Table 18 Bar & Restaurant (已結業)

同老公&友人一起食飯,近門口位有d像酒吧,門外還放了幾張枱,好彩我地有訂位,店內裝修都ok,如果可以光返少少會好d,店內還有幾部tv係度播緊足球,不過好彩係無聲既,咁都唔算大影響,如果唔係一定好嘈,講返食物先,叫左以下呢D,不過D名就真係唔能夠完全記得清楚:唔記得個全名喇,仲之就係有幾款唔同既腸喇,一般喇,試到唔同腸既味道,不過我都係鐘意食司華力腸多D 豬手~呢個幾好食,皮又夠脆肉都ok,味道剛好,不過都幾大隻,兩個人就真係食唔哂海鮮酥盒~其實呢個有d似係OK便利店有得賣既芝士磨姑酥一樣,不過呢個就貴D喇,但係都幾好味!什菜飯~個樣就好似好濕,但係食落都真係幾好食,或者我肚餓喇!甜品當然係我就鐘意既心太軟~SIZE都算大,不過唔夠熱,內裡既既朱古力又唔多,但係甜度適中法式蕉糖燉旦~我就得麻麻地整體都唔錯(整體係食物質數+環境+服務態度),應該有機會再黎!

在apm看完電影找地方吃飯，看到這家餐廳外貼有香腸跟薯餅的圖片，薯餅的樣子像久違了的rosti，便決定入內一試。餐廳的佈置頗有情調，部份座位更可看到觀塘站月台。我和朋友二人點了蝦帶子波菜酥盒和瑞士芝士豬肉腸。波菜酥盒的配搭不錯，可惜蝦和帶子煮過了頭。瑞士芝士豬肉腸十分普通，豬肉腸幾乎沒有芝士味，下面的薯餅亦只是一般的薯餅，並不像rosti，大概是我期望過高了。還須一提的是這碟菜的份量很小，當作主菜恐怕會不夠飽，因此我們加點了甜品—熱情果心太軟。這份甜品有點名不副實，完全沒有熱情果的味道，不過朱古力軟心好吃。整體來說，這家餐廳的食物雖然一般，但環境舒適，價錢合理，在apm算是不錯的選擇。

我之前有寫過好評讚table 18，但我今日去完，實在忍唔住要出劣評！！！今日同同事去食午飯，唔知食乜好，咁我就提議去table 18啦，因為之前印象幾好。一點三左右去到，好快有位，坐門外。個salad bar係唔錯的，但食完salad都無上餐湯，我地就叫佢上番啦，點知佢上番餐湯又唔俾麵包條，人人有係得我地無。漏餐湯、無麵包都算，我竟然係我碟珍珠蠔菠菜螺絲粉裏面食到百潔布！！！！！如果唔係咬唔到吐番出黎，真係難以想象！！！我即刻同個侍應講，佢無解釋但勁快手咁收走塊百潔布，之後無任何道歉或表示，好似完全無事發生過咁！！！我真係難以想象一間咁大既餐飲集團竟然完全無諗住同客道歉，於是我叫佢經理黎，個經理同我講「可能師傅洗鑊果時掉左落去囉」，講到好似好正常咁喎，好似係我自己大驚小怪咁，真係氣頂到我死！我今日食完塊百潔布，唔知係咪心理作用，條脷「鞋」左成日，勁唔舒服！！！點解一間餐廳可以用咁既「食物」同服務招呼客人？！有無搞錯？！？！？！我唔會叫大家唔好去，但真係要睇清楚自己放咩入口食囉！！！

真的唔錯的TEA BUFFET, 訂台要早點訂會好D. 要留肚食. 因為我食到超飽, (三餐當一餐) 都好飽, 記得留肚食甜品, 仲有一杯免費的野飲, 算唔錯的BUFFET,TEA BUFFET 有的野食: 煙鴨胸唔錯呢( 我食左三次), 熱葷都有蝦餅, 咖哩青口, 牛腩, 薯條, 芝士腸, 薄餅, 意粉(任點的) , 甜品都有好多. 總之真的唔錯的BUFFET.

四月十日 (星期五)是商業因素罷,以上倆者時常都有很誘人的promotion...記得上一回吃了沙田的i-thai,口碑不錯,今次再有promotion,決定再幫襯幾乎KP Group旗下每間食肆都有special offer,一選再選,最合心意的,是apm的Table 18,打電話訂了枱,連復活節假期期間都有優惠,低讚!由於是指定的set dinner,所以來到不用傷腦筋煙鴨胸青蘋果沙律三塊鴨胸,伴着青爽的青蘋果再配上雜菜,很清爽的感覺,很醒味,來一記熱身罷芝士焗半殼青口加入了大量的芝士遮蓋了不少新鮮青口的腥味都四隻的份量,作為前菜,剛足夠龍脷柳卷露筍配檸檬牛油汁很細心,居然連優惠餐都做得那樣精細,值得稱讚最可惜是配上我倆都不愛吃的露筍,唯有將包得很美的龍脷柳卷拆骨有點浪費了廚師的心機龍脷柳很新鮮,煎得很香濃檸檬牛油汁配上龍脷柳更是絕配,帶點酸而又不搶魚的鮮味燒南非春雞半隻伴蘑菇忌廉汁扁麵原以為是原隻雞上的,來到時才知道是去了骨,很適合我們這些賴人火候剛好,雞肉不會燒得太韌,原汁原味至於扁麵就是一般水準罷４式慕絲想不到一個優惠餐也能如此設想週到甜品是四少杯的慕絲,有士多啤棃，芒果，藍

一起床已經十一點，我什麼都沒有吃，打算午餐早餐都算在一起之後女友差不多兩點才找我食飯，去到ＡＰＭ都已經兩點半跟她逛了幾層，都拿不定主意，最後來到這間Table 18，見$68有buffet吃，一試無妨下午三點才吃我的第一餐，早餐午餐下午茶都算在一起了這裏的Tea Buffet都是三點鐘開始，我還未坐定已經急不及待去掃場熱盤有十多款，不是貴價貨，都是雞翼炸物之類，但都可口美味還可自選pasta，十種材料幾款素菜再加上兩種汁料，即叫即做；我女友點了鮮蝦魷魚蕃茄醬意粉，份量少少的做得還好，可以多試幾款甜品都有十多款，當然都是平價貨色，但味道都不錯最美味的是新鮮熱辣的熱香餅，甜度適中可口有一個小小沙律吧，蔬菜都新鮮好吃自助餐包一杯飲品，只是花了許久才來埋單連加一才每人七十五元，當一餐午飯，有湯有主菜有甜品有飲品還是all you can eat，都不錯啦！正！！

黎過呢間餐廳兩次兩次都有不錯既體驗地方甚有格調及舒適若果係二人聚會，坐內裡會比較舒服食物方面都不錯未算十分出色但可見係用心去做酸忌廉薯條，想不到是熱辣辣還有新鮮弄的酸忌廉誠意十足小食拼盆也不錯雞翼是大大隻的最後的意粉有點遜色不大夠味道淡淡的特別一提係佢設有happy hour時段因本人不好酒，兩次都只係試了non-alcoholic既飲品都有不錯的感覺平日的晚飯時段要輪座又或者可以預先訂枱

這是一間好不像開在觀塘的餐廳, 好有銅鑼灣feel~ 但一看她的價錢, 又不是太貴, 頭盤大約$50以下, pasta和各種腸也是$70以下, 牛扒大約$150, 也是合理. 而我覺得最好的是, 她有酒牌, 可以一邊吃飯, 一邊喝酒~ 這天我們有兩個人, 點了一支澳洲紅酒, $160, 味道一般, 那些waiter哥哥會替我們倒酒, 好細心頭盤我們要了牛油菇, 用鐵板盛上, 能保持溫度, 而且好香然後再要了一個蘑菇雞肉腸, 如果那些腸可以肥大一點更好main course是忌廉汁煙三文魚蝴蝶粉白酒 , 忌廉汁不是太重, 好, 而三文魚的設計像一朵玫瑰, 漂亮甜點要了心太軟, 不成, 太硬, 朱古力味又不好, 不合格我們在9點才進這間餐廳, 並發現一直full house至10點多, 好不錯耶~有下次 !

病還未好就要考試，男友特地請了半日假陪我去考試。考試前先要食午餐，於是就來了這間未試過的集團餐廳。這裡是有salad bar任食，我們分別點了兩個主菜，白汁吞拿魚意粉和白汁煙牛肉扁意粉。服務生先送上麵包和湯，這裡盛麵包的容器很特別，但麵包條的味道就一般了。到salad bar走一轉，都有五至六款的salad，可惜沒有我喜歡的凱撒沙拉。於是隨便拿了一些黑醋汁沙拉、火箭菜蕃茄沙拉和蘋果沙拉。所幸的是所有食材都十分新鮮，所以我們都食了兩、三轉呢。兩個意粉的味道都差不多，可能都是白汁的緣故吧。不過我覺得吞拿魚意粉比較好吃，汁又比較creamy。也許是還沒病好吧，對所吃的也沒有特別的印象了。不過這集團的餐廳一般都不差的，這間的不好之處就是餐具不太清潔。

一個很久無見的舊同事介紹下,黎左呢道buffect tea, $68, 雖然無乜貴野食,最"貴"的應該是咖哩青口,其次可能是即煮意粉, 雖然款式不多,10款左右熱食,數款甜品,數款salad,一杯飲品等,但這裡每樣食物的水準都達70-80分,service都ok,訂左台要求轉台都ok,而且地點非常方便,所以非常值得。

朋友仔想去一間環境舒適既西餐廳食飯，上網 search到呢度環境幾好，價錢又合理，所以就黎試下：八點前係 happy hour，都有幾枱客人純粹係飲野傾計，環境氣氛輕鬆舒適，我地首先要左杯餐前酒 Campari on rock ($28)，Long Island Raspberry Tea ($32)和 Winter Chill ($32)，但兩杯 cocktail的味道一般，酒味好淡，賣相亦無如 drink list上既相片甘靚。飯前送的面包條幾香脆，但只有三條，份量太少了。我地既正餐要左：海鮮周打面包湯 ($48)：材料充足，湯很 creamy，加埋焗得外層香脆，內層鬆軟的法包來食真係幾正，而且如果食晒一個已經夠晒飽。煙三文魚蝴蝶粉白酒忌廉汁 ($68)：蝴蝶粉煮得剛好有咬口，但 sauce既味太淡。芝士忌廉汁焗海鮮磨茹飯 ($78)：有好多海鮮；芝士份量多 D會更香；飯煮得淰左D，亦吸收唔到海鮮既鮮味。食飯既時候我地開左枝 red wine，但質素麻麻。下次可以自備 wine黎飲，開瓶費是 $100。呢度既店員有禮貌，效率都幾快。下次都會再黎飲下野傾計。

間餐廳都開咗一排, 上個禮拜黎食dinner, 4個人share咗個牛扒, 1個尖不甩腸(個waiter推介話好食), 仲有個脆皮豬手, 再黎多個南瓜湯同洋蔥湯share, 原來佢地融合咗集團不同餐廳的菜色, 揀咗d出名又多人食o既放響哩度, 所以會有德國香腸同豬手, 又可以其他扒同前菜食, 最後整咗個朱古力軟心蛋糕(唔算太甜, 個軟心暖暖地, 幾ok)同一個杏仁千層酥(攞到黎有d唔捨得食, 因為太靚喇!!!), 4個人分都食唔晒, 甜品的份量都算幾大份。4個人每人都係100蚊多少少, 唔算太貴啦, 而且餐廳環境都算唔錯, d位都好舒服, 傾計聚舊都好ok, 下次有機會都想坐吓吧枱飲野, 相信應該冇諾士佛台咁嘈。

TABLE 18係間BAR, 又可以食野, 環境唔錯…我地食左幾樣野…芝士豬肉腸 – 冇乜味, 條腸又冇張相咁長, 不過放响條腸底下0既蘿蔔絲餅就一流, 好好味呀…煙三文魚菠菜宽面 – 味道偏淡, BUT岩哂我…肉眼扒 – 有筋, 好一般啫.楊枝甘露杏仁豆付花 – 呢個係老公食, 好似好普通咁, 所以我冇試…杏仁脆餅伴雪糕 – 其實個名好似唔係咁架, 不過記唔到, 咁上下算啦!! 其實即係一個拿破崙餅, 中間有BLUEBERRY同MANGO, 好脆好好味呀!!!埋單350蚊, 都合理…

久違了的APM原來都變咗好多囉，見有新食店，試下先~TABLE18外表都幾嚇人(似貴野)，睇下餐牌...價錢適中噃，各地菜色都有d之餘又唔係fusion，啱晒。坐咗去最入間房，d佈置同外面幾唔同，數埋得6-8張枱，不過有個大電視，好在唔係播"豬肝補氣"啫，係播鬼佬電影台，話唔定有波播添。餐牌好多選擇，睇到唔放得手，8點前happy hour飲品特價，拿拿聲叫咗先，個杯野叫apple sxxxl<---唔記得清楚，味道酸酸，開胃啱晒!點咗"洋蔥湯"、"田螺焗蘑菇"、"海鮮扁意粉(茄汁)"、"香蒜汁燒豬肋骨飯"，因為有d感冒，"洋蔥湯"啱晒，味道夠濃，亦有正宗焗一焗，加埋溶化芝士同法包，一絕。"田螺焗蘑菇"味道比較淡口，可能個菇焗完出水多咗，普通。"海鮮扁意粉(茄汁)"可選忌廉汁，海鮮同扁意粉比例1:1，意粉係少咗，不過海鮮補返，份量睇落細，食完其實都夠飽，茄汁味道偏酸，都好食。d蝦、青口、魷魚、魚柳都唔錯，無雪藏味。"香蒜汁燒豬肋骨飯"，呢個上枱果時都幾嚇人，份量出奇大，豬肋骨足有8條，下面墊底d飯其實唔係好多，不過加埋d豬肋骨，夠啦。用鐵pan上較保溫，可以慢慢切黎食，燒汁味濃

因為o係鄰近工作,都去過幾次lunch, 哩到有salad set lunch , $58, 其他意粉 / 飯/ ribs set lunch 都有 會貴$10-30....女仔胃口細食salad set lunch 已夠...每次去都係同女同事share , 所以食渾晒佢o既 set...餐湯次次係蘑菇湯+rosemary香草麵包絛 , 都幾好味, 湯幾滑 & 濃salad: 次次o甘上下, 有凱撒salad, 青豆西蘭花, 咖哩火腿, 旦王醬青瓜, 沙律醋3色茄, 紹菜蓮藕都有, 蘋果薯仔意粉細碗, 食過大蝦默魚麵, 只係whipping cream 煮默魚麵, 有d 那過食過羊肉串, 煎得太老, 無左羊o既嫩滑, ribs 水準時好時壞白汁意粉, 只係用火腿+洋蔥+whipping cream 煮, 自己煮仲豐富過佢藩茄螺絲粉唔好食, 只用茄肉no 埋d 粉...有茄o既"聲"味. 魚柳只係好滑但無魚香, 起初仲以為係雞肉總言: 比開張時差o左, 同無咩新意... 悶