Sky726

第一次透過openrice apps訂位，我兩位訂了20:00，我們19:45到場，服務員說時間未到叫我倆坐一陣並安排入坐，到20:15我已經發現他已忘記我在等候，最後左等右等21:00才安排上坐 點餐，薯仔濃湯，慢煮牛柳，咸肉扁意粉，椒鹽雞軟骨，兩杯飲品整體一般，咸肉意粉比較好吃，簡單得黎有口感，不過份量比較少，結帳 $870地方已經唔大，啲枱佈置得咁密，如果唔係坐窗口位根本會全程捱撞，佈置得再有氣氛都無意思，食物不過不失，但個價錢該區仲有其他選擇可選，希望再有機會光顧

在HKRestraunt Week 期间尝试了一下这家餐厅. 餐厅大楼离始创中心很近，透过25/F的落地窗能望见旺角密密麻麻的高楼。总体服务和饭菜品质都不错👍 Set lunch 从开始的沙拉 餐汤到最后的奶茶☕️甜点🍮都很用心，主菜点了一份慢煮牛肉和一份香煎比目鱼，牛肉虽分量不大但肉质和口感都不错（同样是慢煮，爱吃牛肉的老公说比香港当地“慢煮工业”的牛肉强多了），比目鱼咸淡皆宜。总体借着RW的活动人均才118 加一的价格绝对物超所值，值得前往！

之前同朋友嚟過，感覺良好，今次放假再嚟嘆番個靚午餐，舒舒服服咁放空一下，爽！香煎比目魚柳配檸檬牛油汁，雜菜沙律，餐湯加$15。南瓜湯有濃郁嘅南瓜清甜味，好香好creamy，仲飲到絲絲嘅南瓜纖維，相信係用好多新鮮南瓜煲嘅，雖然要加$15，但係值得一試！雜菜沙律，簡單咁輕輕用咗橄欖油做dressing，感覺清新，而且仲有火箭菜和乾蕃茄，感覺矜貴。主菜比目魚，煎得香噴噴，檸檬牛油汁好滑溜，加埋一齊好夾，好味！薯角外脆內軟，仲有蕃茄乾和好多嫩豆角，好健康嘅午餐唷。食到飽飽，飲杯檸檬茶，望住個陽光靚景，好舒服啊！埋單時，店員仲提我上Openrice 收藏優惠券，午餐有8折㗎，好細心呀！

今次同男朋友黎到Sky726, 餐廳位於大廈25樓高層，加上天氣唔錯，景觀真係超正.幸好男朋友一早訂咗枱，所以我地唔使等位，真係叻豬。呢度假日是食brunch, 餐牌有唔同既組合，能滿足唔同人既需要(男仔食到多啲嘢可以叫 full course, 女仔相應可以減少啲) ，真貼心我叫咗黑松露炒蛋，蛋炒得好滑，加上黑松露，味道好夾，旁邊既雜菜好新鮮，麵包也外脆內軟.蕃茄海鮮意大利麵，濃濃既蕃茄醬汁配上雜錦海鮮，份量充足，超滿足。甜品係藍莓芝士餅，配埋凍檸茶，望住如此美景，過咗一個完美既下午。

早前在open rice 上看到這家下午茶有8折，就決定和先生來試一試順道提早慶祝情人節 預約了3：30, 在 25樓，一踏出升降機已經是餐廳了。跟著侍應帶我們入座途中也看到有一座12人的桌子都是點了下午茶。我們的座位是靠窗邊的，剛好天公造美天也藍藍的，美得有點不似身處旺角呢 這是下午茶的餐牌，還有幾種配搭供不同口味的客人選擇，價錢也不同呢我們選擇了$398 for 2最齊全的一set。茶有4款，也有咖啡。甜品方面有4款，餅類有4款，迷你漢堡有兩款，三文治也有4款。最後用了優惠結帳是$360 呢

早排於Facebook發現到呢間餐廳，所以同朋友試下啦，可能見到其他食評的照片拍得太唯美喇， 期望會比較高嘅~預約好時間 當步入餐廳嘅時候確實係失望嘅……比我 預期 空間感細甚至感到逼夾， 唯有寄望食物 質素 應該會唔差……點了三款菜色，除了 parma ham感覺像樣一點（雖然也是強差人意）， 藍青口 又唔新鮮又冇味只有咸字…… 手捲粉味道十足 罐頭開出嚟嘅一樣…… 的確係令人好失望……中段時間嘈度傾計都聽唔到對方講乜 😔最後埋單嘅時候 問店員而家有咩offer ， 店員表示你指咩offer？ 八折嗰啲係叫set先有嘅， 散叫無折， 我朋友問咁有冇信用卡有折？店員表示匯豐有折但要睇下你係咩咭攞！睇完說“呢張得九折！”此環境……此食物質素……此服務水平…只能感到時下潮語形容 ~~伏~~完

男友問海鮮是否新鮮，Waitress 答每日新鮮，食完之後同男友第二日上吐下瀉發高燒。個海膽墨汁意粉乾身到爆，係食過冇得再難食的。真心唔會再有下次。以後都係唔會黎E d低級餐廳食海鮮。

一直都有留意這間餐廳, 係Openrice有非常多好的評價好有衝動去試下, 既然係西餐廳, 緊係想同老公二人世界啦~餐廳位於旺角中心對面馬路 (近太子方向), 很容易找.該大廈更有其他食肆. 因為位於彌敦道726號. 所以以726為店名.."SKY726" 非常易記.餐廳在25樓, 居高臨下, 如果坐近窗位置會看到非常漂亮的夜景.但是日並沒有被安排坐窗口位置首先點了一杯飲品, Drink List 係要用平面電腦睇架~In!Fast East Highball ($70), 有香茅味的青檸汁.好Fresh, 如果可以再酸D會更好.生蠔半打 ($138), SIZE不少, 而且很細心的將整隻生蠔起肉,不會吃得很"論盡"味道很鮮,不會過咸. 很好的一道冷盤.吃過冷盤後, 暖蔬菜沙津 ($138)整蒸的方法讓蔬菜煮熟, 然後再淋上olive oil, 沒有加很多調味, 就是要吃蔬菜的新鮮, 只加了柚子點綴.平時吃紅菜頭只會飲湯, 第一次整粒吃, 味道很甜, 不錯吃再來是兩款不同的湯,Classic Vichyssoise  ($85) 是薯仔湯來的. 很smooth, 我很喜歡Tomato

呢間好耐之前食過一次 都已經覺得好好食 今日再黎當補祝情人節 d野食多左d set 餐 多左選擇咁好好彩又係窗邊位✌🏻️一黎緊係食下d生蠔先 美國生蠔 好新鮮 已經切好可以連埋個帶子食 同埋佢有個番茄醬可以配埋 係新鮮番茄粒 我就最鐘意原汁原味 加小小檸檬汁就咁食 個陣咸咸既海水味 一流我叫左個Set dinner再加個麵 先黎既係沙律菜配橄欖油 有d番茄同青瓜 洋蔥好新鮮熱辣辣既提子包 配牛油 細細舊 岩晒唔會食得太飽南瓜湯 好似仲有小小粟子味咁 好香燒春雞 d肉好滑 好林 起晒d大骨 食個陣啖啖肉 同埋本身小小辣辣地咁 但係轉頭又冇左個種辣味 我都唔知係咩醬點形容😂 好鐘意佢焗左個個蒜頭 好香唔會辣喉墨汁意大利粉 上面仲有海膽 d麵食落口較乾身好有口感 唔會一pat野咁 食完要係咁抺咀😂芒果奶凍 好香牛奶味 最正係佢d芒果唔酸 甜既 有好多芒果肉同汁 食埋呢個就真係飽啦其實其他位都幾靚幾舒服 不過我個人鐘意望住條街發呆🙊

旺角有間樓上餐廳可以望到成個旺角市的繁華夜景🌃🌉 覺得環境唔錯，坐得幾舒服^_^ 最好食喺點咗個黑松露薯蓉同埋第一次試slow cooked spareribs~都幾正吖！可以recommend鍾意熱鬧經過旺角行街嘅您，唔好錯過呀！哈哈🤣

服務一啲都唔周到話說同女友週年紀念 經openrice 訂位request 窗口位 （無）無都算喇 當自己遲左訂 1915左右到坐中間路邊位 隔離窗口位無人 問左侍應無人可否坐個邊 佢答有人 咁都由佢喇 1930落單 叫左4樣野加一支白酒 頭兩道菜10-15分鐘內到左之後足足坐左一個鐘頭 完全得個坐字 同女友傾到已經口都乾埋 最後意粉同主菜牛扒要2100後先到 我旁邊台其他客人早過我遲過我既都已經9點前食完埋單走哂 最令我失望既係 成程等食既過程入面 因為我坐路邊台 無位放酒 支酒放係隔離張成程無人坐既窗口位隔離 我自己係要起身行去拎支酒黎飲 但我已經無哂心情 而餐廳亦唔會自動自覺幫我倒酒 舉左兩三次手依然都係要舉手先企過黎幫我拎酒 服務等於零分 係最後令我最不爽既事係 餐廳唔算好滿 經常出現吉位 而有兩位外藉客人本來被安排坐係廚房出菜位 最後竟然無要求下因爲阻住服務生出菜而調去坐我隔離呢張我望左成個鐘都無人坐既位 而我支酒係擺係個外藉客背後 咁既服務簡直係零分 啲野食質數係合理 但成個過程 安排位置 出菜問題 倒酒 完全自生自滅 我要求唔算十分高 始終唔係十分昂貴 但我呢啲要求只係好

我先生兩星期前訂枱食晚飯，要求近窗口位的座位，當時已說明不一定有。昨晚去到時服務生已說沒窗口位，因7:30多人食飯，但留了枱比我地睇我地得唔得.仲講咗兩次，心想簡單留枱唔使提兩次得唔得感覺怪怪，當帶我地到去個位就明白，位置在餐廳的最角位，泊住牆身坐，夾著兩邊枱的死角位，好迫同局促，像無位求其加張枱比你感覺勁差，我地決定走並同服務員講兩星期前訂枱比唔到窗口但唔係比張噉嘅位呀，佢只死撐無窗口位，我地等left時三個服務員講我地點解走，同一句無窗口位，跟本佢唔明重心所在，佢都知個位唔ok，所要提兩次睇你得唔得，如walkin無晒枱可能都唔介意，但明明仲有其他較舒適位置佢只比個張仲要係有訂枱，跟本無用心去做份工，幫老闆倒米。

要同情人係一個好有氣氛情調嘅環境食一餐，這裡絕對係一個不錯嘅選擇，係一個最方便嘅地方旺角！一出升降機就見到餐廳有個用繩結結成嘅巴黎鐵塔，餐廳內燈光昏暗夠晒情調，今晚因訂位太遲，沒有窗口位置，被安排坐在酒吧旁嘅高枱，咁個座位都好舒服！望望餐牌，set dinner 內嘅選擇都唔錯！有前菜、湯、主菜、同甜品、餐飲，如果同情人吃，環境位置絕對推介先有個精緻小吃，煙三文魚捲成一朵花型，加埋塊脆餅，三文魚入口軟滑！先刺激一下個胃！跟住前菜係金巴利煙雞肉沙律，味道清新，煙雞肉味道香嫩，沙律用上爽脆青蘋果粒，加埋沙律醬汁更加開胃！另外加多一個小吃，西班牙炸薯泥$68，望見就好似炸魚柳，外面香脆，入面就係攪均後嘅薯泥，加埋伴碟嘅醬汁入口更加好味！湯是濃郁嘅南瓜湯，入口感覺到湯中嘅南瓜嘅新味主菜選了低溫慢煮三文魚有機菜佐香檳汁$458唔係刺生，三文魚超滑，肉質軟熟嫩滑，一啲都唔似煮過，十分好味，加埋特制嘅香檳汁，入口感覺更佳！不過要快，香檳汁處理成泡沫！最後上埋甜品70%鮮奶朱古力伴朱古力脆，切開鮮奶朱古力入口時被濃郁嘅朱古力味蓋住了喉嚨，唔會太甜，啱晒喜歡吃又怕肥嘅我！最後加埋杯香滑嘅咖啡，咁就同情人

間中都想二人世界下，就搵左間覺得幾舒服嘅樓上餐廳Sky726，叫咗兩個晚餐套餐。來到望出去夜景都幾靚，裝修環境都好舒服，裝修得好有心思。首先就叫咗個好靚嘅特飲叫skyhigh ，佢嘅道好特別，好似食緊糖果咁。仲叫咗杯very berry，佢係用好多種唔同顏色既berry混合而成，酸酸甜甜好好味，啱曬女仔。希臘沙律入面有細細粒又重芝士味鹽鹽地味既芝士粒，加上爽脆嘅沙律葉，夾埋食都幾好味。佢嘅小食係三文魚餅乾，味道都幾開胃。餐湯都有好香嘅番茄味。主菜叫在帶子意粉，我覺得帶子又新鮮調味都唔錯。而呢家意粉我覺得好特別，佢唔係平時餐廳嗰種煮得好熟嘅意粉，佢係啱啱好熟，所以食落好煙韌，好好口感。咁西冷牛扒我哋叫咗五成熟，佢嘅牛肉味好濃厚。餐飲叫咗熱檸茶，紅茶味道好香。值得一讚嘅係佢嘅芒果布甸，牛奶味又滑，芒果味又足。

之前聽朋友介紹旺角有間吾錯嘅餐廳，咁咪上去試下啦，本身waiter服務都吾錯，有介紹餐廳有咩特別野食同野飲，咁我同我男朋友就叫左個d前菜先包括牛脷同牛肉韃韃。本身已經等左好耐，當黎到見到碟牛脷我心諗會吾會太少，得幾粒咁，咁算啦。個牛韃韃仲離譜等左接近成9個字。之後再order main course啦想叫馬頭魚又冇叫羊冧又冇，唉算啦咁最後叫左墨汁意大利麵同意大利飯伴虎蝦，都系一樣等極耐，但見到d廚房出出入入去後樓梯，仲有都聽到格黎枱吹野食，直到兩個主菜到 ，我同男朋友都真系好失望，先講意大利麵好鹹，鹹到根本吾想食。之後第二個意大利飯仲衰，飯又硬又凍，仲要系苦！虎蝦真系蝦如其名都系苦！又系凍。算啦咁就吾食主菜，落甜品，落左個梨，又系等極耐，最後來到，又吾系好食。不過waiter服務質素還可以，同埋野飲吾錯！總括而言：冇下次！又貴又耐又難食！