Siam 28

营业中

休息中

用餐時間：普通星期5 1400呢度lunch set真係可以試到好多野食！我地叫左2個lunch set再追加其他野飲落味道似椰汁+唔辣既冬陰功，都幾好飲正常發揮冬陰功湯，食到佢既酸辣味。雖然睇落比較普通，但係其實都飲到明顯既青檸味，而且幾好飲。第一次試呢樣野。蜂蜜份量可以自己控制，飲落味道幾特別，不過我覺得唔算好好飲。生蝦既配料有生蒜+紅椒，生蒜係幾夾既，不過我覺得紅椒就唔係好夾。兩隻醬都夾得幾好。整體黎講味道豐富，幾好食。炸蝦餅(評分:5/5):蝦餅食落脆口，配埋隔離啲醬就好好食辣泰式鳳爪(2/5):呢個鳳爪整得唔係好入味，食落酸味辣味都唔突出，所以我覺得佢整得唔係太好食。炸素春卷(3/5):正常發揮香蒜香茅雞翼(2/5):呢個食落幾乎無味，令人失望。賣相幾靚，而且份量好大，調味都調得唔錯。咖喱，軟殼蟹都發揮出色，份量+賣相都唔錯，值得一試！最後呢份甜品我就唔係好肯定係咩，不過我覺得唔好食所以食左一兩啖就放棄左。呢度身處28樓，如果坐到窗邊位仲有高樓景睇下！最後埋單$312，2個人平均每人$156。呢餐食物整體黎講唔錯，而且試到好多野，服務態度都幾好，所以性價比真係幾高！

發覺自己對泰菜嘅craving真係食極都未滿足到🤪今次嚟到Siam 28💛 點番個Siam 28 Signature嘅紅咖哩燒鴨～ 好鍾意佢地嘅咖哩可以揀配Roti薄餅，Roti外層脆脆地，口感酥香，配咖哩食真係perfect，半份絕對唔夠喉！紅咖哩同燒鴨兩樣都係重味嘅食材，夾埋又別有風味。冬蔭公香濃足料，蝦同菇類都係基本嘅，有辣度但整體偏酸，有個蠟燭仔熱住可以慢慢飲，兩個人都分到幾碗。燒豬頸肉肉質嫩，點泰式辣汁好惹味，如果燒得耐少少相信會更香口。最吸引嘅都係芒果煎糯米飯～餐廳特別將糯米飯整成一舊舊，加蛋煎到金黃色，外面微脆咬落似年糕依然軟糯煙韌；芒果可能唔當造所以唔算甜，不過加埋椰漿都好好味，夠晒特色😋最後當然都係要飲番杯泰式奶茶啦🧡

係銅鑼灣想食泰國野，本身有兩間，見到呢間多人like，揀左佢，都唔錯，坐左差唔多3個鐘🙈服務好好，狂添水俾我地。野食都算OK，個冬陰功湯竟然有4隻大蝦，個肉碎包都好食，青咖喱就無想像中辣，最後加左個牛肉炒河，唔記得影相，都好食！整體OK，大家可以試試佢，好好懲罰下佢：）

午餐Siam 28同事話呢間好味，又可book枱，咁今日試下軟殼蟹飯份量細，我唔夠飽餐飲有香茅茶，呢個唔錯，幾好味其實唔平，午餐要加一，接近＄100。唔明咁多人去食，又嘈

A nice and delicate style Thai dinner The drink menu is having some Thai special recommendation and have pick lemongrass cocktail.Balance with the lemongrass and mint ,the drink is refreshing and not choking than expected.Fried pawn pad thai is good looking and taste nice .Chicken Curry is fine but just personally feel the naan( pancake) is too oily..Dessert ( mango sticky rice ) is the most delightful dish. The sticky rice is pan fried with biscuit sharp which match amazingly with the coconut

銅鑼灣出名多嘢食，今日特別想食下泰國菜，見到呢一間餐廳都有幾多好平所以特別黎試！環境：今次間餐廳雖然唔係地舖，但係午飯時間都有好多人特登上嚟。餐廳內部嘅位置唔算多，所以如果多人嘅話可能都要等下位。同埋因為面積比較細嘅關係，所以為同位之間可能都會比較近，都會有啲迫。食物：今次我叫咗個船麵，呢個船麵非常之有驚喜！一般喺香港食到嘅船麵都會比較淡，但係今次呢一個係非常濃郁嘅湯底，同泰國嘅船麵真係好似！而且味道上同泰國嘅亦都不相伯仲！已配料方面都係一般嘅配料，唔係真係非常特別。

困在香港，不能去旅行又想念曼谷，怎麼辦？只可以去泰式餐廳吃海南雞飯，豬手飯，飲冬蔭功湯。這裡的午市餐單，可以滿足我所有願望。午餐加20元有2款小食，選擇多元化。最欣賞冬蔭公湯，很足料，有各種泰式香料及配菜。酸而不辣，既醒胃又適合只能淺嘗辣的客人。青木瓜沙律新鮮，同樣不辣 ，好奇餐廳是否為了迎合港人口味。雞飯同豬手飯都偏普通，份量不少，肉質有咬口，但個人鐘意入口即溶。甜品的口感好差，食落去好似有渣，一點也不像糕點。飲品有香茅，味道比較特別，入口也不錯。

看到多人說ok,上星期日夜上帶家人去食，全部的食物只有散叫，原有的全日餐亦都沒有。食物價格高於價值，問題是枱與枱相隔太窄，鄰近枱的對話全部都聽到，只好盡快食完離開☹️。

今日去銅鑼灣，好耐冇去旅行突然好掛住泰國，就去揾泰菜食，上openrice睇，介紹哩間，喺崇光附近，近近哋上去試下。我哋四點左右到，有下午茶食，49蚊有嘢食又有嘢飲，都幾抵食。仲可以追加小食添。我哋叫咗泰式香葉豬肉碎飯＆肉碎炒粉絲，我哋追加咗生蝦＄58＆蝦餅＄20。香葉豬肉碎飯一般，香葉太少唔夠味，炒粉絲ok，幾好味。生蝦麻麻哋，唔太新鮮，有6隻。蝦餅好食。包兩杯嘢飲。好抵食總括嚟講，不過不失，抵食。咁嘅價錢差唔多喇。

喺銅鑼灣中心地段，裝潢雅致、座位非常舒適又有足夠空間。菜色選擇多元化同有特色，賣相好，味道亦甚佳，服務仲好貼心，非常值得推介。 店內有一個壁報板，好有親切感。🔹原隻泰式魷魚🦑鮮味十足，原條上勁大隻😍完全唔怕韌，汁料調味做得啱啱好！🔹魚露泰式生蝦🦐新鮮同爽口， 份量十足，配汁略嫌普通。🔹泰國特色鮮豬肉腸🌭混合咗香料嘅香腸，味道幾特別，似泰式Salami，好食，雖然食左好多片都唔太知其實佢係生定熟😂。🔹炸女婿蛋🥚問侍應先知原來係白鴿蛋，細細原粒入口，炸得夠香，配菜嘅味道亦好唔錯。🔹香蒜香茅雞翼單骨雞翼食落幾方便，都有香茅味同夠脆，但炸得乾咗啲。🔹香葉炒花甲🐚全晚唯一一個令人失望嘅菜式，花甲份量少，醬汁過濃過多，完全蓋過鮮味。🔹香蒜香茅燒雞🐤超正! 食到停唔到口，香茅入味， 燒得剛好，外皮脆而雞肉鮮嫩😋。🔹泰式炸蝦餅🦐正常水平，味道唔錯。🔹炒鮮蝦金邊粉有網格蛋皮包住加大蝦，賣相靚，炒得岩岩好，唔會太濕或過乾。🔹冬陰功🍲香濃但偏酸，唔算辣，不過不失。

nice place to eat thaigreat atmosphere and nice service spicy food tastes good鴨鬆沙律蝦餅 冬蔭功帕能咖哩薄餅鴨鬆今次冇叫小辣辣得好過癮然蔭功飲得舒爽 正丫飲落去 gur 個薄餅吾夠鬆蝦餅好食。最重要要有 sauce 之前有五種 但可能太耐冇做晚巿。俾左一隻泰辣醬 only, 問左店家，佢地都吾好意思冇準備到。但係之後，有攞多個 sauce 俾我地，補償翻啲希望之後，有翻啦

銅鑼灣澳門逸園中心有多間餐廳，今次跟朋友試這間泰菜黃店。星期六lunch time不算多人，店內環境都好舒服。兩個人點了2份lunch set share，再加2款小食跟甜品，埋單$250左右。泰式咖喱軟殼蟹配白飯（$88）咖喱汁好香好好食，配白飯食好開胃。炒鮮蝦金邊粉（$98）賣相討好，鮮蝦爽口彈牙，金邊粉炒得一點也不油膩。份量頗大，一個人食完會好飽肚。小食方面選了炸蝦餅跟燒豬頸肉，新鮮整起入口熱辣辣，味道OK但沒有太大驚喜。芒果煎糯米飯，第一次見用煎的做法好特別。糯米飯煎得稍為脆口，芒果香甜完全不酸，跟餐份量細細剛剛好。食物質素高，店員亦非常有禮貌，絕對會再去支持的黃店！

首先環境舒服 地理位置方便員工服務態度超好細心+醒目 店長好忙但係好take care客人需要 #非打手 #好想係留言板寫野xD必再黎食 #推薦冬蔭功湯馬咩文咖哩糯米飯好新穎 但又好好食！希望入多d泰啤同泰國野飲

第三波疫情稍為回落，晚市堂食放寬終於出街食飯，今次試咗喺sogo附近嘅上樓餐廳，景觀唔錯，食物質素亦然。我同友人都唔太肚餓，所以只喺嗌咗兩樣嘢—— pad thai同埋咖喱，咖喱喺唔辣帶少少甜味，同牛肉幾夾，薄餅喺咖喱附送。pad thai個人覺得味道略為淡，我比較鐘意酸甜味再重啲嘅pad thai。侍應service幾好，喺會再回頭幫襯嘅小店

今早去咗銅鑼灣睇戲，睇完戲就係附近食Lunch，去咗一間泰國餐廳叫「Siam 28」，我哋叫咗2個午餐Lunch Menu (1️⃣+2️⃣，價錢 $62 - $98)1️⃣ 主菜 (多達 10款選擇)- 泰式海南雞飯 配 油飯 $78- 泰式豬手 配 白飯 $782️⃣ 飲品 (多達 4款選擇)熱蜂蜜香茅茶 x 2另加 $20 可額外有以下：3️⃣ 2款泰小碟 (多達11款選擇)- 炸蝦餅 + 泰式鳳爪- 燒豬頸肉 + 沙嗲(雞)4️⃣ 湯 (冬蔭什菜湯或椰汁什菜湯)椰汁什菜湯 x 25️⃣ 甜品整體來講，這間餐廳食物水準不錯👍🏻價格💰：$215 ($78 + $78 + 20 + $20 + 加一服務費$19.6)味道😋：OK