Texas Burger (已結業)

朗豪坊新開既美式漢堡🍔😍平時行朗豪坊慣左搭長電梯上最頂再慢慢行番落去，今次俾我發現左live band個位隔離新開左呢間texas burger😉舖頭細細，只有十幾張枱，不過有幾張特色卡位。🍔軟殼蟹牛油果牛肉漢堡 ($108)男朋友揀左呢款漢堡包。就咁睇個樣已經好靚仔，每一層疊埋堆得好高，要張開好大個嘴先可以每層都一齊食😂呢個burger味道冇得頂👍軟殼蟹炸得香脆，唔會淨係得炸粉冇蟹肉。牛油果中和番油膩既軟殼蟹同牛肉。雖然我平時少食漢堡，不過覺得呢個係食過咁多間入面最好食既😋食得出係手打漢堡，而且好juicy唔會乾爭爭冇肉汁🐂除左夾料好味，連個包都好食過人🤣軟熟得黎面頭竟然有少少脆😍新鮮焗熱既麵包咁😍🌮墨西哥芝士夾餅 ($48)夾餅可以揀軟皮或者硬皮，配料都有幾款選擇，而我就揀左燒烤醬豬肉。toppings係典型既墨西哥食材，酸酸地好開胃。不過又係太多料既關係，食得有d輪盡🙈🍗水牛城棒棒雞 ($68)黎到美式餐廳，當然要試下水牛城汁啦。一碟有5隻棒棒雞，3個人share都夠分。紅紅橙橙既棒棒雞調味比較重，又酸又辣，唔鍾意重口味既朋友可能就唔好叫啦。不過我自己就覺得幾正，臨擺落口前聞到陣

朗豪坊12樓開左間美式Burger專門店，上空係天幕，今日陽光普照。 咁啱隔嚟就有live show，聽住歌仔食野，特別寫意。 揀野食時侍應就主動送上檸檬水，服務幾貼心。先介紹Burger，有好多選擇。德州燒烤牛肉漢堡份量十足，唔同材料一層疊一層，疊到高一高。 中間個漢堡扒好夠厚，食落牛肉味濃同好多汁。想食燒烤手撕豚肉中式漢堡，但俾我地見到原來可以配夾餅喎，所以叫左個燒烤手撕豚肉墨西哥芝士夾餅，唔駛兩個漢堡咁多啦。 望落有好多材料，配搭得宜，味道幾好，最好係啲豚肉撕開左一條條，食起嚟好方便。今日唔想食薯條，就叫左個香脆阿根廷紅蝦與魷魚代替，夠晒香口。飲品都有唔少選擇，最吸睛梗係靚靚奶昔。Pina Colada奶昔好靚，粉藍色架，係咁掛住影相呃like添，hehe。 好滑，而且甜度適中。熱泡沫咖啡 咖啡夠濃郁，大大杯，啱晒我呢個咖啡控。

身為新界人的我，經常都會約朋友係旺角食飯，而朗豪坊係我們經常逗留的地方⋯ 早排見佢電梯上到最高個層有間新的漢堡店，同朋友一於試試。漢堡價錢由$68-148，加$36就可以Upgrade做餐。我叫左個煙燻鴨肝牛肉漢堡，疊得幾高的漢堡非常吸引！個包的入面係烘過先上，所以香口之餘，又有口感。牛肉非常厚身，而且勁Juicy！加埋鴨肝的油及紅洋蔥的甜味，味道十分豐富。另外一個朋友仔就叫左一個英國香濃車打芝士牛肉漢堡，雖然無鴨肝牛肉漢咁高，不過溶化的芝士睇見到吸引！可能無鴨肝牛肉漢的味道咁有層次，不過爆汁的漢堡排加上香濃的芝士，簡直不能抗拒！餐廳仲有多款墨西哥風味的小食及夾餅⋯⋯我們就叫左一份烤烘焗芝士粟米片⋯⋯牛油果蓉幾夠，加埋芝士同Sour Cream。如果大家唔食辣，就記住唔好食D綠色的辣椒了⋯⋯墨西哥芝士夾餅$88有2份，而且可以選擇不同的味道。兩份都要揀一樣的餅底，不過就可以揀不同的餡料。有一個朋友就揀左香草菇菌、另一個朋友就揀左燒烤手撕豬肉。香草菇菌的菇好多，香草味都好出⋯ 而朋友就推介燒烤手撕豬肉，因為豬肉唔乾又夠香口，鍾意啖啖肉的朋友，就唔可以錯過啦。===============

好耐冇食我最愛既漢堡包啦！最近留意到喺天后好出名嘅Texas Burger係旺角開左分店，咁近我梗係要即刻去試下啦！餐廳位於朗豪坊12樓，陽光可以由天花投進餐廳裡。除左寬敞嘅座位，餐廳亦設有半開放式的卡座，讓人有悠閒放鬆嘅感覺果然係專門吃漢堡的店，但係漢堡已經有差不多10種選擇，除了基本的牛肉漢堡，亦有特別的手撕豚肉、炸軟殼蟹、未來素食漢堡等等，總有一款啱食迷你蟹餅配芒果莎莎三件大小適中的蟹餅好高質素，裏面係啖啖真蟹肉，並沒有撈麵粉，只係加左少許蔬菜粒同調味，真材實料啊，蟹肉迷必點！手撕雞肉配墨西哥特色飯卷Burrito同啲飯係分開的😂飯帶有微微香辣，仲有橄欖粒，乾身又帶點嚼口。墨西哥卷大小適中，內裏放滿了juicy的手撕雞肉同沙律菜，加埋牛油果醬同酸乳酪醬一齊食好好味哦車打芝士牛肉漢堡漢堡包外皮烘得超酥脆，內裏包着厚厚的牛肉漢堡扒，有適量沙律醬，一咬落去超juicy，肉汁大爆發！半熔車打芝士更添多一份芝味，好味道！而旁邊嘅脆炸薯條都好出色，薯肉飽滿的熱泡沫咖啡估唔到漢堡包店炮製出黎嘅咖啡都好出色啊，好醇香

行行下突然想食下野 見到呢間食burger 所以就即刻衝左入去啦〰️軟殼蟹牛油果牛肉漢堡〰️$108係唔同種類嘅burger之中我揀呢個啦 因為我好鍾意食牛油果 burger既包面係暖暖地 需要壓平左個包先至食到 因為佢中間係有半隻軟殼蟹半個牛油果之後就到一大片牛肉啦 一啖咬落去呢就食到軟殼蟹嘅香脆 牛油果嘅香滑同埋牛肉 呢三個combo 夾埋一齊都幾好味〰️藍芝士牛肉漢堡〰️$88Burger中包括blue cheese醬/炸洋蔥/煙肉片/同埋牛肉 blue cheese既味又唔會濃到蓋過左牛肉味 而且牛肉既肉質好juicy 〰️黑松露薯條〰️$58又係我最鍾意食嘅黑松露薯條 熱呼呼既薯條 而且黑松露好香呀 〰️香脆阿根廷紅蝦配炸魷魚〰️$78炸蝦加炸魷魚好香 煙燻紅椒醬個味同顏色有小小似炸醬

朗豪坊頂層新開的#TexasBurger除左🍔🍟之外 仲有其他#MexicanFood今日放假就同屋企人出黎試下首先係煙燻鵝肝牛肉漢堡($148)鵝肝油香蓋滿整個口腔 牛肉鬆得黎Juicy之後係本世紀最偉大發明#BeyondBurger ($88)係全素食的未來牛肉漢堡 睇落同一般#ClassicBurger 無分別食落會覺得塊「肉」有啲唔同 有少少似手撕豬肉的感覺配牛油果 炸洋蔥圈 香口又飽肚🥑特別一讚係兩個#Burger 的麵包都烘得好脆😌小食方面叫左香脆阿根廷紅蝦魷魚配煙燻辣椒醬($78)黑松露薯條($58)同#TortillaChips 配牛油果醬($48)三款小食都好香口邪惡 配唔同醬好滋味🤟🏻

坊間Burger餐廳要多少有多少, 想找家有誠意的是很多人的願望, 朋友介紹在朗豪坊的Texas Burger 正正是很好的選擇!位於朗豪坊12樓, 環境良好墨西哥芝士夾餅(牛肉, 軟皮)-$48入面的牛肉又嫩又重牛肉味, 再加上牛肉果醬和其他配料, 口感非常豐富德州燒烤牛肉漢堡-$88 (轉奶昔SET+薯條另加$66)車打芝士牛肉漢堡-$78 (轉普通飲品+薯條另加$33)在這家餐廳最需要煩腦的問題是BURGER太大, 很難一次過放在咀裡, 所以我們都分開幾部分來吃包皮經過特別烤, 加上蜜糖, 好香, 誠意之作, 然後是牛肉, 超多肉汁, 放入口中, 牛肉汁既香味充滿在咀裡, 而且牛肉好鮮嫩, 實在太好味了而薯條係新鮮炸出來的, 超香口, 極為脆口, 好好味呀!普通飲品竟然有橙汁, 好幸福呀!脆焦糖青檸芝士餅-$48芝士味好濃, 夠札實, 口感好好, 實在太好味了總結, 食物食得出廚師的誠意, 而且環境服務都很好, 可以回來再吃其他Burger!

朗豪坊頂層平時行就行得多喇, 但坐低食野就真係冇試過。今日終於可以嘆慢版, 坐低飲下野食下飯.....坐低先發覺原來個View係咁舒服, 抬高頭仲可以睇到"天空"添呀!好運的話仲可以邊食飯邊聽live show...我地既car位呀! 好寬闊, 兩邊都冇人, 好有獨立空間!有小食, burger, 墨西哥風味既飯同餅, 仲有甜品...特飲幾吸引啵~~唔小心俾呢個波士頓龍蝦牛肉芝士漢堡 $188吸引住, 決定非食不可, 哈哈!!好期待既龍蝦burger黎喇!!好多龍蝦肉!! 足足有一整隻!!龍蝦肉爽口彈牙 burger仲有塊厚厚既牛肉...牛肉好juicy好香!呢個龍蝦burger有好多層, 口感非常豐富!!! 另外加$48 有薯條同特飲...薯條有別於普通炸薯條，薯味特別香同脆太棒了！！推推推~~~仲叫左個墨西哥特色飯卷配手絲雞 $118平時好少食墨西哥風味既菜式, 感覺又唔錯喎!手絲雞卷裏面有cheese架, 成個配搭好match。個飯有微辣架呢~~蜜桃菠蘿梳打清新既配搭, 特別得黎味道都好好!!呢餐食得好開心, 環境同食物質素都好滿意丫!服務亦非常不俗! 

是咁的，旺角行街行到攰攰地，一心想食漢堡包，除左英文字母logo果間之外，今次係朗豪坊發現左一間新開既正宗美式漢堡包。在長電梯盡頭的一旁，大大個logo show出來。旁邊係小型人工瀑布，仲有一個live show stadium, 可惜果日食沒有live show, 但相信一路食一路睇show會係雙重享受。餐廳唔算大，唔計bar台，大約10台，有情調，合適小情侶拍拖。講返野食，叫左個水牛雞棒，小小辣，開胃前菜，食完更加期望個漢堡包。好快個漢堡包黎左，係牛肉漢堡，好厚既漢堡扒，個包皮搓有牛油，出奇地同個包十分配合，一大口咬落個包，啲肉汁射晒出黎 juicy!加左杯signature奶昔，士多啤梨味，上面應該加左小小海鹽吊味，必飲! 仲有其他經典飲品例如黑牛、白牛等等，香港幾乎絕跡。睇得出係用心製作，即叫即做, 比個like佢👍🏻

Shopping前要做足準備，先嚟醫飽個肚。 上左嚟朗豪坊12樓食個午餐，有大璃玻，採光度夠高，感覺開揚舒適。 因為早嚟，客人唔算多，但坐坐吓就全場滿座了。睇睇餐牌，價錢都好合理，每樣野都係幾十蚊有交易。墨西哥芝士夾餅 $48 可以揀軟皮或脆皮，又可以揀唔同餡料。 我地揀左軟皮嘅燒烤手撕豚肉，用木架上枱，燒烤手撕豚肉夠惹味，仲有牛油果醬，份量都幾大。香脆阿根廷紅蝦與魷魚 $78新鮮炸起，夠香脆。 得一隻紅蝦，雖然大隻，但比相像中少，幸好蝦肉彈牙。 不過隻蝦係連殼炸，食嗰時要先搣脆漿皮再搣蝦殼，咁食法有啲攪笑。配上煙燻甜椒醬，味道幾特別。迷你蟹餅配芒果莎莎 $88有三件，見到一梳梳真蟹肉。 最LIKE係佢用左新鮮芒果粒，好香甜。德州燒烤牛肉漢堡 $88漢堡當然係主角，好高吓。 比喺出面啲漢堡唔同嘅，係佢包皮特別脆口，幾好食。 中間漢堡扒仲有啲紅嫩，好JUICY。 仲加左炸煙肉同炸洋蔥圈增加口感。Pina Colada Milk Shake $50 椰子菠蘿奶昔，香滑香甜，好靚呀！

年幼時隨父母到老麥麥可以樂上一天。長大了, 自己賺到錢了, 也懂得對自己更好了, 當然要吃得更好, 這天就到了Texas Burger, 門口的霓虹燈牌, 就已經令人知道，這是美式歡樂餐廳。迷你蟹餅配芒果莎莎 $ 88tex mex mini crab cake自己也是個蟹餅深度擁護者, 小小一口用來作前菜就最好不過, 蟹餅材料份量足, 咬下去啖啖蟹肉, 濃郁美味！芒果莎莎, 酸酸甜甜, 但不會蓋過蟹肉的鮮味呢~德洲燒烤牛肉漢堡 $88（配是日精選奶昔＋薯條＋酸青瓜 $66）德洲漢堡一放到檯前, 感覺就像自己來到了美國的一般漢堡厚而多汁, 加上生菜和煙肉及炸洋蔥，很是好味, 教人開心,跟餐可以配是日精選奶昔＋薯條＋酸青瓜巨形的漢堡加上薯條，這兒的薯條真的人見人愛, 外層酥脆, 入口是薯仔肉而不是薯蓉, 香脆!是日精選奶昔是berry love, 即叫即打, 不會過甜, 清新而不飽濟。墨西哥芝士燉牛肉醬配特色飯卷 118初秋微涼，吃點燉牛肉濃郁暖胃的就最合適, 濃稠醬汁味道不錯，帶點小辣, 但香氣撲鼻。唯一美中不足的是特色飯卷的飯有點小硬, 如果鬆軟一點會更好吃。72% Chocolat

同朋友星期日睇完戲係朗豪坊行下街，行下行下去到12 樓見到Texas Burger. 兩個人都未食過，喧岩見有位就一於入去試下。叫咗個招牌漢堡，又肉又菜一層一層有口感！！！！不過驚唔飽，於是叫多兩個墨西哥餅，個醬濃厚好味，不過叫脆皮，於是個醬有種就黎爆出黎嘅效果，下次叫軟皮應該會比較易食。因為朋友係食肉獸，所以我地叫埋個牛肋骨，肉質鮮美，最緊要個醬夠晒熱！！！！！最後食埋個美食蘋果批甜品，畫上完美句號，希望下次都可以再黎食啦。

之前一直都想去天后的Texas Burger, 知道佢地D漢堡包水準不錯, 但一路都搵唔到時間去。知道佢係朗豪坊12樓開分店, 當然要再放低幾兩。朗豪坊Texas Burger因為係12樓, 係天幕的襯托下環境舒適煥然一新，佈置簡潔。紅藍色Texas Burger光管招牌有特色又搶眼Texas Burger主打漢堡包，另外有多款墨西哥風味的夾餅、煎餅小食，飲品和甜品也是德州style。英國香濃車打芝士牛肉漢堡 ($78)（配是日精選奶昔＋薯條＋酸青瓜 $66）肉汁豐富的牛肉漢堡, 牛香濃郁，嫰滑多汁,質感鬆軟，入口有粒粒的肉感,  已經是勝過一般美式/西式餐廳的漢堡包。再者，滿佈味道濃郁、厚身半溶的車打芝士,加埋 生菜、番茄同秘製的惹味醬汁層層疊, 每啖都是原汁原味。唯一美中不足的是我稍嫌麵包空氣感重左少少,但整體而言都很不錯了。 薯條厚切, 而且炸的時間控制得很好, 吃到底也不會變淋變軟, 另外又有少少辣粉在上, 非常香口。是日精選奶昔是Berry Love, 由雜莓雪糕+木莓+忌廉組成, 幼滑濃郁, 呈可愛的粉紅色, 超級吸睛, 花花圖案係米紙餅,  可以食用, 打卡一流!!墨西哥

因為位置在天幕下、所以環境很正、而且剛好隔離就有人唱live、令整個環境已經是令人非常愉悅先來一個水牛城棒棒雞 $68/5pcs很特別的與眾不同、平時只有水牛城雞翼、這種棒棒雞吃起上來很方便而且啖啖肉、雞肉很嫩有彈性、很滿足～蜜桃菠蘿梳打 $33非常清新啊！微微的甜味加微酸的梳打配合熱氣又惹味的食物簡直一流。藍歡士牛肉漢堡 $88漢堡都頗為巨形、牛肉超好食、是新鮮高質牛肉、雖然有芝士但芝士味道很香但不是很濃味的那種、絕不會搶過牛肉的風頭、配上充滿牛肉汁的牛肉配合得很絕炒！北海道香煎帶子青蕃茄意大利麵 $128北海道帶子很厚身、用鹽調一調味去煎、可能因為始終是雪藏的關係所以欠缺些少鮮味、不過用鹽調味還是不錯、青蕃茄汁酸酸的非常開胃、味道不錯比平時食到的紅茄醬更特別、我可以整碟吃光光！這間餐廳的地理位置非常好、在商場的頂樓、完全不會有壓迫感、非常開揚、坐得很舒適！

之前係天后食過呢間漢堡，都覺得好好味好有水準！今日同朋友shopping ,行朗豪坊上到最上層。點知俾我見到呢間🍔竟然係度開左分店！😍正呀。以後食都唔洗過海，都食到了。夠方便！而且環境好好，係高層 ，雖然係開放式既餐廳，但唔會覺得嘈，同氣氛幾浪漫。坐得幾舒服！😄黎到當然要食 🍔🍟啦！🍔煙燻鴨肝牛肉漢堡🍟.個漢堡都幾大個，好高！先講個麵包，做到好脆卜卜，烘到好辣，好厚身。食落有少少甜味，加上牛油，令到好香！似食緊多士咁，比出面食的更好😃通常都係得鵝肝選擇，好少有鴨肝！厚厚既鴨肝，表面煎到有少少脆身同令到煙燻既味道更加出！一咬d鴨肝油流哂出黎！口感好juicy，好好味😍味道好濃郁！芝士仲溶化落塊牛肉漢堡到！好creamy!牛肉漢堡好重牛味，食落好多肉汁，唔會煎到太熟，所以肉質唔會韌👍好正！仲舖左有d蔬菜同煎過既洋葱，一齊食咁可以中和一下個油膩感。口感豐富，好清爽。😃食漢堡當然要配薯條🍟我地額外叫左 黑松露薯條 😍薯條好粗身，炸到金黃色。上面加有黑松露醬，令到薯條又濃味又香脆。再沾d忌廉醬，真係太match了！！😍朋友就食：未來素食牛肉漢堡🍔素食就岩哂佢喇！素食牛肉 外形都做到好似一塊牛肉咁