Sky726

最近最hit係咩？梗係果農一年一度的活動啦，有幸剛買到亮黑大機，立即9秒9落先達交易所供應下俾D有需要人士，搵到多少又撞正約左朋友傾野，旺角呢D地方人多又迫，一於豪一次，搵個靚D又靜靜地的地方慢慢食慢慢傾獎勵下自己先！即刻上網搵料，見到有間有靚夜景又夠氣氛叫Sky726的西餐廳，見食評唔錯就試下呢間。間野位於某大廈25樓，一入到去裝修好靚好有特色，黑黑地每張台都點左爉燭好有氣氛，有一邊特大玻璃望著靚靚夜景，傾野或情侶用餐氣氛一流坐底侍應會俾部平板電腦我地選飲品，我們選了Bahama mama，味道清新，有菠蘿汁、青檸葉、青檸的味道，不錯！同時上了一籃餐包，餐包好多時餐廳都沒有注意D包仲熱唔熱，但這裡的有注意這點，夠熱又夠軟，抵讚！我地唔太餓，叫侍應介紹幾款野俾我地，先來餐湯，朋友點了一個Daily和我點了個青蒜馬鈴薯燶湯，值得讚的係這個馬鈴薯濃湯，味道很濃薯仔味，有點似食薯蓉，但佢濃得來又唔會過咸，非常出色沙律我們點了特別一點的紅菜頭沙律伴法色酸奶油，味道都幾特別，偏向原味，好清新！再來就是主菜，炒椰菜花伴芝士青蔥和油封鴨脾配紅酒橙汁，炒椰菜花與平常中餐的炒西蘭花差不多，特別在於落了很

經常地覺得旺角總是嘈吵混雜之地，是晚同事帶頭到這座商業大廈25樓，尋找不一樣的旺角！由於本人遲到達餐廳關係，同事已享受她的Cocktail!我未上去前已叫她跟我點杯Mocktail!餐廳用上平板電腦供客人看清楚飲品資料！今次我飲的Very Berry!實物的顏色較圖片深色一點。味道比較酸莓味非常突出。飲品內的紅莓一點也不酸，反而非常甜。飲品過後奉上餐包，餐包不是配盒裝牛油，竟是橄欖油黑醋。餐包微暖，沾上黑醋，感覺太好，清新自然。三文魚沙律造型特別，外面用青瓜片圍邊，內裡滿是火箭菜及紫椰菜，灑上沙律醋。煙三文魚不會太咸。黑松露薯蓉氣味相當濃郁！薯蓉新鮮打蓉，加上鮮奶油，味道相當好，吃完不會太膩。虎蝦意大利飯蝦的海鮮味充分走到意大利飯粒內，粒粒被醬汁包圍。虎蝦外殼非常容易拆，調味十足！Apple Sorbet雪芭幸好上檯時已經不硬，值得一讚。老實說，有些餐廳的雪芭完全沒有鮮凍便奉上，有時要等佢溶。今次吃的雪芭好像沙冰一樣，不太甜Apple Pate 72% 朱古力軟糕感覺像brownie,但當然內裡沒有蛋糕成份。朱古力好濃帶一點苦，但也是正常，畢竟是72%朱古力。軟糕配上雲尼拿蛋糕淡化濃度

上網search 周日拍拖好去處 見到Sky726 榜上有名，一於試下為左逃避繁忙時間要等位，我們大概6點就到達食個early dinner 餐廳位於25樓，視野好寬闊，居高臨下既感覺確實不錯餐廳裝修好用心，以萬聖節為主題，當然食物也配合番主題由於時間尚早，我地叫左杯cocktail and mocktail 慢慢飲，再唸下食咩食左兩個半鐘過個relax既星期日晚vampire kiss:造型有趣，龍眼肉加藍莓扮成眼睛呢杯mocktail 有Vanilla ice cream, coconut syrup,carmeral sauce and milk! 感覺rich 是我喜歡的味道，甜甜地，口感豐富不過飲完有d飽肚sky high:配合餐廳，男友叫了呢杯cocktail! 唔飲酒既我都試左幾啖，比起一般cocktail, 酒精味道較淡，平時唔飲酒既都可一試點完餐之後，店員好快遞上麵包配橄欖油和醋麵包好鬆軟，偏熱最愛食呢種麵包！好快已經KOseasar salad:男友話係佢近年食過最好食既saesar salad! 唔知有無誇張度，但確實係有別於一般既saesar salad菜方面清

位於旺角的Sky726，很久前和媽媽吃過晩餐，質素令我和媽媽都留下深刻印象。這次和媽媽來吃新的high tea，十月內更有八折，令我馬上預約了。旺角彌敦道724-726號25樓新Hightea$398/2ppl只有 星期六、日及公眾假期供應。幸好今天是星星期六才有得吃。未上hightea前，先點綠茶和薄荷茶。呈6角形的下午茶甚有氣派。雖吃過不少英式下午茶，還是對此hightea有所期待。正確的 英式下午茶應由下而上進食，先吃咸，後吃甜的三文魚，吞拿魚，蕃茄，牛油果三文治。兩人份量的三文治已經切好，方便進食。吞拿魚量甚多，咬下啖啖魚肉。蕃茄和牛油果的面包有預先烤過，應先吃否則會變得靭身。提子鬆餠，馬卡龍，棉花糖蘑菇蘇皮達提 馬卡龍 子鬆餠微硬鬆軟，帶點濕潤，並不乾巴巴，很不錯 馬卡龍有兩粒，分別為橙和抹茶味，橙味有點過重，像藥水，抹茶則不太濃。蘇皮達甚有驚喜，放上棉花糖的裝飾，菇味特岀兩個漢堡包分別為豬柳洋蔥和牛肉芝士漢堡。牛肉排軟嫩，豬肉帶甜，若芝士溶化會更好。甜品有提拉米蘇朱古力球，雜莓奶凍，蛋糕。朱古力球甚有驚喜，半球狀裝著濕潤朱古力蛋糕和忌廉，味道濃郁，十分好吃。另一蛋糕雖吃不岀

好鍾意周未約埋好姊妹行街high tea八卦下，呻下，減下壓，尤其係見到靚靚嘅甜品，簡直煩惱盡消，開心哂。姊妹話呢間餐廳啱啱轉咗個新tea set， 而且仲做緊8折，好抵呀! 咁就book位試下啦。一開lift, 見到好多Halloween佈置，加入呢間極具型格餐廳，我諗夜晚黑嘅氣氛應該會好好正 ! 同姊妹點咗個tea set，加35蚊仲有杯sparkling wine，不過姊妹唔好酒，咁就等我自己嘆啦，Cheers！侍應哥哥好小心咁放低個tea set，嘩，好靚呀 ! 層層都好colourful。我地梗係按傳統咁食，由低食起啦。最低層有吞拿魚sandwiches 、煙三文魚sandwiches 、半乾番茄open sandwiches 、and 牛油果open sandwiches 。三文魚and 吞拿魚好厚呀，有成塊麵包咁厚呀，食落成口啖啖魚肉，而且煙三文魚仲係我嘅至愛，好fresh呀 ！ 重點要講嗰件半乾番茄，番茄唔係平時食開嗰d，應該係來路貨，唔會濕立立咁，好香好重番茄味，鹹鹹地，一d都唔酸，仲有d橄欖碎on top，加埋脆身嘅麵包，第一次食，覺得驚為天人呀 ！第二層有鬆餅、馬

兩個月前跳出自己的comfort zone , 休息了差不多兩個月。這段期間只想給自己足夠的休息，正所謂訓得好又食得好，冇乜可能吾養到自己肥肥白白呢。但無論點Hea 都好，朋友一定要見的，由其是見好姊妹，首先要找一個可以靜靜地傾計的地方。老實說旺角區除左酒店之外就是Sky 726。它位於彌敦道口商業大廈的25樓高層，擁有一望無際的風景。午餐種類選擇甚多，有頭盆至甜品一應俱全。我們心有靈犀地選擇了全餐。即有沙律或餐湯，前菜，主菜至甜品。首先是鮮雜果沙律和雜菜湯廚師將雜菜切得非常細緻，每口湯同時也吃到雜菜粒，味道清新令人開胃。雜果沙律是將幾款不同的生果切成細粒，由於沒有加上任何醬汁，味道平淡，我覺得將它作為甜品會較為合適。 對我來說「雜莓醬窩夫」也是甜品的種類。厚窩夫蛋香滿載又夠香脆，藍莓醬夠澎湃，愛甜的我吃得十分愉快。「賓利迪蛋」則恰如其份，既有流心，質感也嫩滑，絕對收貨。番茄醬海鮮意大利粉這道菜的神來之筆是蕃茄醬和海鮮合而為一,醬汁滿香鮮味, 意粉索盡了濃厚的醬汁, 而質感上尚算富彈性。 大蝦肉質也爽脆, 絕無欺場。香煎比目魚配檸檬牛油汁（＋$30）扁平的比目魚就吃得多，但從未吃過如此

同朋友去左個浪漫地方食飯，今次呢左呢間sky726，真係好岩情侶嚟，入到去就見到個bar 位，而四周環境較暗，幾有氣氛！坐底就選飲品，嗌左兩款都好好飲又好靚，好有驚喜，一杯係 silver screen，上面有popcorn，加上朱古力，幾特別，另一杯係frozen berry punch，都少少酸得嚟又甜，幾開胃丫！先嚟個煙三文魚沙律，上碟已經好靚，係三文魚花咁，真吾捨得整散佢丫，三文魚微微煙左，但又吾會咸過頭，好岩我！我地嘅湯分別係tomato soup 同oyster soup，比較喜歡oyster soup，好香滑得嚟，蠔味又夠，tomato soup不過不失。主菜嗌左油封鴨脾配紅酒橙汁同黑松露野菌意大利飯！意大利飯好味，雖然食過吾少，都冇特別驚喜，不過都係我喜歡嘅西餐main dish之一。而鴨脾就有驚喜，好軟好滑，應該係慢煮嗎？原本看來份量不多，但食落好飽！而個名油封仲怕會好肥，不過一d都不覺得肥膩，肉汁仲好軟，好味道！整體不錯，吾錯吾錯！

今晚同娘娘慶祝生日揀個好feel又好view 嘅地方為咗遷就娘娘放工Booking 係旺角附近Lift 門一打開就比我見到用繩編織嘅巴黎鐵塔第一次去近太子的 彌敦道 726  building原來旺角近太子有棟咁新的 building頂樓風景係咁曼克頓襯托着新派酒吧做背景加上四圍嘅壁畫好有 輕鬆熱情的感覺坐低叫杯 mocktails 談下心Silver screen $70Coffee espresso～Chocolate syrup～Chocolate powder n popcorn賣相好吸引～實在好得女士歡心espresso配上焦糖爆谷有得飲又有得食我見好多朋友都會醉爆 LKF只因為我們生活壓力實在太大工作壓力家庭壓力各樣野都好容易令人心情煩躁一醉解千愁真係無誤Oyster Soup $90第一次飲蠔湯Oyster 味道非常濃郁好特別而且香濃又唔腥Ox-Tongue $108黑松露溫泉蛋慢煮牛脷牛脷好軟腍質感幼滑~~好食個溫泉蛋汁好香滑加了黑松露更是相得益彰Sous Vide Foie Gras $158香煎鵝肝伴了青豆蓉賣相非常靚鵝肝入口即溶而帶點焦香蘸少少酸酸甜甜的醬汁可以中

呢間上個同男友嚟過，印象唔錯，野食同服務又幾好，揀嚟度嚟同個好姊妹補祝生日～7.30pm上到去已經有人潮，好彩我一早book定位～我地坐喺bar附近既4座位高枱，好霸氣哈哈！今晚由壽星女拍板--首先嚟2杯野飲、2個湯、一籃麵包、之後2個主菜、1個靚靚甜品！（好瘋狂甘XD)一坐底先嚟飲杯野輕鬆下～～～店員拎住個ipad嚟介紹飲品，實在比拎住本menu好好多。我地點左：《Aperol Spritz $98》帶酒精,但酒味唔濃反而果味仲香～清甜好岩女仔飲。《Silver Screen $70》外賣好吸引，得濃咖啡配上焦糖爆谷既有得飲又又得食，但有焦糖同朱古力關係會整體偏甜。注意爆谷要快食，因為好快會比浸淋。好岩飯前同朋友一路食爆谷一路傾偈～《蕃茄湯 $85》茄味十分濃郁，並唔係罐頭茄醬既味道，而係鮮蕃茄打成蓉，感覺好抗氧化哈哈！《蠔湯 $90》第一次飲，名字吸引，外賣亦矜貴。湯面有魚子醬，湯中無蠔但每啖都係蓉，好特別而且味道一d都唔腥，好香濃。2碗湯都配有餐包。餐包已烘熱，呢點好加分，因為好多餐廳都會忽略客人其實好留意餐包既新鮮度，但呢度就留意到呢點，好感度加分。隨包附上有oliver oi

睇相見到呢間野好靚咁,D人又話OK黎左一試一黎就中伏...  個景可以話係無野睇... (得D樓)位同位之間好逼..跟本唔可以舒服咁傾計, 又會聽到隔離人講咩 諗住野食OK就算啦 呢個黑松露薯蓉竟然係比較好食既熟食,入口都幾香生蠔都OK,不過不失重點係呢個意大利飯... $178 D份量多到得我隻手咁大而且... 完全唔好食  好失望再黎呢個西冷扒 $2XX諗住牛扒實無死... 點知我又諗錯成塊扒乾爭爭咁上..... 食落得個咸味...  可能我唔識食啦埋單兩位盛惠一千蚊無下次.....

the restaurant was practically empty but me and my partner were told to sit besides the kitchen. after a while I still didn't see the place packed . was rather curious whose are those seats by the windows reserved for?? and about the waiters there was no doubt their service was good but there is a thing called over attentive. would prefer u to take my empty plates only when they were told to do so.

前菜沙津感覺清新，沙津菜配上芝士粉同埋多脆多士粒，口感層次夠豐富。而餐湯味道較清淡，跟沙津同出一轍。主菜選擇左慢煮三文魚塊，沒有煮到全熟，保持到魚身本身嘅嫩滑程度。魚肉纖維一絲絲，魚塊外層經過火炙更多了一道焦糖香氣，配以日本麵豉味道，跟三文魚相當合襯。最後有72%濃度的Chocolate Plate作甜品，朱古力香味及濃度十足，而雲尼拿雪糕甜味適中，跟Chocolate Plate夠晒合拍。

餐牌上多款慢煮菜式。我們四人，點了Ceasar Salad. 慢煮牛柳、三文魚、油封鴨腿、海膽黑魚汁意粉。我本人很喜歡慢煮嘅菜式，主菜都沒令我失望。只是那三文魚塊，廚師選擇沒把它煮至全熟，溫度和嫩滑程度，不及慢煮至全熟般好。最令我滿意的，是它的甜品Lady in Red, 其meringue片, 紅莓sorbet，溫度配合得很好。Chocolate Pate上的sugar glazed橙皮，畫龍點睛，雲呢拿雪糕旁的杏仁片香脆現烤的。看得出由頭盤至甜品，所有配料廚師的執行皆求完美，用心之作。遺憾昨天試不到鵪𪂹菜式。Cocktail滿有驚喜，配炸雞軟骨會是HH首選。整個晚餐經驗，得分: 中上。請留意上餐時間，牛柳未吃完，枱不夠位放其他主菜，待應叫我地吉埋佢，但，這裡不是大排檔，那不是魚蛋。請注意，不要浪費廚師一番心血。

第一次寫食評 唔識用啲誇張文筆來形容請勿見怪今晚是男朋友的生日 昨晚我先臨時send email 通知sky726 要在甜品寫名，估唔到我夜媽媽落單佢都收到，仲即時覆我email添~咁樣樣我地原本book七點半，但我地七點去到已經有得入座，果時仲係無咩人。咁我地原本想叫海鮮併盤，點知佢話今日無，係失望既。。。。唯有淨叫蠔，都有六隻，味道ok，但好細隻。仲配左兩杯果汁酒，飲左少少酒已經暈暈地，好快上腦。。。。之後有兩個麵包來了，超級熱，但就好怪是點醋。好快三文魚沙律都來了，圈成圓形的，味道淡淡地。等等下牛樓都來了，honey覺得個溫煮牛樓麻麻地，但我就覺得剛剛好，可以的話生少少仲好。之後意粉都來了，意粉是硬硬的，我覺得有口感，也是淡左啲。因為生日關係我迫honey叫甜品，等佢開心下，唱下生日歌又一晚。埋單成940元，說生日減144元，好搞笑。

估唔到係旺角會有咁高樓層睇到夜景view O既好餐廳, 無意中搵到, 睇落都好似幾好, 就決定一試服務好好, 順帶一提, 佢D黑醋好香, 雖然比起我食開果款酸左D, 但都好好食, 配埋熱啦啦麵包, 食到要叫waiter添加黑醋, 唔記得影相~~XD而在場waiter都會推介一D佢地認為唔錯O既, 或者係advise份量for兩個人應該點叫就差不多啦, 唔會咩都叫你試第一次食, 感覺都幾好HSBC 白金卡叫la carte menu有85折, 普通HSBC都有9折