Spark Bar & Restaurant (已搬遷) 新店位置

朋友帶我來了旺角這間樓上餐廳說晚上有現場演奏表演又有feel啲嘢又好食餐廳係好景商場3樓有室內同室外部份不過當晚天氣炎熱我仍是選擇了室內一來到便點了一款芒果沙冰 $48淡淡芒果香會合透心涼的冰塊打成沙冰芒果迷一定要試前菜我們點了意大利黑醋海鮮沙律 $108開胃的黑醋令整個的沙律海鮮更加新鮮配合爽脆的沙律菜十分開胃三文魚蘆筍墨魚汁天使麵 $128這款意大利粉用上新鮮墨魚汁並非街外哪些是預先加入的墨魚粉濃濃的墨魚汁配合天使面真的十分夾天使麵煮得剛剛好不會不會太淋不會太硬再配上三文魚和籚筍值回票價雙胡椒烤焗西班牙黑毛豬 $158用上西班牙黑毛豬扒肉質軟林多汁再配合輕輕胡椒的味道輕輕帶出豬肉香這裏不單有音樂表演而且食物豐富分量又大服務員態度良好會慢慢推介食物及飲品給顧客令我對樓上餐廳的觀感又再次改觀了

係旺角肥姐對面嘅好景大廈原來都有好野食，睇呢度食評好似吾錯咁，琴晚終於去試spark！入到去，播放住英文優閒歌曲，加上暗燈嘅環境都叫人放鬆，再行入d，見到有打band嘅音樂台，掛住大大張牛仔海報，同四周掛住牛仔帽感覺統一，舞台另一邊係玩樂嘅飛標機，不過暫時冇人玩所以關了機，店舖外亦提供了大量坐位，反觀其他食客坐舖外多過店內，可能吸煙的原故吧？！我同朋友就坐在店內。店員好溫柔同友善咁介紹menu，最後我地嗌左雞翼拼盤($108)，茄皇澳洲龍蝦尾扁意粉($158)！吾洗好耐，就送上雞翼拼盤！好大份，total四款雞翼，一共八隻，有水牛雞翼，柚子雞翼，餃子雞翼，脆炸雞翼四款。最好食係餃子雞翼，入面包左碎肉，外面雞翼又香，冇骨岩晒我，脆炸雞翼都好好食，外面炸很好乾身香脆，入面肉質仲好juicy，少少加左d味粉，更香口惹味，而柚子雞翼甜甜酸酸幾開胃，我喜歡，最後水牛雞翼咸咸地嘅汁，不過不失，熱辣辣都吾差！差不多食完雞翼拼盤，店員就幫我地換左碟，同上 茄皇澳洲龍蝦尾扁意粉！上碟賣相好美觀，齊整放好意粉，大大隻龍蝦放在上面，旁面有碎香葉，不急及代試試龍蝦！肉質實淨鮮甜！好食！再試試意粉！果然如菜名一

雨後天晴，和友人來一頓豐富午餐吧！旺角吾只人多，食店也很多，真想舒服來一餐，就選了好景商埸樓上的Spark Bar &Restaurant門口好浪漫周圍環境好舒服，真的無選擇錯來這裏，好like先來一客(啤酒煮砚)，一上枱就傳來濃濃的啤酒味，肉新鮮，帶海水味，而湯加上啤酒原來變得更加清甜，好好味主食（黑松露芝士焗帶子意大利飯)賣相出色，濃濃的黑松露味撲鼻，芝士濃厚飯粒分明，好爽口，再加上彩椒令整體更加可口而帶子好巨型，鲜甜爽口，好鲜味，吾乾好滑，再加香濃的芝士一起，變得更加完美飯後再加一杯咖啡奶凍，咖啡味和奶味剛好，好創到任何一面Ps服務一流，環境超好，晚上我想會更加好，和三五知己來啤一啤，享受一個浪漫的晚上

一黎先飲返杯啤酒先再上一個hoagaarden 啤酒煮硯，味道一流好鐘意個味道再上杯士多啤梨奶昔水牛雞翼又係我至愛卡邦尼意粉，餐牌冇不過都好好味薄餅比起D乜乜pizza 連鎖店好食好多食左2個法式烤焗寶貝豬仔脾，點解食2個😆因為好食依個比較特別，有龍蝦肉有意大利飯➕上帶子，好好味，重有最好味既薯仔蓉😋😋

一直以來都對這家餐廳沒有好感，曾經試過他們的咖啡，超難喝，nut也超難氣，像是已放了好久，花生、雜豆等都完全不脆，那次本來不是要到他們店的，是想要到對面的那一家，但剛好老闆在店外招生意，我們也表明只想喝杯咖啡，老闆說他們也有，就相信他進去，怎知道換了慘痛經歷﹗今次因為公司飯局被迫來，不然我都不會再給第二次機會。 今次是BBQ，因為餐廳有一個大露台。其實真的完全沒有期望，直到侍應把BBQ材料放上台，眼見蝦、帶子都好大隻，樣子看上去也是新鮮，羊架亦好大隻好夠肉，顏色很好，所以就試試燒來看看，果然帶子及蝦都很新鮮，蝦很彈牙亦後大隻，因為BBQ會提供生蒜及蜜糖，帶子放上大量生蒜去燒，非常惹味，羊用醃料及香草醃過，味道很好，帶少少肥，肉好嫩，完全沒有羶味，像我極度怕羶的人都可以吃兩隻，其他例如豬頸肉、雞亦等都醃得好夠味，值得一讚的除了食物質素不錯外，燒烤爐是可以調較火力，這非常好用。的確於旺角這個鬧市能夠有一家質素不錯的燒烤地方確實不錯，不過要飲咖啡就真的免問，其實也是我的錯，人家就叫Bar & Restaurant吧，還是喝酒好了!

在過去的情人節​，我打算訂這間西式餐廳和女友度過，本來想和女友找一間價錢合理，食物水平中上的燭光晚餐．．．可惜，當日女友要開OT，就算已經訂座都未能赴約！遺忘了的約定，被這個奪目的易拉架提醒過來。今晚，一人行，就來嘗一嘗招牌菜。可能因為佔中關係，樓上餐廳比較冷清．．．大部分的食客都在露台，露台異國風情較重，倘若我是跟朋友來談心事、摸酒杯底，絕對是一個舒適的環境！其實都不用多作考慮－法式烤焗寶貝乳豬脾！ 坐了一會兒，有位20多歲的男人走過來送上一客沙律．．我發誓這不是我點的．．．！原來那名男人是老闆，他說了一句話令我很深刻．．「送一客沙律，大家打打氣啦！」老闆你好野！凱撒沙律到處都有，不缺麵包糠、番茄、煙肉，材料新鮮，而且相當開胃．．再想起老闆剛剛說的「打氣」，確實令我有一股朝氣。老闆講解，此為大廚原創菜式，本來「乳豬」是廣東人的菜式，大廚回流國外，學貫中西，將「乳豬」最嫩滑的部位以西方的烤焗方法鎖住肉汁！芬香撲鼻，色澤明亮突出，未見其樣，先聞其味　難忘的是第一口新鮮又豐富的口感，外脆內軟，令人回味！另一重點是那廚師秘製的醬汁，根據老闆介紹，原先在烤焗前已塗上一層；待醬汁在過程中嵾入，上

31號係哈魯喂大日子，我梗係同女朋友出去又飲又食，感受下西方節日既氣氛啦。我地係旺角好景中心見到間餐廳叫spark, 睇個宣傳幾有feel，就唸住試下啦，上到去環境唔錯，暗暗地配合工作人員幾小惡魔角，再加上窗外大玻璃既夜景，未坐先食左個氣氛前菜先。間餐廳當日有個哈魯喂菜譜，通常都係豬牛羊魚架啦，不過個名幾棧鬼叫納粹鬼豚脆炸咸豬手，最後我叫左份豬手，佢就叫左份牛扒。我女朋友份牛扒我就覺得一般，而且蝸牛配西冷牛扒覺得有d九唔搭八。不過當個豬手黎到我嚇左一跳，唔係有鬼，係估唔到一間酒吧既然有西餐廳既水準，個賣相已經一流，薯蓉配上紅色既汁似流哂d血同脂肪出黎，幾血腥下。淡淡既炸豬手已經飄埋黎，色同香都有啦，最重要梗係味! 一下切開d皮脆蔔蔔咁響，但入面既肉又軟綿綿，一啖食落去2種唔同既口感好鬼正。我都忍唔住切左舊俾我女朋友試下。個黃色蘋果醬甜甜地，有好濃既蘋果香味，賣相又好，拌埋d脆皮食幾和味。最後同女朋友一齊叫左個波蘿雪芭甜品，佢上碟果陣係原隻波羅，打開入面係連埋波羅肉一齊做成雪芭，食落酸酸地甜甜地，唔錯!最後仲有個驚喜! 免費既萬聖節化妝! 我咁懶都可以過下扮鬼既癮，真係誠意十足! 俾個讚

是日, 一行3人黎左呢到, 見佢報章報導過~見食評又好似ok 咁就約左係呢個都就腳既地方...去到大門... 我以為自己去錯左? 意大利餐廳定係樓上cafe? 好簡陋姐...我地叫左3樣野, 都係base on食評加報章介紹~Boiled fresh clams in Beer$98no jokes! 98蚊你比幾隻clams我? 98牙! 味道好鹹, 啤酒味係湯到入唔到clams, 肉質唔嫰有爛既殼食到個口"角"角"聲....失望Crispy baked pig leg $238呢款係呢間意大利餐廳既重頭戲~ 我地超期待... 黎到O多左一次咀...u joking me? $238 既份量咁細? 認真, 每人拎少少就只係得d骨...honestly? 真係你地代表作? 不過真係讚佢係脆既, other than that, 我寧願去outback 叫個bbq pork ribs, 呢個又係一個失望之作........Selected Seafood risotto in tarragon shrimp sauce $128我唯一既希望係個risotto到, 我好希望佢真係一個ris

是咁的，話說早幾日有朋無無神神約食飯，約去ＭＫ。當時以為都係去食下生勾勾放題，又或食拉個麵之類。點知到左ｍｋ　ｍｔｒ，帶帶下路去好。。景。。？唔理咁多，收工灣仔過到黎呢邊餓都九彩，快快手跟ｆｒｉｅｎｄ搭ｌｉｆｔ剷上３樓。堆檯就見其他友都堆晒位，仲已經落埋單，樣樣都嗌。。（收工過埋海都八點。。。）坐低飲啖水就等食。先黎個龍蝦餐湯同埋沙律，（ｓｏｒｒｙ，　呢兩樣無圖，口快過手食祭五臟廟）湯就幾有龍蝦味，不過味就濃左ＤＤ；沙律唔錯，幾醒胃。ｍａｉｎ　ｃｏｕｒｓｅ就過癮囉。。。成檯就５—６條友，人地張ｓｅｔ　ｄｉｎｎｅｒ　ｍｅｎｕ，基本上都上左張檯度。。。廢話唔講，　上圖：一號佳麗：珊瑚石魚柳（＄２２８）因為係魚柳，同埋煎過，所以食落有ｄ粗糙。但係有魚味！二號住麗：珍寶生蠔（＄２６８）係生蠔好鮮味，唔似美國蠔得個大字淡茂茂。。自己麻麻地食芝士，但佢咁焗再配堆意大利飯，　ＷＯＷ！！Ｄ飯索晒ｄ芝士，蠔同埋食料味，勁正！！三號住麗：安格斯牛扒（＄２５８）呢塊牛牛好巨，叫左５成熟試試佢。不過可能唔係鐵板上關係，上檯拎刀差都難自己處理到。。最後搵左ＷＡＩＴＥＲ哥哥幫手切開佢。雖然難搞左ｄ，　但入口又好好

放工係旺角同朋友補祝生日, 想搵個靜d氣氛好d既地方, 於是有朋友介紹我去旺角好景中心3樓的spark。一進去發現環境都唔錯,地方頗大,除大廳之外,重有VIP房和露台俾顧客BBQ同搞寵物party,平日帶寵物重有折㖭坐底唔駛10分鐘已經上菜, 先飮個薯蓉忌廉湯先。講真,個餐湯除左咸左少少外,佢煮得一d都唔hea,即使唔連蒜蓉麪包粒或湯渣一齊食都有咬感, 因為d薯蓉磨到好似合桃糊咁滑,所以印象好深刻。下道係Hoegaarden啤酒煮蜆, 本人唔鐘意啤酒陣味,但好意外佢係明顯調輕左啤酒味來保留蜆既甜味,所以變得好fresh好易入口,聽聞主持人小儀都好評呢道菜架!接住係凱撒沙律 , 本人覺得個沙律都好唔錯,皆因佢有特製既醬汁,當然唔係一般沙律醬或柚子醋啦,撈埋d生菜同芝士碎麪包粒,簡單配菜已經好味另一道招牌小食水牛雞翼, 表皮酸甜中帶微辣,十分醒胃,食到半飽岩唒,加上雞肉滑溜冇雪味,算唔錯啦。招牌主菜德國脆皮炸咸手配蘋果醬終於來喇, 一般德國咸豬手都較咸同油膩,但佢地既咸豬手就恰到好處,脂肪位都唔油,且皮脆肉嫩,點埋個蘋果醬,好清新可口架最後一道主菜,係將銀鱈魚配茄汁和薯蓉,銀鱈魚本身味道清

尋日同幾個巴打系MK食晚餐, 見到有個易拉架 原來有間餐廳可以BBQ, 落左雨咁多日~興致勃勃想試下啦!  大概7點幾, 見到個門面都唔錯! 入到去後,  有少少surprise見到餐廳做緊訪問!仲有個講國語的索搬了好多招牌菜出來呢! 不過我地問BBQ, 原來要提早訂食材至可以...oh...所以都系食普通晚餐～見個主持食豬手、豬脾～應該系呢度出名ge菜！我地自己又叫左個，不過都200幾～所以叫其他main course share食～有個小食系啤酒煮蜆, 以為會好似出面食放題果d sake煮蜆, 但都幾清甜! 開胃*跟住就系主角乳豬脾~聽講系大廚得意之作~幾好吃! 不過真系要幾個人share...~食物質素不錯, 見到大概9點幾就清曬場,見到部機roll 來roll去~雖然自己唔太喜歡食緊野有人拍來拍去, 但今次個感覺都唔錯坐得幾舒服, 點曬candle light咁 , 帶女仔去應該幾好feel ~最後埋單4條友$8xx,都合理; 下次試下bbq~

搞生日飯，用openrice search,見到這間的評語不錯，尤其其中一個post有食客介紹話佢地有十個人，每人三百五十有十二道菜，又有麪包蟹又有魚生刺生又有生蠔炸蠔又有招牌菜豬仔脾，講到好好咁，而我地九個人，人數差不多，咪諗住試下。點知聯絡了他們，比咗budget佢地，足足要成日先覆我個menu,法國no.2 Gilladeru *18隻生蠔2盒海膽龍蝦沙律台式燒雞骨腸水牛雞翼磨菇忌廉汁北海道帆立貝扁意粉日式鰻魚汁蟹籽焗茄子法式蒜蓉牛油焗穀飼豬扒甜品唔可以講話貨不對板，但同人地openrice二月尾個menu都差幾多，我在電話已告訴他們我地想試豬仔脾，menu没有，便要求修改，他們便取消一盒海膽和猪扒飯才可提供一碟豬仔脾，由於第二日便是飯局，無時間再揾其他餐廳，惟有將貨就價。食飯當晚，老實說食物尚可以，尤其豬仔脾都幾ok,但龍蝦無味，意粉太水，當中最為人㤧病是他們的餐桌服務真係好差，食完生蠔龍蝦仔成碟殼不換碟點食沙津？食完個好水既意粉唔换碟又㸃食豬仔脾？單是叫他們換碟取杯也叫了無數次，侍應們只懂圍在電腦旁㕑房前談天，最後我們只有自己動手取去厨房给他們。上菜時間很慢，平均二十至三十分

在內地居住，比較少用到openrice 搜尋餐廳 ；朋友介紹我到這裡吃豬脾，本身少吃肥膩野；但朋友說這裡的招牌菜不得不嘗，於是這晚跟家人的晚餐就定在這裡了既然強烈推介，就要了這個！連店員都極力推薦這道菜；第一口真的挺難忘，入口即融和格外鬆脆！可惜我有點兒感冒，不能吃太多，就給女友吃剩餘的份量也足夠，配上一杯紅酒感覺真不賴！這個忘了名字，但龍蝦都頗有驚喜的很容易就能起到鮮肉，牛排要了７成熟，不過不失！菜式的味道都相當不錯，主要是女友高興就好至少今晚她沒有發脾氣呢！我想大概環境也起了作用吧，店裡用的是昏黃燈光，每張桌子有一座蠟燭，玻璃窗上懸掛著浪漫的掛燈（類似流星花園杉菜後來的公寓門口），播放著柔情的英文歌曲，感覺挺舒服的這晚星期天，反而外邊的客人較多，原來這間餐廳可以包場燒烤，下次可以試試！初次寫食評，希望這裡的老闆可以繼續努力！也很感謝服務員安排一個安靜的位置

身為粉絲，每次做搞手安排飯聚都會研究哂openrice d食評先作出選擇，今次係幾個好姊妹一齊為其中一人慶生，見評分好好，已經一早定枱 (thank you tablemap!)，去到見環境同網友post d相一樣，馬上安心，室內得我哋4個＋VIP房嘅party people，好開心唱happy birthday.1. 點菜上菜速度一般，呢樣我唔give a shit.2. 全程由女侍應跟我哋張枱，我叫 'Hoegaarden啤酒煮蜆', 佢好勁咁極速答OK之後上一杯，that's right, Hoegaarden, 大嘅！跟住問番佢話以為我叫啤酒，我馬上反駁："你冇聽到後面4個字囉", 呢樣我算.3. 蜆到，女侍應好有心介紹我哋點份蒜蓉包點d汁，我話好…... 高潮1，係籃garlic bread足足30分鐘先出現，d蜆汁已經凍到凝固，呢樣我又算.4. 食到尾聲大家吹水，發生高潮2，有對男女駕到，好想坐出面露天座位，但外面已經差不多full，女侍應決定安排佢哋，響成間餐廳仍然只有我哋4個 + VIP房嘅party people, 咁多吉枱, 硬要人哋坐我哋隔離，之前點完菜冇收嘅me

今期見到報紙介紹呢間餐廳，話有$220任飲任食生蠔、老虎蝦BBQ，見到咁抵咪諗住同男朋友試下囉，但我男朋友話咁既價錢有d 唔正常，叫我直接打電話去餐廳查證下，我打電話去果陣仲要係其中一位店主親自聽電話，問返佢先知原來係任食，無得任飲，係記者寫多左兩隻字，開頭我都幾不滿，以為係餐廳無啦啦取消左個promotion，後來同果位店主傾落先知道原來果篇報導唔係廣告，唔係佢地負責出，係報紙果邊d 記者去採訪佢地餐廳，可能唔小心寫錯左，搞到餐廳果邊都收到好多食客打黎查詢，不過我見既然錯有錯著... 雖然無任飲任食，但我見佢地d 食評又唔錯，好多人推薦佢個乳豬脾，都係決定試一試! 食西餐緊係要由頭盤開始，由於我地2個都太鍾意食青口，所以見到有得食就即刻落ORDER，份量都幾多，應該夠3人食今次黎既目的已經唔係因為BBQ 優惠，而係呢度既主打菜色之一 - 乳豬脾，所以主菜當然唔小得佢，我地仲叫多左一個MAIN COURSE一齊SHARE，等緊野食期間果日起電話訂位既店主可能聽到我地既對話，親自過黎打聲招呼，交談之中知道呢間餐廳有幾位店主，佢地個個都好鏜鍾意飲飲食食，有幾位仲從事教育工作，大廚就起某大間