SPICE Restaurant & Bar

营业中

休息中

自從上次去重慶大廈食咗印度咖喱之後，一路都尋覓緊有冇新嘅餐廳可以食下印度咖喱。醒起成年前食過一間印度餐廳但好似冇食咖喱但間餐廳幾好食，所以就再去食啦呢間餐廳係諾士佛台入面，所以我都有預先預約訂位。入咗去環境都仲係好靚，好有特色嘅馬賽克玻璃單，好彩有訂位因為七點打後已經好多人嚟食。大部份都係外國人同印度人，睇嚟依間餐廳都算幾正宗。我同朋友叫咗一碟蒜蓉炒蜆肉意粉，一碟masala 咖喱再配nam,就夠了。因為我就唔係好好酒，所以就冇特別叫嘢飲了。蒜蓉炒蜆肉意粉好好食呀！因為佢蜆肉大家睇吓係好多，平時一條片肉意粉可能得10隻來蜆肉，但而家起碼有20隻，我同朋友分享都覺得好夠同好飽。至於masala更加係中中之中，我超級超級鍾意食，我一定會再去食。佢嘅咖喱香料好香，加上獨有嘅nam,脆脆地好夠飽。所以如果大家唔敢入重慶大廈食嘢，我可以推介依間諾士佛台嘅印度餐廳好好味㗎 ！

冇得去旅行✈，一於食咗當去咗😌，嚐一轉世界美食😋，今次食--印度菜🔥。推介三五知己，歡談暢聚，過一個充滿異國風情的晚上💃💃位於諾士佛臺， 位置方便，斜路直上或美麗華出便見到👍。地方夠闊落，裝修精緻，我最喜愛坐於窗邊卡位，自成一角，輕鬆寫意。食印度菜，只會諗到curry。今次決定試啲未食過嘅😎:先叫兩杯mocktail，醒神醒胃。前菜試一個成日見嘅素菜拼盤platter:蔬菜好新鮮。橄欖好好味。春捲炸得好鬆脆。豆蓉、茄子蓉各自味道突出，夾pita bread 一起吃，味道好夾，好好食❤。👍👍。烤魚fish tikka:鐵板上枱熱辣辣👍👍，外面佈滿濃濃嘅香料。(出曬煙ga)羊肉鍋:羊肉好冧👍👍再加多個出名嘅薄餅，今次叫咗大蒜味👍👍😋初初擔心食印度餐會唔啱食，但係又出奇地討好，大家食得好開心。💃💃💃至於價錢呢。。兩個人都係7百幾。。。計返環境、服務、地點，ok la👌。。。況且今次仲有優惠添。

晚餐去了一間位置尖沙咀諾士佛臺的印度餐廳，餐廳擺設有強烈的印度風情，仿似置身印度感覺， 環境優雅, 食物高質素， 價錢合理。水牛城雞翼（$80）酸酸辣辣的雞翼是開胃的小食，雞翼味美，忍不住吃了一隻再一隻。烤羊肉串燒（$140）鐵板羊肉棒，以香料及免治羊肉製成的羊肉棒，上桌是熱辣辣，蘸配上的薄荷汁，配搭得宜Chicken Tikka Masala （$130)是吃咖哩以外的另類選擇，呢道雞肉係以印度香料製成，濃郁既醬汁，香味四溢，配上薄餅食，味道一流大蒜印度烤薄餅（$40）一客有4件薄餅，大蒜味香濃，金黃香脆芝士蛋糕（$62 ）一碟有兩件，芝士味足，香甜美味。菠蘿沙冰 （$60）為左食味濃食物要解渴，特意點了酸酸甜甜的菠蘿沙冰，甜度適中，開胃清新。

尖沙咀的這間餐廳優雅舒適，交通頗為方便是酒吧區地帶，如果不說是印度餐廳，也從牆上的壁畫或者其他擺設也可大致聯想到吧，這種富有色彩的佈置頗為特別，環境寬敞之餘，燈光幽暗很有情調，適合情侶或者三五知己到嚟用膳。NZ MUSSELS $130 新西蘭青口，用大蒜、辣椒，配以白酒煮製，聞到都香噴噴，雖然放了辣椒，但未至於想像中那般辣，青口本身只係有少少蜆肉味，不過滲入湯汁又是另外一番口感，多了一分湯汁的甜香。GRILLED BEEF $155 整體牛肉烤得幾香，略嫌乾身少少，最大特色係有玉米餅伴碟，平時一般餐廳是沒有的，仲有三款醬料，可以食到不同的風味。APPLE CRUMBLE $58 玉桂蘋果配香草冰淇淋，玉桂蘋果煮得很淋，不過還咬到細細粒嘅蘋果蓉，口感暖笠笠，配上冰凍嘅冰淇淋，冷熱交替幾特別。雖然小接觸印道菜式，不過食一次卻又不錯嘅印象，下次有機會再嚐嚐。

基本上尖沙咀大小嘅餐廳都試過 而且近排去過土耳其嘅餐廳 就有嗰種情懷特別想食啲香濃嘅菜式 於是特登揀咗一間可以食到土耳其同埋印度菜嘅餐廳一入去裝修真係幾特別 卡位上面都有一盞吊燈走廊仲有土耳其燈 如果伴侶鍾意影相嘅話都唔好錯過Chicken quesadillas 典型嘅印度薄餅 入邊嘅餡料好充足 配上三種醬料 作為一個前菜來講 都為今餐開咗一個幾好嘅開始 Lamb tagine 好似係食印度菜一定要點 始終雞肉同埋牛肉都有好多嘅煮法 我覺得羊肉喺印度菜嘅烹調之下 係最值得嘗試 醬汁都好有印度菜嘅香料味道 望落去似咖喱 但係配上芝士naan 成個感覺都幾正宗Beef千層麵 雖然佢唔係印度菜 但係聽聞佢哋嘅千層麵都好出色 一上菜已經超香濃 癡落去更加見到一層一層 滿滿都係牛肉碎 加上仲有毫不吝嗇嘅芝士 食落去滿足感加分水牛雞翼同其他地方唔同 佢哋嘅雞翼醬汁係分開嘅 咁就可以完全咁樣保持雞翼嘅香脆 時間都可以應自己嘅喜好 去點醬料 佢哋嘅雞翼唔需要醬料已經好好食

On a rainy  night, we decided to go nearby for dinner. SPICE Restaurant & Bar was located at Knutsford Terrace, where it was popular for drinking.  The decor was of Morocco style, colourful lighting and lamps around the restaurant. Their menu were comprehensive, offering Indian and Mediterranean cuisine etc. Watermelon fresh juice - It was blended with real fresh watermelon, and was sweet and smooth in texture.  Seafood pizza - The chef was generous with the serving of the seafood, with mussel a

這天剛好碰上公眾假期， 朋友相約我離開我的港島區前往尖沙咀， 餐廳距離地鐵站路程需要八分鐘左右，地理上十分方便快捷，餐廳位於尖沙咀的飲酒性地，諾士佛臺的一棟大廈之內， 地理上還算方便快捷，這天朋友相約的時間這正是正午，還好限聚底下，人數不算太多，還可接受。食物方面，我點選的當然就是咖哩和最出名的薄餅。 咖哩方面，絕對是超水準， 全因為充滿了當地特色， 加上不太辣，也十分適合香港人口味。 但最令我意想不到的就是薄餅，即叫即做，人手製作的果然就是不一樣，外皮香脆，最重要不油膩。飲品方面我點算了咖啡，還可選擇加奶或不加奶。

本身對印度菜較少接觸，今次難得朋友相約聚餐，當然一口應承。餐廳由印度人主理，但也有外國菜提供，選擇性多，餐廳位於尖沙咀交通方便，環境氣氛不錯，讓人很舒服放鬆。新西蘭青口味道清淡，反而食出青口的鮮味。檸檬胡椒炸魷魚，酥脆香口，胡椒和檸檬帶起口感層次。鐵板牛肉配上洋蔥甜辣椒，還有軟玉米餅，可以配搭而食，三款醬料有牛油果、酸奶、蕃茄莎莎，各有特色，牛肉有啃勁唔會有渣，不錯。蘋果金寶玉桂煮新鮮蘋果伴雲呢拿雪糕，甜品愛好者的我對呢款甜品印像不錯，不會太甜，甜度適中。Smoothies （菠蘿、士多啤梨、香蕉、芒果、朱古力）Signature mocktails兩款特飲均各有特色，個人較喜愛Smoothies，生果伴著朱古力有濃郁的生果甜香，會比較飽肚，但水果種類十足難抗誘惑。其實我同大部分人一樣對印度菜不太習慣的想法，不過經過今次聚餐之後，印像也不錯。

因疫情關係，酒吧已經有一段時間唔可以營業，近期重開，幾位同事急不及待約埋去聚下食下嘢，因為限聚令，我們需分檯坐。所以同事選咗去尖沙咀SPICE restaurant bar,因為餐廳位於一樓，環境舒適，燈光柔和，地方又夠大。是邊飲邊食邊傾計的好地方，食物主打印度菜、意大利菜等，還有清真認證的食物，方便有宗教信仰的人選揀。瑪沙拉雞塊串燒，馬沙拉是一種印度常用的綜合香料，由多種天然香料包括小豆蔻、小茴香籽、丁香和肉桂等磨成粉末混合而成，辛香味重，可以與不同的肉類配搭，做成美味佳餚，雞肉就是其一，獨特的瑪沙拉配嫩滑雞肉非常惹味，還有食印度咖喱不可缺少的印度烤餅，多款味道選擇，最終選了牛油味，烤餅沾滿濃郁的瑪沙拉咖喱汁，十分美味，令人食不停口！燒烤雞肉薄餅：這薄餅有驚喜，本來諗住印度薄餅普普通通，點知一上枱，賣相已經好吸引，餅底厚薄適中，餅上的餡料好豐富，將燒烤過的雞肉和芝士舖滿整個pizza,咬落啖啖都有香噴噴的雞肉和可拉絲又惹味的芝士的味道。值得一試！

CP直徑高羊腿配薯蓉🥳$200估唔到可以喺尖沙咀既bar restaurant食到咁大個羊腿!!!仲抵過喺屋企附近食羊嘅舖頭食呀。呢個份量2個人食都夠晒。羊腿會配蕃茄汁上，可以揀要薯條或者薯蓉做底，今次就揀咗薯蓉。食落覺覺得薯蓉幾細滑，加少少牛油食風味更佳。另外會有少少意大利醋喺隻碟側邊可以點嚟食，用羊肉點可以解膩。值得驚喜嘅係呢度竟然有鮮榨果汁🥳🥳即刻叫番杯嚟飲啦..🏡SPICE Restaurant & Bar (尖沙咀)尖沙咀諾士佛臺1號2樓

諾士佛臺一號各式各樣林林總總嘅食肆都有，偏向鍾意Spice Restaurant & Bar，主打印度菜之餘，亦融滙多國菜式，選擇多到有啲困難😂選擇拼盤就係我嘅懶人包，呢個Non-Veg Mezze Platter $190，即係有肉，見餐牌內寫有我鍾意嘅羊肉，包括有鷹嘴豆泥、羊肉腸、特色肉丸、雞肉串燒、特色炸春卷、茄子泥、炸鷹嘴豆餅、蕃茄、醃製橄欖羊乳酪串，但嚟到就有D出入，不過都好食，係比較失望個羊肉腸，乾之餘無羊肉味，帶點可借。另外叫咗個叫Bhjindi Hara Pyaz $90， 餐牌寫明＂炸秋葵配洋蔥和印度香料＂，落單時侍應問使唔使配烤餅，心諗炸秋葵點解要配烤餅？？所以婉拒咗，嚟到上枱，完全唔同嘅嘢放響我面前，食落似小炒，帶點鑊氣又帶點似家常小菜，講真唔好記住之前係炸嘅畫面，都確幾好食。

今次黎到尖沙咀食印度野，唔知係咪印度野喇，法國都幾唔錯，性價比幾高，食落都幾唔錯，平日夜晚都爆曬場咁滯。環境方面，佈置非常有心思，睇得出老板放左唔少錢係裝修到，d中東玻璃裝飾，枱枱檯檯都好有心思，加埋d彩色燈光，入到去好似去左旅行咁，好有情調。野食性價比都幾高下，前菜叫左個豆蓉，呢個極力推介，非常之好食，豆蓉上面放左少少油，加埋佢d調味好夠咸香，好惹味，配埋個鬆脆既㧓餅黎食，真係一流。第二道叫左個印度雞串燒，無用大陸串燒果d粉黎調味，而係用左印度香料醃左黎入味，味道好夠香料味，又唔會太咸，肉質都算幾juicy，所以整體都好好味。第三樣就叫左佢個茅屋芝士+印度汁，芝士唔算太濃味，有d似面包口感，食落綿綿地，唔錯。

同朋友一齊慶祝生日，餐廳氣氛好舒服，有少少音樂但又唔會太嘈個隻，朋友之間可以傾到計環境都好靚，坐位舒適🍽先食個沙律健康啲先😛 點咗個 house salad, 有牛油果、什錦生菜、雞蛋，麵包糠，醬汁好味👍🏻🍽頭盤就要咗檸檬胡椒炸魷魚圈，份量都算多，幾鐘意佢地炸嘅部分，係香脆但又唔係好硬個隻👍🏻 ，用料新鮮。🍽嚟到印度餐廳，同朋友都一定想試吓咖哩，試下 butter chicken ，再配 garlic Naan 同 butter naan 兩種試吓；先講牛油咖哩雞微辣，好香，係傳統嘅咖哩味👍🏻👍🏻 配埋Naan 🍽飲品就叫咗 virgin mojito 同 hiegaarden 🍽點咗個甜品慶祝生日， tiramisu 好食，兩個人 share 啱啱好餐廳之後知道我地慶祝生日，仲另外再送上芝士蛋糕仔同播咗生日歌俾我地😍 🍽餐廳職員好熱情同好 nice, 會同客傾偈，very enjoyable dinner !!

疫情好返啲，趁第四波未嚟，快快過吓蒲吧癮！家下仲未有得飛，食吓印度西餐fusion頂吓癮不失為折衷嘅方法作為漆黑中嘅螢火蟲，嗌杯Matini等朋友是必須吧，朱古力Matini飲落似朱古力Bailey，好過癮胃民到喇，佢又嗌大大杯mocktail，陣間食辣嘢啱使黎巴嫩羊肉腸好特別，切定一塊塊上碟，配醬食唔錯配埋薄餅送羊腸，印度風味出晒嚟呀千層麵非常香芝士焦味，而且芝士仲多過啲麵，份量又大，問你服未？鐵板芝士食過未呢？印度芝士同一般芝士好唔同，完全唔膩，值得一試印式蘋果crumble都好特別，撈雪糕一流食完真係飽到唞唔到氣，唔怪印度人咁興學瑜珈，學吓呼吸法消滯兼減肥

放工後鬆一鬆，到尖沙咀諾士佛台和朋友共進晚餐。餐廳環境優雅，富有濃厚的印度色彩，舒適好坐，空間感強。📍Smoothies (Strawberry/ Pineapple) 各$60筆者點的是士多啤梨味，飲品香甜幼滑，好喝。📍水牛城雞翼 $80水準之作，雞翼熱呼呼的沾上特有的酸辣汁，是一道開胃的小食。📍烤羊肉串燒-印度草料烤特製羊肉串 $140這款是頗為特別的一道印度菜式，筆者一心想著串燒應該是一串一串的羊肉塊以竹籤串起，但上桌的卻是鐵板的羊肉料理，免治羊肉製作成羊肉棒，再放上鐵板上奉上。羊肉沾上香草汁同吃，非常惹味。📍Chicken Tikka Masala $130是以印度香料烹調的一道雞肉料理，料理富有濃濃的牛油香，雞肉多汁美味， 配上烤餅同吃一流。📍大蒜印度烤餅 $40烤餅烤得恰到好處，烤餅金黃酥脆，一客有4件，抵食。📍芝士蛋糕 $62芝士蛋糕不太甜，一客有兩件，可和朋友一同分享。👅 味道：4.5/5💰CP值：4.5/5🕴🏻服務：5/5🔰餐廳環境：4.5/5🍽 餐廳：SPICE restaurant & bar🌐地址：尖沙咀諾士佛台1號2樓