Thai 2.0 (已結業)

約咗好友喺愉景新城IKEA睇家品，之後大家都肚仔餓，好友就帶咗我嚟呢間泰國菜館，話抵食兼幾好味。餐廳都幾大間，友善嘅店員安排我哋坐喺卡位，坐得幾舒服😌。炭燒豬頸肉🥓$78豬頸肉醃得好入味，大大片切得都幾厚，食落啖啖肉，非常好豬味，仲有一個秘製醬汁，好惹味😋。配一啖我嘅椰青🥥 $38，好爽。泰式炒雜菜🥬🥕🥦$58有西蘭花、椰菜花、紅蘿蔔、芥蘭、雜菌等，全部都幾新鮮，呢個炒得清新簡單好味。原個菠蘿海鮮炒飯$88海鮮有青口、蝦仁🍤、提子乾、新鮮菠蘿肉等，呢個炒飯炒得乾身兼幾香，放喺原個菠蘿裏邊，份量好多，食得我同好友好飽。

終於開放夜晚堂食行街行到餓 可以即刻食野呢間新開所以同男友食下先比想像中好味😋係感覺裝飾靚既茶餐廳🦐泰式生蝦刺身 $8️⃣8️⃣呢個辣得超級過癮辣到標鼻水🥵🥵雖然我唔太食得辣但男朋友就頂得住(*建議腸胃唔好既朋友慎選,始終生冷野會有風)💜泰式馬拉盞炒通菜 $6️⃣8️⃣呢碟通菜非常之大碟唔會太咸 都唔會太辣要黎送飯一流🍍原個菠蘿海鮮炒飯 $8️⃣8️⃣呢個非常推薦!!菠蘿炒飯好多菠蘿🍍菠蘿肉非常新鮮唔係罐頭菠蘿好多蝦🦐🦐料好足💜椰子雞湯 $6️⃣8️⃣個湯係椰子奶白色🥥但飲落係冬陰公味都比較特別就不太推薦呢個湯喇

S13 辣椒膏炒珊瑚蚌 $98 個汁好好味 甜甜的 好岩我口味😚 好似甜咖喱咁 而且啲珊瑚蚌索曬啲汁 好正 不過珊瑚蚌煮得有啲耐 所以食落有啲韌🥸2005 泰式飛天炒芥蘭 $68炒芥蘭我覺得一般 因為我覺得唔係好夠味 但男朋友又話夠味😂 所以都懷疑自己味蕾🙈6004 蝦頭油海鮮炒飯 $78一黎到呢個飯超香蝦味 但食落又唔係好覺 但整體都好味既😋 蝦肉彈牙爽口☺️ 炒飯亦有鑊氣👍🏻 8009 椰青 $38好大個椰青啊！ 清甜☺️ 凍到癲 好爽😚 不過因為食得太飽所以無食到啲肉🤣

Thai 2.0 (荃灣).🔹泰式生蝦刺身🔹.較出面食到嘅肥美大隻，配上蒜片以及辣椒🌶️加上生蝦汁，好正(˶‾᷄ ⁻̫ ‾᷅˵).🔹泰式拼盤🔹.呢個我超推薦大家食，勁勁勁大碟，入面有鳯爪沙律，蝦餠，春卷以及兩串串燒！我地揀左一豬一雞，都好好食(˶‾᷄ ⁻̫ ‾᷅˵) .🔹 泰式鹹肉炒椰菜苗🔹.其實我無為意原來有鹹肉，但係個炒椰菜苗非常好食😋夠嫩個汁又入味.🔹 青咖喱雞🔹.我鐘意啲青咖喱濃稠少少，呢個恰到好處，內有豆泰國茄子雞肉等配料，果然係白飯良伴！—————————————————-環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️. 📌 Thai 2.0 (荃灣)荃灣青山公路荃灣段398號愉景新城2樓2030號舖.

Thai 2.0聽個名就聯想到茶餐廳2.0了何況就開在它旁邊 應該係姊妹店吧環境幾闊落 坐得舒服🤪但冇乜泰國氣氛依家可以四人同枱 緊係要聚會食返餐好價錢中等 可無限追加小食 另設加一服務費.海南雞飯🐔$68上菜後發現碟碟的份量都好多 覺得抵食！海南雞肉質幾嫩滑 脂肪唔太厚 調味適中油飯食落幾香 不過有少少清淡 顯得油膩.馳名泰式豬手飯🐷$78賣相好掂呀 豬手外皮有光澤 切得好大塊啖啖肉 味道唔會死咸 對得住個價錢不過略嫌肉質硬左啲 所以最後食唔晒.菠蘿海鮮炒飯🍍$68海鮮多得驚人 大大隻蝦和青口菠蘿也是 配搭腰果 肉鬆 提子乾等味道幾正宗幾fresh 份量絕對夠2人分享如果加埋菠蘿殻上 絕對可以賣過百蚊.泰式海鮮濕河🦑$58呢個係是日午餐 所以價錢會便宜一點同樣有大蝦青口 每條濕河都吸滿了醬汁很喜歡有不同類型的蔬菜 健康又增加口感.炸蝦餅🍤$28/ 2pcs強烈推薦這個✨無限追加小食真係好正蝦餅炸得金黃酥脆 店員好細心咁切開一半可以見到蝦膠呈粉紅色 咬落彈牙厚實而且蝦味十足 唔會好似坊間咁白色得粉味.泰式鳳爪🌶$25一碟大約有五六隻鳳爪 調味夠辣夠酸相當惹味 鳳爪口感偏爽口 冇骨啖啖肉

之前路過愉景新城，已經見到開左間泰國菜，但一路未有機會過來食， 早兩日謙謙補完習話想食金邊粉，見好耐冇同佢食過，又見佢溫考試都幾努力，就獎勵下佢啦！一座低佢已經自己睇餐牌😵😵😵話要叫以下呢幾款野食， 人仔細細多多要求 😅。⚛ 泰式鮮蝦炒金邊粉 ～ 鮮蝦爽彈， 炒金邊粉份量夠哂大碟， 配料齊全，我叉左d 點一點旁邊d 辣粉，好刺激好到位的辣。謙謙就係喜歡食炒金邊粉，因入口酸酸地幾醒胃。⚛ 黃咖哩豬肉 ＋ 白飯 ～ 謙謙話特別叫比我喎，因為佢知我喜歡食咖哩，呢到黃咖哩係屬於小辣， 豬肉唔會韌，入面仲有青紅椒和吸味一流的薯仔， 濃郁嘅咖哩汁送飯一流。⚛ 泰式拼盤 ～ 呢到嘅拼盤同外邊有dd 唔同， 因為呢到係有鳳爪沙律架，食落去酸酸辣辣好開胃， 仲有春卷， 蝦餅， 最正係有兩串串燒呀！我地叫左一牛一雞， 點一點個沙嗲醬食好夾，花生好香，串燒燒得剛好，入口肉質腍而且入味。下次媽咪唔想煮飯仔，可以一家來點多幾款野食。

餐廳環境都ok大,卡位座位都好闊落坐得好舒服。其實係一間大商場既餐廳入面，坐得舒舒服服....呢個價錢來講性價比算係咁啦🙂食物質素方便其實都係中規中矩冇話邊樣野特別突出嘅個菠蘿炒飯做得幾開胃咖喱完全唔辣嗰隻甜咖喱😍佢嗰碗咖喱汁又係多到兩碗白飯都食唔晒😆不過叫咗兩杯沙冰就差唔多食完佢先到整體來講...係呢個唔知有乜好食嘅商場黎講係會有下次嘅

愉景新城甚少去食，因為大多數都係價錢偏貴。今日有同事話愉景新城開左間新餐廳，係泰國菜，一於去試下。入到去，人不算多，環境坐得舒適。我揀左碗生牛肉喇沙湯檬，配熱龍眼茶。$58喇沙湯底ok，一d都唔辣，但唔夠濃味，可以再重味d。檬粉份量少，食完唔多夠飽。生牛肉好一般，份量亦都係偏少，另外喇沙湯底會配兩粒豆卜同半隻蛋。套餐會有免費熱飲，我揀左熱龍眼茶，龍眼有d硬，味道偏甜，我麻麻甜野，所以無飲晒。最後埋單要加一，整體覺得性價比低，唔值，所以下次都要諗諗先會再幫襯。

堂食晚市終於開放，今晚在荃灣愉景新城食晚飯，口痕痕想食泰國菜，晚上七點多到達「Thai 2.0」。餐廳裝潢花上心思，有越泰風味，而且空間感大，整體環境都予人舒適悠閒。炸蝦餅表面金黃酥脆，每一口都好似食到新鮮的蝦肉，非常之彈牙爽口，高度推薦！配上泰式醬汁更加醒胃，酸酸辣辣，很有泰式風味。泰式鮮蝦炒金邊粉 每次食泰國菜必叫，金黃色的金邊粉，配上大大隻鮮蝦，賣相非常豐富，好足料。芒果軟殼蟹米紙卷配料有芒果、牛油果、軟殼蟹等等。炸軟殼蟹加上不同水果蔬菜，配搭一流，令整個菜式變得清新健康，口感非常豐富。泰式龍眼冰必試的泰式飲品!! 龍眼香甜，而且好解渴。餐廳環境真的讓人很舒服放鬆，食材新鮮，食物質素很棒，讓我們有個美好的晚上。

去 𝙸𝚔𝚎𝚊 掃完生活用品後再去愉景新城填肚先打道回府😂想不到事隔幾個月，又有新餐廳開幕今次是我最愛的泰式菜 - 𝚃𝚑𝚊𝚒 2.0.餐廳裝修是 𝙲𝚛𝚘𝚜𝚜𝚘𝚟𝚎𝚛 泰式和現代𝚏𝚎𝚎𝚕😍以簡潔為主，座位亦相當寬敞餐牌款式選擇性多，必有一款岩心水👍.【泰式蒜蓉包 $30】牛油和蒜蓉均勻地搽滿法包表面入口鬆脆，蒜蓉香十足😋.【炸蝦餅 $78】泰國菜必點小食 - 炸蝦餅一份有八塊，足夠2-3人開心share蝦餅酥身，外層香酥脆口，內裏彈牙蝦味濃沾上泰式辣醬，甜甜地酸酸地不愧為人氣小食之一🥳.【泰式香葉肉碎炒河 $68】加入辣椒，豆角，肉碎，珍珠荀和香葉等炒香河粉入口爽滑吸收了醬汁的精華加上香葉獨特的香味味道香濃，好有泰國風味河粉濕潤度恰到好處，口感還很豐富呢😈.【椰汁西米糕 $32】最後配上泰疊人氣甜品椰汁西米糕才稱得上滿足！用斑蘭葉包裹住，分成三層頂層是椰汁糕，中層是芋頭粒，最後是西米底柔軟又帶有咬口，椰汁香濃🥰.【泰式奶茶。泰式青檸梳打 $22】泰式奶茶味道都幾正宗煉奶帶出奶茶的香滑，但又不失茶香回甘雖然比港式奶茶偏甜少少但泰式奶茶就是這種風味青檸梳打入口清新，酸香開胃又解渴😘

荃灣多商場多食肆，成日都會發現有新店開張，今日又發現多一間，係泰國菜，食個晚飯先～裝修光猛明亮，位置同位置之間好寬闊，坐得都幾舒服，叫咗啲小食同炒飯，質素都唔錯喎，價錢亦都好親民，晚飯有多一間選擇。泰式串燒，有六串，可以揀雞、豬、牛，每樣兩吋都仲得，大大串即燒嘅串燒點埋沙嗲醬好惹味，香茅雞中翼都幾大隻，香茅味好重，皮香脆雞肉滑，唔錯！泰式炒飯之中我最鍾意蝦膏炒飯，整得都幾好食，每一口都有泰式蝦膏味，泰式臘腸、腰果、煎香左嘅雞蛋鋪面，又好睇又好食都只係$68，食埋馬拉盞炒通菜，完美！

試到一間可回頭嘅泰國菜餐廳，好耐冇晚市堂食，值得紀錄一下。餐廳易去，名同招牌都好易記易認首先好欣賞佢嘅內部環境寬敞，枱與枱之間唔會好迫，唔怕傾計嘈到格離，另外裝潢都好精緻，燈光夠猛，始終新開係唔同啲！特別係門面，有泰國特色！食物方面，整體唔錯～唔算肥膩~泰式拼盤：可以一次過試盡四款唔同嘅泰式小食，豐富同埋份量都好足夠春卷：口感清新輕盈，皮薄，餡料主要係蘿蔔椰菜絲呢啲素菜，冇肉串燒：揀咗雞肉，點唔點沙嗲醬汁都係咁好食！鳳爪沙律：去骨鳳爪好開胃，生菜爽口清新蝦餅：脆香熱辣辣，外脆內彈，新鮮，沾下酸辣醬相得益彰泰式鮮蝦炒金邊粉：有櫻花蝦、蛋、豆腐乾、韭菜、芽菜，蝦仁又多又有彈性，咬到芽菜爽脆可口，襯得十分好，好大碟，一個人都未必食得晒咁  芒果沙冰：滿到呢～唔係好甜! 芒果味夠濃~ 夏天飲應該再正啲~ 泰式飛天炒通菜：用蒜頭、麵豉醬同紅椒等爆香，夠哂惹味!! 不過唔係好食得辣嘅人可能會覺得辣咗啲，但其實避開啲紅椒、送飯、或者食完飲返啖芒果沙冰就完全唔驚~仲有好多唔同嘅嘢食留返下次試啦！好多餐廳新開好食但之後一般般，希望呢間繼續keep住水準啦

晚市重開, 緊係第一時間去試下 D. Park 新開嘅泰菜餐廳啦Menu 食物款式夠多, 而且價錢一 D 都唔貴, 非常大眾化泰式咸肉炒椰菜苗份量唔細, 椰菜苗唔會炒到過晒火,口感 Keep 住爽脆, 咸肉嘅咸香味完全滲入椰菜苗中, 超級惹味咖喱軟殼蟹軟殼蟹炸到香脆, 啖啖肉, 配上金黃色混合左蛋花嘅黃咖哩, 味道濃郁, 唔會太辣, 非常出色的黃咖哩泰式薄餅薄餅煎到兩面金黃, 酥脆香口, 配有一小碟沙嗲醬｡ 當然, 沾上黃咖哩汁食就更加美味啦泰式鮮蝦炒金邊粉鮮蝦又大又彈牙, 而且個金邊粉仲加左櫻花蝦一齊炒, 味道甜得黎又帶 D 咸鮮泰式龍眼冰龍眼冰唔會過甜, 非常清爽

今日喺愉景新城, 肚餓就搵吓有咩餐廳可以去食下。見到呢間新開泰國菜, 於是決定試吓。叫咗佢嘅星期一午餐泰式炒金邊粉, 再配多兩隻雞翼。雞翼細小, 味道較淡, 食唔出香茅味😅之後個金邊粉一嚟到，個樣都幾靚，諗住有驚喜，點知食落去又係淡味。唔係鹹甜嘅淡，而係欠缺香味，無泰國菜重要嘅鑊氣。雖然份量足夠，可惜就好似雞肋，食又唔夠香味惹味，唔食又浪費....難得新店開張，水準都咁一般，價錢次要，我認為食不單止是填飽個肚，我都想食完有開心滿足的感覺。又一間唔尊重食物嘅新餐廳🤦🏻‍♀️

泰式茶餐廳 Thai 2.0 荃灣 愉景新城 餐廳 快餐 CAFE 荃灣搵食,早排行商場,行完商場咪食飯見到呢間新開既泰式CAFE 茶記入面有幾多選擇,所以坐低試下啦懶洋洋食個全日早餐,泰式燒雞配飯12蚊追加泰式青檸SODA熱咖啡不用加錢,有午餐,下午餐優惠有麵湯,炒粉麵飯,泰式小吃先上一份全日早餐,黑松露炒蛋,火腿,煙三文魚煙肉片,沙律,番茄汁豆,薯餅,法包多士幾豐富,新一年食豐富一些沙律配芝麻醬,多士有烘過抹上牛油炒蛋拌勻松露醬炒香,但全熟唔夠滑有肉有菜有蛋有包,唔錯,如果有多條腸仔更好泰式燒雞配飯,改用去骨雞肉醃過再煎牛夠厚肉,加埋泰式辣汁食好開胃最後追加一客小吃,炸蝦餅蝦肉爽彈,外層脆香,熱到出煙,沾返2口辣醬最好食係呢個荃灣青山公路荃灣段398號愉景新城2樓2030號舖