TERA (寶發大廈)

营业中

休息中

上星期同女女去佐敦食咗一間超正嘅餐廳✨門面係日系簡潔小清新，打卡都好靚😍一坐低就被限定Menu吸引，因為限時做緊杜拜開心果朱古力疏乎厘！💖未點正餐已經決定之後一定要嗌呢個，哈哈！😆女女點咗佢最愛嘅all day breakfast，賣相吸引又好食，尤其係嗰個窩夫，微脆蛋香滿滿，佢仲將乳酪加上去一齊食，讚不絕口！🥞❤️我點咗carbonara亦都唔輸蝕，用高質煙肉，意粉入口香滑，蛋香四溢，好好味～推介點呢度嘅茶，我見好多客人點😝我揀咗牛蒡茶，飲落好舒服，好香又解飽膩感～✨終於番到重頭戲——杜拜開心果朱古力疏乎厘😍❤️上碟時震騰騰，見到都happy💖🥰軟綿綿嘅疏乎厘，配上朱古力醬、朱古力片、碎餅同開心果醬一齊食，真係完美結合，絕對係超級享受！！🥹最後追加飲埋杯AFFOGATO，完美終結呢餐☕✨總結：唔去呢間餐廳真係會走寶，建議大家bookmark！

二人dinner set 性價比超高! 🙌🏻😃沙律勁好食，非常Fresh 🥗份量又特大! 非常醒胃! 明太子意粉係成個set入面最好味嘅course ! 🍝意粉少少al dente 感覺,份量非generous, 明太子& cream 完美融合掛汁喺意粉度! 食落口感Creamy得來又唔會太lup!! 💯 會因為佢而回訪 🤣主菜香煎豬胺都唔錯！有心機煮！雖然唔係勁好食，但係價錢超值! 🫶🏻🫶🏻🫶🏻最後個疏乎厘嗌咗Original Souffle~ 空氣感係我係香港食過所有souffle 最airy and soft 嘅！超治癒☁️☁️☁️

隱世平靚正梳乎厘專門店！西式輕食驚喜不斷！呢間隱藏於鬧市既梳乎厘專門店，主打「西式輕食+日式班戟」，性價比極高！首推鎮店名物**金箔Nutella疏乎厘班戟**鬆軟感十足，搖晃盤子會「duang duang」抖動，淋上濃郁Nutella醬與食用金箔，奢華感滿分！ 鹹食同樣出色：煙三文魚牛油果窩夫將酥脆窩夫加上三文魚與綿密牛油果，清新不膩；櫻花蝦大蝦扁意粉櫻花蝦碎增添鹹香，大蝦爽彈夠彈牙。雞扒炒蛋飯滑蛋包裹香煎扒，醬汁入味，港式風味西式擺盤！ 飲品亦見心思：黑枸杞黑糖桑葚茶養生又酸甜，漸層紫色打卡一流；美式咖啡甘醇不苦澀，配班戟超解膩人均$250，食飽到捧腹，環境文青簡約，服務親切。整體而言，從甜到鹹都超班，絕對是「平靚正」之選！

好鍾意食疏乎厘班戟💕呢間有超多唔同口味，上次試過Nutella唔錯，今次試宇治抹茶，宇治抹茶更好食！❣️🍰宇治抹茶疏乎厘班戟 $138抹茶味好香，紅豆蓉甜度適中，仲有丸子好味，疏乎厘班戟蛋香味濃🍰金箔Nutella疏乎厘班戟 $158醬汁超香Nutella，香甜不膩，旁邊仲有兩粒金莎，味道好夾！🍝卡邦尼意粉 $108🍝櫻花蝦大蝦意粉 $118兩款意粉都係正常發揮，意粉軟硬度岩岩好，味道偏清淡，見人地食飯好似比較吸引

柚子醋煙三文魚沙律｜清新開胃，三文魚嫩滑＋柚子醋酸甜平衡，夏天必點！ 明太子蟹肉意粉｜蟹肉爆量💥 明太子濃郁＋蟹籽紫菜提鮮，層次感滿分～ 法式焦糖燉蛋Pancake｜蛋香超濃！焦糖脆面配水果忌廉，邪惡又滿足🥞 蜜桃柚子烏龍茶｜果香＋茶香回甘，解膩首選！ 芒果生椰乳｜芒果香甜撞椰奶，夏日瞬間降溫～ 寵物友善｜戶外座位＋日系簡約風，放假Chill住食！ 卡邦尼扁意粉掛汁程度💯、香蕉貴妃芭菲甜品控必試… 仲有原味窩夫配蜜糖忌廉都好好食

一直都聽過呢間梳乎厘班戟好出名今日終於有機會試吓❤️ 木系嘅裝修好舒服有種日式嘅無印感🪵除咗班戟之外仲有唔同嘅甜品同輕食都好有質素😍 舒服感渡過一個下午真係好Chill呢☀️⭐️ 豪華全日早餐 🌤️有炒蛋三文魚牛油果同啡菇等配料🥑份量好豐富我仲追加咗一塊雞扒🐔 特別有亮點係自家製嘅窩夫🧇份外地鬆軟又唔會太重澱粉感呢⭐️ 卡邦尼扁意粉 🍝醬汁Creamy得來又唔會太水太油膩🤍 意粉熟度啱啱好🇮🇹 煙肉提升了鹹鮮嘅感覺🥓⭐️ 宇治抹茶梳乎厘班戟 🥞先講梳乎厘班戟嘅口感好完美🥰鬆軟得來好輕盈蛋香拍得住日本Cafe既質素☁️ 抹茶Cream帶回甘口味濃郁🍵特別追加一球自家製嘅抹茶雪糕口味更加有層次💚⭐️ 柚子馬德蓮蛋糕 🍰必須講呢個係比人忽略嘅必食之選🥹 技巧完全做到Madeleine必有嘅外脆內軟🇫🇷 輕輕嘅柚子香點到即止🍊真係有法式Patisserie既質素輕鬆食晒五個😅⭐️ 烏龍咖啡 ☕️Espresso再加上豐富嘅茶帶上特濃既茶香🫖配上牛奶整體更加溫和😛係配甜品嘅好選擇🖤⭐️ 芒果生椰乳 🥭椰奶配上酸酸甜甜嘅芒果好有夏日既感覺🏖️甜度不算十分高冇搶咗班戟嘅亮點🤪

行開佐敦見到呢間小店，佢地個2人餐好抵食$328有哂頭盤🥗、小食🍡、2個主菜🍝、飲品，仲要免加一🍝帆立貝太子蟹肉扁意粉 $128明太子醬勁多明太子，Creamy好濃明太子味🤴🏻，亦好掛汁🍝軟硬適中🤌🏻蟹肉都幾多，兩隻帆立貝好大隻，成個麵嘅海鮮風味出哂🍳日本漢堡扒滑蛋飯 $108漢堡扒好大塊🍔，厚身又多肉汁💦食落牛味好濃🐄，個蛋亦真係好滑，撈埋飯食一流🥞杜拜朱古力Pancake $158呢期杜拜朱古力好鬼Hit，朱古力同開心果加埋一齊唔會唔好食😆pancake有3件，上枱果陣已經非常動L😍pancake好嫩滑好蓬鬆，夾埋杜拜朱古力💯，好輕易ko哂成份甜品🍌香蕉海鹽焦糖窩夫 $108佢地個窩夫外層香脆，而且份量大塊，咬落外脆內軟，裡面鬆軟有蛋香🍳配埋topping 嘅海鹽焦糖、香蕉🍌、Cream🧁，除咗好有飽腹感🫃🏻口感味道都💯🧋芋頭粒粒椰乳咖啡☕️+$34/草莓番石榴乳酸🥤+$36個咖啡有驚喜😚每一啖都飲到芋頭碎，咖啡仲有淡淡椰香，芋頭+椰子+咖啡呢個組合意外地夾，杯乳酸就正常發揮，酸酸甜甜overall：佐敦分店店舖細細，平日夜晚係滿哂座，以cafe小店黎講價錢係幾實惠，個2人套餐真係好

TERA Pancake House 主打日式梳乎厘班戟及多款創意甜品，環境以日系簡約風格為主，配合木系裝潢和大圓形紙燈籠，氣氛舒適又有特色，適合朋友慢慢歎。.🥞 法式焦糖燉蛋PancakePancake口感鬆軟綿密，表面有層香脆焦糖，甜而不膩，蛋香濃郁，層次豐富，是甜品控必試之選。🍝 帆立貝明太子蟹肉扁意粉意粉掛滿濃郁明太子醬，配鮮甜帆立貝和蟹肉，海鮮味突出，份量充足，味道平衡，輕盈又滿足。🍛 日本漢堡扒炒蛋飯漢堡扒多汁帶牛味，配滑蛋和白飯，醬汁調味適中，口感豐富，是主食好選。🍳 明太子玉子燒厚身玉子燒帶蛋香甜味，明太子鹹香提升層次，口感細膩，適合小食或配搭其他菜式。🍰 瑪德蓮蛋糕外層微脆，內裡鬆軟帶牛油香，甜度適中，配茶飲最佳。🍵 無花果烏龍茶 & 蜜桃柚子茉莉綠茶兩款茶飲清新解渴，帶果香和花香，夏日飲用特別舒服。.TERA Pancake House 食物質素都幾高，甜品同主食都唔錯！ 環境舒服，適合約朋友慢慢享受～.TERA Pancake House📍 佐敦廟街273-285號寶發大廈地下4號舖.#吃貨日常 #香港甜品 #佐敦美食 #日式梳乎厘 #TERAPancakeHou

平時都好少去佐敦覓食估唔到會有間細細間專食日式梳乎厘班戟🥞入面仲有主食可以食🙂‍↕️同朋友傾偈high tea☕️慢慢食甜品啱晒—————————————————————🍴All Day Breakfast($128)今次個ADB仲有我至愛既窩夫🤤佢哋既窩夫就偏鬆軟 都有少少脆口黑松露炒蛋 蛋又滑 松露味又香👍🏻炒菇菇真係要讚 極香菇味加埋牛油果 腸仔 煙三文魚同乳酪 真係巧豐富—————————————————————🍴卡邦尼扁意粉($98)呢個價錢就食到Carbonara都真係幾抵平時食好少會配扁意粉 估唔到都幾夾忌廉汁好creamy☺️蛋汁都已經撈匀埋係入面煙肉估唔到係厚切🥓有驚喜—————————————————————🍴杜拜朱古力pancake($158)咁啱遇到呢排大熱既杜拜朱古力味佢哋仲選用左比利時朱古力🍫夠晒香濃開心味脆脆都幾突出 梳乎厘真係超級鬆軟—————————————————————🍴照燒雞扒柚子醋沙律($88)照燒雞扒值得一讚👍🏻有煎香過照燒汁好濃郁 雞扒仲好淰加埋柚子醋一齊食沙律🥗勁開胃—————————————————————🍴焙茶生椰乳($46)🍴藍金乳酸梳打

❣️呢間梳乎厘店係我fav list之一，而且主食味道都唔錯❣️原來仲有勁吸引嘅麻糬pancake，值得食下！不過記得早d去，9pm就收舖🌸櫻花梳乎厘 $148- 面層係鋪上一層麻糬，甜度適中仲幾煙韌，下面梳乎厘蛋香味濃，好滑身滋味🍝帆立貝明太子蟹肉扁意粉$128- 掛滿汁creamy有明太子香，撈上蟹子口感幾好，仲有粒粒蟹肉同鮮甜帶子，正🥗all day breakfast- 豪華$168- 有滑滑地黑松露炒蛋、炒菇、牛油果、煙三文魚等，好豐富🧇開心果窩夫$128 - 窩夫脆得來微甜，伴碟超多果仁，窩夫上係好rich開心果醬加脆果仁，都係唔錯選擇🫖荔枝玫瑰花茶（跟餐價$40）- 幾大壺，清新花茶香，可以兩個人分已經好想再約朋友去食pancake

一入到去，女服務員帶住口罩，但都感覺到佢係黑口黑面。今日堂食滿座，可能得佢一個做得好辛苦啦。我哋坐低咗，見到有個二人餐，我哋問佢同openrice嗰個係咪一樣，佢話係。我哋揀晒小食，又話個餐唔包，根本都唔同menu, 算。。。我openrice訂嘅時候見到佢話用餐時間60分鐘，實在有啲短。於是我特登打去餐廳，我話book星期二，佢話冇問題嘅唔會催我哋，叫我照book.  當然今晚又有俾人催，不過解釋咗佢都話ok。最誇張嘅係今晚係慶祝我朋友生日，我openrice remark住話甜品碟寫Happy Birthday.  結果甜品來到冇寫，我哋都冇出聲。到走埋單嘅時候我趁朋友出咗門口問女侍應：你哋有冇留意openrice booking嘅remark?  佢：知呀，寫名吖嘛我（愕然）：咁點解冇嘅？佢：今日個甜品師傅。。。我冇俾佢講完，我話：咁你唔洗話俾我聽架？佢一啲歉意都冇，我都費事再同佢講落去就走咗。你哋啲食物合格, 我今次係第二次幫襯，亦係最後一次。PS：如果想去洗手間，佢哋會叫你過對面街嘅大家樂，裡面係要借鎖匙再行出去唔知邊度。大家如果來呢度食飯要忍個服務之餘，仲要忍住便意。

🥞人氣梳乎厘班戟Cafe - Tera呢間位於佐敦的Cafe以日式簡約風格的裝修為主。餐廳係由經驗豐富的法國藍帶廚師主理，主打梳乎厘和窩夫，重有多款鹹食和輕食可以選擇。🥞杜拜朱古力疏乎厘pancake($158)係新推出的款式🤩伴有杜拜開心果朱古力脆脆、朱古力醬。疏乎厘Pancake 口感鬆軟，空氣感十足🥞榛子焙茶梳乎厘pancake($138）使用了榛子忌廉、焙茶牛奶布丁同榛子脆脆。梳乎厘空氣感十足，帶有輕盈的口感。焙茶的濃郁茶香味道甜而不膩。🍝帆立貝明太子蟹肉扁意粉($128)使用了明太子醬、蟹肉、帆立貝、蟹籽和洋蔥，意粉和醬汁的份量多，每一口完全沾滿醬汁～🍝煙三文魚青醬扁意粉($108)意粉煮得岩岩好，味道都岩我口味，煙三文魚同意粉的份量足夠兩人食～☕️焙茶生椰乳($46）椰奶味都幾濃，同焙茶都幾夾～

風假無望無阻TGIF，去佐敦呢間梳乎厘甜品店去梳乎吓梳乎厘有好多款，唔知嗌咩就嗌佢地嘅新出品，係近來人氣嘅杜拜朱古力味成個梳乎厘都淋上濃厚朱古力醬，又唔會太甜，開心果絲同nuts增加口感，同綿綿嘅梳乎厘係完美嘅對比唔好空肚食甜品，食之前當然食個晚餐先，呢碟蟹肉意粉超掛汁每條意粉都黐滿蟹肉同明太子醬，帆立貝勁爆大粒好肉跟住主打食甜品，見隔離檯啲窩夫好厚好脆咁，就嗌份開心果味，一碟有四大塊窩夫，切起嚟有啲脆裡面好鬆綿，開心果碎醬好足配埋雲呢拿雪糕食，雙甜絕配再食多杯芭菲，仲要係櫻花樣，面頭嗰層櫻花mochi已經令人心花怒放，高身嘅芭菲杯內有好多layer，層層都有驚喜食甜品有杯嘢飲更圓滿，跟甜品飲品可以減$12，焙茶可以揀配鮮奶定生椰乳梳打都唔錯，蜜桃同玫瑰味都出到，又唔會太甜

Tera嘅舒乎厘Pancake有好多口味揀，而且每款都好出色。 推薦必試嘅有焦糖燉蛋口味，上面有一層香脆嘅焦糖脆脆，甜而不膩，口感超豐富。另外，杜拜朱古力味係新推出嘅口味，朱古力味濃郁又有層次，中間仲有開心果脆米，還原度好高，真係好吸引。 除咗甜品之外，佢哋嘅主食都好有驚喜。我試咗慢煮豬鞍，肉質超Juicy，好嫩滑，味道調得啱啱好。 絕對會encore呢度啲咖啡都好飲，酸度不會很高，做成affogato 🥰 搭配雪糕 ，口感creamy好正🥰整體嚟講，呢度嘅食物質素非常高，無論甜品定主食都冇得輸，係一個超適合同朋友聚會嘅地方。

好耐無去café chill, 星期六有時間就約老best 去café chill 吓~特別揀咗去佐敦呢間Tera café, 因為好想試佢嘅pancakes, Tera 嘅pancake 係日式梳乎厘班戟, 出名鬆軟及充滿蛋香, 小巧溫馨的一間café，佈置得溫馨雅緻，帶日式寧靜感。🌟杜拜朱古力梳乎厘pancake另加抹茶雪糕(2球)原本想食原味梳乎厘pancake, 但見到有近期大熱的杜拜朱古力又忍住order 咗梳乎厘Pancake 真係好鬆軟, 而且充滿蛋, 因為佢地係用日本新紀元雞蛋, 同埋法國麵粉及牛油, 質素有保證。佢地pancake 是即叫即整, 所以上枱時還是溫熱的, 用上比利時朱古力做成的朱古力醬,香濃,再加上杜拜朱古力脆脆及芝麻醬，朱古力迷必食!另外加配抹茶雪糕, 濃郁甘甜的抹茶味, 中和朱古力的甜膩💫🌟煙三文魚牛油果配窩夫想來點咸食, 點了煙三文魚窩夫, 即叫即煱的窩夫帶脆邊, 口感是厚實的, 而且帶麥香味, 煙三文魚配牛油果是必勝的組合, 油香的煙三文魚配上充滿蛋香的窩夫, 美味!☕️Espresso Tonic/ 抹茶鮮奶來Café, 愛咖啡的我當然是必點咖