Table 18 Bar & Restaurant (已結業)

今晚約了很久不見的朋友食飯....但又唔知去邊間餐廳....朋友行過見到呢間幾好feel~於是就入左去攞位等我啦~~可能平日既關係,所以不是太多人啦~但都坐滿人!環境幾好...燈光很暗,好多人都係飲野傾計!今晚叫了一個白汁菠菜意大利飯,一個茄汁海鮮意粉,仲叫左個小食....好似叫泰式春卷!食物質素幾好~春卷好脆好食~飯同意粉都用左好多洋蔥!服務都可以,不停有待應服務,但唯一唔好既係,每枱上面都會有兩支麵包既野食,係免費架~但我地見到,如果你無食到~待應係會收回....之後又放番去另一張新枱到~非常唔衛生啊~

此家新開西餐廳於星期六日有LUNCH 及TEA BUFFET, 價錢實惠,包一杯飲料.食物種類豐富,味道不錯,環境舒服. 適合一家大細或朋友聚餐嘅地方. TEA BUFFET: 成人 $68 ; 小童:$48.

2月6日（星期五）晚，因為女友話家中沒有飯開，所以相約在我收工後一起去觀塘食宵夜。女友比我早收工，而且她說想在APM逛逛，所以我收工後就直接去APM找她。我去到APM時已經接近十點，和女友會合後就去“開飯”，女友提議來這裡，剛巧我一直也想來這裡試試。因為在觀塘這個舊區，很少有這類型的餐廳。想不到這裡生意不錯，接近十點也要等一會才可入座。餐廳內的環境比較暗，但地方比我想像中大。我們被安排坐在背靠L形梳化的檯，很舒服。餐牌上的選擇很多，就連德國香腸和薯餅都有，相信是因為是KP集團經營的。因為不想吃得太heavy，所以我們祇叫了黑椒汁安格斯牛小排飯、白菌素菜撻和鮮蜆墨魚汁闊條麵。黑椒汁安格斯牛小排飯：黑椒汁很香但不是很辣，安格斯牛小排有點失色，部份很韌，飯亦沒甚麼特別；白菌素菜撻：酥皮撻很香脆，餡料味道清淡，不錯；鮮蜆墨魚汁闊條麵：蜆是不是“鮮”我就吃不出，但總算有蜆肉味，墨魚汁闊條麵亦祇不過是黑色的闊條麵，但煮得不好，有些過硬，而且有點太辣。整體來說，這裡的食物質素和價錢並不相所符，但總算環境舒適又是大集團經營，不會太差，而且就算不來吃，也可以來喝，這裡有數款生啤和酒類的選擇應該是同區之冠

原來KP group的coupon原來是指定的那間才可以用的! 自助沙律吧--以薯仔沙律多,蔬菜沙律頗新鮮!白汁意粉--普通,Pizza Hut之Lunch Set意粉,好味些...番茄長意粉--好普通,我都識烹....甜品比想像中差...雪糕好硬....

別過九龍酒店，返回觀塘來下場。因上次晚飯送了兩張 coupon，所以再來一趟。試過上回的難吃燴飯。今勻要回這掂主打的鐵板菜，點了一客脆皮豬手與男友 share。當然還有 leffe 生啤和 boddington 罐裝啤。侍應依舊按位送來兩支麵包條，好脆好香牛油味；送酒不錯。豬手等陣一陣，只見侍應擺好架生為我們即席起骨，招呼周到。豬手味道不太佳，皮不夠脆，肉亦沒有鹹香；不過肉質尚嫩，沒有烤過火，伴碟還有薯條，即炸關係，外脆內軟，略嫌份量偏少兼薯味不太濃。這兒飲酒確是一流，食物則有待改進。

一月十六日(星期五)早於星期三已經過來買了戲票,要在大家出發前看赤壁二!所以今日我們都歸心似箭地去APM等!本身想吃天菜,不過最後都是選擇了Table 18,因為上次它給我們的印象相當好!上次還是剛開業不久,不知道今次再臨時質素有否改變呢!加上我們又有KP group coupon,沒有再看menu就進入了!今次是坐房的,有大電視,正在播放曼聯對車路士,幸好沒有阿仙奴,否則老公會寧願對著電視多過看著我....好了,因為已經差不多七時了,要趕快落order,否則會遲到了要了他們出名的芝士豬肉腸和上次令我們讚不絕口的牛尾千層麵!要求快上呢先吃麵包條,不錯,蠻脆的芝士豬肉腸不到5分鐘就到,比上次的速度快,應該是員工做熟了!芝士豬肉腸的底部是煎著餅,似是家製的,不錯,而且不油膩!主角芝士豬肉腸比相中短,因為我期望有幾個圈的,不過味道不錯!不太漏,芝士味不濃,適合keep fit 和準備馬拉松的我們呀!果然是一個share都可以!因為吃完都full了一半牛尾千層麵都快送上,所以吃完芝士腸時已經凍了點,不夠上次那麼好吃,不過熱食的話應該效果如上次一樣,非常好吃!牛尾多!而且吃完都不覺很漏,十分滿足

上上星期五，與大學同學諗住睇 9 點30 場，來到只剩第一行，為免睇到頸骨痛，決定放棄擦餐勁。二人要了酸忌廉牛柳燴飯和鮮茄辣肉腸意粉 share。前者個人覺得好溜，因為個 sauce 味道太濃烈，尤其是啲飯被芝士勻和酸忌廉勻和，變到一 pat pat；反而意大利粉不錯，略嫌蕃茄醬唔夠多，沾不勻每條意粉，pepperoni 夠辣又鹹香，配酸酸地的茄汁意粉挺不錯。最後還叫了 leffe 和一杯 mocktail。埋單 $250 幾，好懷疑侍應計錯數，因為兩杯飲品都係 happy hour 後 order 的！

觀塘的 apm 開了一間酒吧，有次經過都想一試，但最後也沒有行動。星期二湊巧要去看電影，見尚有時間，便到此吧飲杯兼吃點東西。這間吧好抵，大杯 leffe 只是 $38，比灣仔更便宜；跟著要了尖不甩腸，墊底是薯絲餅，煎得好香，但腸的味首一般。以後來觀塘便示愁沒吧去了。

好有氣氛的除夕大餐呢! 環境和食物都很好, 值得一試呀!5道course $2201. 酥皮海鮮盒2. 南瓜籽南瓜湯3. 火焰海鮮串 or 安格斯牛排4. 紅莓奶凍P.S. 氣氛一流 - 埸內佈滿氣球, 每人有一袋小禮物和特色帽子。 Waiter會在桌前火焰海鮮串, 其他waiter在吹BB和拍手呢! 接近12時, 還送上迷你火炮和酒精飲品。12時正, 氣球從天而降, waiter會刺穿氣球呀! 當晚分2 sessions - 6:30pm & 8:30pm, 後來再order一杯montail, 可由8:30pm坐到12:30am呢!

記十一月下旬宵夜這裡從前是Suzuki Cafe，充滿著回憶之地。現變作皇冠集團的新品牌，APM該有1/4食肆跟她扯上關係，來這裡純粹貪環境新淨，淨飲亦不貴。除位置迫了一點外，Life Style的佈置感覺還不錯，深宵，人不多坐到梳化位也算舒適。甫坐下叫來素食併盤、瑞士腸配冰可樂。素食併盤用玻璃杯盛著，甘筍條、青瓜片、西芹條梳落散開，賣相唔多吸引，Group埋一杯應該更好，幾款時蔬吃落乾涸，明顯是已放在雪櫃大半天，愈吃愈不是味兒，真是「誠意王」。牛仔肉腸皮煎得不夠焦香，很油，幸好都叫做即叫即煎，熱辣辣的佐酒小吃，還可以，奈何薯仔餅底明顯是翻炸，「面黑」的樣子倒胃口。閒聊一番，後生店員一副愛理不理的心態，基本的待客心態欠奉，食物遠不如從前Suzuki認真，回憶不再，不會再來。

apm內至少有2間此集團的食店,入去時唔知道,坐低後發現了,同行有人係會員,有折,menu有西式,但又有東南亞食物,適合唔同人口味,於是叫左:-baby ribs,好味,但可以濃味少少-(唔記得名 )焗豬扒飯,一般-,鰻魚炒油麵,都幾大碗,味道好,可以encore-ribs什菌飯,什菌有味飯比ribs好每檯都有意式麵包條, 食物ok,但格調似西餐廳/bar,又有happy hour,但無set dinner

今次諗住試新野,首先聲明依間餐廳食物PORTION係偏細,兩個人去就最啱!叫咗三文魚白汁意粉,白汁偏稀/完全冇味,係連少少cheese同奶味都欠奉...雜菌意大利雲吞,完全食唔到有雜菌wor??個FILLING只係一pat mozzarella cheeseBABY RIBS??仲係BABY??...淨係條骨已經粗過我手指公好多,咁唔駛講D肉梗少得可憐,食落仲有大陣雪味?? 埋單200,好似冇乜食過野落肚咁! 可能咁一坐低就送條bread stick比你!!!,間野裝修布置燈光係幾靚GEI..不過整色整水係冇用,,食物鬼咁求其,幾多garish都呃唔到人..諗諗下就呻笨,屋企有得叫california kitchen 外賣,叫O既菜式又差唔多.又好味過佢,又飽過佢....

我地一行三人,都係第一次試呢間。感覺上個格局想整到間bar咁. 佢的餅乾條都幾香,同埋服務幾好三個人試左:瑞士芝士腸... -過得好啦,唔太夠熱...式焗豬扒飯 -幾好食,但都係少左d意大利雲吞 -係大隻果種,都ok的三杯特飲 -我地三杯都係coffee系列,配唔同味&生果. 但我地三杯..都只係好似普通咖啡.有點失望 不過份量真係算少...如果男仔多應該會唔飽埋單每位一百, 坐成晚傾下計都ok的

尋日同個fd好耐冇見,, 想出黎食飯,,因為要係kwun tong附近食野,,上呢度openrice睇過d食評,,好似唔錯咁, 就黎左呢度食野喇,不過因為apm冇指示係邊, 所以都搵左一陣先搵到,去左一坐低,, 有個後生既waiter擺低左2條佢地店handmade既面包條,,話叫我地試下,,都幾好味, 仲有個時我7點幾去度, 仲有happyhour可以飲野平d,佢話大概beer會平左10幾蚊,, (原本3x幾蚊度,,)我同個fd飲左一杯500ml既holegarden, 一杯有酒既cocktail,,之後問下佢有冇set dinner,, 因為諗住食多d野又平d,,不過個waiter話佢地冇set dinner, 都唔緊要啦, 睇下d散叫,最後叫左一個bbq baby back rip, cesar salad with chicken breast, 同埋 "尖不甩雞肉腸" (個名點解咁得意??)個rip都幾好食,,不過食得有d辛苦,, 一啖又擺唔到落口慢慢食,又要用刀叉,, 點知舊骨成日跌落隻碟度,,超級響,, 附近d人又好quiet搞到我勁唔好意思,, 好搞笑,,個沙律

食物賣相好看, 但是凍的○ 本人叫了下道叫安格斯律牛排飯, 是用平底鐵鍋上的; 但上桌時,一看便知是凍的, 只是鍋底的飯是熱, 連飯面上的牛排也是凍的○ 我桌附近兩桌客人也點了這個飯, 我看見的也是凍的○ 另外又點了雞肉腸拼薯餅, 也是用鐵鍋上, 只是暖; 只有鰻魚炒油麵和南瓜忌廉湯是熱的, 但忌廉湯不夠咸, 我加了些鹽○ 我看見鄰桌點的咸豬手冒煙, 切時脆卜卜; 我想這道菜一定要即叫即炸才會脆皮○ 那裏的甜品很吸引, 但可惜已經飽了, 沒有點○其實食物是好味的, 但相信廚師將食物一份份整好了, 到客人點時才燒熱個平底鍋, 便端給客人, 只有鍋底的食物是熱的○