Siam 28

营业中

休息中

雞嘅份量都算多，但皮都有啲多！但啲雞都好滑，點埋嗰兩個醬汁食好正啊！個油飯份量都好夠，一個人食嘅話一定飽🤤加咗$20有兩個小食揀，我哋揀咗燒豬頸肉同埋炸蝦餅🤩燒豬頸肉普通，炸蝦餅係即叫即炸㗎，又彈牙超好食🤤💛去到呢個咖喱軟殼蟹飯，睇張相就知啲咖喱份量勁多，撈飯超級正🤤🤤🤤軟殼蟹嘅份量都唔少，連埋啲咖喱一齊食一流！喺出面食就咁散嗌個咖喱軟殼蟹應該都要百幾$200啦，但呢個飯好似係80幾蚊咋！真係又抵又大跌又好食，支持黃店💛💛💛

魚露生蝦: 生蝦新鮮彈牙, 有2個醬汁點嚟食, 有唔同嘅辣同唔同嘅香, 好少食到咁新鮮嘅生蝦。炒鮮蝦金邊粉: 蛋網包住靚靚。金邊粉濕濕地, 酸酸甜甜帶少少辣(可以加辣椒碎), 本身有少少重口味, 得配合埋個蛋就中和左, 變得剛剛好, 好夾。呢個我遲啲會再encore😋燒豬頸肉: 好香口, 幾趣口。肉質有口感而易咬。有唔同醬汁, 更加帶出豬頸肉嘅香。芒果煎糯米飯: 通常食糯米飯都係蒸, 而糯米係比較飽肚, 食完一餐飯呢個甜品就食唔得多。呢個係煎糯米飯, 個飯壓扁咗, 然後加蛋漿去煎, 出面香口入面煙韌, 即刻冇咁膩同飽肚, 配埋甜嘅嘢椰漿同埋少少帶酸嘅芒果, perfect, 可以食多幾件🤣✨ 之前有泰國人推介, 佢話係正宗泰國菜, 所以好想試。發現夜晚都幾多人, 所以建議要book位。Service非常好, 一餐飯同我哋玩左3次碟, 因為唔想味道被污染, 好貼心。冇限時咁坐, 可以同朋友傾吓計幾好。下午茶比較抵食, 生蝦可以用較平嘅價錢食到。

係銅鑼灣都有抵食 好味 坐得舒適既泰國菜地點方便近地鐵站，出地鐵站行大約1分鐘就到澳門逸園中心成幢都有好多食店主要係貴價日本野同酒吧多哩間Siam28相對價錢較平民店內環境唔算大，枱數量唔太多，建議預先訂位 燒豬頸肉 **必食**肉質嫩 有炭燒既香味 配上5種汁 有辣有唔辣 任君選擇炒鮮蝦金邊粉 **必食**有一層薄薄蛋網包住金邊粉 賣相精緻吸引鮮蝦爽口彈牙金邊粉好有鑊氣 酸酸甜甜 好開胃炒通菜 **必食**鹹度適中 好有鑊氣生菜包味道普通冇乜特別

要係銅鑼灣搵間又平，又好食，又坐得舒服，又唔限時，又唔多人的食肆真係好難。難，但又唔係冇。澳門逸園中心向來係食肆集中地，28樓的泰菜店「Siam 28」有樣嘢好吸引我去試，就係芒果煎糯米飯（$89），平時的糯米飯就咁蒸，但佢做多一個步驟，將飯餅壓平後沾上蛋汁再煎，面頭係有少少脆口同蛋香，然後就食到糯米飯的煙韌。芒果都好香甜，椰漿比較稀同唔夠香。雖然係特別，但定價偏貴，我食返普通版本都已經好滿足。咁呢度平在哪裏呢？就係下午茶。好幾款粉麵飯都係劃一$49，包飲品，唔收加一，星期一至日都供應。分量上亦冇因此而縮小，冬蔭公湯河有兩隻蝦、雜菜、菇菌，河粉幼滑，冬蔭公香濃，如果可以再辣少少更好。炒金邊粉幾大碟，有鑊氣，少少甜加少少酸，旁邊有辣粉畀你自行調味，愈食愈開胃。因為疫情又有再嚴重返趨勢，而家出去搵食都想盡量搵空間比較大，同冇咁多人的食肆，呢度可能係樓上鋪關係，加上下午茶時段，所以冇咁多人，如果免不過要出去食嘢，呢度都係唔錯的選擇。

銅鑼灣價格晚市泰菜，環境比較細但因為本身澳門逸園嘅建築面積唔係大，但仍然都坐得舒服，枱之間有隔板保持食客嘅衛生同安全。三個人分別叫咗3前菜2主菜1甜品，HKD900賣單。八隻生蝦，海鮮我無食，同枱友人形容蝦肉比較無味，要靠一同上嘅5種唔同醬汁輔助一下 ，呢個可以選擇唔叫 。豬肉沙爹串，豬肉非常之"林"，唔會柴亦都保持到豬肉裏面嘅肉汁，豬肉外邊有做到焦脆，加埋沙嗲汁 perfect。同埋每一串肉唔會細細粒，件頭都幾大，呢個性價比幾高。炸通菜， 個感覺就是你去食日式蔬菜天婦羅，我食唔到本身通菜原有嘅味道同埋質感，食到一口脆漿嘅感覺，比較似下酒菜或炸洋蔥。咖哩雞配薄餅2份，正常冇乜非常之特別亦都唔差，反而係個薄餅煎得較為油咗少少。雞肉炒河粉，呢個做得幾好，如果唔係食得辣嘅人可能要睇吓師傅做唔做到少辣，因為一放入口之後個辣勁都幾犀利，但係非常之惹味 。最驚喜就係佢嘅泰式芒果煎糯米飯，係冇錯，係煎。所以佢比起傳統嘅糯米飯多咗個香脆嘅效果，就好似新年大家食煎年糕嘅感覺，配上比較甜嘅椰漿同埋酸嘅芒果，呢個配搭我覺得非常之加分。整體嚟講價錢亦都符合返銅鑼灣嘅價格，或者我會比較偏向食佢嘅午市套餐，會比較

本來打算去銅鑼灣附近另外一間cafe食個飯，同埋切埋蛋糕，點知去到先發現無開🙈唯有即刻搵過間餐廳。睇APP見到SOGO附近有呢間泰國菜，評價都幾好，於是即刻來試下。果然非常高水準😋我地來到嘅時候已經食下午茶嘅時間，menu選擇都唔少，每個set只係$49，包一杯野飲，仲免收加一😱💕。飲品一啲都唔求其，係泰式嘅特色飲品，仲唔洗額外加錢。我地揀左荔枝梳打水，每一杯都有完整一粒糖水荔枝，絕對無偷工減料。至於主食，我地揀左牛肉炒金邊粉同埋牛肉青咖喱配飯。 朋友個碟金邊粉一上枱就畀佢個份量嚇親，估唔到下午茶餐都咁大碟，仲要有好多塊大大片嘅牛肉，絕對無將價就貨。 我就食青咖喱牛肉飯，一開始睇落個碟斜以為咖哩唔係好多，點知食落其實都好夠，咖喱好香椰汁同香料味，平時食泰國野我好驚啲香料味有草青味，佢完全無，剩係好香😆小食都好有驚喜，每個加$20，我地加左泰式鳳爪同炸雞翼。鳳爪無骨易入口。個醬酸酸辣辣好開胃，食到底就更feel到佢嘅辣。我好鍾意呢種辣，越食越上癮。 至於雞翼係即叫即炸，外型睇落似麥當勞個種，但我地實在太餓，加上啲野實在太好味，掛住食唔記得影就清左。下次來食雞翼一定要再叫多次，真係炸得好出

闊別多年好友相聚，選了一個好位置——銅鑼灣，訂了7:00pm Siam 28。早到了小許，但客人不少,仍需等片刻！經探體溫後便入座。我們選擇了鮮蝦柚子沙律丶沙嗲串燒（牛、雞、豬）丶香料軟殼蟹、炸蝦餅、牛腩黃咖喱拼薄餅、濕炒雞河粉、蝦膏炒雜菜和飲品，包括熱柚子蜜、珍多冰和龍眼冰。🎉鮮蝦柚子沙律很喜歡酸甜辣的醬汁和柚子一起吃。因柚子不太酸，拼上酸甜辣的醬汁，令食慾大增！（我相信廚師先嚐過柚子的酸甜程度才衡量醬汁比例，不錯啊！）沙嗲串燒（牛、雞、豬）賣相不錯，沙嗲醬汁鹹甜到位，是很好的搭檔。可惜牛肉有點乾。香料軟殼蟹軟殼蟹炸得很乾身，鹹辣配合得恰到好處，美味！炸蝦餅一向喜歡吃炸蝦餅。這裏並沒有令我失望，脆口外層，彈口內層口感，和五味汁配合起來各有特色，不錯啊！牛腩黃咖喱拼薄餅薄餅美味。以一個吃不得太辣但又想嘗試微辣的人來說，黃咖喱是一個不錯的選擇！只可惜牛腩和薯仔不夠林。濕炒雞河粉端上來的時候，我們曾以為她是蝦膏炒雜菜，但當我們吃的時候發現寛而軟的河粉，才知道我們弄錯了！菜很入味但不過林，沒有糊口的感覺！🍹飲品包括熱柚子蜜、珍多冰和龍眼冰總喜歡把柚子蜜

💛#支持良心餐廳因為慶祝生日 所以openrice訂座時有揀埋訂枱原因係慶祝生日 之後安排坐咗係一個角落位 牆係寫左happy birthday 同其他文宣💛跟住講返食物質素先💰乾炒香辣香葉河粉(牛)$78💰泰式海南雞飯 $78💰跟lunch set 芒果煎糯米飯 +$28💰 跟lunch set追加蒜蓉炒雜菜 +$481️⃣ 乾炒香辣香葉河粉(牛)河粉係有啲一pat pat嘅質地但我幾中意因為有咬口 同埋辣辣地幾惹味配埋椒炒多啲口感 同埋香草味好出牛肉幾大塊 不過都有啲韌2️⃣ 泰式海南雞飯普通到冇得再普通 冇咩野講🤭雞肉可以多啲😂 因為好多都係皮黎雞都唔係特別滑可以揀白飯或者油飯3️⃣ 芒果煎糯米飯老實說我係為左依個而黎😂見到跟lunch set+$28咁抵即刻狗衝點知原來係mini version 得兩舊仔糯米飯🥺但食落呢 我覺得同普通嘅芒果糯米飯冇咩分別😅 只係佢將啲糯米飯壓到好似肉餅形咁 又唔係好食得出外層好脆嗰啲感覺 所以試一次可以了 不過芒果係甜嘅👍🏻4️⃣ 蒜蓉炒雜菜呢個OK嘅我覺得有好多款唔同嘅菜都炒得幾惹味

今次係假日嘅午市期間到訪呢間泰式黃店原來係公眾假期都有平日嘅lunch Menu揀🥳呢個lunch set仲可以加配兩款泰式小食咁就唔使嗌成碟咁試少少😆而且仲可以加配湯、飲品同甜品甜品仲可以加錢轉配芒果糯米飯🥭🍚———————————————#燒豬頸肉 ($89)味道: 7.5/10呢個小食係我對佢固有嘅口感一如既往地好嫩滑😝但味道相對上比較普通燒得唔算太香口整體下係不過不失#青咖喱雞飯 + 荔枝梳打+加配冬陰功湯 + 小食（炸蝦餅+泰式鳳爪 💘推介）+轉配芒果煎糯米飯($78+$20+$28)味道: 8.2/10青咖喱嘅味道甜甜辣辣配飯食頗開胃o(≧v≦)o冬陰功湯味道非常濃郁🙌🏻最令我驚喜嘅係兩款小食都令我好滿意！炸蝦餅非常香脆蝦肉非常彈牙💗而泰式鳳爪嘅味道都係中上酸酸甜甜 仲要冇骨🥰正！芒果糯米飯方面芒果好甜🥭🥭🥭糯米飯煎過之後口感好煙韌 暖暖地咁點椰漿食真係非常之夾！荔枝梳打冇乜特別🤣——————————————環境: 7.5/10 服務: 8.8/10會想再食：8.5———————————————店家資訊•店名: Siam 28•地址:銅鑼灣軒尼詩道路525號澳門逸園中心28

因為武漢肺炎影響 已經好耐冇出街食飯難得出街食飯當然要幫襯返黃色經濟圈🖐🏻☝🏻一直以來都鍾情於泰菜既我經朋友介紹下就試下呢間黃色泰菜由於朋友book左位 一去到就有位 唔洗等叫左辣椒膏炒花甲做小食花甲好大粒 好厚肉 啖啖肉好正😋個汁好惹味 一啲都唔辣 好岩撈飯食🤣唔食得辣既朋友都可以食到之後就叫左炒鮮蝦金邊粉同青咖喱雞配薄餅金邊粉炒得好香口 我地落晒辣椒粉落去點知都幾辣下🤣唔食得辣朋友就唔好落咁多蝦有3隻🍤🍤🍤幾爽口但無鮮蝦味青咖喱雞🐓係一啲都唔辣 有淡淡既椰香雞肉幾滑唔鞋口有好多汁 配薄餅真係一流👍🏻薄餅係煙un 唔係脆身香口個款最後必食既係芒果煎糯米飯🥭呢個好特別 第一次食煎既糯米飯好香口夠煙un 又唔油個芒果係勁甜 好少可食到咁甜既芒果👍🏻

每逢禮拜五，就係同同事出去搵好西食嘅時候😻因為有好多同事都有介紹過呢間泰國餐廳，話佢哋啲咖喱好好味。如果撞啱有同事生日，佢哋會有一份驚喜嘅小禮物🎁Lunch Hour就梗係叫佢哋嘅lunch set👍🏻青咖喱雞配白飯 $78青咖喱比較甜，唔係好辣。雞絲嫩滑易入口，而且配菜都好多🤤用料十分豐富❤️加咗幾滴忌廉落去青咖喱，令到咖喱個口感更加Creamy！炒鮮蝦金邊粉 $98好貼心咁將辣粉分開邊上👍🏻可以按照自己嘅程度加辣粉落去🙆🏻‍♀️鮮蝦煎到金黃色，肉質鮮甜💛金邊粉無落過多嘅油去炒，食落去唔會覺得太油膩👍🏻香葉豬肉碎炒飯 $78糯米飯做底，炒到粒粒分明而且煙韌，食落好有咬口。配埋煎到剛好的太陽蛋，一切落去蛋醬慢慢流落去配合埋飯食，口感絕對一流！

呢間泰國野見有好多話好食，就決定lunch去食。佢好full，最好係繁忙時間去都要訂定位。今次我哋訂咗位，都等左5至10分鐘先入到去。佢午餐選擇都幾多，有咖哩，海南雞，pad thai等等。我今次就點左綠咖哩雞飯和香茅豬肉碎炒飯。有其他同事食黃咖哩飯，比起綠咖哩會比較甜，吾會有後勁的辣味，椰子奶味會轉濃。至於喜歡辣嘅朋友，要試下佢個綠咖哩，一食落口覺得唔係好辣，但愈食愈覺得辣，佢隻辣又唔會令你食吾落野，反而愈食愈好味。至於個豬肉碎炒飯，就沒有咖哩咁出色，炒飯都有少少煙銀嘅感覺，但味道就感覺比較單調，我最後用左咖哩汁送飯🤣🤣見到佢下午茶餐牌都好吸引，幾乎平一半咁濟，如果下次再食，會就下午茶時間去拉😚

吃泰菜，銅鑼灣又多一個選擇。食評沒有呃你，這裏的泰國菜真的唔錯。晚上人客眾多，侍應生很忙碌，廚房應該忙得不可開交。一共點了7個菜，碟子一放下來，便即吃掉了，還來不及影相呢！ 哎呀!忘記了點甜品

Alert! Mouthwatering Thai Style Chicken Rice that’s ready to be devoured.Flavourful, tender, juicy succulent chicken made me left no grain! Literally cleaned the plate. Belly satisfied. The sauces are different to Hainanese style - I prefer that one more.

由於疫情關係, 所以好多時都係屋企煮飯。難得一家人出街食飯, 一定要搵好嘢食。當天全店滿坐, 見到好多walk-in客摸門釘, 好彩有係openrice訂枱咋!點了兩個午餐, 一個是"泰式海南雞飯", 另一個"咖喱軟殻蟹", 再加多$20"蝦餅及沙律", 再加"魚露生蝦"及"荔枝冰"。泰式海南雞飯, 油飯不是太油, 剛好, 有椰香味; 雞肉好滑、好嫩, 醬汁味道不錯, 配上一起食, 好好味。咖喱軟殻蟹的咖喱不辣但好椰香, 適合小朋友食, 但軟殻蟹可能淋咗, 唔好食。蝦餅大細剛剛好, 好香脆、好彈牙。魚露生蝦大大只, 加上蒜頭片同醬汁, 辣辣地好好味。荔枝冰不算太甜, 內有荔枝一大粒。