Studio Caffeine (廟街)

营业中

休息中

唔覺意經過，見到個招牌幾得意，唔通真係一食就會愛上咖啡因，要再黎多幾次？House Caesar Carbonara Remix - 依個醬汁係自家制再配上扁意粉，對比平時的 Carbonara 會比較輕忌廉汁，入口相對無咁膩，合到好處。Monster All Day Breakfast - 單睇賣相都已經值回票價啦，豐富而且震撼，有紐倫堡腸、黑松露薯蓉、煙肉、茄汁豆、大燒烤菇、法式多士、炒蛋、燻黑椒牛肉、沙律菜、士多啤梨、藍莓、水蜜桃，真係認真大滿足。Classic Chocolate - 唔好以為只係咖啡可以拉花，佢地就連朱古力都拉花比你睇，真係視覺得味覺既享受。Green Tea Coffee Latte - 第一次飲綠茶咖啡，重綠茶味，泡沬同拉花都處理得唔錯，不俗。

有目的咁放個冇目的既半日假休息下😁由於本身鍾意食All Day Breakfast~所以成日同圍搵邊到有吸引而又所謂價錢合理既All Day食今次黎呢度係因為見到D人話佢除左份量多，入面既食物款式都多~等我見識下佢有幾多先😂😂😂我叫左份Monster All Day Breakfast($90)揀佢完全係因為咩都有，同埋成日未食過嘢好肚餓！😂成份嘢我最鍾意係個大磨菇，肉厚又多汁個茄汁豆好多地方都係室溫上，但佢呢度會整返熱~另外球薯茸係有松露味既，不過唔熱／暖就爭D~其實All Day好多煎嘢，佢有埋沙律同幾粒水果係唔錯的，可以中和一下個油膩感呀！仲有個法包唔夠脆有少少難咬~飲品我揀左Greentea Latte因為個人非常好Greentea呢~！飲品一上場，見到朵玫瑰拉花人都開心D飲一啖就發現冇叫錯！個茶味好濃呀！！平時外面飲個D好多味唔夠仲好甜，呢杯濃而不甜，唔知點解我飲到有少少咖啡味Tim呀~仲之就好好飲啦~！😂😂😂

聽聞呢間既all day breakfast好出名慕名而來到廟街試下呢間咖啡店好方便一出佐敦站行兩步就到叫左一杯 Green tea latte好香濃的奶香．味但係又唔會掩蓋綠茶的甘味非常有層次感終於都到我最期待既 Monster all day breakfast超足料唔洗講全部都係上等材料炒蛋好滑，無番咁上下水準真係轉唔到特別喜歡黑松露薯蓉好鮮黑松露味但係又唔會搶左薯蓉的味道起碼仲有好大陣薯仔味係到但係又俾黑松露吊一吊味不錯跟住落嚟就係- 瑞士牛肝黑野菌汁配芝士雜菌扁意粉個名好長好大陣牛油同芝士味，好creamy個人都幾鍾意

Monster All Day Breakfast🍽 ($90)一開始就俾佢嘅薯蓉吸引，簡直係我最愛❤，食落有濃厚嘅黑松露味道，鹹度岩岩好，係誠意之作；試埋炒滑蛋，有牛油嘅香，半生熟嘅蛋令到口感好滑；紐倫堡腸外皮香脆，咬落肉汁豐富，有啖啖嘅香草味，但食落感覺會油膩，食番d新鮮沙律菜中和番就岩岩好。

位於廟街附近的Studio Caffeine ，是受多人推介的all day breakfast餐廳餐牌有多種選擇，有意粉，Bagel，All day breakfast 等等。餐廳以自助形式運作，價錢合理。(左上)蜜桃冰茶 $40 (右下)Mocha 同行者飮的👦話🐷朱味濃郁推介: 超級全日早餐 $90👍👍👍👍(5分滿分)包括：燻黑椒牛肉，茄汁豆，煙肉，法蘭克福腸，炒蛋士多啤梨，沙律菜，烤大菇，黑松露薯蓉，法式多士☀☕ 好多東西吃，好豐富，好滿足！大啡菇非常juicy ，切下有菇汁溜岀。法蘭克福腸煎至脆皮，且不會過咸。煙肉煎香上碟，肥瘦適中，但有點太油。推介:黑松露薯蓉！黑松露味強烈， 薯溶滑身但不會有油膩感😁！法國面包，原味上碟 可配上牛油哦！☺若果係蒜蓉包就更正啦!

蜜桃冰搖茶 $40原本想食 抹茶咖啡 ，不過無晒就算數吧 服務員推介我飮冰搖茶！哈哈 沒有選擇錯誤哦！蜜桃味足，帶小甜，但不會過甜微微的甜味加上冰 ，好解渴！大大杯，不錯

Went to visit a very chilling sunday afternoon for tea.The cafe is kinda in between tst and jordan, real 10 min walk from both side of the MTR. But I think its closer from Jordan MTR station.The menu was easy to read, just a one page thing, which was quite good.  Ice Dripped Coffee: A bit sour as they used Ethopian coffee beans, personally not my taste. But the beans was very fruity, didn't have that very chocolately smell, had very sour after taste.   For those who actually like more fruity

以往我最愛一個人到cafe聞着咖啡香看readings，工作後少了喝咖啡，有日突然咖啡癮起，來到Studio Caffeine。3:30pm左右到達，只見門外竟出現了一條小人龍，幸好我一個人，很快都安排到座位。只點了一杯green tea latte。咖啡用木盤盛上，即時很有文青的氣息，哈哈。拉花非常可愛，竟然是龍貓！不過我看到其他顧客的咖啡拉花都不盡一樣，有的是花，有的是心，不知可否特別要求要其他卡通人物呢？ 呷一口，心靈已得到滿足。咖啡味香濃，奶泡香滑，而抹茶味也突出帶回甘，許多cafe的出品都會是green tea味道，所以比較甜，少了抹茶那種甘，又或通常味道會比較淡，但這杯green tea latte, 抹茶和咖啡比例剛好，平分秋色，不分高下，兩個既是主角，又互相點綴。我覺得是暫時best green tea latte in town!

一個人搵食真係會唔知食咩好~行行下又比我搵返呢間野~上次食過all day breakfast覺得佢幾好心機.既然唔知食咩...再入去啦~飲左杯Mocha..姐姐拉花好靚~覺得佢整咖啡好有心.用ge奶唔係普通牛記,係用日本名牌架~咖啡味好香~冇燶味~姐姐打奶都好滑喔仲叫左個意粉..Smoke Duck Breast In Honey & Tomato Sauce略為酸左少少~~~可能我牙肉痛,,,食到好辛苦..平時應該okay!鴨胸有點小"un"..間野環境好舒服~見佢仲有d cake ,muffin果d...下次會再幫襯啦~

玫瑰咖啡咖啡味道較苦澀，亦可以接受，甜味亦不是太甜煙肉牛角包牛角包十分鬆軟，配料好足呀，仲新鮮熱辣辣,十分好味而家有時間周不時約下朋友出來聚會。早前和朋友去了佐敦吃下午茶，就去了上次和屋企人去個間cafe,貪cafe可以坐耐一些慢慢傾計，今次去時間多咗客人，可能下午茶時間較旺,我叫咗牛角包+玫瑰咖啡，朋友叫咗超級全日早餐+抹茶鮮奶咖啡，我叫牛角包又好好味,仲有煙肉在内十分足料,個包好鬆軟,這裡的出品都OK,我和朋友坐了接近1小時，店員冇趕人走,服務都OK

🍴..通常最豐富的早餐 都不是早上能吃得到的🙈🙌🏻 超級全日早餐((HKD $90))好豐富，果真是「超級」早餐😍🙌🏻一上枱就好興奮！可能相片表達不了那種感覺⋯因為這個碟實在不算小😂粒Juicy菇🍄有手掌大小的～🍳炒滑蛋 少不了，真的做到滑而不稀，而且不會太咸。薯蓉加入了黑松露調味也是估佢唔到的，有少少驚喜。其他沙律、腸仔、煙肉等必備大路野都幾高水準，只略嫌多士有點太燶。Studio Caffeine位於近佐敦廟街橫街，地方細細不過勝在樓底夠高，一字排開大約就5 6張枱，但空間感大 毫無壓迫感，而且始終不是大街人流未算太多，買杯咖啡買個小食都可以慢慢坐慢慢傾～☕️據悉店長是咖啡師，對咖啡有份執著而且在Openrice睇過都幾多人讚🙈但今晚夜了就無試到，下次Tea time再試。🍝Studio Caffeine全部意粉都是扁意粉，個人特別偏好扁意粉，點都要試下既～不過發現味道偏淡份量偏少呢🙈🙈🙈尤其是這道⋯ 瑞士牛肝黑野菌汁配芝士雜菌扁意粉((HKD $75))意粉口感有一點偏林身，帶少少煮太耐而變綿既感覺，不過都不是重點😐重點是 味道超級淡！（自問唔係重口味人士呀🙈🙌🏻）但雜菌都有幾多份

看到之前食評的照片, 為all day breakfast 而來. 為了要樣樣齊, 所以叫了"超級all day breakfast" ($90). 另外還有"素菜all day breakfast" 和 普通"all day breakfast" ($80). 只是相差$10, 加上我被大咖菇吸引著, 普通版是沒有的. 大燒菇、好味, 好有菇味. 雖然說大, 但又因要和老公分享, ....所以如果有兩隻就更好. 松露薯蓉, 好味, 淡淡地的松露味不會太假, 不會太搶, 仍然食到薯仔味. 法包, 咁普通的材料, 唔知點解, 可能是我肚餓的關係, 都幾好味. 原本這個all day breakfast是有一片牛肉的, 但是日已沽清, 所以換了兩片煙肉. 煙肉都係靚料, 不是肥肥的那些. 今次可以和老公一人一片了.我們總是眼闊肚窄的. 兩人share吃完個 all day breakfast 其實晚餐來說都緊緊夠 (可能要吃宵). 但之前又叫了waffle. 賣相咁精緻, 我這個甜品控又怎捨得唔叫呢! Waffle上已淋了朱古力醬, 旁邊仲有士多啤梨醬. 一個雪糕球不只, 仲要比兩個你

星期日中午專登係沙田出佐敦食馳名的ALL DAY BREAKFAST - Studio Caffeine。中午十二時多到達，門外已有十多人排隊，店舖較小座位及偏窄，等位也等了三十分鐘。我點了Monster All Day Breakfast (HK$ 90)。一個早餐有齊麵包、德國腸、煙肉、黑椒煙牛肉、蘑菇、黑松露薯蓉、沙津菜、茄汁豆，希望無講漏。開始先食沙津菜和水果都很甜而且新鮮！麵包外脆內軟，但不夠熱。到主角煙牛肉就好好食，黑椒味濃而不辣。德國腸就有淡淡胡椒味中午吃了這個ALL DAY BREAKFAST加杯榛子咖啡(HK$ 35)，感覺生活好美好，馬上就可以元氣滿滿的投入新一天的生活啦！

星期天可以瞓到自然醒是非常美好既事，但我偶爾會早餐唔食，食個lunch簡簡單單罷了，今天來到studio caffeine 食個all day breakfast 配埋green tea coffee latte,為我自己今天有個好開始， 全個餐包插有ham,mushroom,salad,滑蛋，新鮮水果，茄汁豆，非常豐富，味道也很好 green tea coffee latte~店員介紹熱飲先有拉花，綠茶味好濃又有咖啡香加埋拉花，很満意！朋友order煙肉牛角包配凍白咖啡,友人說食物都好味，咖啡味好香！cafe內環境好好feel,而且唔會好逼，現時好多coffee shop有all day breakfast其實真係好方便，唔使下下去茶記趕時間食早餐，而且價錢只是貴少少,值得一試

個個去到廟街都係食煲仔飯，今次我去廟街飲咖啡！ 呢間出名飲精品咖啡既小店，的確係令人品嚐到咖啡既真味！如果你想試下扮陳豪，佢有好多唔同既咖啡豆俾你選擇。唔識揀都唔緊要，咖啡師會向你推介既。 我當日就試左呢隻係Kenya既咖啡豆既手沖咖啡($60)，味道唔苦但酸味較出，有點橘子味道，好重果香味，初嚐手沖咖啡都一定覺得唔錯因為唔會得個苦字，味道層次好豐富。 而友人就揀左特濃咖啡配泡沫咖啡（單品咖啡）（$60），如果叫呢種就可以一次過體驗兩種唔同咖啡既味道！一方面試到咖啡既原味，另一方面試下加埋奶泡既味道，適合有選擇困難症既你😂！仲要呢隻咖啡豆好似話拎獎嫁喎！ 飲咖啡之餘都要搵啲野食下！叫左超級全日早餐（$90），最豐富既ADB！大蘑菇勁juicy，個腸係我最愛既白色豬肉腸🤘🏻，特別想講係佢個黑松露薯蓉，勁香黑松露味而且整得好滑，都幾特別同好味，係驚喜！而且呢個ADB比平時出面食個啲多啲菜同雜果，感覺都幾健康。 除此之外，我都叫一個自家製凱薩卡邦尼扁意粉（$85），好creamy，芝士份量都多，但重口味既我覺得如果再濃味少少就更好了！