TERA (寶發大廈)

营业中

休息中

甜品一向是我最喜歡的🥰， 今次到TERA吃梳乎厘班戟， 地點位於佐敦廟街273-285號寶發大廈地下4號舖。店內裝修日式風格🎎， 下午茶 ～ 🔸原味梳乎厘班戟$88、 榛子焙茶梳乎厘班戟$138、 伯爵茶$48🔸。 🔴原味梳乎厘班戟🥞 ～ 口感鬆軟綿密， 入口有濃濃的蛋香， 配上清香的楓糖漿， 更加滋味。 🔴榛子焙茶梳乎厘班戟🥞 ～ 每日限定的榛子焙茶味道， 有榛子忌廉、焙茶牛奶布丁和榛子脆脆， 幾款不同的口感， 賣相精緻，甜度適中。 🔴伯爵茶🫖☕ ～ 很喜歡伯爵茶獨特的香味， 配上甜品，實在太夾了。 由法國藍帶廚師🧑🏻‍🍳主理的甜品店， 又怎能錯過呢😍？

《TERA》朋友話最近見到呢間啲pancake 好似好吸引，放假就同佢去試下！一去到都幾滿坐，一路食一路都有人等緊位好旺場咁～ 🍭All day breakfast deluxe ($118)呢款比佢既普通all day 多咗牛油果同煙三文魚～ 有粟米、腸、炒蛋、車厘茄、美式煙肉同waffle~~ 最特別既係佢有2塊waffle! 入面加咗楓糖，所以就咁食都有甜甜地既味～ 🍭柚子抹茶soufflé pancake($128)未試過咁既配搭，又見到幾多人叫就試下啦～ 但兩者既味比想像中冇咁夾，可能就咁抺茶仲好啲～ pancake 身可以再厚實少少～

今日岩岩同朋友係佐敦果邊做完野, 想搵個地方坐下食少少野醫下肚, 經過見到E間小店出面勁多人排隊, 想必一定幾唔錯, 於是我地又排隊試下! 餐廳環境唔算大, 有室外同室內座位, 光線幾足而且坐得幾舒服🌟香蕉海鹽焦糖窩夫🍌🧇最頂層係一球厚厚嘅忌廉, 窩夫好重蛋味, 外脆內軟, 窩夫上面鋪滿新鮮香蕉同烤核桃, 再淋上海鹽焦糖醬, 甜而不膩🌟藍莓檸檬梳乎厘班戟🫐🍋🥞上枱時已經聞到陣陣檸檬味, 梳乎厘班戟好鬆軟, 非常Q彈, 上面放左忌廉, 仲有超甜嘅新鮮藍莓同藍莓果醬, 食落酸酸甜甜好清新

行開佐敦見到間裝修簡潔，座得舒舒服服同朋友傾吓計食吓野，食甜點係女生至愛😍柚子抹茶疏乎厘班㦸🥞抹茶醬加左脆脆嘅朱古力片，口感好好再加埋小小柚子醬清新特別，疏乎厘班㦸軟綿綿空氣感好好👍🏻食落口即溶蛋味又香，三塊真係唔夠喉😂全日早餐🥣窩夫🧇加左小小蜜糖令到窩夫特別好食，仲有煙三文魚、肉腸、煙肉、炒蛋、茄汁豆同牛油果沙律🥗十分之豐富。荔枝玫瑰梳打🥤荔枝味比較濃淡淡嘅玫瑰香令到杯梳打清而香。

我諗呢間係近嚟食過我覺得最有日本感覺既Pancake。雖然位子唔算多，但勝在裝修環境風格令人一眼望落去好舒服，天氣唔熱建議坐室外，室外位影相個境靚d又可以影到好似去左日本既cafe咁。我地等候製作Pancake既時間都好適度，唔會要等太過長時間，Pancake 好鬆軟帶小小空氣感，太空氣感既話會好似無食過野咁，但呢個就岩岩好整體又唔會太甜，食完飲埋啖茶真係十分享受，我同友人當日去完食心情都好左😂推薦喜歡食Pacake既大家一試。

放假又到左不停搵嘢食嘅時候😂今次就搵左位於佐敦嘅「Tera」😊係網上見到好多人食佢嘅梳乎厘，好吸引😋所以決定同埋老婆一齊試吓佢😬好彩早左少少去到，如果唔係有排等位，原本都不算太多人，坐低左一陣，就開始越嚟越多人係門口排隊等位🙈柚子抹茶梳乎厘$128呢個梳乎厘真係要推介一下，抹茶味濃郁，非常好味！梳乎厘整嘅時間亦啱啱好，唔會太鞋，好滑！好有蛋味😋煙三文魚牛油果配窩夫🧇$116 + $28 荔枝玫瑰花茶呢個窩夫配上蜜糖，認真一絕！簡直配合得天衣無縫！另外非常之值得一提嘅就係荔枝玫瑰花茶！非常清新，荔枝味同玫瑰非常夾！食完梳乎厘同窩夫之後，飲番杯花茶，認真醒胃！

TERA 以日本風作設計主題，廚師為法國藍帶出身，主打梳乎厘班戟及多款自家製甜點。厚身鬆軟的梳乎厘班戟，配上新鮮香蕉和比利時 Speculoos 曲奇碎，淋上鮮忌廉及海鹽焦糖醬，能感受各種食材疊加起來的獨特層次。而這種強調層次感的風格，亦表現在芒果椰子斑蘭芭菲中，一杯包含著新鮮水果、果凍、果蓉及斑蘭奇亞籽，口感多變而融合。

有日小編男朋友想食佐敦一間出名嘅點心餐廳 到達餐廳嘅時候望到對面有間簡潔日式🎋餐廳好多人排隊 原來餐廳主打食輕食 最出名係疏乎厘 所以小編就唔敢食咁飽要留返個肚食甜品🤪柚子抹茶疏乎厘 ($128)由於疏乎厘係即叫即整 所以要預留20至30分鐘時間製作 疏乎厘嘅質感好軟熟 而且好有蛋香🥚味 面頭放咗少少柚子醬 令成個甜品多咗份清新嘅感覺 再加上綠茶🍵cream 裏面有少少白朱古力碎 兩者之間取得平衡 零甜到剛剛好唔會覺得膩😋檸檬蛋白批🍋 ($68)呢個蛋白撻估唔到幾有驚喜 蛋白部份整到好似燒棉花糖嘅口感 而下面檸檬吉士帶少少酸 連同香脆嘅威化餅底 酸甜酸甜 非常開胃養生荔枝玫瑰花茶🍵 ($52)平時其他餐廳飲開嘅花茶 通常都只有果香味 而佢哋嘅花茶係真係會有埋荔枝嘅香味👃🏻 而且可以無限添飲 可以慢慢坐喺度嘆吓甜品同茶 不錯👍🏻

雖然🙅🏻‍♀️沒晚市堂食，不過仍然要找好吃的，在百忙的工作中，為自己打打氣💪🏻之前經常到旺角尋找美食，這次就來到佐敦發掘👀一下新餐廳去豪華全日早餐 All Day Breakfast Deluxe $118兩個女生不算太餓，就點一份ADB來吃店家的ADB有兩款，食材同樣有粟米🌽、煎豬肉腸、炒蛋、車厘茄、美式🥓煙肉、跟窩夫，這個看名字跟普通的比較豪華，差別就在於這個多了牛油果🥑跟煙燻三文魚味道配搭不錯，最喜歡的是🧇窩夫，口感跟質感同樣不錯，飽肚感十足，店家還加入少許楓糖漿🍯調味，蜜糖量不會太多但令到窩夫味道更為豐富😋柚子抹茶梳乎厘 Yuzu Matcha Soufflé Pancakes $138（每日限定）聽說店家的✨signature food就是自家製梳乎厘班戟，而且還是由法國🇫🇷藍帶廚師主理，當然要點一份來吃！可選的口味不算多只有六款，其中✌🏻兩個還要是「每日限定」，我倆選了柚子抹茶口味，完全想像不到🤔柚子跟抹茶會產生什麼化學🧪作用，令人更期待😚她的味道了每份梳乎厘班戟🥞全是每日限定跟下單即做，故此建議先找店員問清楚後點梳乎厘再點其他主食跟飲品☕️首先賣相非常吸引，絕對IGable📸

呢一間真心推介，點都要嚟試一試pancake👍🏻，超高質👍🏻所有野既甜度做得好好，唔會超死甜💪🏻💪🏻💪🏻Pancake 好好好食，勁大件（真係即整💪🏻）質感超fluffy 輕身而且好濃蛋香味👍🏻👍🏻👍🏻個芭菲都有驚喜，有chia seed , yogurt, jelly and blueberries. 你見到杯芭菲分上下層，上層係乳酪再加藍莓，勁多藍莓係入面，chia seed浸得幾好👍🏻最鐘意係佢唔係好甜👍🏻非常好杯飲品，我麻麻，隻色影得幾靚，但其實凍飲嗰啲糖漿唔係好溝得均勻。下次再嚟我會叫熱茶。😂😂😂

試左每日限定既榛子焙茶梳乎厘班戟。好食喎！個醬唔會太甜或太流。梳乎厘班戟都整得好好。不過就無得跟餐加錢飲野。要正價叫。佢仲有另外一個每日限定係綠茶柚子，下次再試。朋友就食All Day Breakfast Deluxe 版，份量都好夠，味道都好！佢除左呢d， 仲有三款意粉可以揀，所以若果lunch 時間唔想食甜品，都可以滿足到。店小小，但都可以用到20人到。環境都唔錯，坐得都舒服既。大家如果去開佐敦個頭可以去試試☺️

#pb食在佐敦只推介Pancake🥞 其他不了❌New Cafe Alert 🚨✨麻煩大家睇到最後🙈 呢間佐敦新開嘅Pancake Cafe門面裝修好日系 同同街其他舖造成好強烈對比🤪 不過大家如果想去食 記得只係食Pancake就好 其他野就諗下先啦💩 見到其他枱大多都淨係叫Pancake 同朋友食完覺得佢地好明智😵.見佢之前鹹食只有All-day Breakfast同窩夫 依家多左三款Pasta 價錢$78-$108不等🤪 甜食就有主打嘅Pancake同窩夫 價錢$88-$138不等😋🔹榛子焙茶梳乎厘班戟🥞推介❤️ 唯一好食的😍 呢款同柚子抹茶都係每日限定款🥰 Pancake夠鬆軟 空氣感十足 超好食😋 榛子Cream超濃 仲有幾粒焙茶牛奶布甸😍 另外仲有好多粒榛子脆脆 口感好豐富👍🏻🔹日本櫻花蝦意粉🍝超失望嘅意粉👎🏻 首先同我地想像中嘅櫻花蝦意粉已經有好大出入 所謂嘅櫻花蝦得好少 唔講差d睇唔到😐 個意粉望落正正常常咁 但係食落好淡好淡好淡😩 重口味人士絕對會覺得佢冇味😪 最後到兩隻蝦 當你以為意粉已經夠淡 兩隻蝦係直頭冇味🤣 你食完隻蝦再食番意粉就會發現意粉係有少少味🤣🤣（沒有更

TERA佐敦Cozy小店，裝修走簡約日系風，有遠離喧囂嘅感覺由法國藍帶廚師主理，主打自家製梳乎厘班戟同瑪德蓮蛋糕🌀柚子抹茶梳乎厘班戟 $128每日限量供應嘅梳乎厘班戟，即叫即製需要耐心等待班㦸鬆軟綿密之餘帶空氣感，有入口即溶嘅效果，蛋味亦香濃抹茶忌廉味道甘甜，巧妙加入柚子醬，微微嘅酸味足以喚醒味蕾，呢個一酸一甜嘅配搭非常清新😋🌀焦糖朱古力脆脆迷你蛋糕 $68蛋糕由3部分組成：面層係creamy 幼滑嘅焦糖中間有香濃嘅朱古力底層嘅朱古力脆脆增加口感一口氣食晒3層，朱古力味係主調夾雜住焦糖味再有極濃厚朱古力味嘅脆脆，口感同層次相當豐富🌀 流心芝士撻 $22熱辣辣嘅芝士撻外層鬆脆內裡有滿滿芝士餡流心效果明顯，CP值高

今日下午既時間黎到佐敦見到呢間甜品店好chill環境氣氛唔錯就決定入去試下餐牌有好多選擇，有招牌梳乎厘班戟，all day breadfast ，窩夫，意粉和芭菲等柚子抹茶梳乎厘班戟黎到又點可以唔試招牌抹茶味好濃郁，甜度點好加上有柚子醬中和苦味成個味道係好平衡梳乎厘軟淋鬆化好食！流心芝士撻芝士撻熱辣辣，應該係新鮮出爐一咬開就爆漿！好壯觀，芝士味好濃好香撻皮鬆化又一道高質甜品藍莓蜂蜜芭菲成杯好足料藍莓好新鮮清甜，加上蜂蜜好惹味好食

There was no time for chit-chat when there were hazelnut crisp pancakes to be eaten 以日本寺廟為概念，運用木材裝修營造出簡潔的日系寧靜風格，初訪這間位於廟街的café ，食咗佢哋每日限定嘅班戟和芝士撻，新鮮熱辣整出嚟係要預時間等，味道都算唔錯、記住趁熱食！尤其是芝士撻好流心好香好好味。榛子焙茶班戟個質感唔係空氣感，切落去較為實淨，伴碟的焙茶布丁幾滑溜有茶和奶香，最鍾意榛子脆脆個朱古力味好滑濃郁。兩個凍飲味道一般正常Hazelnut Hojicha Pancakes▪︎Limited Offer -Hazelnut Cream▪︎Hojicha (3.6 Hokkaido) Milk Pudding▪︎Hazelnut Crisp榛子忌廉・焙茶(北海道3.6)牛奶布丁・榛子脆脆班戟Baked Molten Cheese Tart流心芝士撻 Peach and Rose Soda蜜桃玫瑰梳打Espresso Soda意式濃縮咖啡梳打