Thai 2.0 (已結業)

第一次食。生蝦冇挑屎，冬陰公過鹹 ，蒜蓉包似隔夜麵包，叫侍應烘多次都無補於事。菠蘿炒飯同馬拉盞芥蘭尚算可以。雖然服務態度都唔錯，亦都唔使等位，但就第一個問題已經唔會再幫襯。

天氣炎熱，極需要酸辣香脆的食物打開味蕾，安撫肚皮。是晚就嘗試這間泰北廚師主理，價錢適中的泰國餐廳。 餐牌上太多選擇，原本想偷懶直接點二人套餐省卻麻煩。但眼見隔離枱的小食拼盤不錯，決定單點。最後叫了小食拼盤、馬拉盞炒芥蘭、青咖哩豬肉及泰式薄餅。 小食拼盤即點即製，各類食物都不錯。 拼盤包有泰式無骨鳳爪沙律、春卷、炸蝦餅及串燒。泰式無骨鳳爪沙律酸辣爽口，令人愈食愈開胃。春卷皮薄而且夠脆，吃起來很香口。炸蝦餅新鮮熱辣，彈牙又脆，不會成口粉的感覺。串燒可選豬/牛/雞，雞肉嫩滑，豬肉有少少肥膏，可以改善一下。 餐廳有幾款蔬菜提供，都可以揀配馬拉盞／飛天／蒜蓉／清炒。馬拉盞炒芥蘭一上枱，已經聞到鹹香及穫氣。最重要菜保持爽脆不會死咸。 青咖喱材料非常足，除左豬肉之外，青檸、茄仔、等配菜一應俱全。豬肉片嫩口有嚼勁，咖喱加了椰汁，口感更加滑。薄餅香脆鬆軟，配上青咖喱即刻食不停口。

好耐冇去愉景新城，今日因為有交收要去一轉，於是我就約埋朋友順便行吓食吓野。天氣太熱，我們只留在商場行吓，見到有間泰式茶餐廳2.0，現代風格又帶點泰國feel。朋友正是泰國迷，立即入座去了。秘製豬手：將豬手炆至肉質軟稔，去骨切件淋上濃郁的醬汁上枱，豬手甚入味，軟滑，骨膠原豐富，帶濃郁的滷水清香，配上了酸菜不但可以提味而且還可以減少豬手 肥膩嘅感覺，還有滷蛋都好入味！泰式濕炒雞肉河：濕炒河的配料非常多，雞肉很嫩滑。炒河多汁，而醬汁調味適中不會太鹹。冬陰功湯細：非常足料，大大隻蝦新鮮彈牙，湯底濃郁夠味，酸酸辣辣好惹味！油飯粒粒分明，色澤金黃，香噴噴好夠味！

$51下午茶餐，已包凍飲加$3下午茶餐牌寫有甜品，但落單後說未返貨，無窩！咁咪同午餐貨仔一樣😪其實同事們有提醒過我喱間餐廳嘅食物質素，不過心諗幾十蚊啫，應該唔會衰過譚仔嘛。。。但現在，我知錯了！豬扒喇沙金邊粉，如圖，可能餐廳驚我口渴，所以變左干撈，傾斜都無湯，瞓平就見到啦🤦🏻‍♀️🤦🏻‍♀️🤦🏻‍♀️有諗過我係咪應該返落去問佢拎返個湯，但唔洗做咩🙈🙈🙈豬扒。。。我食左邊邊有少少肥同骨嘅位，跟手掉左！因為我應該啲牙真係唔太好，咬唔到🤢🤢🤢飲品，龍眼茶，絕對係解味精(因為個粉同豬扒都係勁濃味)之選。。。一個字，甜！P.S.真心見無人寫晏晝餐，所以提醒下附近返工嘅朋友！

雞翼冬蔭公湯金邊粉 （價錢： $58）評分： 2.5/5食泰國菜無理由唔試下冬蔭公湯既，所以小編叫左雞翼冬蔭公湯金邊粉，雞翼有3️⃣隻，味道唔錯可惜放系湯面，令本身炸得金黃香脆既雞翼外皮淋曬，有D失色，冬蔭公湯雖然唔辣，但都幾香，金邊粉亦可以掛到少少湯☺️。海南雞飯 （價錢： 68）評分： 3/5海南雞$68有雞、飯同湯，都幾抵食。一見到係雞胸位，又要心心眼😍，有冇朋友仔一樣鍾意食雞胸唔鍾意食雞髀呢？🤣雞肉唔鞋口亦唔嫩滑，係平時食雞胸既口感🥰，味道方面小編覺得要點埋海南雞醬先夠味； 而黃油飯較失色，食落濕口，如果乾身返少少會較好；最後配埋超酸既醃蘿蔔🥕，超級開胃👍🏻。炸蝦餅 2件 （價錢： $28）評分： 3/5有7款小食可以無限次數以套餐優惠價追加，小編加左2件炸蝦餅🦐，以依個價錢黎講真係幾大份幾抵食，炸得金黃香口之餘，蝦餅亦好結實彈牙👍🏻。————————————————————————🐷 整體食物： 3/5🐷 環境：3/5🐷 可達度： 2/5

平日間唔中都會去荃灣搵食🤗，星期日放假約埋朋友去D Park愉景新城行吓街，見差不多晚飯時間，就揀咗在商場食泰國菜🇹🇭，餐廳名叫「泰2.0」，個名幾特別入去試吓先！由於時間尚早未係好多人⌚️，可以安排到卡位比我地，同侍應傾開先知原來係剛剛開業🎊，餐廳由生於泰北的👨‍🍳泰國廚師主理，我地仲叫佢介紹招牌菜比我地試下，疫情之下無得飛泰國食嘢，估唔到在香港商場都食到正宗泰國的口味😋。🐓冬陰雞湯平時飲開的冬陰功湯係橙紅色，酸酸辣辣好開胃，上枱見到冬陰雞湯湯底偏清淡，但飲落都有好清香的酸辣味道，湯底有南薑、檸檬葉、香茅及泰國辣椒等香料，加上嫩滑的雞肉，我地一人飲咗2-3碗。🦐泰式生蝦刺身生蝦配上蒜片及辣椒粒，仲有秘製辣汁，蝦肉爽口彈牙，仲有新鮮苦瓜墊底，夠晒滋味。🥗泰式皮蛋沙律依個菜係泰廚新創的菜式，原來靈感來自泰國的炸皮蛋。廚師改用流心皮蛋，配上魚露、青檸、南薑和香茅等秘製醬汁，再加入腰果，酸甜醒胃，令口感更清新，夏天食就最啱。🥥原個椰青海鮮飯上枱已經聞到好香的椰汁味，用原個椰子挖出椰子肉，與泰國香米炒香，再配上大蝦和青口，飯面的椰漿係用新鮮的椰青水混合椰漿製成，濃郁的椰香令海鮮飯更有一種泰國獨有

好耐冇去愉景新城今日老公話等我放工去行下順便食飯，至like泰國菜嘅我當然選擇食泰菜啦，見到Menu有個2人餐＄218~非常經濟二話不說就點了，冬陰功湯同炒菜就一定有，菠蘿炒飯或炒金邊粉就二選一，小菜可選擇海南雞半隻,炒軟殼蟹,炒蜆~如果選擇明爐烏頭或炒蟹就要加錢另外有些小食可以加錢無限追加~蝦餅，鳳爪沙律，串燒同芒果糯米飯冬陰功湯~湯裡好大隻又鮮甜嘅蝦好好味海南雞半隻~雞肉嫩滑再沾些秘製醬汁炒雜菜同炒金邊粉份量都唔少我地就另外追加了炸蝦餅同芒果糯米飯~兩樣都好好味

同先生去完宜家傢俬掃貨，順便去愉景新城醫肚，揀咗呢間價錢貼地嘅泰國餐廳，地方寬敞而且座位夠哂闊，坐得舒服，好適合行完街充下電。餐廳食物選擇唔少，而且夠多元化，仲有好抵食嘅二人餐可以揀。椰青即叫即開，超級新鮮，加上雪到凍冰冰，清甜解渴，一流！飛天通菜大大碟好抵食，而且夠哂惹味，配白飯一流。青咖喱雞帶有微微嘅椰香，微辣嘅醬汁加入各種泰式香料，夠哂香濃，同樣係白飯殺手。鮮蝦炒金邊粉亦係大大碟好抵食，即叫即炒熱辣辣送上枱，炒得夠火候亦夠惹味，唔錯。餐廳嘅食物整體質素唔錯，而且勝在價錢超值，亦坐得舒服，下次行完街可以再嚟。

春去夏至，夏天最岩食泰國菜！夠提神開胃，又酸又辣最刺激食慾～咁今次就去到荃灣食飯啦有間餐廳係新開既,上次黎過食午餐今次有晚市,自然再訪試佢正宗既泰北師傅手藝不過佢呢個風味,我覺得係好出色既!佢酸辣兩者平衡得好好,唔會單純死辣味我印像中泰北既味道係咁上下,應該好正宗了戰鬥力十足,上足電先來一杯特飲等上菜!青檸梳打加龍眼冰飲住先!唔好諗住佢係好精緻既高級西餐佢係冰室格調,但係做泰國菜的先黎一個冬陰雞湯雞肉去皮,切件,有番茄,蔥,辣椒好多香料無一般既咁多辣油,但唔好睇佢色水咁淡一樣咁鬼辣,點左火坐熱佢越煮越辣飲到出汗,想唔咁辣可以將番茄壓碎,咁就易入口好多,呢種夠辣夠酸,唔錯既~泰式鮮蝦抄金邊粉每條粉都上滿辣汁,伴整有花生碎辣椒乾碎唔夠味就拌少少食,更見辣勁夠爽身,有4隻大蝦,灑少少青檸汁味更濃泰式皮蛋沙律涼拌菜式,最辣既一款~酸勁辣強,清爽既食法皮蛋獨有既味道加上豐富既香料多種唔同配料切碎拌以辣汁酸汁食落由頭辣到尾,係一道風味十足既前菜集脆,辣,鮮,香四味既菜式原個椰青海鮮飯椰青海鮮飯,大蝦,青口,椰肉,三色豆唔食三色豆落單之前講明~落椰漿加椰肉同海鮮燴煮而成甜香易入口,同先前既菜式完全唔

收工喺愉景新城行過見到呢間餐廳個裝修都幾靚同埋啲位都好寬敞所以同同事就入咗去食晚餐通常收工都想食好啲成日都係咁諗㗎啦所以我哋就盡情咁嗌嘢食頭先就叫咗生蝦刺身一疊有九隻啲蝦大大隻之後就係冬陰功雞湯幾特別平時都係配蝦嘅但係呢個好多雞肉同埋啲雞肉好滑，味道都不錯仲叫咗泰式鮮蝦炒金邊粉好大碟同埋啲金邊粉炒得好乾身仲叫咗個豬手都係好大碟嘅豬手好入味同埋啲肉好林另外仲叫咗個馬拉產炒菜苗味道正常亦都唔會識落又太鹹嘅感覺當然唔少得要食炸蝦餅啦一疊有九件全部開咗一半嘅熱辣辣又好味另外仲叫咗三杯嘢飲一杯係椰汁沙冰一杯係芒果椰汁沙冰令一杯就係椰青三款都係泰國特色飲品當然食完飯唔可以唔帶泰國嘅甜品～ 叫咗一個芒果糯米飯同埋一個西米糕芒果糯米飯份量大同埋係比足一個芒果另外西米糕一碟有六件件件都大大嚿食完餐飯好有feel覺得自己好似去咗泰國咁佢哋啲嘢食整體份量好大同埋價錢好抵

呢日突然間想食下泰國菜做下午茶，同友人決定試下呢間Thai 2.0.我們分別點了一個「扎肉檬粉配冬陰功湯」，再加兩隻雞翼。以及一個「豬扒河粉配泰式清湯」。飲品便點了一杯「泰式奶茶」和「意式即磨咖啡」。我想講，食物方面，很多人都經常提及「色香味」的元素。當我第一眼見到送上台的「豬扒湯河」，完全沒有引起我的食慾。因為個賣相真係好「清」。。。先飲了一口湯，真係好「清淡」，接著，再來一口河粉，即刻感到失望。因為河粉口感並不夠滑，也不順喉。但，尚算正常河粉。至於個豬扒，看似又是淡淡的，但食落，味道還可以，比想像中好。論到湯底，我認為可以多放少少蒜片/蔥粒等。因為這個湯，只是有好少量的芫荽和芽菜。卻沒有泰式香葉、花生、蔥粒等等配料放落湯之中，顯得並不似泰式河粉。至於個「扎肉檬粉配冬陰功湯」，賣相的顏色看似正常，味道方面都是好一般。但，個檬粉是ok! 而個扎肉，都算比較厚。味道正常。

好多時收工好攰嘅時候，都好想去泰國按摩放鬆。疫情之下好耐冇去過泰國，咁就唯有食下泰國菜解一解相思之苦。 今晚就去咗荃灣愉景新城 Thailand 2.0食泰國菜。 我哋嗌咗一個二人餐 $218，十分抵食。 首先就係一大碗嘅冬陰功湯 ，有大量嘅蝦同菇係入面 ，辣度剛好，酸酸味味嘅味道十分開胃。 再來就係一度泰式炒雜菜 ，有齊曬芥蘭，西蘭花，菜心等等。味道相對温和。 之後重點嘅就係咖哩炒軟殼蟹 ，雖則二人份量，但夠曬食， 咖哩汁撈飯或者點薄餅食都一流。 最後就係非常經典嘅菠蘿海鮮炒飯 ，同樣份量十足 ，有好鮮甜嘅菠蘿同埋大蝦等等。食完之後大滿足。 另外我哋每人單點咗一杯飲品。 呢個套餐有咁多嘢食，份量十足，細食嘅話三個人都好足夠。

走到荃灣愉景新城, 發現好多商鋪易手了, 依然有的是小市集, 賣手工藝品及精品等, 晚餐時間, 要吃甚麼菜, 我是很隨意的, 但同行的媽媽偏愛泰越菜系, 找到泰2.0, 即管試試.泰2.0由泰北廚師主理, 翻閱餐牌, 屬平民價的泰國正宗美食. 吃泰菜必點的, 實有冬蔭功湯蝦, 一鍋大概有4碗, 湯料也夠, 例如菇菇, 上枱期間, 鍋內有火熱著, 辣勁十足! 嗜辣程度不高的我, 實在每喝一口就要喝一口青檸梳打解一解.泰式皮蛋沙律是一道presentation挺好的菜式, 大量料頭如南薑、葱、紅辣椒、香茅、魚露等鋪滿皮蛋, 一次過將全部料頭及皮蛋放入口, 吃得過癮, 辣以外還帶微酸, 好醒胃~吃不了那麼多的辣菜, 媽要吃魚, 就點了泰式青檸酸辣炸盲鰽, 醬汁帶甜, 她說味道也可以, 魚肉都嫩滑.來到澱粉質一環, 吃泰菜我們多數算椰青海鮮飯或菠蘿海鮮飯, 選了前者, 份量夠, 椰青水及椰漿混和做醬汁, 香濃, 但可惜飯太軟淋.   而伴著我吃這頓辣菜的是青檸梳打, 基本上不會有差池, 就是解渴清爽; 而媽媽的涼粉椰汁冰也不錯.意猶未盡, 不如吃甜品, 斑蘭椰汁千層糕, 花形其實很美, 軟糯度

✿╮❤╭✿✿雜感女生   好味日記✿˚*•✰。泰2.0 ．泰抵食。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤很久沒出街食飯今次來到愉景新城見到新開一家泰國餐廳有抵食的2人餐於是和朋友一起試新野 炸蝦餅香噴噴熱辣辣，食到好彈牙的口感厚肉香脆，味道非常正 泰式炒雜菜鮮甜好味以泰式香料加蒜頭處理帶出蔬菜的鮮甜味 菠蘿海鮮炒飯好多腰果同豬肉鬆香口惹味，係好泰式風情的炒飯加上有大蝦同青口味道真不錯  咖哩炒軟殼蟹屬於醬汁多多的菜式軟殼蟹夠入味，而醬汁亦很香濃特別是帶椰香，可以配白飯來吃  冬蔭公湯用了超鮮美的大蝦是新鮮的味道，甜到一個點加上地道正宗的泰式冬蔭湯底是非常滋味的 泰式奶茶用上優質的泰式紅茶味道確與別不同加入香甜度，是每次泰國菜之後必飲的 

熱辣辣既夏天來了 ，令到人胃口麻麻地。 泰國菜就自然成為首位，而呢次就見到間幾靚Thai2.0餐廳，而價錢又吾貴,啱哂一家大細，入去就點左個二人餐黎試下!泰式金邊粉淨係睇擺相已令人食指大動，顏色炒得均勻的淺橙色金邊粉，乾濕度恰到好處！就好似藝術品一樣，甜酸適中嘅口味。令人胃口大開。冬陰功湯材料豐富既湯入面有小蕃茄、菇菌等，而且一碗內有幾隻蝦，很足料呢！酸、甜、辣度也調較得剛好，令人喝到停不了口，超正！泰式炒雜菜味道都不錯的，清清地當清腸胃，較健康的一款餸。珍多冰質感爽滑味道清甜，外層煙韌、色澤鮮艷。消暑一流。