Texas Burger (已結業)

今日系朗豪坊12樓見到有間新餐廳是美國菜食burger,又是露天環境又幾舒適，一於入去試下新菜式。餐廳座位幾特別，有3張特別的卡位好似一間房間。見到餐牌種類多，burger都有幾款選擇。墨西哥雞肉菠蘿漢堡，麵包好軟熟有一片菠蘿，生菜，芝士和雞肉絲，配埋全部一起食都好好味。德州燒烤牛肉漢堡，加左$66轉套餐有奶薯，薯條和青瓜。牛肉漢堡有煙肉，生菜，洋蔥圈和牛肉餅，牛肉餅煎到不會過熟，中間粉紅又有肉汁。薯條熱辣辣，青瓜超酸。水牛城棒棒雞酸酸甜甜又幾開胃。野莓奶昔又不會太甜。

Time flies and now there is a second branch of Texas in Kowloon. Technically this should be the third branch as there is another burger house in LCK by Texas burger.Langham Place is a mess but luckily Texas Burger is located on the top floor so you just have to take three escalators to get there.The watermelon pocket is an exclusive here so had to save room for dessert.For food, had the Beyond Meat burger as it has become one of my favourites.Then I had the Burrito on Mexican rice.The burrito wa

去完中環食burger冇幾耐，又想食burger 了😝 帶朋友去朗豪坊，bar and restaurant 下一層開咗間新既店- Texas Burger, 露天既環境，座位唔多。黎到Texas burger梗係要試Texas BBQ Beef Burger ($88) 材料十分之豐富！有煙肉，洋蔥圈，牛肉好厚好juicy☺️Soft shell crab avocado beef burger ($108)牛油果控見到牛油果既野食一定會叫😆 但食落其實都係得一細舊🙊 但軟殼蟹係原隻，超足料大大隻。食落好有口感🤤跟餐 (+$66 有薯條同奶昔) 薯條好脆，係食到最後都係咁脆！同burger 一定係buddy! 跟餐指定要跟raspberry既奶昔，酸酸甜甜又好滑。另外叫咗一杯奶昔，ocean love ($50)，係雲尼拿海鹽味，間唔中就會飲到淡淡既咸味，好正好解渴。Steak quesadilla ($88) 個皮煙煙韌韌，入面夾住煎香咗既牛柳條同埋芝士，有咬口之餘味道都好好👍🏻

發現朗豪坊新開了一間專賣漢堡的美式餐廳，原來是天后區那間十大漢堡店的分店，而價錢竟然十分平民，最便宜的漢堡更是六七十元便有交易，確是物超所值。餐廳採用開放式設計，感覺開揚，一個個圓拱形的軟座沙發卡位，十分雅緻又舒適。漢堡即叫即製，但又不會要等好久。每款漢堡都巨型得就算將嘴巴擘到最盡都難以將之整啖咬下。好欣賞漢堡的麵包烘得金黃，咬落十分香脆。煙燻鴨肝牛肉漢堡好出色，鴨肝夠大件又厚身，真材實料，外層焦脆內裡軟滑，一切開更流滿油，啖啖油香。牛肉亦相當厚同juicy，牛味濃厚，夾雜洋蔥和菜，口感豐富又清新，不會覺得油膩，加上特別調製的醬汁更是惹味。德州燒烤牛肉漢堡材料豐富，有洋蔥圈、脆煙肉、牛肉、芝士和菜，十分足料。牛肉燒得恰到好處，保持肉嫩多汁，與香脆的洋蔥圈和煙肉軟脆交錯，口感一流。另外加錢可升級至套餐，附薯條、酸瓜和飲品。薯條份量多，炸得香脆可口，薯味重又飽滿，十分惹味。酸瓜好大條，極多汁，不會好酸，清新又解油的感覺。雜莓軟雪糕奶昔賣相非常精緻可愛，質感好幼滑和稠身，莓味濃郁，甜度適中，完全沒有怪怪的藥水味，好好飲。橙汁有不少果粒，清甜解渴，不會好淡或太甜，吃過漢堡喝一口瞬間一解油膩感。

今日去朗豪坊睇戲，係等入場既時候行過見到有間新開張餐廳，主打漢堡哥，帶點墨西哥風情！入到餐廳，係開放式既設計！Menu 選擇十分之多，連食素既朋友都有照顧到！但我呢d食肉獸 緊係要食返肉啦，我就叫左個燒烤手撕豚肉中式漢堡！另外加56$就變左個set 餐，飲品仲可以選擇啤酒，呢度既啤酒仲係墨西哥啤酒，加塊檸檬入去 酸酸爽爽 正！之後我個漢堡都黎到啦，入面既餡料非常多，一啖一定咬唔哂，包面烤得好香脆，口感很好！入面手撕豚肉一d都唔乾身 好juicy !bbq 醬既味都好香濃 十分滋味！薯條係我最愛既粗切薯條，即叫即炸既薯條炸得非常香脆，入口脆卜卜，點埋蕃茄醬正！呢度既質素非常不錯，下次想食漢堡一定會再黎

朗豪坊呢間新開漢堡店廣告相都覺得好吸引難得出旺角 即刻拉左屋企人同我一齊食其實除左burger 亦有小食 甜品等選擇Beyond burger係店員推介 所以黑洞就決定一試入面有塊素牛肉 呢口感同味道都同真既有幾分相似喎而且仲加左洋蔥圈 芝士 蕃茄 牛油沐等配料份量十足 口感好豐富加錢轉套餐會配薯條同酸青瓜薯條新鮮 而且夠粗身 好味道酸青瓜解膩一流飲係berry love奶昔入口酸酸地好開胃由於屋企人吾食牛 所以佢揀左牛油果漢堡除左牛油果 仲有一塊用菇整成既炸餅雖然係素食漢堡 但一點都吾乏味小食推介炸忌廉芝士球芝士入口甜甜地 完全吾會膩胃反而愈食愈想食我地另外再散叫左一杯ocean love成份有香草雪糕加岩鹽成杯飲落都係咸咸地 黑洞好中意而且外觀淺藍色超級靚估吾到呢間餐廳食物質素咁好而且地點好方便 值得一試

上兩個星期同朋友去咗天后嘅「Texas Burger」食晏，從店員口中得知，餐廳喺朗豪坊開咗新分店，上次食唔到個 Beyond Burger，所以趁今個星期五 Happy Friday，就約埋屋企個漢堡包精一齊去試下。新店位於朗豪坊 12 樓，離遠已經見到餐廳嘅招牌，非常搶眼，不過講到最吸引眼球，還是近門口嘅幾張圓拱形設計雅位，既寬敞又闊落。原來除咗門口嘅卡位外，入面仲有一張長梳化座同一排面向舞台嘅高腳櫈，環境開揚舒服；而這晚我倆就被安排坐在餐廳盡頭的雙人座位，由於店子地台升高，坐下有「高」人一等的感覺。其實剛才進店前已經喺門外細心研究過餐牌，基本上食物嘅選項同天后總店係一樣嘅，除咗主打嘅漢堡之外，仲有小食、一系列墨西哥風味小吃，另外亦有 BBQ Baby Ribs、廚師精選意粉飯、意大利麵、幾款甜品、軟雪糕奶昔同飲品等。不過發現分店就另外仲有一款霸氣十足嘅波士頓龍蝦牛肉芝士漢堡同限量供應嘅西瓜雪糕三文治。既然一心嚟食漢堡，就一於每人揀一款，再加客沙律齊齊分享。香煎牛腹扒沙律 ($88)，牛腹扒煎香後唔係原塊上碟，而喺切件鋪喺新鮮清爽的沙律菜面，並伴以爽口的西芹同清甜爆汁的車厘茄，分量

去朗豪坊lego shop, 行完又到了吃飯的時候。就在legoshop 對面，texas burger 在此開了分店，既然小女生又喜歡吃burger, 就去試一試吧！店舖不算很大，但環境很寧靜，我們被安排在坐在卡位上，坐得很舒適。看過餐牌， 除了有美式burgers,還有墨西哥tacos,兩份burger 又太多，那麼就就點一個burger 和一份tacos 開心share 啦！墨西哥燒牛柳芝士脆餅$48牛柳都算稔，再配上蕃茄，洋蔥和牛油果sasa,都幾清新 。未來牛肉漢堡$88其實是素食 burger, 啱曬我這些不想吃大大片牛肉的人士 。內有蕃茄，生菜，牛油果和素漢堡扒，那片素漢堡的味道真的幾可亂真，真的以為自己在吃牛肉呢！upgrade 了黑松露薯條，薯條很香脆，本以為是配松露醬，原來是加入了黑松露，如些奢侈的吃法真的是第一次呢！同小女生食飯，當然少不了點份甜品啦！ 焦糖青檸芝餅相當吸睛，脆脆的焦糖，增添了芝士餅自的口感，帶有青檸味的芝士餅，清新又不會太膩。飲品方面還有香港的特色飲品白牛和菠蘿蜜桃梳打呢！真是大滿足的一餐啊！

最近又到OT 日子，收工唔想即刻返屋企，只好找個朋友同我食個late dinner. 約左係朗豪坊，有好多食肆, 朋友想食Burger, 我地找了一間在十二樓的美式Burger 餐廳，原來他的總店在天后，被評為十大最佳漢堡餐廳，真的要試試。原本有些喉嚨痛的我點了一個墨西哥沙律，醬汁是用蜜糖調成的，牛油果非常新鮮，但可惜只係一隻大蝦,如果佢用幾粒細蝦仁,整體感覺會更好。因為真係太過喉嚨痛啦,所以一定要食返一些不是煎炸的食物,所以點了北海道香煎帶子青番茄義大利麵。帶子成個五蚊銀咁大，一入口海水味湧出。因為佢只係輕輕煎過帶子嘅表面，有一啲燒焦嘅味道加埋帶子鮮味，好好味。意大利粉意外地有點辣，綠色的醬汁沾满每一條意大利粉, 但是不是剌激的辣，比起平時食開卡邦尼意粉忌廉汁, 這個醬汁挺新鮮。朋友點在一個軟殼蟹牛油果牛肉漢堡而且加咗$63升級套餐，有奶昔,薯條,酸青瓜。軟腳蟹非常脆炸漿好薄，一咬落去，千島醬和牛油果減輕他的油膩感。牛肉因為花了好多時間醃製，所以有一種獨家嘅味道。成條大酸青瓜，切開一片片配上漢堡非常之合拍,增加漢堡的層次感。這個酸青瓜不會太酸，非常爽脆味道啱啱好。我們的奶昔Berry

男友又帶我去吃好西了🤤今次佢揀左呢間係朗豪坊頂頂既漢堡。就係有live band 同Lego 店個層雖然開放式但裝修都有格調餐牌超多選擇，而且價錢比平時食個啲都平少少👍🏻水牛城棒棒雞外型非常討好，酸辣度適中。炸雞鮮嫩多汁。本身諗住咁多醬點解仲要俾沙律醬我，但原來食一舊已經有啲膩，呢個時候點個沙律醬就可以中和中和🤗黑牛我未見過用軟雪糕整既黑牛。雪糕非常軟滑👏🏻德州燒烤牛肉漢堡用料超豐富舊牛好厚，而且仲係粉紅色燒得剛剛好，非常juicy,配埋煙肉，炸洋蔥圈同芝士簡直係大滿足😋卡萊羅納燒烤骨我最鍾意係佢可以咁細份，平時個啲一叫要叫成條，呢個一人食剛剛好。燒烤醬非常開胃，豬肉熟度剛好，骨都可以輕鬆拆出👍🏻

老公最近得知獲選為〈全港十大最佳漢堡餐廳〉👑的〈Texas Burger〉由天后食街再開分店到旺角朗豪坊，急不及待的就拉著我來吃漢堡🍔。餐廳位於朗豪坊的12樓，正正就是扶手電梯的隔籬，天空幕牆✨之下，環境非常寬敞，開揚，優美。由於新開業的關係，座椅都非常新簇，坐得好舒服。👍🏻👍🏻👍🏻如果碰巧有Live Band🎤表演，仲可以一邊吃一邊欣賞優美的音樂。<Berry  Lover>餐牌的軟雪糕奶昔🥛超漂亮！！當然要點我最喜歡的Berry🍓味香甜的莓味加上忌廉的軟滑，沒有奇怪的葯水味，so sweet！！❤️❤️❤️<Black  Minion>老公則點了有點酒🍸的奶昔。同樣非常幼滑香甜，但多了Baileys酒的咖啡和朱古力🍫味，小朋友要長大做大人了嗎？？吧啦啦~吧啦啦~~🍌🍌🍌<墨西哥🇲🇽芝士🧀夾餅(軟皮)>夾餅好抵食！！$88有兩件🌮🌮🌮，仲要係超級滿餡的<餡料:手撕雞>滿滿的乳酪醬加上牛油果蓉🥑，還有蕃茄粒🍅和紫椰菜等蔬菜，非常健康手撕雞肉🐥亦超高質素，份量多就不在話下，而且仲非常嫩滑，和鬆軟的夾餅一起吃真係食到〈lam lam

朗豪坊高層有好多餐廳，今次試吓12樓嘅Texas burger～ 我哋星期五七點半去到都唔使等位，咁唔啱旁邊有朗豪坊商場安排嘅現場表演，所以好有氣氛，有live Band陪住食飯😍👏🏻德州燒烤牛肉漢堡$88 套餐 $36燒烤牛肉漢堡個樣好靚仔，切開見到牛肉嘅粉紅色，一啖咬落去口感好好，因為有脆薯圈，好香口，牛肉多汁鮮嫩，醬汁味道好好，整體覺得好好味🤤👍🏻 套餐有薯條、酸瓜同飲品，酸瓜味道唔錯，非常爽口，薯條香脆，亦都非常美味😋未來素食牛肉漢堡$88店員推介呢個係花左好多年時間研發嘅素食牛肉，外表同普通漢堡冇乜分別，切開見到都幾似牛肉，食落嘅口感都好似，果然像真度好高，整體味道都非常好味👍🏻 不過個人覺得燒烤牛肉漢堡嘅醬汁好味啲😝墨西哥芝士夾餅$88我哋叫咗兩件，一個係炸魚柳，一個係燒牛柳，我哋揀咗脆餅，賣相都好靚，餡料豐富，兩款味道都好好，脆魚柳非常香口，牛柳亦燒得非常香，唔錯👍🏻香煎焦糖蘋果夾餅$58最後我哋叫咗個甜品，有四件夾餅，蘋果酸甜，內面有少少朱古力粒，配上焦糖醬，味道好好，非常滿足嘅一餐😋

位於朗豪坊呢間漢堡店，餐廳很易搵到，就在電梯旁，餐廳位置開揚空間感十足，有梳化卡位可以舒舒服服嘆番餐。 呢到有漢堡，意粉，多款小食之外仲有甜品及多款飲品供應，除左漢堡吸引我之外仲有呢到個奶昔賣相好靚，奶昔好香好滑而且唔會太甜。 厚厚的漢堡我會建議開心SHARE，可以叫多幾款野食， 「德洲燒烤牛肉漢堡 $88」牛肉厚身，肉味幾濃郁，加$66 套餐會有雜莓奶昔 + 薯條 + 酸瓜。 我今晚最推介係「墨西哥芝士夾餅$88 2個」，餡料有多款可供選擇，若選軟殻蟹+$6，我地一個要左牛柳，另一個要左軟殻蟹，牛柳好林滑，外層薄薄一層軟皮包著非常多餡料，酸忌廉加牛油果醬再加埋蔬菜令味道提升唔少，口感相當豐富。

朗豪12樓除了有本地liveband表演還有這家好座的漢堡店，感覺很舒適，反正逛街逛得累了，就進來吃晚餐！價錢不算貴，朗豪來說還真不錯～顧名思義，這裡主打漢堡包，不過也有意粉，和我最愛的墨西哥tacos和粟米餅等等，也真是有德州的感覺。漢堡包有貴有平，有素有肉還有未來肉！款款都讓我口水直流（笑）最後選了我最愛的組合，牛油果軟殼蟹漢堡，加錢可轉成set，附飲品，酸瓜和薯條，賣相非常好，漢堡超大份，開心晒～軟殼蟹是一整隻，牛油果半個，而漢堡牛肉超級厚！！熟女要注意食相嘛，可以請服務員幫手切開兩半。橫切面還真有氣勢的（笑）軟殼蟹肉超多，配牛油果是經典中的經典！漢堡肉看來非常足料，沒混太多豬肉，口感比較粗，沒豬肉的滑和juicy，換來的當然是啖啖牛味，讚一個！麵包刷過牛油烤焗，十分香脆，這個漢堡絕對不馬虎，上佳之作！個人很喜歡tacos，尤其是軟皮！（這裡也提供硬皮）餡料有多款選擇，我也忘了有甚麼，我們點了手撕雞和手撕豬，配上莎莎醬真是最高享受！吃到當年去美國旅行時吃過的味道，真懷念～道理上，應該是要喝可樂最為「傳統」（笑）不過香港就是這樣精彩，總是可以在麻雀雖小的餐廳吃到各款美食。老公的白牛

「Texas Burger」對小編而言並不陌生，很久前已試過其天后總店。現在「Texas Burger」在旺角朗豪坊開了第二間分店，趁午膳時間與同事一同重拾昔日滋味。一般而言，牛肉是漢堡的主要材料。在講求低炭及健康飲食的年代，素食漢堡應運而生。素食漢堡扒由一間美國科技公司硏發，以豌豆蛋白作主要原材料，並拌入紅菜頭汁及椰子油添色添口感。這個「未來素食牛肉漢堡」(Beyond Burger) 外觀飽滿，要一口咬下基本上不切實際。漢堡的底面是脹卜卜的麵包，輕沾醬汁油份既香且甜。在中層位置是蕃茄、生菜、牛油果及芝士，是給予漢堡多重味道及濕潤感的地方。核心部份是素漢堡本身，質感上與牛肉漢堡扒有五六成相像，味道上富「肉香」，與印象中的素午餐肉有些相似。每份午餐追加 $36 可轉為套餐，多了一份香脆炸薯條、一片酸爽酸瓜，以及一杯自選飲品。另一招牌菜「德州燒烤牛肉漢堡」，比「未來素食牛肉漢堡」更厚更高！首次品嚐素食牛肉漢堡，能為小編帶來一定新鮮感，喜愛吃漢堡的朋友可以前來「Texas Burger」試試！