影片
更多
2018-10-27
24 浏览
上兩個星期同朋友去咗天后嘅「Texas Burger」食晏，從店員口中得知，餐廳喺朗豪坊開咗新分店，上次食唔到個 Beyond Burger，所以趁今個星期五 Happy Friday，就約埋屋企個漢堡包精一齊去試下。新店位於朗豪坊 12 樓，離遠已經見到餐廳嘅招牌，非常搶眼，不過講到最吸引眼球，還是近門口嘅幾張圓拱形設計雅位，既寬敞又闊落。原來除咗門口嘅卡位外，入面仲有一張長梳化座同一排面向舞台嘅高腳櫈，環境開揚舒服；而這晚我倆就被安排坐在餐廳盡頭的雙人座位，由於店子地台升高，坐下有「高」人一等的感覺。其實剛才進店前已經喺門外細心研究過餐牌，基本上食物嘅選項同天后總店係一樣嘅，除咗主打嘅漢堡之外，仲有小食、一系列墨西哥風味小吃，另外亦有 BBQ Baby Ribs、廚師精選意粉飯、意大利麵、幾款甜品、軟雪糕奶昔同飲品等。不過發現分店就另外仲有一款霸氣十足嘅波士頓龍蝦牛肉芝士漢堡同限量供應嘅西瓜雪糕三文治。既然一心嚟食漢堡，就一於每人揀一款，再加客沙律齊齊分享。香煎牛腹扒沙律 ($88)，牛腹扒煎香後唔係原塊上碟，而喺切件鋪喺新鮮清爽的沙律菜面，並伴以爽口的西芹同清甜爆汁的車厘茄，分量
新店位於朗豪坊 12 樓，離遠已經見到餐廳嘅招牌，非常搶眼，不過講到最吸引眼球，還是近門口嘅幾張圓拱形設計雅位，既寬敞又闊落。原來除咗門口嘅卡位外，入面仲有一張長梳化座同一排面向舞台嘅高腳櫈，環境開揚舒服；而這晚我倆就被安排坐在餐廳盡頭的雙人座位，由於店子地台升高，坐下有「高」人一等的感覺。
其實剛才進店前已經喺門外細心研究過餐牌，基本上食物嘅選項同天后總店係一樣嘅，除咗主打嘅漢堡之外，仲有小食、一系列墨西哥風味小吃，另外亦有 BBQ Baby Ribs、廚師精選意粉飯、意大利麵、幾款甜品、軟雪糕奶昔同飲品等。不過發現分店就另外仲有一款霸氣十足嘅波士頓龍蝦牛肉芝士漢堡同限量供應嘅西瓜雪糕三文治。
既然一心嚟食漢堡，就一於每人揀一款，再加客沙律齊齊分享。香煎牛腹扒沙律 ($88)，牛腹扒煎香後唔係原塊上碟，而喺切件鋪喺新鮮清爽的沙律菜面，並伴以爽口的西芹同清甜爆汁的車厘茄，分量十足。牛扒肉味頗為豐富，坦白說肉質略韌，不過配上酸香的醋汁後，仍足夠惹味。
想比較一下傳統漢堡同 Beyond Meat 兩塊「肉扒」嘅分別，所以特意點了英國香濃車打芝士牛肉漢堡 ($78) 同未來素食牛肉漢堡各一客。據知傳統漢堡係採用 USDA 牛肉，品質高之餘更是每日由人手打製，入口嫩滑多汁，牛味十足，加上香濃嘅車打芝士溶化在口腔內，芝香滿溢，融合蘋果木煙熏的漢堡，啖啖滋味。
至於另一客未來素食牛肉漢堡 ($88) 就加咗 $36 轉做 Combo，套餐包普通飲品、薯條同酸青瓜。揭開個包面睇睇，除咗塊「肉扒」之外，原來入面仲放咗兩件炸洋蔥圈、牛油果、素芝士、蕃茄片同生菜，用料絕不欺場。塊「肉扒」非常厚身，不但外型與牛肉漢堡扒一模一樣，咬下去更是啖啖 Juicy，肉汁極濃，細嚼下更會飄出牛肉的味道，色香味猶勝傳統漢堡。看過介紹，據說這塊素肉是由大豆及豌豆分離蛋白、酵母和其他成分所組成，加上零膽固醇，無激素、抗生素、基因改造等，營養價值絕對能媲美真肉。
薯條即叫即炸，上桌時仍熱辣辣，外層金黃香脆，而內裡則軟綿粉糯，入口充滿薯仔甜香，配解膩爽口的酸青瓜吃，滋味無窮。
上次喺天后店食咗香煎焦糖蘋果夾餅，今次就試下呢款新出嘅西瓜雪糕三文治 ($48)。原來所謂三文治，其實就係將西瓜厚切，中間挖空，再夾入用西瓜同雲呢拿製作成的波浪狀軟雪糕，西瓜前後再黏上朱古力粒扮西瓜籽，外型超萌，光看已相當消暑。扭紋雪糕質地很滑，粉紅色嗰邊食落西瓜味好重，而雲呢拿雪糕奶味亦很香濃，配搭冰凍多汁的西瓜，清涼醒胃，簡直甜到入心。呢款甜品超推介，一定要試。
跟餐凍檸茶及散點嘅凍奶茶 ($22)。
餐廳旁邊係 Live Stage， 每逢星期四、五、六都會有 Live Show，可以一邊食包，一邊睇表演，真係幾盞鬼。
张贴
