 枱食。一睇份menu就知道佢地對自己的漢堡有好大的信心，而且有好多特別的款式。 我地叫左 「黑森林」同 限定供應的「咪走雞」，再加多$48 配餐湯、飲品同甜品。當日的餐湯係南瓜蕃茄湯，味道好香濃，飲得出係真材實料煮的。飲品方面，我地就建議大家再加多少少錢，可以試下mocktail。我地試左一杯有指天椒的「傻女」，係幾特別辣辣地，刺激到味蕾，幾開胃，但略嫌車厘茄的草青味太出。到主菜的漢堡，黑森林入面有好多的黑松露，一上枱就好香。而且成個漢堡有好多餡，材料好豐富。咪走雞就一破傳統，用左菠蘿包取代平時常用的漢堡包，菠蘿包的脆皮係熱同脆口的。而且咪走雞入面有一塊好大好厚的菠蘿，好吸引。不過，兩個漢堡都有共同的問題，就係包底太濕，影響到進食的口感，同埋肉類(手打牛肉 & 雞扒)都略乾身，可能係煎煮時間略長。套餐甜品方面，佢包一杯非自製的雪糕，有榴槤味及椰子菠蘿味。我個人建議可加多少少錢轉其他甜品，因為一來雪糕口味吾係個個接受，二來味道較假，會影響到

Tea time 去食，仲係試業期間，人唔多，一入就有位坐。呢個時間唔肚餓，淨係食咗個Apple crumble。佢個Apple crumble係即叫即整，等咗大概15分鐘，就有得食啦。比想像中大份好多，岩一班朋友Share食，因為岩岩焗好，所以好脆口，同埋玉桂味好香，同個雲呢嗱雪糕撞埋一齊，一熱一凍，好好食！呢間值得再試！人唔多，所以我坐耐少少，地方樓底高，又好有空間感，坐得好舒服。順帶一提，店入面佈置唔少文宣，幾有心思。

南瓜蕃茄湯估唔到呢個配搭都夾到！叫左卡邦尼意粉侍應好細心告知會有生蛋在面，如唔鍾意可轉熟蛋，我當然揀熟蛋啦！有好多洋蔥煙肉的！最飽既係 經典牛堡，酸青瓜好好味！配搭至愛既 鐵板薯條！海鹽焦糖朱古力必試，有2種層次，雖甜，但可接受，甜品仲有 菠蘿椰子雪糕！