The City Corner (已結業)

26.06.2021 星期六之前朋友介紹，今日終於去了虹橋The City Corner試食，座位都好坐舒適，枱之間有充足空間，古典懷舊簡單裝修。打開餐牌，除咗Bunch Set，main menu都有不少選擇；佢啲Set名字好有趣，有移動漢堡、牛牛們早餐、巴斯光年、胡迪、黑森林、橫行霸道、咪走雞、心肝寶貝、鰻鰻喜歡你…..太多選擇，一下子好難決定。見餐牌特別介紹手打牛肉漢堡，於是揀咗「巴斯光年Brunch Set」，有手打牛肉漢堡扒、茄子、芝士、番茄、沙律菜、漢堡包；本身薯條轉沙律菜，加多個「忌廉番茄南瓜湯」、熱洋甘菊。手打牛肉漢堡：期望好高，但失望越大，牛肉肉質淋、但偏咸，如果無咗杯茶，實在無法食。同咗職員反映，職員也有同大廚轉達，希望以後有改善。忌廉番茄南瓜湯：超好飲，香濃滑溜，充滿番茄南瓜香味，一啖不漏。熱洋甘菊：好似白花油香味，我自己唔喜歡，但剛好送過咸漢堡下次想試橫行霸道或鰻鰻喜歡你🥰

移動漢堡配薯條半個牛油果🥑🥰🥰🥰可能因為係素肉burger 感覺唔會太油加埋蕃茄芝士 成件事同平時真肉burger一樣正👍🏻有薯條係旁邊 加似薯角咁大塊🤣超級飽🦀 黑松露軟殼蟹意大利飯上菜既時候好香炸物味 擺得都幾好睇黑松露果好夠 同risotto幾夾意大利飯唔會太淋太多汁 冇一pat pat唔錯 算係幾驚喜-💭整體幾好 坐得又舒服屯門越嚟越多高質餐廳

紅橋遍佈良心小店 但係通常都係細細間 要搵間坐得舒服既都唔係容易🤔就甘岩比我遇到”The City Corner”🌆 平日唔多人 lunch時間唔算好full~ 🍴黑松露軟殼蟹risotto🦀 一上枱估唔到係甘原整既軟殼蟹鋪左係面🤩好少見甘原整🙈 黑松露味都夠 個risotto都好creamy👍🏻但有d美中不足係d飯腍左dd~🍴明太子櫻花蝦意粉🦐意粉個亮點係個明太子汁 明太子味都重好香🤤櫻花蝦份量唔算多 主要都係點綴下～仲有3粒帶子 都煎得岩岩好 都彈口 唔會死實實🍝lunch set可以配番餐飲 有英倫紅莓茶/洋甘菊/薄荷茶🫖🍵或者揀其他飲品都可以正價減$20！呢間小店性價比高 食物質素有番甘上下

之前喺美樂食過，覺得係好用心既餐廳，選擇多，質素有保證。而家搬左去景峰附近，舖頭大左，坐得舒服，但人流似乎因為地點問題變少左，而我覺得比以前更好食！叫左個lunch set，揀左明太子櫻花蝦帶子意粉，好味！！食到一條不留哈哈。

疫情過左咁耐, 終於''的''起心肝去食下好西,聽朋友講過話屯門景峰開左好多新餐廳, 咁就一於去睇睇系咪真系有新餐廳喇💪🏼一落車, 周圍行下, 行下行下去到角落位, 見間餐廳無乜人啲位又夠闊 ,咁就望埋門口個Menu先!睇完覺得幾吸引,咁就扑鎚食尼間喇!入到去, 都有4枱客, 但我覺得職員系有心分散開咁坐, 始終疫情, 尼一點我系totally respect😌一坐低見到分隔既透明板上面痴左張介紹手工啤既紙, 即刻望下先🤩有5款手工啤, 其中有1款叫做All Day Breakfast, 佢吸引我既吾系因為佢個名, 而系佢既介紹''採用 Coco Espresso House Blend 咖啡豆釀製嘅咖啡黑啤酒。酒體薄身，濃郁烘焙味道更有有淡淡朱古力香。上班族嘅醒神之選''用咖啡豆釀製嘅咖啡黑啤酒, 一見到尼句已經知岩哂我尼個咖啡精喇🤤其他4款有機會再去試下!之後就點左個(吾記得左全名)肉眼牛扒10oz 同埋 胡迪漢堡再加錢轉套餐。套餐系有餐湯或沙律,飲品及甜品餐湯好快上到, 非常熱辣辣, 但略嫌稀左少少, 但味道系夠既!跟住到我既肉眼牛扒出場, 我嗌既系3成熟🤤(因為我依稀記得Men

難得同老公一齊放假好耐無一齊食好西！今次來到the city corner 尋美食餐廳🍴佈置簡單舒服，坐位寬敞，坐得舒服👍🏻👍🏻今日叫左兩個set lunch 黑松露蘆筍大蝦意大利飯- 有4隻牛油大蝦🍤煎到好香，好好食😋黑松露松味好濃郁， 意大利飯外軟內韌的感覺，很Creamy，吃一點就很易飽喇！整體係好食😋紳士配旋風薯角- 紳士既漢堡包🍔材料有手打牛肉漢堡扒，煙肉，芝士，花生醬，沙律菜配竹炭漢堡包， 黑色漢堡包🍔好特別但芝士配花生醬好流，要整走一大pat 花生醬先食到晒一個，薯角即叫即炸，好香口，好食Set lunch 有杯熱飲配，轉凍飲加$4 ！ 整體是好食的，會再來

首先講態度，係對你笑笑口但講野難聽過粗口，有人頭最低消費又唔早講？坐低左叫野食你先講？仲要等左半個鐘你先講？仲要同我講小朋友都計？小朋友5歲都未夠叫個咩餐佢可以食得晒？食唔晒咪浪費晒！寫完3個餐講明等陣再叫一個餐，轉頭一上菜就問落唔落埋單，俾我感覺就好似某明星講唔準諗即刻答！答啦！仲唔答？好啦入正題...講完態度講返野食質素個大蝦同黑松露意大利飯比較偏硬...牛柳長通粉就好味不得了!值得一讚係個橙汁居然係鮮榨！薯角好咸...手打牛肉漢堡就一般（超多筋）可惜一開始俾人攪到乜心情都無晒...食龍肉都無味！就算黃店都要有好態度！除非服務態度有轉變...如果唔係一定無下次！！

以前佢碼頭附近開，到宜家佢做到咁大鋪，今次黎專登支持下！💛💛💛呢度食既唔係性價比，而係煮野既FEEL到有俾心機。佢既MENU都唔會似外面個D STANDARD口味。廚師我估都係鍾意煮D特別野。😜黎既都會揀個BURGER食，因為真係好好食！份量夠，PATTY又夠JUICY。今次見佢有個新既素BURGER，就叫黎試下，外面好多間宜家都成日用IMPOSSIBLE出既PATTY，去唔同既地方其實都仲係食緊同一樣野，只係夾既料唔同。所以既然呢個唔係，就試下。😎IMPOSSISBLE 出既就係賣似肉味，佢呢個明顯冇，所以食落去更加FRESH，而且冇咁膩口。仲要係成半個牛油果，真係落足料。個旋風薯角都係咁好食。食完已經諗下次如果再黎我叫呢個定叫大啡菇BURGER好😂😂，大啡菇版就係再JUICY，PATTY係肉，都係咁好食～新推既豬鞍，味道一流，個豬食得出唔係肥膏周圍都係，肉質黎講食得出本身肉既品質高，不過未必有咁多香港人會欣賞😂，但我幾鍾意加蘋果肉桂黎食，原來幾夾。蕃薯條梗係無得輸啦，不過如果我下次ORDER，我會想叫番豬手，豬手更JUICY～咁點都要叫多個意粉先飽肚，所以又叫左個新既蟹肉蟹子意粉。

景峰依頭多野食都唔係第一日既事，前排無意間又見到多左一間新餐廳！😎位於青棉徑近盡頭轉角位置，見到一間灰色 x 棕色外型既CAFE，門面低調普通。🤎🖤假日LUNCH SET MENU有9款選擇。平均$78-$118，正常價位。✔️意粉、意大利飯、 漢堡、全日早餐都有。店入面座位闊落舒適，周末下午時段唔算太多人。☺️＊－。－。－。－。－。－。－。－。－。－＊🔸明太子櫻花蝦意粉配芝士蘑菇雞翼 $98櫻花蝦唔係特別多，而明太子主力撈埋左落意粉入面。意粉底部會有多D汁，建議攪拌一下先食會均衡D。兩隻雞翼漲卜卜，去骨處理。入面釀左芝士蘑菇餡料，啖啖肉感覺幾正！🍝🔸牛牛們早餐 $118好可愛既名～其實係一份All Day Breakfast！食材好豐富！😍包括：煙三文魚、風乾火腿、蒜蓉焗啡菇、香草豬肉腸、太陽蛋、黑松露薯絲蝦、車厘茄沙律、牛角包。 數完都已經飽左哈哈！食物既油光顯得好吸引。🤤比較特別係下面兩樣：蒜蓉焗啡菇雖然係焗，但一D都唔乾身，仲有好多蒜油好JUICY。黑松露薯絲蝦炸得酥脆，一口SIZE，黑松露好香！👍🏻👍🏻✨-餐飲可配熱英倫紅莓茶/洋甘菊/薄荷菜🫖(凍飲+$4)/(轉其他飲品減$20

因為疫情關係，無得同朋友聚會🥲難得約到好耐無見既朋友食餐飯，久違既聚會呀🥺因為朋友們都住係屯門，佢地又想食西餐，我就揀左依間試試🤩雖然路程有啲遠，但係值得架！因為佢地既環境好有feel ，加上好抵食又好味👍🏻👍🏻我地叫左黑森林、cc 經典牛堡同鰻魚risotto ，我本人係勁鍾意食有黑松露既食物☺️☺️依個漢堡超重黑松露味，個竹炭包又勁鬆軟，配上車打芝士同牛肉，真係好夾呀！而薯條都非常之脆卜卜，鍾意食黑松露同薯條既朋友一定要試依間！

星期日lunch食飯度度都係人，原先唸著食附近間人氣台灣菜，但係太多人，見嚟邊唔使點排隊就過咗嚟。入去見到有2-3吉枱，唸著即刻有得入，但係侍應堅持話要俾角落頭張枱我地，話個張執緊枱叫我地等等。好啦，等左5-10分鐘都未執完....其實唔明點解唔可以安排我地坐其他枱先，之後你要執咪慢慢執囉😑 都算喇全場大概12-15張枱，得1個樓面😑😑 帶位係佢，落單係佢，上菜係佢，埋單都係佢....睇見佢都覺得辛苦💦1325坐低落單，1355先有第一碟野食，只見枱枱都係咁吹單，但係就得一個樓面一腳踢。之後1415先上埋第二碟，水吧個邊都係得一個人，然後廚房傳菜又係一個。講返野食：叫咗兩個set lunch，價錢$78-$118，包野飲（限$20內）多過$20補差價。其實$20淨係得西茶同檸檬茶，咖啡/其他飲品最平（americano)都要$24，特飲個啲$30-40。 黑松露軟殼蟹意大利飯黑松露味好香，意大利飯夠creamy，唔算太淋有咬口。原隻軟殼蟹上都算有誠意，另外加埋蘆筍幾好食。鮮茄牛柳粒長通粉呢個意粉有驚喜，個醬汁好好食又夠汁，有微微嘅酒味，長通粉al dente，白色長菇朔左啲酒味好好食。

呢排成日都好想食BURGER🍔呢個經典牛堡係真係好經典嘅味食半個都好飽 覺得塊牛嘅牛味再重啲就好現時食落偏淡....黑松露巴馬火腿意大利飯聞落好香嘅黑松露味食落味道尚可以 是覺得有點太Dry蝦多士 襯熱食 好夠脆o(^▽^)o來一杯薄荷朱古力薄荷味是很夠👍🏾👍🏾但冇咁凍個時就是覺得太甜....價錢覺得還好 都算平閒日來食Tea沒有很多人地方很大 也很好坐所以同朋友由2點幾傾計到6點然後又夠鐘停堂食🥲

山長水遠黎到屯門，緊係要搵啲正野食下，本身想食嗰間日本野未開，就搵左呢間cafe呢到選擇好多，中午仲有lunch menu有套餐，但黎之前見到軟殼蟹burger 好吸引咁，所以諗都冇諗就叫左💛橫行霸道漢堡 $98隻軟殼蟹都幾大隻，又岩岩整好，炸得好香口，食落又夠juicy，除左軟殼蟹之外仲有半舊牛油果，係完整嘅半舊，牛油果控應該會好開心🤤🤤薯條都好正好香，食唔停口，份量都算多，唔係好食得晒啲薯條💛Oppa 漢堡配薯條 $88叫得oppa就緊係韓風啦，不過除左個面有泡菜之外都冇乜韓風係入面，不過都幾好味幾襯嘅！個漢堡扒好好味，好juicy又重牛味，唔錯唔錯👍🏻👍🏻隻太陽蛋一咬就爆左，食唔到好多蛋黃...

相信呢間都算係屯門紅橋少有大間又坐得舒適嘅💛 小店，因為位置較為偏遠，所以唔算好多人，唔洗等位😙✌🏻小食拼盤 2.0 ($108)一聽就知升級版嘅小食拼盤😋 分量好多，夠4人分享！脆米流心栗米波最好食👍🏼 酥脆外表包住半固體栗米蓉，流心效果一流🤤 因為泰式雞鎚售罄，轉左芝士磨菇雞翼，點知呢個仲好食😋 啖啖肉又有芝士香！墨魚汁墨魚咀野菌意大利飯 ($108)烏卒卒嘅意大利飯上放左3大粒炸物😱 原來墨魚咀可以有咁大粒！口感幾特別😆 意大利飯調味幾好，食得出忌廉香，夠哂滋味👍🏼🍔 胡迪 ($88)比一般漢堡多左片巴馬火腿，但漢堡扒並冇被火腿嘅咸香蓋過，反而覺得漢堡肉味更濃😋🍔 黑森林 ($98)黑森林顧名思義就想到個竹炭包！但原來仲可以指當中大量嘅黑松露😋 大啡菇就好似個碗咁，盛載住滿滿嘅黑松露，香氣離遠都聞到👃🏻 松露控必試👅唔好睇小店外表平平無奇，當中仲有多款特色漢堡😍 基本上海陸空漢堡都齊哂❗️真係間值得支持嘅💛小店！

去朋友屋企食飯，諗住嗌到會去朋友度食。朋友住黃金海岸嗰邊，好少外賣會送到去，我聽朋友講佢平時都淨係可以叫到麥當勞同Pizza，連啲褲都唔會送去佢嗰邊。本身都打定輸數嗌快餐㗎啦！但係又比我上網睇到呢一間都會可以送到樓下😍食物質素相當之高，我同我朋友都非常滿意，朋友特登問我攞聯絡方法，等佢下次都可以再嗌