Thai 2.0 (已結業)

香港人好鍾意食泰菜，我也不例外，一般我都會去泰國人主理的泰國餐廳，比較正宗地道嘛﹗   這晚，在愉景新城商場逛逛後，就找到泰2.0，有泰國主廚坐陣，質素有保證，而且更可一嚐泰國東北菜呢﹗  聽說東北菜都好辣，這晚就挑戰一下自己的極限吧﹗  冬蔭公湯$128 (大) 是吃泰菜必點的啦﹗湯底混合南薑、檸檬葉、香茅及泰國辣椒等香料熬製而成，並加入大量菇類及蝦隻；趁著冬蔭公湯熱騰騰時喝了幾口，酸辣度十足呢﹗放涼了後，辣味減退，甜度反而更突出，這甜中帶辣的味道更為美味。  泰式皮蛋沙律$68，以流心皮蛋配上腰果、香芹等，再澆上魚露、青檸、南薑和香茅等秘製醬汁，好醒胃的感覺；但我怕太辣，挑走紅辣椒後，把皮蛋等一併放進口中，酸甜中又帶點辣勁，清新開胃﹗  再來多個辣辣菜式，泰式青檸酸辣炸盲鰽$138，將原條新鮮盲鰽先煎後炸，魚身好香脆可口，加上泰國秘製醬汁及新鮮青檸和香茅，集酸甜辣鮮於一身，吃上去比之前菜式的辣度低，惹味。  吃到這裡，已經辣到再嚐不出其他味道了，要來杯泰式青檸梳打$22或芒果椰子沙冰$32為舌頭降降溫呢﹗原個椰青海鮮飯$98 ，好適合椰青粉絲，以混合了椰青水、椰漿及白汁的製成的椰汁

去到泰式餐廳一定要點我最鍾意識嘅泰式青木瓜沙律呢度嘅青木瓜沙律有好多款式選擇包括有傳統普通嘅泰式青木瓜沙律、鮮蝦青木瓜沙律、有子鮮蝦青木瓜沙律仲有燒春雞配青木瓜沙律好多選擇我就揀咗鮮蝦青木瓜沙律$72試試事源因為佢個Menu上面有隻手指公極力推介😹另外呢度嘅泰式拼盤$118亦都係佢手指公推介拼盤入面有蝦餅、春卷、鳳爪沙律；另外仲有得揀串燒我揀咗串燒雞同串燒牛呢😍佢嘅擺盤真係無敵靚下面搭住鮮綠色嘅生菜🥬眼睛都睇到好開胃😳燒有兩個醬，分別係泰式甜醬同埋沙嗲醬兩個醬都咁好食😋點都唔少得我最鍾意嘅芒果糯米飯好耐好耐好耐都冇得去旅行！超級掛住泰國嘅味道對我來講，泰國嘅味道就係芒果糯米飯等我試吓呢度嘅芒果糯米飯正唔正宗先😋😋😋糯米粉以椰汁淋面再加上上面咪有一絲絲嘅椰子🥥碎有口感之餘，仲多一份清新感覺最後點多個泰式龍眼冰 凍飲$22甜咗少少總括嚟講呢度都好唔錯順帶一提呢度座位闊落坐得好舒服😌

喺愉景新城覓食，記得呢間泰國菜館新開張嘅時候嚟過，印象中幾好味又抵食，咁就決定食過番尋味😋呢度有幾款午市套餐提供，揀咗$58嘅「泰式燒雞配飯」，跟餐要杯「泰式熱奶茶」，再追加$48嘅小食「馬拉盞炒芥蘭」😋-「泰式燒雞配飯」：有兩件大大件嘅雞肉，煎得幾香口，外皮有少少脆，雞肉都幾嫩滑😋-「馬拉盞炒芥蘭」：芥蘭菜好新鮮，用馬拉盞炒非常香口😋，呢碟菜份量仲超大，淨係食碟菜我已經飽咗八成😆-「泰式熱奶茶」：預先加咗糖本身已經甜甜地，但又唔算好甜，幾香幾滑😋

泰菜痴如我，耐唔時都會去嘆下泰菜，不過係荃灣要搵間正宗又好食嘅真係揾唔到......而家終於有間好正嘅泰菜推介比大家喇 !!😋於荃灣D‧PARK 愉景新城開業嘅🌟泰2.0🌟，由泰北泰國廚師主理，推出多款性價比極高的正宗地道泰國美食。佔地約2700呎，以簡約式開揚設計，並以柔和的藍白灰色為主調，坐位濶落，坐得相當舒服。今次品嚐左好幾款地道泰菜，款款都咁正㗎 !💖💥冬陰雞湯 $78（小）/ $128 （大）一般泰式冬蔭功湯會落辣椒膏，呢款係泰廚東北家鄉風味嘅冬陰雞湯。湯底比較清香帶辣勁♨️。湯底混合東南亞特有的南薑、檸檬葉、香茅及泰國辣椒等香料熬製而成，令湯甜中帶辣，再加上新鮮嫩滑的本地雞肉，美味無窮。仲可選小辣、中辣或大辣。💥泰式皮蛋沙律 $68泰廚新創菜式。用上流心皮蛋，配上魚露、青檸、南薑和香茅等秘製醬汁，再加入腰果，辣汁夠曬勁辣，嗜辣人士必點前菜🔥。💥原個椰青海鮮飯 $98💯私心推介必點菜式!!睇得出廚師嘅手工，將新鮮的椰青水抽出，並混合椰漿及白汁製成香滑椰汁，再將椰子肉挖出，有大大隻新鮮青口同幾隻爽口鮮蝦，配合泰國香米炒香。每啖煙靭嘅飯粒都包裹超濃郁嘅椰漿，加埋椰青肉同海鮮，鮮甜清

人生隨了生活⋯返工⋯⋯放工仲有就係食...食...食😂愛吃又愛欣賞食物的我又點可以唔去呢到食泰國菜🥳—————————🟩超值二人餐：完全係四個人嘅份量都足夠嘅二人餐，抵到爛，二百幾元咁多嘢食。擺到成枱食物👏👏👏👏👏—————————-🟫足料冬蔭公湯2位足料新鮮🦐⋯⋯通常D冬蔭公湯頂多兩三隻🦐蝦，我隱約記得有成五、六隻咁多，超值，D蝦🦐仲要係新鮮彈牙爽口👍————————🔺任選其一：1-辣椒🌶️膏或咖喱炒軟殻蟹2-辣椒🌶️膏或咖喱炒蟹（例牌）➕$803-辣椒🌶️膏或咖喱炒蜆4-泰式明爐烏頭➕$705-海南雞（半隻）—————————🟫海南雞（半隻）我揀了海南雞海南雞半隻都咁大碟，認真抵食，雞肉滑溜、海南島雞醬更是滋味—————————-🔺任選其一：菠蘿🍍海鮮炒飯泰式鮮蝦炒金邊粉————————-🟫泰式鮮蝦炒金邊粉：又係足料🦐蝦和其他配料，金邊粉做得不會太乾，吃落和入口感均勻。—————————🟫泰式炒芥蘭：香口爽脆嫩滑又夠味 —————————🟫➕25元的泰式鳳爪：食泰菜又點小得佢，正呀，味道調配適中，洋蔥🧅、蔥和其他配料夠多，吃落又爽口又辣的滋味，喜歡吃泰式鳳爪就是這個滋味中的感覺⋯⋯😋😋—

呢間鋪轉左手之後，以為係做泰菜，今日第一次黎，望下個早餐牌，都無泰式既早餐，反而有台式麵，唔知點解，不過都試下先。環境裝修都好好，坐得舒服，枱與枱之間有足夠空間，唔會太逼，9點半後開始多人，不過都坐得好鬆動。食個早餐，選擇都幾多款式，不過40蚊個早餐，都算偏貴，對面有間大家樂，好多人，不過睇到坐得無呢度咁舒服，可能係價錢平啦。早餐試左腸仔太陽蛋，一般，蛋煎得唔夠時間，腸好幼唔好咬口，反而個餐包食得出係新鮮整，好鬆軟，絕對係超水準之作，值得讚賞！一碗牛通加一碗台灣牛肉麵，最差係完全無味道的，通粉又太冧無咬口，沙牛係冧既，不過無味，台灣牛肉就一舊冧一舊硬咁啦，唔食就算吧，無謂難為自己個胃。

夜晚搵食就喺樓下搞掂啦,見到這家新開不久的泰菜，評價不錯,很企理乾淨👍店員服務幾好💕防疫措施亦做得很足．以四人卡座為主，亦有幾張大圓枱,地方闊落乾淨👍兩個人食唔點得太多，泰式拼盤就最啱我哋啦乜都可以食啲😬😬泰式炸蝦餅外脆內軟非常之有蝦嘅鮮味，而且仲好彈牙添,點上泰式醬非常開胃🥳🥳串燒都算係泰國菜嘅代表啦,幾嫩香口👍仲有大量泰式鳳爪,夠曬辣呀,加上辣椒同唐芹泰國風味出曬嚟,一百蚊鬆啲非常超值🤭🤭青咖哩豬扒,用嚟撈飯非常正仲有很多泰式嘅蔬菜瓜仔青豆等,估唔到豬扒有幾嫩😎泰式菠蘿炒飯用料十足，很多腰果豬肉粥做配上新鮮菠蘿,賣相一流好味😋兩個人最尾都食唔曬要打包走🤣🤣絕對有下次😝

泰國菜2.0? 就看看這間2.0又有何不同？~😂位於荃灣愉景新城，與傳統泰國餐廳不同，裝修更新穎裝修簡約，坐位舒適😜看餐牌有很多選擇，基本泰國菜都有：泰國串燒、小食、泰式粉麵等🌠二人餐✨冬陰公湯冬陰公湯底微辣，不太酸，比較貼近香港人口味湯料非常豐富， 有蕃茄、大菇、蝦等，而蝦有5,6隻，肥美鮮甜✨海南雞(半隻)5款選一款，就嚐嚐海南雞海南雞嫩滑而且沒什麼脂肪😜喜歡可沾辣椒醬，帶 蒜香辣椒的香味😆✨菠蘿海鮮炒飯飯麵類有2 款選擇，因看到別的客人原隻菠蘿海鮮炒飯很吸引，就選了~海鮮炒飯料還真不少，有蝦、青口等，炒飯乾身香口再配腰果令味道更有層次✨泰式炒雜菜幾款菜炒，外貌豐富而吸引，口感鮮嫩而夠火喉另可加配泰式小食✨炸蟹餅($28)蝦餅切開，炸成金黃色，口感外脆內軟油而不膩，非常香脆可口✨鳳爪沙律鳳爪已除骨，餐廳很體貼，味道酸酸甜甜帶微辣，口感爽口，非常開胃整體餐廳衛生，而且上菜很快~有二人套餐已可品嚐招牌泰國菜，價錢平民！

今晚同爸爸黎食下泰國晚餐，行經呢間餐廳見到餐牌款式唔錯，又多選擇，好多典型既泰菜都有供應，價錢相宜。而今次最吸引我的是一個二人餐menu，價錢好抵，又多野食，有兩客湯、一款小菜、一款麵/飯、一份炒雜菜，仲可以以優惠價再加配小吃。正餐廳內環境都好光鮮、乾淨、又多座位，仲有卡座，好舒服的。我們的二人餐下單後都好快送上。先講一講那一鍋冬陰公湯，一大鍋好大的，入面應該有差唔多4碗，完全夠曬份量。味道酸酸辣辣，好惹味。除了湯味道好正外，入面仲有超多料，蝦都有六隻，好豐富又抵食，除了蝦仲有好多其他配料，真係大滿足。小食方面我們追加了炸蝦餅啖啖肉，都好飽肚，外脆內軟彈牙，正。主食方面我們點了咖哩軟殼蟹。真係好好食。一方面咖哩做到香而不辣，味道好好除外軟殼蟹完全能滲入了濃香咖哩，咬起起多汁又咖哩，另外軟殼蟹口感都好正，外面有滿滿咖哩，入面帶點軟皮咬口，口感好好，中間仲有點點蟹肉，滋味無比，份量都不少，都有好多件。我跟爸爸都很愛。仲有點蔬菜，撈上咖哩汁來吃，十分惹味。另外我們點了泰式金邊粉。好豐盛，好大碟滿滿的一整碟金邊粉，大滿足味道好好，撈上了少少花生碎、辣椒，吃起來好好味，入面仲有好多配料，有蝦、菜

推住bb車出街食飯, 人車都坐得舒服真係好緊要, 喺愉景新城759斜對面新開嘅泰2.0地方好大, 枱與枱之間非常闊落(有大圓枱, 卡位, 4/2枱), 完全啱哂我地一家大細, menu泰菜選擇仲好吸引添😋.🇹🇭泰式鮮蝦炒金邊粉 (HKD78)平民泰菜必食Pad Thai, 好大隻蝦🦐, 炒得均匀上色入味, 加入大量蛋絲豆卜, 金邊粉口感又夠腍又有Q彈感, 大碟+抵食.🇹🇭泰式豬頸肉炒飯 (HKD78)想食豬頸肉, 又想食炒飯, 原來仲有好多芥蘭, 炒蛋, 洋蔥...好好味, 驚喜炒埋蕃茄仔入個飯增加juicy感, 切粒豬頸肉份量10足, 最啱一人一碗(其實唔止一碗)開心share.🇹🇭泰式馬拉盞炒通菜 (HKD68)馬拉盞醎香十足, 炒到通菜充滿住葱蒜櫻花蝦仔香味, 啖啖都有櫻花蝦lor. 多葉而嫩綠嘅通菜超正😋, 而且都幾大碟, 當食多啲菜吧!🇹🇭冬蔭公湯 (HKD78)店家冬蔭公湯有好濃嘅蝦味, 各種香料滾成嘅味道豐富唔會一味得個辣字, 淨係菇都有2款. 最讚嘅係: d蝦大隻<li個係基本啦>, 新鮮<一搣離殼>而且仲要𠝹好背脊挑埋蝦腸. 一大煲以酒

-𝗢𝘃𝗲𝗿𝗮𝗹𝗹 𝗖𝗼𝗺𝗺𝗲𝗻𝘁-環境 ：8/10服務： 8/10味道： 8.5/10影相： 8/10性價比 : 8.5/10回頭率 : 8.5/19➖➖➖➖➖➖➖➖➖➖➖➖➖➖➖茶餐廳2.0我食過啦今次就食埋𝚃𝚑𝚊𝚒 2.0🙆‍♀️吾知下次會吾會有埋𝚅𝚒𝚎𝚝𝚗𝚊𝚖 2.0呢🤣.餐廳裝修以泰式風情為主調座位寬敞，坐得舒適😎. ©辣椒膏炒蜆 $118泰式風味十足！粒粒蜆肉肉嫩無沙而且更沾滿辣椒膏醬汁香濃惹味，辣中帶點甜無論係重味人士定係不愛辣者都岩食🥰最緊要係，又辣又香嘅醬汁送飯真係一流～但個人比較鍾意配泰式薄餅（$25）薄餅酥香脆口，多層嘅口感超正啊！配搭惹味辣汁一齊食，大滿足.©原隻菠蘿海鮮炒飯 $88東南亞風情菠蘿炒飯，大人小朋友都好鍾意食！菠蘿甜甜酸酸嘅味道，Juicy又香甜😍肉鬆配上粒粒黃金色嘅炒飯帶出鹹味之餘，口感更豐富仲有蝦仁，雜豆，腰果等添加風味呢😘.©泰式青檸梳打。 泰式奶茶 $22識食一定食住泰國菜配青檸梳打同泰式奶茶酸酸甜甜，充足嘅梳打氣，又fresh 又消暑😎泰式奶茶，更加係泰國菜嘅招牌🥳果種香滑帶又獨特嘅泰式茶香同煉奶香令人難以忘懷😍

餐廳門口嘅姐姐，叫我入去試下，幾抵食，我就信佢，入咗去✌🏻果然好推介，價錢算平😁泰式拼盤集合曬我最愛的小食！泰式鳳爪都幾辣👅炸蝦餅好厚肉~春卷炸得脆！串燒更可以揀牛/雞，自由度大👍🏻略嫌個醬汁吾夠沙爹味，花生味蓋過咗，其他都好好，又大碟，二人一定夠食！黃咖哩牛腩吾會好辣~岩曬泰式薄餅！加上牛腩質嫩爽口，啖啖肉，很好吃😋薄餅熱辣辣！好香有牛油味❣️泰式龍眼冰和珍多冰都係必點嘅泰式飲品！前者有粒粒龍眼肉，鮮甜多汁！後者好多jelly，多重口感!最後點左芒果糯米飯!新鮮芒果搭配泡過椰漿的糯米飯，吃起來又甜又有飽足感!

嚟到愉景新城，又要揾下野食了，之前食過茶餐廳2.0，感覺良口，去到原來係隔離開多左間Thai 2.0, 實行連泰菜也要up一upgrade！？先叫左碟泰式飛天炒通菜，好大碟，唔算太辣。再嚟個海南雞飯，腌青瓜蘿蔔夠酸，提升胃口，雞夠滑，仲有碗例湯。泰式濕炒海鮮河，個芡汁鹹淡適中，好惹味，仲有好多餸。叫左杯芒果椰汁沙冰同泰式龍眼冰，好味。總括黎講Thai 2.0 份量偏大，兩個人食到超飽，三五知己一齊去share就啱哂啦！

是日同HONEY去開愉景新城，見到哩間好大間的THAI 2.0，掛住泰國的我地，只好食下泰菜止下癮~~~入到去幸運地坐左卡位，夠闊~~同HONEY點左椰汁涼粉冰，豬肉包生菜，蝦頭油海鮮炒飯，泰式炒金邊粉，另外也點左個甜品芒果燸米飯，椰汁涼粉冰椰汁涼粉冰真的透心涼，煙煙UNUN的涼粉，加埋椰汁同埋椰青水的飲品，真的愈飲愈開胃~~豬肉包生菜豬肉包生菜都系我在泰菜當中最鐘意食的一款，豬肉包住新鮮的生菜，好惹味又開胃~~蝦頭油海鮮炒飯蝦頭油海鮮炒飯都有幾隻大蝦，蝦頭油味比較少，但炒飯粒粒乾爽，味道唔錯~~泰式炒金邊粉泰式炒金邊粉，金邊粉炒得乾爽，另外也有少少的花生碎同埋生芽菜，增加爽口感芒果燸米飯芒果燸米飯真的有驚喜，燸米飯的椰汁咸咸地，另外芒果都甜口，加埋一齊食真的好YUMMY，份量都唔少，真的飽到上心口，整體他地的泰菜真的唔錯，服務就可以再更好~~由其芒果燸米飯真的值得一試~~

今日同朋友嚟荃灣搵嘢食，朋友想食泰國野，我哋就嚟咗呢間泰2.0試下啦，睇過餐牌，唸都唔洗呲就叫左個二人餐$218～～泰式冬陰公（小） 冬陰公湯底香濃又辣，夠惹味，辣度剛好，最啱鍾意食辣嘅朋友。 份量比想像中多，料都幾足，有大蝦、菇、蕃茄仔。。份量十足！ 湯味好濃夠辣， 喜歡～自選主食叫左咖喱軟殼蟹泰式，基本上軟腳蟹幫你分好晒，酥脆的軟殼蟹皮薄鮮甜，唔會好油，黃咖喱香而不辣，味道偏甜即使沾上咖喱汁也能保留鬆脆感，好好食 。鮮蝦炒金邊粉好夠鑊氣，即點即炒熱辣辣，唔會好油同好濕。金邊粉彈牙，而且都有好多配菜，算係相當豐富，調味都做得恰到好處酸酸甜甜，甜酸鹹辣嘅味都食到。仲有碟炒雜菜添，好夠鑊氣，配埋芡汁食落都算滑。（飲品要單點，跟餐唔包）我地叫左泰式青檸梳打$ 22同埋Thai 2.0珍多冰 $ 32，珍多冰冰凍好味又唔太甜，下面D jelly帶有咖啡味好好食，非常高質素。 店員服務態度良好，好有禮貌，今次晚餐整體滿意，好值得再嚟支持這家泰式小店！