Siam 28

营业中

休息中

成日覺得要好噏耷嘅地方，明火大鍋咁整泰國菜先至有個種地道嘅感覺Siam 28裝潢偏華麗，但食物質素可說是毫不遜色。友人叫炒鮮蝦金邊粉($98)，我就叫咗泰國人嘅comfort food香葉豬肉碎炒飯($78)，兩者均可選雞、豬或牛。員工捧著熱騰騰嘅金邊粉個一刻，我就羨慕友人點嘅金邊粉。香噴噴而且份量蠻多...直到端出肉碎飯時，我就覺得我點的炒飯也不賴， 香氣十足，辣得亦很過癮～ 以上選擇下午茶套餐都有 - $49咋，仲可追加小食，小編推介柚子沙律($20)～配料足，食到飽一飽 留意openrice有時有優惠添架～兩個女仔食量較大叫埋碟菜同豬頸肉豬頸肉都唔錯!

銅鑼灣一向都有很多不同類型餐廳, 澳門逸園中心更是差不多層層也是餐廳, 所以特意來試試!!肺炎時期, 晚飯時間也坐滿了人, 應覺應該是間不錯的餐廳! 而且肺炎期間, 這間餐廳的衛生及服務很好! 一進餐廳便主動提供密實膠袋用來裝口罩, 又會在離開餐廳時主動向我們提供酒精搓手液 !! 十分貼心!!2人點了3個菜, 鮮蝦炒金邊粉 ($122), 泰式豬手 (半隻) ($159), 馬沙文咖喱牛腩配薄餅($119)! 份量十足!!鮮蝦炒金邊粉炒得幾乾身! 貌相很好!!酸酸甜甜的, 好開胃!! 大蝦幾爽口!!泰式豬手半隻都好大份! 個人建議可以配飯食, 我們點了油飯食, 非常配! 豬手大大件, 皮厚肉嫩!但個汁偏咸!!馬沙文咖喱牛腩配薄餅, 牛腩真的比想像中少好多...大約只有6-7小粒...但咖喱是好食的, 重椰汁香!! 配薄餅好好食! 但汁太多所以把餘下的用來配油飯食!

是日book左呢間餐廳，本身疫情關係諗住大家行完山就撇sssss點知大家行完山太興奮太唔捨得對方咁話🤣🤣🤣🤣🤣其實係太餓同太攰，所以都係book枱啦😅睇完OpenRice見依間餐廳都好多笑哈哈，試一試囉笨！本身都唔知黃店架～有一塊大畫板喺餐廳裡面，都是Pepe同連燈豬啦🐸🐷❤️我原本訂左6半食飯誰不知5點就已經由山上碌左落嚟...早左唔會唔俾入啩入去時有位唔知老闆定侍應用緊餐，見到我地就招呼左我地先，我地都有啲唔好意思😅間餐廳環境都幾舒服乾淨，我地被安排坐左張靠牆大枱，一坐低先5個椰青呀唔該椰青夠清甜！其後再點了好幾道菜～無論食物賣相或味道大家都好滿意，每來一道菜嚐後都會高8度咁話「好味呀～！」由於時間尚早，客人亦不多，侍應一直好貼心在旁睇我地有咩需要，直頭隔著個口罩都見到佢面帶笑容，上菜時間亦都好快！雖然佢一直在旁，但都無感到有種不自在的感覺☺️☺️☺️最開心係咩呀？今餐唔使錢🤣🤣🤣原來預祝本尊生日，你話興唔興奮先？圓滿的一天，多謝各位，多謝我的珠朋狗友（因為個個都養狗狗🐶🐶）多謝餐廳台前（侍應）幕後（廚師）悉心炮製出每一道使人讚嘆的菜色！I love my fdsssssss❤️❤️❤️❤️❤️❤️❤️

旺店成日俾人話啲嘢唔好食呢間黃得黎又好食就梗係要去幫襯下～都成9點用app訂枱有8折～入面full house要喺門口等一陣~三個女仔叫六樣～其實仲想食不過我地晏去唔阻人收工燒豬頸肉吹口香口最正係佢跟咗幾個汁一齊上有任你點～（包括泰式雞醬、泰式辣醬、泰式乾辣椒粉、酸辣汁、青檸辣魚汁、魚露）青咖喱雞配薄餅～我哋另外叫多咗份薄餅嘅。其實我地係想食青咖喱泰國圓茄子menu無嘛，青咖喱配茄子其實絕配冇得頂～我哋食晒啲茄子留低晒啲雞粒🤣雞都係襯黃咖喱多啲其實因為我喉嚨痛好多辣野我都冇叫到，叫咗個好Mild嘅炒雜菜好足料好大碟！泰式炒金邊粉配埋個蛋網～正宗味道賣相靚仔呢個好食既蝦醬炒飯其實我平時好鍾意食，但係啲朋友成日話我重口味～佢嗰隻泰式蝦醬其實唔係中國蝦醬個種咸架～佢配埋醬油撈埋一齊炒真係好惹味好好味架～仲有兩粒豬手同平時會有既臘腸薄脆同蛋～蛋煎糯米飯配芒果～～即係芒果糯米飯啦～飯同椰汁係咸嘅先係正宗架！佢咸架～不過甜品我都想要返蒸飯唔想煎哈哈侍應好招呼，地方細細可能我地夜去都唔覺好嘈，仲有window seat haaaa ~~出門仲見有口罩唔怕你食完無口罩用

好早開始罷市既小黃店💛呢間我想去好耐㗎啦 成日都見到Instagram有人去食 今次終於去咗食啦😎我哋嗰日去到啲Staff仲有帶着白色絲帶非常之有愛嘅一間小餐廳😊·芒果煎糯米飯$89我哋係為咗呢個嚟嘅 因為我嗰日突然之間超想食芒果糯米飯😭所以雖然我哋最後有啲飽 但係我哋都嗌咗佢個糯米飯🙊🙊佢係好似煎年糕咁樣有啲蛋汁咁樣去煎 超香口 不過我自己可能會鍾意就咁普通既椰漿多啲 但係我男朋友就好鍾意啦😏同埋佢啲芒果超甜🥭幾特別嘅一個糯米飯·燒豬頸肉$89呢一個超好食 佢啲豬頸肉係切到非常之薄 而且完全唔會un 超有咬口得黎佢啲醬都好夾🥰同埋佢係勁Photogenic 佢有5個醬俾你揀 其中我覺得點呢個豬頸肉最惹味就係最前邊嗰個黑色嘅醬 佢比較濃味少少 之後你就會係咁食係咁食😈😈·帕能咖喱 $119因為我哋從來未見過呢種咖哩 所以我哋就貪得意嗌咗啦😂😂佢上枱嘅時候我哋都猶豫左1秒 究竟呢一個係咩黎 因為佢同我幻想中嘅咖喱有啲唔同🙊佢個肉都幾嫩嘅 不過就好似好少咁樣 而且無咩汁比你點個薄餅 有啲唔夠喉🤔🤔·蒜蓉炒什菜$79呢個就不過不失啦 係一個正常味嘅炒菜😂😂· #rbyeat#rby東南亞菜#

早排行行吓街👞想食吓泰國嘢🇹🇭就係銅鑼灣附近搵咗間trytry 雖然價錢有啲略貴 但一入到去入面就有pepe圖畫 更係要大大力支持吓啦！💪🏻-炸蝦餅 $92🦐外脆內香 炸得非常好 一咬落去仲有好濃郁嘅蝦味加埋甜酸醬 真係冇得頂 值得一試-炒鮮蝦金邊粉 $122🦐一上到碟 個份量剛剛好足夠 熱騰騰的香氣撲入我的鼻 金邊粉炒得好香之餘 鮮蝦又好彈牙 加上個蛋香同配料🍳 食完好快就想再食多淡~-魚露生蝦 $149🦐平時一食泰國嘢都會叫碟生蝦刺身 今次都唔例外 餐廳仲提供咗泰國酸辣醬 生蝦刺身配搭一淡醬汁再加埋個蒜頭🧄 香味鮮甜--Siam 28 (銅鑼灣)📍-銅鑼灣軒尼詩道525號澳門逸園中心28樓

朋友話上次去了公司附近一間上樓的泰菜餐廳，質素不俗，今日正好在附近，又提早辦完事，便相約友人去試試。半生熟三文魚伴香茅沙律 $99大大塊刺身級三文魚扒煎得外脆內嫩，生菜、椰菜，洋葱、切絲墊底，淋上酸中帶少少辣的醬汁，開胃醒神。馬沙文咖哩 (雞) 配薄餅 $119這款咖哩最適合一些想淺嚐咖哩又怕辣的朋友，因為甜中帶微辣，但又有咖哩的色香味，油份不算多，口感幼滑。加入薯仔、紅椒，顏色漂亮，雞肉切成小塊狀，夾薄餅一同吃十分方便。沙爹 (6串) $ 92本身有牛、豬、雞可供選擇，我們選了豬和雞肉串，每串串燒肉量比較多，肉汁豐富，相當惹味花甲炒 (辣椒膏 ) $112餐廳選用中型蜆，肉質豐滿，彈牙有咬口，加入由辣椒膏炒成的漿汁，濃稠適中，煮得非常入味。當中還有黃、紅椒，及大大粒的草菇，送飯一流。芒果煎糯米飯 $89係，你無睇錯係 "煎" 糯米飯，不是普普通通的芒果糯米飯，好多評論都話是必食之選，我最期待的一款甜品，所以一坐下我已經同朋友講要留肚食這個。餐廳略為改良製法，將糯米飯壓成一塊塊餅狀，再加以煎香，面層金黃，有少少蛋香，咬落軟腍黏糯，甜甜地，暖暖地，有點似食年糕的感覺，配合稍稍帶酸的新鮮芒

晚上和朋友小聚，選了大家都喜歡的泰國菜。位於銅鑼灣的逸園大厦，非常便利。冬陰公湯，橙紅湯汁酸香撲鼻, 裡有鮮蝦、雜菌、車厘茄、香芧等各式配料。酸酸辣辣，非常開胃。底下加有燭台保温，不怕中途變涼。豬肉生菜包(少辣)，新鮮爽脆的唐生菜配上香炒豬肉碎。軟滑肉碎香中帶辣，加上生菜的豐富口感層次，非常不錯。主食點了炒鮮蝦金邊粉，金邊粉乾濕度控制得宜，香滑又有點煙韌。上面的蛋皮又薄又香，中間有大蝦、芽菜及韮菜等材料，鑊氣十足，咸香惹味。最後甜品是芒果糯米飯，糯米飯加有一點點雞蛋煎成一個個小糯米餅，方便配搭椰子汁和鮮甜芒果，整體還不錯。

有創意、色香味俱全泰式甜品❤︎！近期食過最好味的甜品！！上菜已經哇一聲，擺碟好靚，一啲都唔求其！ 芒果糯米飯食得多，但呢個係煎糯米飯！圓圓一塊、兩面都煎到香脆，咬落中間煙韌十足，同平時啲糯米飯差好遠，似糕點多啲，好新鮮！個人認為必食！榴槤春卷，聽落麻麻望落都普通，但非常有驚喜！未食已經聞到好香榴槤味皮炸得好脆，咬落裡面係新鮮榴槤肉啊！！好有創意！泰式炸香蕉，原本以為是一片片普通炸香蕉，原來是炸香蕉球！好鬼大舊足料！好味！鮮蝦柚子沙律，酸酸甜甜開胃唔辣嘅黃咖哩牛腩配薄餅，濃郁香味，但薄餅份量多啲會更好！

今日是我同老公結婚紀念日，晚上去銅鑼灣Siam 28食飯慶祝，老公說佢地好多同事有乜慶祝都會去呢間，因為這店的經理好識攪氣氛，又招呼週到，室內燈光柔和，食物質素又好。今晚就輪到我們慶祝一下。冬蔭海鮮湯粉：海鮮相當豐富，材料有蝦、蜆、魷魚和菇菌，鮮甜爽口，湯底濃郁，酸酸甜甜好惹味，金邊粉吸收湯的精華，十分美味！泰式海南雞半隻：雞已去骨啖啖肉，肉質鮮嫩，配以2款醬汁，有辣的泰式酸辣汁，吾辣又咸咸地的蔥蓉，各有特色，我覺得配辣味的比較惹味！油飯：海南雞的最佳拍檔，當然少不了，飯粒粒分明不油膩，夠味道。沙爹(雞、豬)半打：即叫即燒串燒肉火喉控制得好好，燒至金黃色香噴噴，外香內嫩有肉汁，又好入口，配備的沙爹汁調得好好味，濃郁中有甜味！Singha啤酒：高質的啤酒，味香好飲。

今時今日，我取態首要黃店才入去！下午茶(2:30pm-5:30pm) 價錢合理，份量不取巧，還要免收加一！選擇也不少，另有追加小食可選擇！座位也舒適的！支持黃色經濟圈

💡店內環境舒適，環境寬敞🛋沒有壓迫感😍💲性價比高 味道不錯👍🏻 ====—====—====—====—比賽後，店員送上調味醬，對逐一解釋，我最愛那個泰式辣醬，香辣惹味，配上任何食物也非常美味。 🥗青木瓜沙律🥒（$69） 青木瓜切成條，新鮮爽脆，加上洋蔥、蕃茄仔、辣椒及炸花生，味道酸酸辣辣，很開胃的。 —🥬🐄經典生菜包-牛肉（$79） 牛肉粒配上多款泰國香料炒成，不會很膩，配合生菜一起吃，新鮮爽脆，帶點辣香，非常好吃！ —🍤炸蝦餅（$92）一客有5件，炸至脹卜卜，蝦餅非常足料，每啖都是彈牙的蝦膠，配上泰式酸辣醬非常美味。 —🍝炒鮮蝦金邊粉🦐（$122） 手工製造的蛋網包住新鮮炒成鮮蝦金邊粉，吸睛度十足，滿滿的番茄香味配在金邊粉上味道一流，鮮蝦爽彈好吃，配上青檸汁、花生碎和炸蒜蓉更添美味 —🥭芒果煎糯米飯🍚（$89） 糯米飯外層上蛋漿煎成，每個大小均一，配上新鮮芒果，再淋上甜香的椰漿，為這頓晚餐畫上完美的句號。 另外廚師推介menu中，有一個「香芒夏雪」（$109）的甜品驚芒果糯米飯很似，兩者都是用鐵板上的，再淋上椰汁，滋滋咋咋的感覺非常驚喜。 =

前後食過兩次，食物唔錯，服務見到我地7個人點包，而佢個包本身冇7塊，會問要唔要加少少錢要7塊，好貼心。而且佢免切餅費，星期一至四晚飯亦無限時~我同朋友兩次都食得好滿足~

朋友之前食過呢間泰國菜，對佢地既薄餅念念不忘，終是今天晚上帶我來到這間位於銅鑼灣大廈內的餐廳。餐廳唔算好大，基本上都坐滿了客人。餐牌上有多款不同的泰國食物可以選擇。點菜後店員送上他們餐廳秘製的泰國醬汁，共有5款，各款醬汁都可以配上不同食物一起吃。魚露生蝦，每次食泰國菜都會點生蝦食，而這裡的生蝦新鮮彈牙，配上生蒜和秘製醬汁一齊食，酸酸辣辣，能夠刺激味蕾。泰式鳳爪，這裡的鳳爪可以算辣度的，而我們揀選了小辣，鳳爪沒有骨，爽口又酸辣，是一個醒胃的前菜。冬蔭功，這裡的冬蔭功上菜時會用上小爐熱住，一小煲大概每人可以飲到2碗，湯內有蝦肉、草菇及一些泰國香料，酸酸辣辣十分惹味。青咖哩雞配薄餅，咖哩唔太辣，內裡除了有嫩滑的雞肉，還有泰式茄子、玉米筍等蔬菜，不會有油膩的感覺，而有一種清新的感覺。再配上附有的薄餅，薄餅煎得脆口，而且鬆軟，點上青咖哩醬特別好吃。香辣通菜，通菜炒得好有鑊氣，帶有少少辣。餐廳環境舒適，食物又惹味，值得再次光顧。

朋友介紹話銅鑼灣軒尼詩道澳門逸園中心的Siam 28 幾好食叫我有機會要去下。趁著朋友生日就請佢去嗰度食飯，睇餐牌又真係有好多唔同嘅選擇，而且價錢都唔係太貴，其中一個係廚師推介餐牌，本來想叫泰式燒美國安格斯牛肉，可惜賣晒，最後揀咗泰式蟹肉魚肚羹，呢個係係成煲上，下面有火一路熱住，我地兩個人食都算幾多，味道鮮甜又香，裏面仲有鵪鶉蛋，都好多魚肚，真係好好食👍柏能咖喱配薄餅，牛雞豬可以揀其中一款，個咖喱唔辣嘅，就啱晒我哋食啦，配埋個超級鬆軟香口嘅薄餅，真係食完想再食。朋友好鍾意食榴槤，其實我都係😜所以叫咗個榴槤春卷，春卷入面係榴槤蓉，外脆內暖，榴槤味重又香。