SPICE Restaurant & Bar

营业中

休息中

今日老公同我慶祝生日，帶我去食印度菜。門面優雅浪漫，格局分明。燈光柔和舒服，地方寛落，可能因為疫情期間，出街食飯既人相對都小左。咁大個酒櫃又高又大，一個吉位都無，夠晒霸氣。chicken Tikka Masala 雞塊份量多，香料好足，味道濃郁夠晒入味，甜辣適中，非常惹味。大蒜烤餅烤餅即叫即做，鬆脆軟熟，麵粉唔會太厚太硬，蒜蓉夠多夠香，送到黎依然係熱辣辣，非常香口。千層麵一層層既千層麵，份量好多，鹹酸適中，裏面含有好多牛肉和芝士，兩個人根本都食唔晒，食完呢個已經飽飽地。夏威夷薄餅薄批分成8小份，滿滿既芝士配上適量既菠蘿和火腿，感覺一d都唔吝嗇。pizza香脆軟熟，非常煙韌，口感十足。另外叫左一杯cranberry juice,酸酸甜甜，非常開胃。印度菜比較罕有，價錢係尖沙咀黎講都算便宜，地點方面就腳，選擇又多，味道出色，真係一個不錯既選擇。

諾士佛臺呢邊d餐廳好多元化，要chill嘅印度餐廳黎講，呢間可謂心水之一。日頭黎食個晏都唔貴，而且好味又唔洗同人迫。經常見到推介鐵板牛肉，果真係唔錯！炒洋蔥、蕃茄、甜椒做底嘅鐵板烤牛肉呢，牛肉全熟但唔會韌。洋蔥、甜椒、牛肉互相影響之下，配菜變得香甜，亦帶出牛肉嘅鮮味～呢個鐵板相當抵食，會配上印度粟米軟餅，醬汁有酸忌廉、牛油果醬、蕃茄沙沙，酸滑、香濃、惹味，我最喜愛係酸忌廉同番茄沙沙，因為呢度嘅印度香料確係出色～飲品list好多樣可以揀，我揀左Cranberry juice。食濃味野岩哂，一啖fresh fresh地沖走濃味，再一啖食番一d濃味嘅野，就最適合不過！

今日同老婆出去尖沙咀行街，順便都要食餐好啲，行過諾士佛台見到一間食印度野又有西餐食嘅餐廳，好奇地入咗去，環境好有情調，地方很闊落，位同位之間好有私隱度。話明食印度野梗係唔少得印度薄餅同咖喱啦，薄餅鬆脆，蒜蓉很入味，點埋咖喱汁非常地道，辣到適中。夏威夷薄餅：很足料，菠蘿鮮甜，芝士可以做拉芝效果，餅底鬆脆，好味。牛肉千層麵：從未見過咁大份量，一層一層嘅麵加埋濃厚嘅汁一齊，食非常滿足。加埋沙律做配菜唔會咁油膩。建議大家多啲人嚟食，因為每一個餸份量真係太大。可以食其他唔同嘅嘢。三五知己可以飲埋酒。

星期5晚諾士佛臺去開個間BAR爆哂棚, 臨時轉移陣地, 上左樓上餐廳BAR, SPICE! 入到去見環境幾靚, 店員親切招待,  入座時見到有人一邊SHISHA一邊食PIZZA, 好似好正咁。MARGHERITA  PIZZA佢有好多款pizza, 最尾都係揀番pizza既代表~ 批底做得好好, 厚簿適中又夠濕潤, 蕃茄醬味道酸酸甜甜, 批底有麵粉香, 上面既cheese覆蓋住成個表面, 岩岩焗起既cheese口感軟綿綿帶拉絲狀, 超香超正! 陶鍋煮羊朋友話LAMP TAGINE係摩洛哥菜, 曾經係當地食過覺得好好食, 所以order左一份, 黎到佢仲話好正宗, 因為用既倒轉漏斗形狀既陶鍋係當地人煮餸既器皿, 話煮出泥更原汁原味, 食落真係好濃好香, 濃稠既醬汁融入每一件羊肉, 薯仔, 仲有其他蔬菜, 羊肉已經燉煮到好腍, 配上小米一齊食, 味道同層次都好豐富!鮮榨菠蘿汁非常新鮮香甜, 另外仲有鮮榨西瓜, 橙汁等。整體黎講我都幾中意依度, STAFF NICE, 環境舒適, 最緊要野食好食, 我真係好中意個PIZZA! 會再番黎幫襯!

放假前心情最輕鬆，今年確實難有機會去旅行了，同老公一齊拎左星期五假自製下假期。去左朋友介紹尖沙咀既呢間好有中東+印度風情既酒吧餐廳食個dinner 飲杯mocktails， relax 下。飲柸野傾下偈同時order了pizza同烤雞。揸車關係唔飲酒了唯有order mocktails 🍸 Moksha幾清新既一杯特飲，有薄何葉、新鮮蘋果同青檸，好fresh，好開胃😋老公order了 virgin colada好香既椰子+菠蘿味道，好鮮甜🍸香烤雞件+印度香料醬印度菜出名香口，烤雞淡淡肉很香帶有香草味道，唔會太油膩，底層還加了很多疏菜，雞肉肉質嫩滑幾juicy配埋個秘製醬汁，好食😋辣肉腸pizzapizza 底不會很厚芝士+辣肉腸，口感材料也很豐富，pizza充滿濃濃芝士及蕃茄香香味，辣肉腸帶微辣很野味口感煙韌，加埋濃郁芝士及香草黑椒味道，正😋酒吧餐廳幾有特色，色物質數不錯，下次會再幫襯試下佢地既cocktails呢！

今晚同朋友去開尖沙咀諾士佛台，又到晚飯時段，就當然要找下美食。今晚去咗依間印度酒吧餐廳。首先講環境，地方夠寬。冷氣又凉爽。裝修令我感覺寫意。燈光效果十分吸引我。店員又有禮貌及友善。帶我們到坐位。看完餐牌，食物款色也多。首先叫咗個雞翼。雞翼是即炸的，好香，皮也脆。雞肉也很新鮮和嫰滑，而且雞翼也很juice, 脆脆地，口感非常好。另外，叫咗個海鲜味的Pizza。pizza外皮薄薄地，好有口感。海鲜味好濃。非常好食。又叫咗個牛肉千層麵，牛肉香味很濃，又配肉醬及蕃茄的味道。好食。而且份量也很足。也加咗個印度芝士薄餅，好脆，口感很好。至於飲品方面同樣有水準，叫咗杯雜果賓治。賣相好靚好吸引。味道也好飲。综合各方面，絕對是物超所值。

諾士佛臺除左好多西餐廳同埋BAR之外, 仲有間好出色既中東菜, 上年之前跟同事黎過一次, 食物同環境都令我留低深刻印象, 今晚約埋朋友回頭再試! 餐廳設計富有異國色彩, 好多好靚既吊燈, 色彩繽紛又不失情調, 而且座位好闊落, 由其係卡位超大空間, 坐得好舒服!MARGHERITA 經典既手製MARGHERITA PIZZA, 新鮮熱辣焗起,  批底搓得柔軟帶煙韌, 面頭既厚厚半溶芝士, 趁熱食融入口中, 加上蕃茄碎帶出既酸, 中意辣既我加少少TABASCO, 超正! 依個PIZZA既質素羸哂所有連鎖店!LAMP TAGINE黎到當然要叫番D異國料理, LAMP TAGINE即係燉羊煲, ,配菜仲有薯仔, 三色椒, 另外仲有一碗小米。醬汁味道酸鹹濃香, 羊肉香又軟腍, 醬汁掛滿羊肉, 非常之好食! 加D小米一齊食, 口感更加豐富, 而且食落好似仲冇咁膩添!PENNE ARRABLATA依個長通粉既味道全來自醬汁, 唔好睇佢冇肉冇料好似好普通. 原來醬汁既味道好特別, 茄汁加上香辣既味道, 比平時食到既更濃郁更香, 層次分明, 加上黑橄欖同芝士獨特既香氣, 真係睇唔出咁好味! 長通既口感

We came here for birthday. We were a bit disappointed that the service was a bit slow. We had to ask for water several times. The food was average - they had less Indian food dishes to choose from compared to the other Indian restaurants. One of the naans we ordered was cold when it arrived. The tiramisu was great though. And the place was spacious that we had a comfortable booth to sit in. The 20% off discount from the OpenRice app made up for the experience.

週一 紅假最終日趕著假期尾巴豬 大吃盡吃養豬的 跟著豬尾巴肥豬 繼續肥膩 補充力量養豬的 終被批買新玩具傻瓜機 重新學習 大攝盡影印式西餐 風味中 更帶邪惡印式烤雞芝香薄餅😋外脆薄餅皮 相比厚批 薄批更傳統🍕😛茄醬底 聖馬札諾風味 🤤🍅熱辣出爐 豬徒手薄餅一拉🐷🍕完美拉芝效果 濃烈芝郁香🧀🤩不失開胃茄風味 更帶印式烤雞香🐔😛鹹香中不乾柴 肉嫩風味惹香🐔千層麵 層層分明肉香漸出🤤🍝芝士拌焗 濃濃芝香 更邪惡🤩🧀

星期六日想去啲靚餐廳坐返幾個鐘同friend傾計，第一時間諗起諾士佛台，呢間叫spice嘅餐廳好有異國風情，野食方面都有西式同印度，墨西哥同阿拉伯風味～夠哂特色首先要左個nacho做頭盤，點知原來好易主餐咁大份，上面有好多溶左嘅芝士，加埋酸忌廉同牛油果沾醬，都好難唔好食🤩食到一塊接一塊之後係 grill beef，用鐵板上㗎，夠哂熱辣辣，食法有啲似burito，可以將洋蔥、紅椒嘅配菜放係餅皮上面，再加牛肉，加上蕃茄沙沙，配忌廉式者牛油果醬，完全平衡到油膩感，成個組合好夾西式代表方面有蜆肉意粉，賣相超靚，味道都好好，扁意粉充滿海鮮鮮甜味，蜆都幾多，如果意粉份量多啲就更好另外唔少得野飲，個凍latte令人喜出望外，無酸味，入口順滑～佢都好多其他選擇，有新鮮果汁嗌，健康之選人均其實都係百幾二百蚊左右，好坐又chill，都好抵食下

星期六瞓到晏一晏，起身就同朋友去左諾士佛台食印度野～小食黎講大家都想食Nachos, 呢個粟米片有mozzarella 芝士加持，真係幾好味，點埋sour cream同莎莎醬，真係唔錯。跟住試咗個鐵板烤牛肉，入邊有啲炒洋蔥同甜椒，估唔到會跟埋薄餅仔夾住食，用上同nachos 一樣嘅醬，好味～仲食咗個清清地嘅蜆肉意粉，賣相好有心思，蜆肉都幾新鮮，意粉有蒜香味，都唔錯！嗌左幾杯野飲，下午茶黎呢度食都幾relax!

今日又同朋友去呢間吹水傾計，其實好方便，係美麗華過嚟上二樓都唔使5分鐘，環境舒服同埋最重要食物質素高!第一時間一定係叫返杯Hoegaarden，佢地呢度有生啤，仲真係有專用杯，飲落勁滿足，個人覺得好飲過Stella添!另外，仲叫咗個經典千層牛肉麵，伴碟擺盤都好靚，仲有少少沙律可以清一清喉嚨再食! 千層麵焗得岩岩好而且又唔會太咸，調味方面有好濃既番茄味再加上牛肉香，每一啖都基本會食到牛肉碎。肚餓既真係好推介食呢個千層麵，一定唔會後悔!

平時比較少食中東嘢食， 呢間餐廳環境非常富有中東特色，位於尖沙咀諾士佛臺， 地點夠曬方便。 去到食晚飯先知原來佢仲有Shisha，下次有機會再試下， 唔知會唔會特別有中東風情呢😂Buffulo Chicken Wings雞翼炸得啱啱好， 內脆外軟， 重點係個汁，💯Yum.NZ Mussels白酒燴蕃茄藍青口，個汁非常之嘢未好啱配中東烤餅Cheese Naan芝士中東蝦餅， 外層有少少油， 入口幾滑同鬆軟Long Island外表夠吸眼，色彩斑斕，通常呢啲都係唔太好飲， 好彩飲落味道都唔錯😂門口d 吊燈

Salad life @SPICE Restaurant & Bar地址: 尖沙咀諾士佛臺1號2樓電話: 21919880因為太耐沒有做運動，腰間肥肉狂長，要把體重體脂控制，只好多吃salad$115 house salad 有牛油果，飽肚感十足，由新鮮沙律菜，加上honey mustard sauce salad dressing, 一大碟吃完都七成飽，仲有蛋水嫩嫩的蛋，健康美味，次次來都會點呢度架salad $155 carbbiean chicken ,有了salad 也要補充蛋白質，用上了大量香料，醃製好再烤成，可以再自選一款醬汁，我試了mushroom sauce ,本身仲有red wine sauce, black perrer, lemon butter, rosemary sauce ，連醬都咁講究，值得一讚，提升了烤雞的香氣與味道變化層次呢間餐廳由西餐加印度菜，也有酒類供應，環境偏向酒吧風格

Spice Restarant 會令你想起什麼？果然還是印度菜的香料吧？但其實意大利菜也盛行運用香料，所以這裡其實還有意大利菜的一整個高檔印度菜裝潢，餐廳昏暗中還帶不少彩燈，非常有印度feel 食物：House salad  $115不算便宜但份量夠大，火箭菜，雜菜，雞蛋，牛油果，麵包各色其式，只用上少量芝麻醬調味，用料新鮮也非常清新Caribbean chicken $155東歐地中海菜。非常水嫩Juicy的雞胸扒，足足有兩大塊，格仔焦香，調味主要依靠辣醬汁，也是惹味。其餘薯蓉，三色椒，紅蘿蔔等煮得恰到好處，軟稔但不爛，正喔！Non veggie platter $190印式全包拼盤，有足足九款小食！雞肉串- 水嫩清甜！難以置信的鬆軟羊肉腸- 羶味突出，非常有大漠羊肉的味道，而且也有醃製過，好像在吃羊臘腸鷹嘴豆蓉- 酸中帶甜，有少量橄欖油，配印式麵包超好吃！芝麻茄子蓉- 芝麻味極濃，茄子香甜作襯托，正！肉球- 像大便的那兩件原來是牛肉，吃起咗像極漢堡扒，意外的收獲！Buffalo wings $80以炸的方式調製，雞翼肥美多汁不在話下。辣醬還分開上避免有些人不愛辣，外香脆又辛辣。很有